淥鼎記

营业中

休息中

因為有家人生日，所以一行9人就去咗觀塘分店慶生。星期日8點半都坐無虛席，因為係可以由5點半開始無限時食到11點！😅無大枱，我哋要分兩枱，我哋揀滕椒烤魚，隔離枱揀椰子雞煲，一坐低就先來4小碟，跟住刺身，再來盆烤魚，加上隔離枱送來嘅椰子雞湯，嘴巴都無停過，食完就上美人花膠湯打邊爐，又跟盆海鮮同油花比例平均嘅牛小排同4小碟，基本上淨係以上已填飽7788，再加上隔離枱又張點多咗嘅肉類比埋我哋，根本無乜點菜單食物已要攬住個肚……最後食埋Hagaz-das 雪糕完美結束走人。食得到係低食嘅，食物質素都唔差！

2月29日中午 觀塘祿鼎記飲茶， 您們服務都幾好， 平時帶位女職員都唔錯， 樓面又快手! 今天不是平時哪位帶位職員，今天帶位女職員平時態度都惡劣,今日就粗口爛舌，問候客人。入面大把位，都叫客人喺出面等位， 問佢幾時派位， 就發爛渣發惡粗口爛舌，我一句粗口都冇講過， 我問妳幾時派位，妳們女職員就話叫人等， 我話入面大把位，我問等到幾時， 妳們這位粗口爛舌女職員 ，係到玩手指都唔派位畀客人入座， 之後就粗口還飛 。 妳用粗口鬧人，妳代表間公司？？ 我有視頻 ，老闆看看您們職員，服務唔好，唔好食我可以唔嚟唔幫襯， 我亦都唔會投訴。 今次係妳們職員用粗口鬧客人， 服務賓自如歸

呢幾日凍凍地突然口痕想食重口味野，朋友推薦我食呢間，揀左最平嘅小寶套餐，估唔到意外地好味，同行嘅細佬都覺得幾好食。可以揀三款主菜，我哋如題地揀左雞煲（小辣）二人份好夠食，而家我哋慢慢食，啲雞都算幾嫩唔鞋嘅。火鍋湯底揀左花膠美人鍋，入面有10舊8舊花膠，老實講當然唔係啲咩靚花膠，但以火鍋來講都正正常常嘅，湯底都幾甜飲咗2碗。肉類黎講我哋主要都係叫安格斯牛板翼，肉味好重又夠香，其他貨色都係一般，不太推薦。當然出面仲有個櫃可以自行拎蔬菜丸類，我就冇乜點拎，都係食安格斯牛板翼居多。冬季仲有好多嘢飲，當然有常見嘅可樂忌廉，仲有自製冷泡茶，例如茉莉同埋有竹蔗茅根，食完啲熱氣嘢飲返啲涼嘢都幾爽。整體感覺都唔錯，有機會會再返轉頭食。如果亞太中心個廁所可以乾淨啲就更好。

淥鼎記 📍觀塘觀塘道414號1亞太中心8樓手工點心、火鍋、烤魚通通都有得食今日放假🕵️‍♂️同屋企人去左位於觀塘亞太中心淥鼎記飲茶☕️點心款款精緻而且即叫即蒸上碟新鮮熱辣、款式選擇多、味道唔錯👍🏻最正係有卡廂～坐得好舒服😁更可以每人簡一款茶葉～以茶包上叫左幾款點心：鳳凰鮮蝦腸粉五年陳皮牛肉球沙嗲蒸土魷蟹籽龍皇燒賣黃金蝦餃皇鳳瓜排骨蒸飯～用上珍珠飯～埋單二百零蚊～抵食又好味～絕對會再來幫襯👍🏻

1️⃣太極黑糖馬拉糕太極圖案上嗰個金色點，都幾閃，幾 eye-catching，2個太極圖案可以分開食，都幾有趣！馬拉糕口感鬆軟，整體唔太甜，有傳統嘅味道。2️⃣嫣紅奶黃流沙包裹面奶黃好滋味，包面金色圖案閃閃生輝，賞心悅目🥰3️⃣五年陳皮牛肉球每個牛肉球面都有一小條陳皮，陳皮同牛肉 可以話係 perfect match，而且可以將個牛肉球嘅味道提昇4️⃣蟹籽龍王燒賣都幾大粒，整體味道唔錯5️⃣元肉杞子上湯鮮竹卷雖然唔係好特別，但係味道都好味，而且又養生😉6️⃣紅豆抹茶糕熱辣辣，口感軟熟，紅豆配抹茶絕配。🔸自家師傅整點心🔸點心只有早市同午市，晚市係食 hotpot、小菜🔸多款點心造型有特色，看得出師傅嘅用心🔸卡位座好舒適寬敞

We did not go out to eat at Kwun Tong for a long time. Therefore, we searched for some good food in the district. We found a famous hot pot restaurant. Therefore, we go and try. We order 小寳set, then we can choose a main dish. We chose Stewed fish with pickled cabbage. There are four more side fishes provided. After finishing all, we feel full already… Then we can start our hotpot time, we can order meat through the app, and vegetables can be found in the outside buffet area. All the food is tast

淥鼎記原來午市飲茶點心都好好味👍🏻👍🏻今日兩個人叫咗幾款點心同一個雞煲，我哋叫咗中辣，其實唔太辣雞煲上菜熱辣辣店員好細心話俾我哋聽幾分鐘後可以食，打開香噴噴舊嘢味👍🏻👍🏻雞肉超多食極都有，仲要勁多配料配菜，雞煲醬汁屬於濃味但唔會食完口渴淥鼎記打邊爐，我一向知道好味原來午市茶界飲茶、點心都非常之正👍🏻👍🏻👍🏻我叫嘅三款點心上菜都熱辣辣😍下次要多啲人嚟有好多款式我都好想食

午市飲茶食點心，價錢唔貴款式好多，而且坐得舒服晚市仲可以打邊爐高橋蘿蔔糕～必食賀年食品，寓意步步高升，非常足料，擺盤吸睛😍五年陳皮牛肉～真係用5年的陳皮去做，口感嫩滑👍圓肉杞子上湯鮮竹卷～鮮竹卷吸晒上湯的鮮甜😋蟹籽龍皇燒賣～非常足料，新鮮熱辣👍黃金蝦餃皇～大大粒，蝦肉新鮮又彈牙😍松露帶子腸粉～香氣濃郁的黑松露鋪在嫩滑的腸粉皮上再包住鮮甜的帶子❤️脆皮鳳梨叉燒包～包皮香脆，叉燒餡料多，而且裏面真係有新鮮鳳梨（菠蘿包真係有菠蘿㗎）👍

冇話情人節一定食西餐先叫浪漫打邊爐都可以吖~今晚去觀塘淥鼎記食呢個 最有特色又夠霸氣~ 🥢牛小排/牛頸脊/牛柳粒/牛舌拼盤各部位牛肉全部合格，淥過龍都未算好鞋，尤其牛小排油花好靚，又估唔到牛舌打邊爐都夾㗎喎🥢生醃原隻西澳龍蝦鮑魚天使蝦刺身擺盤好靚，酸酸辣辣，食落又有D醬油蝦醬油蟹feel 好特別，龍蝦頭仲可以放落火鍋湯底等佢滾出味🥢原隻象拔蚌刺身非常新鮮爽口冇雪味，點wasabi 正~🥢淥鼎記招牌酸菜魚（六揀一）本身諗住叫重慶雞煲，不過見好多人都讚酸菜魚，就揀嚟試下，魚片當然冇骨同好滑，份量勁多，不過唔係好夠辣，可能我哋叫左少辣啩。🥢現切沙巴躉切成魚片再砌返條魚出嚟，考功夫，又得體，食落先感覺同酸菜魚好似重複左 (所以應該要雞煲先啱)🥢豉椒炒鵝腸乾淨冇腥味，爽口，炒得夠鑊氣，大排檔風味🥢紫菜響鈴卷中間夾住塊紫菜，食落多個味道，幾有特色

今日2月17號星期六中午去觀塘祿鼎記食酸菜魚,很快送到枱上,但見窩酸菜魚完全冇熱辣辣及香味食時發覺魚肉祇系小小熱,湯底微微暖，湯內大豆芽/萵筍/配菜都仲係生嘅,裏面嘅粉條仲係硬身配菜食唔到.頗為失望

呢日係中同朋友仔最後一日放平日假（一個好特別既原因），所以我都請左半日假同佢慶祝。呢間點心邊爐店係觀塘好出名，間唔中都有聽朋友同事提起，所以就決定黎試下。黃金鮮蝦餃皇$19.8 (兩件)好飽滿，蝦肉彈牙，朋友話要Encore，真心幾正。蟹籽龍皇燒賣$19.8（兩件）同蝦餃一樣，大大粒。蝦同肉既比例1:2左右，偏向彈肉，唔會太實或一咬就散。野菌鮮蝦菜苗餃$30外皮既口感係蝦餃同粉果中間，包住既菜苗保持翠綠，提高左整體爽脆既口感，野菌同蝦假味道好夾，唔錯。松露帶子腸粉$34見個名咁勁，就叫左黎試下。雖然松露不多，但有帶出帶子既鮮甜味，腸粉都唔會過厚，而且幾滑咁。沙嗲蒸土魷$39沙嗲好香濃同幾掛汁，土魷每舊都爽彈，唔會咬唔開。流沙紫薯$30幾有創意，成舊都係紫薯味。外脆內流心，朋友話要食兩舊。柚子蜜桂花椰汁糕$26又一清新創意既小甜品，食落微甜，幾有層次。朋友好欣賞呢間既點心同環境，過左幾日，又搵左佢屋企人黎食，哈

今日見天氣涼左少少想打下邊爐，就決定試下尼間朋友推介位於觀塘既淥鼎記試下，一入門口見到餐廳既裝修好雅緻，門口仲有舞獅既公仔，好有過年氣氛。我地今日點了老壇酸菜魚仲有錦繡拼盤，先食餸再打邊爐，老壇酸菜魚味道幾好,份量亦都好足，酸菜味濃郁香甜，魚肉夠大片而且無腥味，最特別係有花生芽，不單營養豐富而且味道爽甜，非常開胃。錦繡前菜拼盤由四款小食組成包括泰式鳳爪，牛肚絲，木耳同香腸。食完前菜我地就開始打邊爐，我地點了花膠美人鍋，湯底都幾好，仲有好多片花膠，這裏的牛肉同豬肉都偏向厚身點，唔會好薄，食落口感幾好，肉味亦較濃。打邊爐丸類亦很多選擇，比出面任食既店舖更多，好似金不奐豬肉丸出面都好少見。飲品方面這裏除左有汽水，罐裝蘆薈汁果啲之外，亦都有自家制既茶飲同竹蔗茅根作為打邊爐降火幾貼心。這間餐廳打邊爐出品都幾好，款式多樣化，值得一試。

今日凍凍地，同朋友去左食打邊爐。 朋友介紹觀塘呢間淥鼎記，聽個名已好特別，黎到果然係好有睇頭。首先地方都算幾大，唔會坐得好迫，最正係佢開放式擺菜肉既地方好衛生，連一盤盤菜都用保鮮紙包好晒，真係食得好安心。 睇落菜又新鮮好多，唔會亂漕漕，好得。 仲有丸類都勁多款，響鈴又夠脆。 最正佢唔止有出前一丁，竟然仲有福麵，打邊爐食呢啲麵真係好開心。而頭盤係一大碟酸菜魚，魚質夠嫩滑，我地簡左少辣，都好好味，而佢下面既配菜都好出色，唔會勁強芽菜，麵咁，係有花生苗，蓮藕片之類，真係好好味。我地叫既係小寶套餐，除左酸菜魚頭盤就係自助邊爐。 我地叫左美人花膠湯底，湯好好飲，花膠好大件好厚身。個餐包4款牛，豬，羊同雞。 佢地既肉都好新鮮，所以不斷點其實都好夠食。今日真係食得好滿足，果然係值得推介。

上星期早放工， 試吓觀塘道414號亞太中心8樓淥鼎記打邊爐放題，那時是6pm不用等位，店鋪光猛乾淨，服務員態度有禮快手。我們点小寶套餐有40多款火鍋配料無 限任食，還有二個主菜任選，重慶麻辣雞煲，我們選老壇酸菜魚， 大大碟酸菜魚，份量3人食也足夠，魚肉嫩滑新鮮，加少少微辣，更加惹味。還有4款小食前菜腸仔，無骨鳳爪，牛肚和木耳，少許辣😋😋好味。湯底花膠白蘿蔔好鮮甜，用手機落單肥牛片，豚肉片，雞肉片肉質新鮮，有質素👍👍，自助區有數幾十種蔬菜，清洗乾淨用保鮮紙包著清潔衛生👏👏冬瓜， 粟米， 蘿蔔 ，南瓜 ，各式各樣餃子及丸子非常味。響鈴和炸魚皮乾身冇油，好食抵讚。 二，三個雪柜有數十幾款鴻福堂盒裝和地道飲品，應有盡有。下星期天氣變特寒冷，約多幾位朋友一齊再來試試😋😋

今日我和朋友去了觀塘行街, 朋友忽然說想吃點心, 於是我們便來了這間餐廳吃午餐.餐廳點心款式都很多.蟹籽龍皇燒賣(2件): $19.8燒賣好彈牙, 幾香口, 吃到蝦肉很好吃. 而且大大粒, 夠哂滿足.高橋蘿蔔糕 (6件) : 比較少吃到炸的蘿蔔糕, 又幾特別.  蘿蔔糕不會很多粉, 好多蘿蔔, 好足料, 幾香口, 不錯.黃金蝦餃皇 (2件) ($19.8): 蝦餃大大粒, 好多蝦肉, 真的很彈牙, 好飽滿, 幾好食.鳳爪排骨蒸日本珍珠飯 ($38) ; 鳳爪大大隻又幾入味幾好食, 然後排骨都好多, 好夠滑, 好香, 幾好食. 日本珍珠飯又食得出同普通白飯真的不同, 個質感是有不同, 口感較好.豉蒜蒸排骨 ($28) : 蒜蓉味幾香, 排骨幾香幾好食, 不錯.杞子棗皇糕 ($26):  紅棗又好香, 杞子明目, 滋潤養顏, 真的是女士恩物, 非常滋補.最後加左haagen-Dazs朱古力雪糕 ($20) :好香滑, 朱古力味幾香濃, 不錯.計埋茶介$9, 最後埋單都只係$217,真的一點也不貴。