淘園火鍋館

营业中

休息中

淘園火鍋館 G/F, Justen Centre, 46-52 Wai Ching Street, Jordan 天氣冷了，又是火鍋的季節了。花膠雞煲加生猛鮮蝦，肥牛，手打四寶丸。 先講湯底，一試就知好味道，有花膠鯊魚骨。湯底是朋友選的，她生日，果然沒有介紹錯。我們吃得津津有味。肥牛數量可以。水餃也爽口，四寶丸很新鮮。 唯一的太咸了少許，建議加水不要加湯。還有牛丸內有芝士個人覺得沒有更好吃。湯一上桌已經很好味了，煮耐了，反而愈來愈咸。 蝦新鮮到識動，火鍋料很好。我們有一個愉快的晚餐。他們還有甜品供應的哩，可惜我們已飽，試不到了。下次啦！位置在佐敦和柯士甸站中間。坐位及招呼服務也很貼心。

有少少冬天feel就帶左媽媽去打邊爐 有時食得太多限時任食 食下散叫既慢慢坐慢慢食都幾好沙魚骨雞煲 $138一坐底當然先揀湯底 依個係店員推介既 我媽都覺得應該會不錯 就點了 要待佢全滾 之後就可以飲佢既湯 好鮮甜 入面仲有啲花膠仔 好滑 整體都算濃 吾似普通清湯 雞都吾會太嚡 ok蝦滑拼墨魚滑 $68雖然量吾算好多 但真心好彈 好夠膠 配上蟹籽 好正~ 我鐘意墨魚滑多啲 更加彈美國肥牛 $78不過不失 但配個湯都ok 添了點味道脆鯇片 $38真係好脆 骨吾算好多 亦正常 同埋量相對好多 好多片蟶子 $70/2原本想食鮑魚 價錢一樣 但無左貨 員工另推介依個 都吾差既 爽彈仲有食左雞脾菇 $28另外會收取 花生 $10 茶芥醬油 $10/人街坊邊爐店style我幾鐘意 同埋有個姐姐員工好nice好好人

淘園火鍋位於佐敦，地點方便，柯士甸站A出口，行幾分鐘就到，方便懶人聚會店內裝潢簡單，牆上貼著菜單，一般地道火鍋店，除左火鍋，重有刺身及小菜選擇枝竹魚頭鍋枝竹魚頭鍋，配料豐富，有鮮及炸枝竹，好細心，炸枝竹食到尾都未散，有秀真菇及白蘿蔔，主角大魚頭，好大，魚頭新鮮，好甜，先來每人一碗湯，湯喺粉白色，鮮甜美味桂花蚌份量都多，大約十件，桂花蚌新鮮，爽口，好好食潮州三寶丸白魚蛋唔腥，唔腍，爽口，貢丸香菇味濃，牛丸彈牙，估唔到喲丸咁有水凖甜品有好多款式，不過，我們實在太飽，唯有下次再試

天氣轉涼，今天決定和老公二人去打邊爐，揀了一間在家付近。餐廳環境以茶餐廳格局裝修。單看餐牌海鮮魚生刺身都有，牛的種類也不少。😀清湯應該叫素湯。入口也鬆軟無渣，帶油脂的甘香，不過肉味稍淡👍。 有点韌，但牛舌味重，有嚼頭😂。 澳洲桂花蚌，爽滑鮮甜👍。竹笙吸收了湯的鮮味所以超爽甜美味😋。 墨魚滑 墨魚滑墨魚滑新鮮彈牙，蝦滑蝦味濃郁新鮮😋。唐生菜，山根， 蘿蔔都是打邊爐必選。

天氣轉凍，真係冇辦法唔去打邊爐，今次呢一間打邊爐係由屋企人提出一定要去試，就即管試吓係咪真係咁好食啦！冬天要滋補就揀咗一個花膠雞湯底。湯底好鮮味，有紅棗同埋杞子加上大蔥一齊去煲，當然唔少得有大量雞件同埋花膠啦。手切肥牛係每次必點嘅，最鍾意就係本地手切肥牛嘅鮮味。呢碟咁大碟都係賣緊百幾蚊咋，輕輕滾一滾就已經食得，牛味超濃！仲叫咗一個韭菜雲吞，皮薄餡靚，韭菜夠晒香醬料可以任添之外，仲對於佢嘅芝士牛丸特別深刻！雖然需要耐少少時間去滾一滾，但係一咬開見到芝士爆晒出嚟，真係好感動喎！第二間舖頭好少見既菜式！

今天朋友帶我去了一間頗為地道的火鍋店，地點在柯士甸和佐敦之間，但原來整條街都蠻多不同的類型的餐廳哦。我們首先選的是湯底，本來男友很想吃雞煲，但我覺得太熱氣了，所以挑了一個比較清淡的皮蛋芫莤鍋($88)。皮蛋芫莤鍋完全令我surprise!!!因為裡面真的超級多材料!!!!!!除了皮蛋和芫莤之外，還有大量的鮮冬菇、秀珍菇和粟米等，我只能說，這個湯底真的是物有所值！早知道如果湯底有這麼多的菇類，我就不會再點鮮冬菇($28)了…不過鮮冬菇在打邊爐裡面吃，是多多都不夠，哈哈。手切片頸脊($198-大)在這裡的店員姐姐大力推介之下，我們點了一份手切片頸脊。頸脊的脂肪較少、油花分佈平均，一直備受食客歡迎，很多時這些部位都不夠供應，也不是很多火鍋店能夠吃到哦。手切片頸脊果然吃起來牛味非常濃郁，而且很有口感，嗜牛的人士一定要嘗嘗。本地圍蝦($68) 蝦非常新鮮，送上來還是一動一動的。煮到變色就可以吃了！基圍蝦吃起來很鮮甜，而且肉質結實，好吃！再來的是唐生菜($28)。生菜很新鮮，顏色翠綠。輕輕的「滾幾滾」已經可以吃了。竹庶水($32)因為今天不想和啤酒的關係，我們點了竹庶水清熱。味道是清甜可口，和打邊

好少會行到去佐敦咁入嘅偉晴街，唔係想試吓新火鍋店都唔會同朋友上網搵到這間😌店內裝潢都幾簡潔，位與位之間都幾鬆動，另外會有小型調味架(蔥、生熟蒜、椒絲)<蕃茄薯仔蝴蝶腩鍋> 🍲$148成個煲都幾足料下，除咗鍋名有嘅蕃茄、薯仔、蝴蝶腩外😋仲有粟米同菇跟配菜，湯底唔算好濃郁😝連筋帶肉嘅蝴蝶腩都幾腍身另外仲叫了其他普遍火鍋料<美國肥牛> $78 <大連鮑> $35/隻 <韭菜餃> $38 <娃娃菜> $28<脆鯇片> $38 整體都算唔錯😜不過個湯可再濃郁一點

今晚於佐敦淘園火鍋館吃個 暖暖火鍋 , 討厭 ! 哼 ! 竟然安排 對住廁所  , 馬上反對 , 更換另一張檯了混醬，每位$10   ,  一碟花生 $10特式清湯鍋 $68太簡單了，幾乎係無 料嘅,  材料 :  秀珍姑菇 , 芽菜, 粟米 , 豆腐，全城最 cheap ，失望，勁健康, 淡而無味蝦滑拼墨魚滑（$68） 味道和口感...鮮味，彈彈 彈牙好吃，放上蟹籽點綴吓, 賣相不錯,墨魚滑彈牙, 但蝦滑味道更勝墨魚滑, 用小羹切少許放進煱內一會浮起, 可以吃啦澳洲桂花蚌  ($98)     夠脆爽，鮮甜好味道本地新鮮肥牛(大) $198打邊爐重點 .. ..牛     個人覺得, 如果牛肉味再濃 d  就更加好啊, 脂肪紋理  均衡,    滋味   yummy牛利托 ($88)     用來打邊爐 第一次呢，  嗚嗚 !   太韌啦,   好難食,  咬到牙軟 其它 例如生根，竹笙，生菜  等等 ....都 ok,   ...  感覺清新  必吃蘿蔔 ($28)  最鍾意食   ,  也能增加湯底味道唐生菜($28)   新鮮蔬菜 , 嫩綠可口整體來說, 尚要改善 ...  進

今晚難得和相識廿年的朋友相聚，她們説想在佐敦或尖沙咀見面，我就提議這間火鍋，她們都說好，咁啱今天天氣變冷，天助我也。六點半來到只有三、四枱，到七點已經爆滿。我們叫了花膠雞湯翅湯底，真係好夠味，花膠同翅都算多，鷄都好滑。響玲，美國牛肉，脆魚，骨髓及其他都好新鮮，吃咗咁多埋單$800，我的朋友都說低。

其實我是個邊爐精，長期療打狀態！(≧∇≦) 準備入秋之際，天氣涼涼地，當然又是打邊邊最好的時間啦！ 呢間火鍋店都幾特別，特別多湯底選擇！一般店會提供5-6款選擇，頂儘10款，呢度有成20款左右，超誇張！由大衆化的清湯、皮蛋芫荽湯、到花甲海鮮湯、醉雞湯、以至明貴的龍蝦花膠湯底，款式既多元化又有特色！ 就以我點的木瓜雪耳雞腳鍋為例，其他地方真是未食過，而且價錢一點也不貴，才108元，卻沒想到這般足料！滿滿的木瓜和粟米，加上如繁花的雪耳，再來一打以上的雞腳！愛吮雞腳的我一人吃了8隻！太爽快！ 一開始，先喝一碗清湯暖下胃，最後打完邊爐，那碗湯務必要喝！ 因為這個湯底非常大煲，口徑足足有12吋， 使整個打邊爐的過程不需加任何水， 所以剩下來的湯汁集各種食材的精華， 加上已經煲得有點糊的木瓜 ，味道非常濃郁！而且超級好味，同時因為雞腳和雪耳又有豐富骨膠原，好滋補呀！ 幾豐富！不過如果我知道個湯底有咁足料，又未必會點咁多配料喎！ 友人鍾意食牛丸， 這款手打芝心牛丸就啱曬， 鮮紅粉嫩的肉色， 灼熟後一咬開爆出層層芝味，和牛肉都幾夾。 而且牛肉打得好彈牙，好味。 我們捨棄一般的響鈴， 點了這個鮮腐竹

一年四季都是打邊爐的好日子，不過近期悄悄來的秋季加速了我對打邊爐的熱情。一個星期內己是第三次了。城中話題的什麼什麼雞煲湯底呀！海鮮湯底呀！我己厭了。今天來個淸湯鍋。栗米，芽菜，豆腐，菇菌，真的好清噢！還好，清清地，原汁原味喔⋯⋯本地新鮮肥牛不錯，紋理勻稱，牛味香濃。牛利托是我第一次用來打邊爐，平常多數食燒的。原來囗感都ok㗎。不過不要滾得太耐，否則會韌些少。蝦滑拼墨魚滑，有濃濃的蝦味和墨魚鮮味兼彈牙。澳洲桂花蚌好鮮甜。其他配菜如生根，竹笙，生菜....都ok, 有乾凈新鮮的感覺。一班人圍著打邊爐不論食物如何，都是最開心不過的事。

好遲收工~~ 打風都唔理得咁多，要食餐勁嘅。呢排比較重口味，食雞煲正合我意。叫了半隻雞分量的雞煲，本身已經有辣椒坐陣，加了幾舊大薑在內令其味道更刺激，本來呢個雞煲的麻辣味道同醬汁已經好突出，再加埋薑的後勁係錦上添花！雞肉煮得真係好入味，濃陏的汁醬滲入了每塊雞，但雞肉都係好彈牙，唔會煮老咗。我覺得個辣度啱啱好，覺得幾刺激味蕾得來又唔會只係食到辣。同時可以食到雞味道，和醬汁的濃郁。好耐冇食生蝦刺身，見佢價錢都幾平，叫一個試試，雖然唔係made by 泰國菜館，但出奇地好味! 沒想到在火鍋店食到的泰式生蝦刺身做得咁好，蝦肉好爽身好FIRM，係幾新鮮的表現，而且在每片蝦肉中間，都放了一堆蒜蓉，其中當然mix咗指天椒魚露，份量我覺得係剛剛好，成個放入口，唔會覺得太重味，又唔會唔夠味，酸辣之下係爽鮮的蝦肉，呢個食法仲好過平時自己點sauce，平時一隻蝦我要分幾次點醬汁的....叫了個淘園本地手切肥牛（大），牛肉食落口幾煙韌，而且牛味豐富，最得意就係佢切的方法係令到你食到中間的少少筋，令到每一口牛肉的口感都幾有層次。而且好大碟，兩個人食牛食到超飽。叫了碟菜清清胃口，值得讚的唔單係蔬菜好新鮮，廚房處

近期好少係香港，約咗了百萬次朋友仔終於都聚到。台風天，冷雨夜，食雞煲火鍋就最適合不過。friend話佢樓下間淘園到晚市宵夜就高朋滿座，一直都想試下。所以我地去早，以免夜晚排隊。好耐無食過雞煲，朋友一時心急要咗成隻雞，事實證明食唔曬😂唔想太刺激，少辣的辣度就剛剛好。雞煲偏鹹，醬汁味好濃，所以整體顔色比較深。驚愈煮愈鹹，本想加湯，姐姐都好貼心地幫我地用撈起啲雞肉。戒咗海鮮一排，想食又唔敢食多，就要咗幾隻聖子。食早場嘅好處就係，隻隻聖子都肉厚水嫩新鮮到不得了，滾湯中灼灼就熟，又無沙，好抵食👍🏾生劏田雞就真係必食啦！田雞上碟時仲識郁，隻腳會抽搐，視覺效果都幾震撼！滾熟之後，入口的新象感如我所見，滑都不得了！一定要試！肥鵝腸也是令人驚喜，一大碟成座小山咁，但都真的好肥😂😂油脂豐富，脆卜卜的口感，試一口就欲罷不能。牛骨髓也是平時火鍋必點，勝在新鮮，好綿，入口即化。豬頸肉做為我的最愛之一，並沒令我失望，OK 彈牙。仲有豬粉腸，怎個脆字了得。無腥無臭，總之又係卜卜脆啲friend。以平時食其他火鍋店的經驗，我地寫咗唔少野食，但估唔到份量咁大。所以今餐有少少over budget，不過呢但食物質素係值得

呢兩日，終於俾我地等到秋風起喇，可以開心打個凍凍地既邊邊lu...舊同事剛剛係澳洲woliday holiday反香港，成年無見了，終於可以團聚喇，開心加期待。特式清湯鍋68自前兩日都嚐辣後，今天忍口無叫麻辣湯頭，轉戰簡簡單單的清湯，是幾多年無發生過既事哎？主要材料係雞脾菇芽菜粟米豆腐，並無特別，但呢個係全場最平既湯底，所以無期望下無失望，清淡但健康。美國肥牛78x2打邊爐又點少得肥牛嫁？牛肉稍微一烚就食得，啱曬無乜耐性既小妹我。呢個脂肪好少，食左都唔怕肥，反而無咁0鞋口，一碟又係兩下ko了。同我想像差唔多細碟，好彩一人一碟姐。魚皮餃38魚味幾濃wo，又唔難熟，yummy。佢就話好粉口，說唔知係咪因為成煲ya滾得太耐攪成咁。脆皮芝士腸28個人大愛，來貨本無特別，但加了湯內，索盡汁汁都仲好脆皮，好正。不過未解好凍，一上台時有dd冰痴面就唔多好。鮮魷片38烚物黎講好快卷起食得，口感幾qq，他蠻喜歡。刺身紋甲卷78同樣是他點的，加上蟹籽，爽口得黎幾有層次，入口彰彰地咁得得地意。鮮枝竹28滑嘟嘟咁品質唔錯，健康合符食物金字塔的豆製品，而且份量適中，都幾飽肚。食後感：價錢唔貴幾就腳，佐敦又有新火

秋天靜靜地來臨啦！邊爐呀~雞煲呀~又係時候出動啦！不過我個人咩季節都中意食雞煲 & 打邊爐的，只要想食就去食 （笑）今次朋友介紹淘園，又話好食又乜又乜，就試下囉～入到去就係地道港式食店，店員好親切，真係咁好彩有個姐姐好好服務，而辣椒、蔥、蒜啊就自己加料吧！首先。。。呢個。。。係少辣的，不過真係冇乜辣，完全一丁點刺激都冇，早知食中辣啦！講真，個雞煲真係麻麻地，醬汁唔夠惹味，隻雞應該生前食唔飽，好瘦。。冇乜肉，雞肉算係okay滑的，但可以更好吧 😎聖子抵食，好似唔洗30蚊一隻，算鮮甜爽彈，呢個價錢算幾厚肉，不過就有少少砂啊 -_-#手切肥牛令我好失望，我以為自己叫錯，點知真係肥牛黎㗎，但好硬咬唔開，仲有筋，真係咬到咀嚼肌都發大哂 （爆）所以我都係中意喺屋企打邊爐，買自己喜愛嘅優質手切肥牛食最好 （笑）手打四寶丸真係。。唔係好掂，特別係牛丸 ＆ 鯪魚球好難食 😂 牛丸係冰球黎㗎，可想而知唔係新鮮野啦 LOL 黑栢葉算係全晚最好食的，不過真係好似地布 (￣∇￣) 幾爽口喔，加埋啲辣椒豉油，正啊！其實全晚我都唔係食好多，最多就係油麥菜，因為檯面上嘅野真係唔太好食，所以我話應該一次，唔會再黎第2次