淥烚年代

营业中

休息中

呢排天氣好熱，但係都無阻我哋好鍾意打邊爐。🤣 呢間火鍋店係朋友介紹，位置好方便但冇人介紹真係唔識黎。.我地叫咗個二人餐，兩個湯底實在太好，因為男朋友唔食芫荽，我又唔食辣。所以我哋叫咗麻辣鴨血同埋芫荽皮蛋。想講本身個湯底已經好多料。.打邊爐點可以唔食肉呢，大推呢度嘅安格斯，我哋兩個都覺得好好食好滑。另外個海鮮拼盤都好高質，尤其係白鱔片好爽口。手打肉丸都好正。同埋有急凍稻庭烏冬，成件事即刻好美滿。.最後呢個價錢係尖沙咀打邊爐嚟講，真係好抵，加上食物質素真係幾好，又食到我哋兩個都勁飽。同埋呢度原來有私房菜，下次都可以試吓。

尖沙咀亞士厘道有好多唔同特色既餐廳，原來喺樓上有間食私房菜既火鍋店 - 淥烚年代！一入餐廳見到餐廳面積唔算好大，設計同裝修都比較摩登時尚，唔算真係好”六十年代”🤣餐廳其中一個主打係私房菜，不過今日我同朋友食既係佢地個四人套餐$1138，價錢比較得宜🤔呢個套餐可以選擇一至兩款湯底 (麻辣鴨血鍋、芫荽皮蛋鍋、沙嗲濃湯鍋、鮮茄雜菜鍋)，我地揀左鴨血同皮蛋鍋，我個人唔食辣，只係試左個皮蛋鍋，覺得料好足而且清清地幾唔錯👍🏻個set亦都包左好幾多款火鍋料，包括豚肉片、手打四寶丸、鮮炸響鈴、蔬菜拼盤、稻庭烏冬等基本上係火鍋必備既配料🤍但值得一提既係:龍蝦海鮮拼盤個拼盤既貌相一望到都要打打卡先🤩有啖啖肉又爽口既澳洲龍蝦、大蜆、台山蠔、白鱔片等，豐富之餘仲鮮味十足😌個人非常滿意龍蝦嘅份量手切安格斯牛肉片砌成玫瑰花狀，紅肉望落都幾新鮮，加上有雪花既條紋，未食都知係軟滑好食🤍鮮炸響鈴上菜嘅時候做油油地熱辣辣，食得出係啱啱炸好！整體而言，火鍋料嘅質素唔錯，略嫌份量較少，四個為食鬼食就唔太夠🥲

難得同呀媽出去食飯，梗係要揀間啱佢心水嘅餐廳🤩呢間餐廳滿足到佢幾個願望，又可以叫火鍋，又可以叫私房菜，最後佢就集中嗌火鍋😆提早預訂位置仲有八八折添！喺未揀湯底之前，店員已經好貼心咁攞定調味盤出嚟，調味料選擇都好多，可以調製到最啱自己嘅醬汁❣️火鍋湯底選擇都好多，有麻辣鴨血鍋、芫荽皮蛋鍋、沙嗲濃湯鍋、鮮茄雜菜鍋，單款或雙拼都得，我哋就叫咗麻辣鴨血鍋、芫荽皮蛋鍋，又清淡又邪惡😈湯底料都超豐富，鴨血煲入面有鴨血、豆腐，而芫荽湯除咗芹菜之外，，仲有好多件皮蛋、瘦肉等，齋食湯底料其實都飽飽地🤣由於我哋唔算太肚餓，就主要單點，散點嘅選擇都好多，可以滿足晒我呢一個食肉獸👾爽滑豬頸肉 ($58)未煮熟之前肉呈乳白色，食落唔覺好肥唔會好膩，不過不失紐西蘭羊片 ($78)食落去完全唔覺得羶！可能因為煮得耐得滯，煮熟咗之後比想像中細塊🤣鮮雞件($68）雞肉嘅肉質非常嫩滑，餐廳所提供嘅雞件亦都好多肉，食落啖啖肉好滿足😂不過相對可能因為腌嘅時間較短，肉味冇想像中咁重日本稻庭烏冬($28）吸收晒湯底嘅精華，麵質彈牙總括而言，肉嘅質素都非常之好，肥瘦分明，亦都超愛佢個湯底🤩可惜份量相對上比較少，不過對於我哋今日唔算太

炎炎夏日約埋三五知己到九龍公園泳池暢游之後，其中一位好友提議到附近海傍道寶豐大廈淥烚年代在冷氣下打邊爐。大廈搭lift上2樓便是淥烚年代私房菜餐廳，需然地方唔算寬敞但勝在坐得舒服和食材新鮮，侍應殷勤招待，先遞上各款調味料，我們叫了沙嗲湯底和芫荽湯底。牛肉拼盤包括不同部位的牛肉，而且很貼心介紹每一個部位的名稱也有肥廋均勻的日本黑豚肉都是肉嫩脂香，肉汁豐盈。爽脆新鮮鵝腸、白鱔片和鮮嫩粉腸，還有鎮店之寶自家製作的三拼丸，黑松露豬肉丸、金沙牛肉丸和清酒蝦丸；雙拼丸餃有鮮蝦雲吞和養顏桃膠餃都是富有特色和獨特口感！午市套餐也是很有特色下次要再來試試，包括養生燉湯和特色蒸飯。

今日同屋企人嚟到尖沙咀嘅淥烚年代，位置都好方便。黎嘅主要目的係佢地嘅湯底😍同其他餐廳好唔同，真係用老火湯黎做湯底，喺開始打邊爐前係可以每人一碗嘅，我地就揀左鹿茸菌花膠湯，雖然還未湯底，但係都絕無欺場，非常足料，亦都無味精👍🏻👍🏻我地叫左呢個4人餐，牛同豬就基本啦，但基本得黎無諗過份量咁多，而且唔係普通街市肥牛，而係高質嘅手切安格斯牛肉。不過最出色嘅都係呢個海鮮拼盤，有龍蝦、大蜆、蠔同鱔片，龍蝦啖啖肉，唔係用啲蝦殼黎充撐場面，超足料仲要勁新鮮😍😍😍另外佢嘅丸都係手打嘅，絕對唔係就咁現成買，但最最最值得一讚嘅係佢嘅響鈴係鮮炸架！上嘅時候仲熱辣辣，攤一陣之後即刻變脆，絕對夠曬誠意👍🏻👍🏻

前晚跟朋友去左呢間位於尖沙嘴海防道嘅樓上火鍋店，食左個非常滿足嘅火鍋四人餐！餐廳地點非常方便，裝修有格調，而且店員服務態度非常好。四人餐價錢$1138+10%和醬料費，可以話非常抵食，所以喺度同大家推薦一下：鹿茸菌燉花膠湯底：花膠大大舊，非常足料！更加重要嘅係無味精，所以可以飲完碗靚湯再落料打邊爐！海鮮拼盤：賣相一流而且非常豐富，有啖啖肉嘅澳洲龍蝦、爽脆嘅脆肉鯇、肉質鮮甜嘅大蝦同埋大大隻嘅蜆手切安格斯牛小排：大大盤，而且肉嘅脂肪紋好靚，一睇就知道質素唔錯！食落去牛味十足，正！日本黑豚肉：擺盤好可愛，而且肉質唔會好鞋，果然係日本黑豚肉！鮮炸響鈴：熱辣辣新鮮炸出來，非常香脆！手打四寶丸：十分精緻嘅手打丸，我特別鍾意蝦丸，非常爽口彈牙！田園盛：好大盤嘅雜菜，每樣菜都好新鮮，當中嘅粟米非常甜！醬料：餐廳同頗多配料俾客人自己調

太太生日，今年選擇到源於佐敦吳松街「尚鮮火鍋海鮮料理」的分支店，「淥烚年代」再試下精品火鍋以外嘅私房菜，由於老闆之一及大㕑都過左新店撐場，所以水平依然保持高水準。雖然一行五人，但老闆（史提）知我為太太慶生，所以特別安排咗獨立房比我地（全店共有三間房）。今晚菜單一星期前同老闆溝通過及經其安排後，令7餸1湯嘅全海鮮餐更出色。由七點食到十點，全家人都非常滿意及享受今晚豐富晚餐。1. 北海道海膽、帶子剌身（12份）2. 金目鯛剌身3. 椒鹽金目鯛魚頭腩4. 蒸扇貝配日本葛粉（非粉絲或薯粉）5. 椒鹽珍寶瀨尿蝦(6隻)6. 上湯龍蝦配鍋巴(兩隻共四斤)7. 黑松露西蘭花炒雙蚌8. 海底椰螺片湯*芒果拿破崙蛋糕+兩支香檳(自攜)

自從通關之後尖沙咀海傍道熱鬧很多，為慶祝母親節將至，我和家人一早已經book 咗尖沙咀地鐵站A出口鄰近海傍道寶豐大廈淥烚年代私房菜吃火鍋。裝潢實而不華。首先來過鴛鴦湯底，分別芫茜湯底和沙嗲湯底，再來一盆有多款不同部位的牛肉拼盤 ，精緻金莎手打牛肉丸，口感一流。黑松露肉丸 也不遜色，自家製品牌有獨一無二的養顏桃膠素水餃 ，很有特色。大大隻鮮甜爽口的鮮蝦雲吞，餡料豐富。我最喜歡將煙韌烏冬和新鮮爽脆鵝腸 放入沙嗲醬湯底 , 簡直冇得頂，加上侍應的殷勤款待，令這個母親節充滿溫馨和滿充的感覺！

打邊爐吹水好地方♨️🌬️.平時行過海防道都唔太覺有間打邊爐嘅餐廳，而出街打邊爐印象一向都係周圍都好嘈傾唔到計，呢度可以畀你安安靜靜同friend子們傾下心事😮‍💨👯‍♂️👯‍♂️唔使拍待應送遞火鍋料時撞嚟撞去。發咗癲食咗好多款怒未能盡錄，主要會揀啲highlight推薦項目！.1️⃣白鱔片($138)上枱時有10塊，大約淥20秒左右就食得，首先縮水係必然，但佢無乜骨、魚肉唔散好鮮甜要讚👍🏻其次係個魚皮淥熟完超級脆同爽口.2️⃣珊瑚蚌($98)無怪腥味、雪藏味，淥完縮水程度可接受，肉質爽口.3️⃣炸響鈴($58)呢個真係必點！！佢絕對唔係用來貨pack好嘅響鈴，你係睇得出佢人手即炸，件件都係脆口熱辣辣，浸落湯兩三秒就食得😋. 4️⃣百花釀油條($68)呢個其實係蝦膠釀油炸鬼，鮮味十足，美中不足係略嫌個油炸鬼偏硬有少少刮口，如果唔係都係中上水平的🌟.性價比：🌕🌕🌘🌑🌑美味度：🌕🌕🌕🌕🌑獨特性：🌕🌕🌕🌑🌑.♨️淥烚年代 (尖沙咀)📍尖沙咀海防道32-34號寶豐大廈2樓.@the60s_hotpot #淥烚年代 #打邊爐 #火鍋 #hotpot #尖沙咀美食 #香港好去處 #九龍好去處 #新界好去處 #性價比高 #香港

淥烚年代除左顧名思義有火鍋之外，仲有超正中式海鮮私房菜😋四個人食五餸一湯夠晒食，仲有大隻龍蝦扇貝等高級食材～1️⃣龍蝦炒飯⭐️⭐️⭐️⭐️⭐️以炒飯舖底吸收晒龍蝦嘅鮮味，上面大大隻龍蝦超鮮甜多肉夠晒新鮮，鍾意食海鮮絕對不能錯過！龍蝦起好晒肉好方便，唔鍾意剝甲殼類嘅女仔朋友都可以用筷子就食到美味嘅龍蝦肉。加上上湯淋喺面，絕對係值五星嘅菜色😍2️⃣粉絲蒸扇貝⭐️⭐️⭐️⭐️⭐️又一道滿分嘅海鮮菜式～扇貝大大隻之餘仲有好大塊橙膏，放上蒜蓉一齊蒸逼晒啲鮮味出嚟，扇貝嘅汁由粉絲吸收晒，啲粉絲充滿精華好鮮甜！3️⃣冰鎮咕嚕肉&手撕雞⭐️⭐️⭐️⭐️除咗海鮮，肉類一樣出色。咕嚕肉熱食得多，冰鎮夠晒特別～個盤加埋幻燈效果，賣相一流，而冰鎮之後嘅咕嚕肉鎖住肉汁，外脆內軟，而且冷盤好fresh，加埋火龍果夠晒開胃，食極都唔會滯🤩手撕雞有青瓜伴碟，都好清新，有肉有菜飲食均衡～4️⃣雙蚌 - 珊瑚蚌&象拔蚌⭐️⭐️⭐️⭐️啲蚌好彈牙爽口～清清地夠晒新鮮，襯埋好fresh嘅西蘭花喺底，更加清新！總括而言，如果大家想搵食私房菜又鍾意海鮮同埋中菜，下次不妨試吓淥烚年代~

想打邊爐但又想係個靜靜地既地方盡情打同不被打擾，依間主打私房菜體驗既淥洽年代幫到你🤩今次同朋友嗌左最經典既芫莤皮蛋湯同沙嗲雙拼鍋，主打六品牛拼盤（$418）同日本黑豚肉（$68）就點都走唔甩要叫，但估到海鮮如白鱔片（$138）同珊瑚蚌（$98）都好鮮甜😋鐘意食餃既朋友可以嗌手打雙拼餃，養顏桃膠餃同蟹黃餃口感特別得來夠fancy🥟！最後邊爐必嗌、索汁首選既蜂巢豆腐（$48）同鮮炸響鈴（58）我同朋友都覺得係全場mvp，好食到停唔到口，仲忍唔住後加咗百花釀油條，啲蝦膠配合油炸鬼好惹味！

同母親大人慶祝，梗係要食好野，家姐提議尖沙咀食私房菜，在Openrice訂座仲有88折優惠。6位以上可以自訂菜式，我哋叫左5樣野，全部都大大碟，好抵食：茶樹菇花膠燉湯：用料十足，花膠、茶樹菇、紅棗、滋補養顏，打開蓋就聞到陣陣香味。特色手撕雞：雞肉香濃嫩滑，油脂適中，不會有油膩感，配埋特色涼拌醬汁和爽脆既生菜，開胃前菜。冰鎮松板豚肉：新鮮即炸既松板豚肉，外脆內嫩，配上新鮮火龍果伴碟，口感和味道絕對無懈可擊。西蘭花炒雙蚌：西蘭花顏色翠綠，珊瑚蚌和桂花蚌，爽口鮮甜，用松露炒惹味非凡。澳洲龍蝦炒飯：龍蝦起晒肉，擺上龍蝦外殼做裝飾，上枱既霸氣又吸睛，炒飯份量大，上層既龍蝦肉吃起來很過癮。總結，所有菜式都係即場烹調，確保食物新鮮味美，服務員態度殷勤，又會詳細介紹每道菜式，十分專業。

海防道淥烚年代主打火鍋，最近更推出私房菜，今晚一於去開餐。私房菜式可以同餐廳商議，按照食客口味將食材作出改動，非常有彈性。而家做緊優惠，6位以上送自家製飲品兩瓶，相當超值。特別推介下面4款必點佳餚：茶樹菇花膠燉湯：一碗熱辣辣既燉湯送上枱，打開蓋香氣立即撲鼻而來，真材實料，甘香濃稠。冰鎮松板豚肉：表面粉薄香酥，入口酸酸甜甜，味道均衡，內裡既松板豚肉爽嫩厚肉，脂肪甘香不膩。特色手撕雞：金黃色既雞皮，晶瑩而散發甘香，肉質細嫩，鮮美含汁，並帶有濃郁雞味，直至骨髓。澳洲龍蝦炒飯： 龍蝦鮮甜爽口，多膏又啖啖肉，讓平民炒飯變身奢華美食。整體來說，餐廳無論裝潢、食物都充滿驚喜，位置便利，座位舒適，服務優質，性價比高。

很喜歡這家餐廳的燉湯及蒸飯，沒有落味精原汁原味，很有住家飯的感覺！$78一個飯一個湯，各有3款選擇，而且3款我都試過，全部都好食，但最中意蟲草花蒸雞飯，最入味！個飯有蟲草花，蒸雞都好嫩滑，好大舊，絕對夠食！我第二最愛就係桃膠蒸肉餅飯，用粉紅豬肉，再加埋桃膠好養生，而且一啲都唔鹹，是有仲係自己會落幾多就落幾多，完全就晒個人喜好！黑松露排骨，我試過一次，都幾特別中西合璧！午市沒有加一服務費！好抵食！無味精既湯

之前係IG見有人推介呢間餐廳，咁岩朋友生日，佢request要打邊爐，於是就帶左佢黎呢間度慶祝。呢度無論係裝修，用具定係擺盤都勁打卡able, 黎慶祝特別日子都勁有face~一開始落左單之後就有職員捧左一大盤醬料材料黎，除左平時好common嘅材料之外，仲有好少見嘅洋蔥同埋芝麻，耳目一新呢度好似比較多人推介食內臟，咁岩我朋友都係一個好鐘意食內臟嘅人，見佢呢度提供咁多款嘅內臟我地都叫左唔少黎試下。內臟嘅部份我地叫左豬潤，豬肚，鵝腸，同埋比較少見嘅粉腸黎試。粉腸我真係成世人第一次食，但朋友極度推介。食落嘅口感都幾特別，外面煙煙韌韌，但咬到入面又有少少豬潤個種比較淋身嘅口感，都值得試下～豬潤非常新鮮，切得厚薄適中，爽口得黎內裡又有D軟淋淋。不過咁多內臟黎講我都係最鐘意食鵝腸，爽口又掛汁，打邊爐食最過癮！湯底方面我地叫嘅係鮮茄雜菜湯，雖然個人黎講打邊爐係比較鐘意食D濃味D嘅湯底，但朋友話太濃味會蓋過左內臟嘅香味，佢生日佢話事啦～但個湯嘅蕃茄味都出，唔會感覺太單調打邊爐嘅重點之一就係牛肉，所以我地叫左一份鮮牛肉，估唔到細份嘅份量都唔少，其實3-4人食都冇問題! 2個人食食到捧住個肚走! 由個色澤