海鱻城

营业中

休息中

每況愈下的酒樓今年父親節約咗喺呢度慶祝， 訂咗頭輪6:00， 前一日已經打電話提醒叫我準時到。 今個父親節，外面比較冷清，人不太多， 呢間酒樓也如是。 我們一行準時到達酒樓， 由於是父親節， 酒樓已經將其他餐牌全部收起來， 主力推父親節套餐， 我問咗一位侍應有冇其他散叫，佢話吾知，再問多一個侍應，佢先至喺個衫袋裏面拎咗張menu出來。 然後叫咗幾個餸和留左壽包後上慶祝， 老實說的是佢哋嘅水準真係退步咗，質素冇以前咁好，好鍾意Sell貴價海鮮。 講咗壽包後上， 離譜的是我哋枱面啲餸未食完佢哋已經嗱嗱聲將啲壽包拎上嚟，真係離晒譜。 仲有壽包食咗一半， 另外又有一位支客走過來又話要同我哋買咗單先！ OMG 佢哋啲樓面同時合作無間， 嗱嗱臨將我哋啲碗碟筷子全部收晒， 想我哋快啲走咁樣！ 咁嘅服務態度真係好掃興😔， 防止食物質素又唔係高，真係冇下次啦！ 唔怪得香港飲食業咁差，唔係冇原因嘅！

好少過嚟樂富食飯 估唔到呢度有間酒樓食海鮮大廳環境濶落 朋友預訂咗間房😆菜單都係朋友預先寫好咗 食海鮮🦞為主🔆墨魚餅人齊前菜就即上 墨魚餅係炸嘅 🤣太開心食唔記得影相🔆牛肋條牛肋條有少少半炸煮的感覺 外面好脆口但啲牛腩位又炆得好淋 再點上自家咖喱醬 好特別嘅醬汁 少少辣辣哋但又唔會好咸 🫶🏻🔆宮廷濃湯雞煲翅酒樓姐姐上菜時都問我哋要唔要影相 一邊影一邊煮趐 估唔到個雞湯一啲都唔油膩而且口感好似飲牛奶咁順滑 翅我就唔識評價了 太少食😂 欣賞個湯！ 🔆椒鹽瀨尿蝦好耐都冇食過瀨尿蝦 因為要用手🙈 但酒樓好貼心 比我哋影完相幫我哋起埋肉 懶人恩賜🩷🔆奄仔蟹呢道菜係朋友話必點嘅 係用冇受過精的蟹 估唔到蟹膏咁多 酒樓有提供手套🧤食蟹 蟹肉都唔少 係幾野味 🔆金不換炒蟶子煎米粉餅呢道菜好有驚喜 平時出街食都係豉椒炒蟶子 但大廚用金不換炒蟶子 保留咗蟶子的鮮甜味但又有金不換的香草味🌿 最特別係個底層係煎米粉餅 米粉餅煎得好香脆 撈埋啲醬汁一齊食到停唔到口 🔆椒鹽鮑魚本人唔太喜歡鮑魚 有時煮得太硬唔好食 呢間鮑魚不但有口感 唔會硬 鮑魚清潔得又乾淨🙈而且個椒鹽味好香口🔆金銀蛋莧菜莧菜好新鮮 食落唔會有

呢度除咗海鮮出色之外, 其他食物都好有水準, 同埋呢度鑊氣好夠小炒皇平時小炒皇用料大致都差唔多, 但今次係我特別最鍾意, 韭菜花 , 魷魚切絲, 腰果, 蝦乾, 芋頭絲切幼條再炸過特別香脆, 呢個餸鹹鹹香香, 夠鑊氣, 佐酒一流燒鵝呢度除咗海鮮之外, 燒鵝係必點之一, 燒鵝皮香又鬆脆, 肉質嫩又香滑, 仲有鵝油香喇沙牛腩牛味濃郁, 肥瘦雙間, 軟淋味香椒鹽南非鮑魚呢度嘅招牌菜之一, 椒鹽炒過夠香口又惹味, 鮑魚彈牙鮮美, 口感仲有少少脆, 真係好好食龍蝦煎米粉大部分酒家都係做伊麵底, 呢度就係煎米粉底, 南澳龍蝦好鮮甜, 香脆米粉吸埋龍蝦汁嘅味道特別開胃蒜蓉粉絲蒸貴妃蚌貴妃蚌大隻厚肉, 肉質爽彈鮮甜冇過熟胡椒湯東星斑 呢個湯真係不得了, 胡椒味濃郁, 東星斑起肉切片, 鮮味嫩滑, 呢個魚湯唔係每次都可以訂到, 因為手工問題, 今次有幸食到好開心益力多榚清甜微微酸, 唔錯嘅一個小糕點糖水西米露有咬口, 一啲都唔甜, 清清地

由知客,樓面,上菜姐姐至經理都服務周到. 食物水準高,用料新鮮. 經理落單時會留意客人需要,提供建議！唔會硬推食物. 我想點多D食物,經理亦提醒可能過多,叫我食住先,唔夠先加👍點咗食物有：象拔蚌刺身,連爐上,可以用湯灼熟啲象拔蚌加咗一啲學鬥矮腳白菜食完象拔蚌之後再用個湯去灼白菜. 象拔蚌好新鮮係加拿大A蚌.豉油王花竹蝦,新鮮肉爽唔太鹹啱啱好鹽焗奄仔蟹,經理揀咗啲松皮蟹畀我勁多膏燒鵝例牌經理揀咗下裝畀我,成隻燒鵝髀正🥰清蒸咗一條遊水嘅紅瓜子,蒸到啱啱熟有鮮甜即刻攞咗一個白飯嚟撈魚汁😜見有老人同兒童,侍應主動拆蟹殼,蝦殼🥰飯後送上甜品,亦照顧大人和兒童嘅喜好. 大人有熱嘅紫米露小朋友係益力多糕☺️經理安排了房間,用餐沒有限時！餐廳有酒杯, 冰筒提供,啱我呢D愛喝酒的人😉

在網上尋找，位於九龍城樂富區有一間評論不錯的餐廳，位於樂富廣場的海鱻城， 今天同朋友一齊過嚟試試， 我哋6:30到達，餐廳不算大，食客不算多。 坐低咗一陣，一位戴眼鏡的經理便走過來不停推銷海鮮，說今天的海鮮好新鮮，好靚， 淨係不停一輪嘴咁喺度Shell啲貴價海鮮， 我哋心諗冇所謂啦，反正都打算來試吓啲海鮮，都想試吓，最後分別叫咗一條東星班， 油鹽焗奄仔蟹， 椒鹽賴尿蝦，椒鹽鮑魚， 同埋一個炒菜心。 想講一講的是，佢價錢都唔算平，賴尿蝦到差不多$300 －只，叫幾隻都已經過千蚊， 又唔算大，食落冇乜肉，味道正常，沒有驚喜，一點也不值得！ 還有東星班和椒鹽鮑魚，都是正常貨色， 只有油鹽焗奄仔蟹算較為出色。 未試過的朋友，總體嚟講不算差，但係個價錢就偏貴唔成正比. 自己想食咩海鮮就自己決定， 唔好俾人sell 到， sell得你嘅全部都係貴價嘢.

咀嚼中的繽紛盛宴，今晚嘅食評旅程帶大家去咗一家食店試吓啲手路菜。搵日正！鹵水豬腳仔啖啖肉咁，好食到嗲嗲聲，皮滑肉Q嘅感覺真係得意過癮啊😋。而家講下七味鹽燒豆腐，啖啖脆卜卜外皮同肉質滑溜溜嘅組合，完全係開胃之選！重點黎喇，豉汁蟶子，勁入味又鮮嫩，啲豉香撲鼻埋黎，微鹹中帶甜，味覺上真係有一番新體驗。椒鹽鮑魚又點樣？硬係令人眼前一亮，椒鹸味夠香，鮑魚嘅爽口同鮮味簡直係絕配！正宗好滋味。碧綠炒雙蚌加咗新鮮甜豆，蚌肉爽口得滑，無油膩感，滿足哂想要健康又美味嘅心願😊。接著菜花蟲草花百合炒帶子，西蘭花嘅清甜夾住帶子嘅鮮美，加埋百合，完美！清蒸海星斑，肉質細膩，蒸功一流，搭配咗豉油同蔥，純粹享受。上湯菜苗清新解膩，而脆皮潮連燒鵝，皮香肉嫩，塊塊皮脆卜卜，實在係完美收官😍。總結落嚟，今晚嘅食材新鮮，烹調得宜，層次感豐富，每一味都係口感同滋味嘅完美組合。今次食評介紹喇咁多，希望下次有機會，再同大家分享更多嘅美食之旅！

今次又係做完嘢匆匆忙忙趕過去同朋友食飯，一樣係朋友話請食飯，所以就去咗一個平時好少去嘅地區食飯，最大問題係今次因為做嘢遲咗，所以去到佢哋已經食咗幾樣嘢。今次應該係叫套餐嚟嘅，其中一個最大賣點應該就係個鮑魚，識落口其實又真係幾好味嘅，同埋重點見到其他枱上菜都係好適合打卡嘅一個菜。雖然張相就核突啲，但係個豬手都還算可以嘅。不過佢個小炒就真係有啲鹹，結果大家食咗半碟就已經冇再食落去。龍蝦伊麵，都係平時識到嗰啲嘅感覺，穩穩陣陣咁樣。佢隻燒鵝就比想像中好味，係有少少肥，但係都幾香口。條魚亦都蒸得唔錯，都唔會話蒸過龍，以套餐來計都算係咁。

甚少過樂富，但朋友話呢間海鮮好得，所以過嚟試下🤤煎墨魚餅$138望落去普通，但食落一啲都唔普通🤩超級鮮味彈牙，好好食😋（椒鹽南非鮑魚）呢個真係好出色，飽魚食落好爽口，椒鹽味合到好處，唔會搶走鮑魚原有嘅味道👅💬重頭戲黎啦😂😂有位叫Andy 嘅經理送隻鵝入黎，「潮蓮炭燒鵝」係用獨門自家技術😎超聲波燒出嚟嘅！話個燒爐會有超聲波，可以令鵝嘅毛孔擴張收縮，令到燒出嚟嘅皮咁靚～啲肉咁嫩滑😝西澳龍蝦（上湯）炸米底$1900出面酒家通常都係整伊麵底（食到厭）但係呢個係炸米粉出奇地好食😛😛鹽焗奄仔蟹（$2100/6pcs)👍椒鹽瀨尿蝦$（$2384/8pcs)好正，最正係有人幫手剝埋殼🤪甜品又係有驚喜！益力多糕❄️❄️川貝海底椰燉花膠湯好足料🤗認真，依間啲嘢真係好好食！

每次到海鱻城飲茶,除了叫心愛點心外,必叫的小食就是椒鹽魷魚鬚,海鱻城的魷魚鬆每條都是肥美飽滿,外層香脆滿滿,再加上惹味的椒鹽香味,配一壺濃香普洱茶, 這就是飲茶的滿足感。

不是第一次到樂富海鱻城飲茶午膳,周五下午如不預約就要門外等位了,幸好已預早訂位,但都要等5份鐘才可進場。海鱻城的點心都是即叫即做,點了义燒腸、安格斯牛肉腸、芝士蝦春卷、鮮蝦燒賣皇、潮州粉果、义燒包、鳳爪、牛肉球及黑糖蜂巢糕。點心都是水準之作,好難挑剔。

難得一班同事可放低繁重工作相約一起飲茶,吃點心不叫炒粉麵飯,真的會約有所失的,餐牌有一名目：脆杏片腩炒飯,真的夠新穎,大家一致要試下。上菜時,炒飯份量充,炒飯面舖滿脆卜卜脆的杏片, 火腩肉絕非頭尾的下欄部位,火腩甘香有肉汁再配香口炒飯,口感豐富。

一班同事難得可相約一起飲茶,我們約了到樂富的海鱻城共晉午餐.....為免傷腦筋,先選了個$598皇牌自選套餐:手撕雞高山耳、豐料老火湯-杞子瑤柱木耳燉花膠、蟲草花百合浸菜苗、蒸魚、脆杏片火腩炒飯及三款點心。特別推介-杞子瑤柱木耳燉花膠,可分8碗足料,每碗也有一至二片厚花膠,真夠滋潤。

平日夜晚去買外賣，眼見已經冇乜人，問佢拎菜單就咁俾張紙我，問佢有冇大餐牌就話今晚得呢D；行入去落單叫人叫咗三次先有人出嚟落單；落好哂單問句大概等幾耐就敷衍答話半粒鐘，話條魚要蒸；大佬呀，我又冇叫過魚，再者蒸鯊魚咩，要蒸半粒鐘，求其Hae我都唔係咁呀

離晒大譜，門口知客同埋一個唔知係乜水，三姑六婆出晒嚟，公然企喺度大聲講啲客人嘅家事，嘩圍爐取暖，成餐飯都聽左唔少嘢，睇餐牌叫餸都有人俾說話你聽，如果唔係約左屋企人食飯，直程係即刻想離開，因為一嚟到諗住拎枱嘅時候企門口果個啲態度唔知想點，約咗食飯早到少少好正常，竟然俾人鬧返轉頭話早到做乜唔出聲，原來去呢間嘢食飯唔可以早到，只可以準時，唔知仲以為自己去咗五星級食緊阿媽家姐，真係希望個老闆會睇到，我都係我唔岩，唔係成日嚟食飯，新年又無嚟到飲茶，未食飯都已經成肚氣，餐飯又點會食得落

離晒譜.....收錢阿姐，心急快手收錢.....我要泊車單，就話我早出聲啦！態度極差！之後，就掉張收據俾我...真心唔明，呢間老闆請著咁既員工！慘慘！影響曬呢成間食店服務水平。