海陽。居酒屋

营业中

休息中

午餐時間隨便入左一間，唔洗等位。首先第一個睇中燒魷魚，燒得岩岩好，有魷魚味🤭小小咬口但唔un，可以一試。吉列廣島蠔，粉厚左dd，蠔肉就正常，影相就幾靚🤭有埋個殼，幾吸睛。主菜黎喇，十勝豚肉，肉質幾嫩，唔錯，味道亦剛好，唔會太濃。🐷🐷👍🏻蕃薯天婦羅，呢個又系粉較厚，蕃薯偏粉加上冇乜蕃薯味/甜味，又切得比較厚，所以麻麻地。西京味噌燒銀鱈魚，銀鱈魚幾香同滑，配個醬幾夾，甜甜地。可以自己食哂成條🤭

首先食物order左3款前菜小食但有兩款都係無，再者落order時講左想食完刺身小食先上鍋物，但事實係一完成個刺身就話鍋物已經準備好要上😓都唔緊要…..食到一半都無就係咁上返order嘅小食，你不如幫我睇下邊度有位可以放咁多嘢？並唔係叫我清埋枱面上嘅嘢……仲有真係人生第一次食零味道嘅shabu shabu，向服務員了解下，佢話木魚係咁清淡喎，但我相信不至於要無味….終於求其食完埋單，竟然！係竟然無人識用部機點apple pay收錢😡🤬🥶唯一負責部機嗰位同事去左食煙！！！wtf呢個埋單過程用左我10分鐘等待…..我真心想問呢個係咩service? 我係咪去左茶餐廳？用一千蚊買左一肚氣🤬🤬🤬🤬

期待食到日本地道風味因Kaiyo在日文解作海洋且標榜用新鮮海鮮糅合日本傳統烹製技術的新派菜式，見tea time不必等位所以Weekend 食飯時候來，叫了個二人set，食材新鮮度一般，已經好佛系咁勁有耐心咁等，但係上菜真係非一般嘅慢，想叫服務員也很難有人睬，日式食品炮製出港式味道，亦感受唔到有service，埋單支付都要等很久才有員工理會，真係獨特”驚喜”的美食體驗！恨食日本風味的同道中人，恐怕要掃興了

呢排多左係尖沙咀做野， 成日都黎k11 musea搵食！呢間居酒屋之前都食過，熱食係幾好食，上次既壽司就一般般！今次黎就試下佢個丼飯啦！三色丼（帶子，赤身，三文魚）$288三款魚生都係我中意食既！上到黎，份量一啲都唔細！個碗好大 ，啲飯都好多！ 魚生竟然可以蓋過晒成個飯！足料呀！不過今次既魚生新鮮度都係一般，希望餐廳之後真係改善到！ 啲魚生好厚切，刀工亦不錯，食落都有滿足既感覺！不過呢個價錢可以再做好少少！同埋侍應希望都可以train番好少少，今次成個上菜既態度同服務都差少少🤏

我無諗過第一次寫食評係寫負評，平時周圍幫襯啲餐廳都無食到今次咁嬲。尋日一家三口黎到K11行街食飯，我老婆話想試尼間，咁就入去試下，果時係夜晚6:30左右。尋晚一家三口walk in 入去，待應比咗一張2人枱，我心諗是鬼旦，無booking 都有枱唔好咁多要求。入去前待應都話最遲8點要交枱。無問題後，dou左安心出行入去。因為尼間都係同我平時去開啲日本餐廳差唔多，所以我好快就點到餸。有小食，壽司，燒物，烏冬同清酒。先講餐牌，有一版聲稱係日本直送貨，𥄫到有沙甸魚，問待應，佢話無(好心無就唔好寫出黎)。想點拉面比個女，又話賣晒。真係第一次幫襯尼類餐廳連續嗌2樣野都無。咁算啦，揀返啲穩陣野食，當時都係6:40..我估都估唔到第一碟上枱，居然係串燒。心諗: 我有嗌清酒，嗌壽司，居然唔上，返而係上串燒....第二碟上係雞泡魚干，之後又係串燒，跟手先上壽司，仲要等我食咗3件壽司遲遲都唔上清酒，仲要再三催促先上清酒。問題來了，其實尼刻張枱已經無位放任何野，待應仲要不斷搵位放野落去。但其實我隔離一直有張吉枱，要我出聲串佢地（你地鐘意點方就點放，叠高都得ka), 佢地先至併埋隔離張枱比我用。其實尼刻先係6

上次黎過呢間居酒屋食鰻魚飯，體驗都唔差，今次再黎到食，點知有少少失望環境都依然係舒服同靜既，同朋友傾下計坐下都唔錯，侍應都好勤力加水同收碗碟。不過今次叫左壽司就真係一般般。精選壽司定食$268呢個定食係有約十件壽司同埋一碗烏冬或蕎麥麵。但餐牌係冇寫有咩壽司既，有唔食某啲野既朋友就最好問下當日有咩壽司先！首先講下壽司，上到黎新鮮度就一般般啦，冇啲油光令令地既感覺，上面既魚生算大件既，同埋都幾厚，都叫真材實料，但下面既壽司飯就真係幾麻麻，比較散同埋硬，有改善空間！另外我叫左烏冬，有一塊腐皮係度，腐皮係唔錯既，烏冬都算彈牙，食完都幾飽！

第一次來、可惜也是最後一次！星期六大約六時開始…..1. 服務質素差：從餐廳門口被接待開始，門口有幾位服務生但他們看了我們一眼便繼續自己的文書工作，也沒有通知其他人來接待。在沒有其他食客等候情況下，我們等了好幾分鐘才有人來帶位。一輪主食後我們決定品嘗甜品，我們倆每人點了一個雪糕（芝麻及紅荳）。等了又等、催了又催前後三次，由主管至服務生並無一人對我們的催促有交代，哪怕是沒有貨或是要在外買回來（這個機會近乎零）好歹有個交代！最後決定埋單，去食日式pancake 好過！當然兩個雪糕已下單，我們要求cancel order 再出單。2. 衞生問題：餐廳用上深紅色紙巾，與餐具放得好好的在枱上。當打開紙巾準備用的時候，紙巾內面皺皺的，還有好像用過並染有化妝殘跡的物體。K11 Musea 曾經因為新冠肺炎而關閉，但餐廳並沒有因此引以為鑑，如此處理衛生實在有問題！其實餐廳裏的食物還是不錯的，值得稱讚的是那位壽司師傅，雖然不是他的服務範圍但也盡量幫我們解決。

今次黎到k11 musea,呢度啲餐廳價位都有番咁上下， 呢間居酒屋既lunch set價位都算係k11入面既平民🤣🤣門口係同隔離西餐share既，入到去裝修都唔錯，幾華麗既感覺，下午唔太多人，靜靜地咁食飯都幾舒服！浦燒鰻魚飯$248鰻魚同飯係分開上既， 唔洗驚啲飯索晒啲燒汁變做好濃味！鰻魚好厚肉，食落去啖啖肉既感覺，好味！加埋啲燒汁，燒到鰻魚邊岩岩好焦焦脆脆既感覺加分！同埋份量都唔細嫁！有成半條，食到飽飽呀！仲有跟餐既前菜、味噌湯、茶碗蒸同沙律，都幾抵既！

放工尖沙咀K11 muses行街，行左陣經過見到Kaiyo日本菜，坐位舒服又帶有情調，就去試試🥰坐左卡座坐位都很寬敞舒適，坐下慢慢看餐牌，選擇都很多👍🏻壽喜燒、刷刷鍋、壽司、刺身、小食等等很多款式讓人慢慢選擇👍🏻慢煮小牛排半生熟牛肉配上甜甜嘅醬加上青檸，甜甜酸酸的味道好夾，肉質好林又入味，十分滋味😋海膽三文魚子丼賣相不錯👍🏻 海膽三文魚子兩樣都新鮮，是最佳既組合🥰食落十分滿足👍🏻吉列蠔一份有四件，蠔都幾大隻而且價錢相宜，蠔炸得十分香脆內裡鎖住蠔汁，美味可口😋😋😋上壽司盛(九件)  有吞拿魚、三文魚、油甘魚、赤蝦、帆立貝、三文魚籽等等，每件都味道新鮮，刺身都切得很厚身，美味可口。

☕️ 食物：👍🏻👍🏻👍🏻👍🏻 /5💰 價錢：👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5平日的晚上相約好友去吃飯聚舊，她選址近期至愛的K11 musea，問我吃日本菜好不好，哈～ 當然好啦！😂👍🏻 海陽居酒屋🏮go go go～居酒屋裝潢一流，有點摩登日式的格調，座位讓客人坐得很舒適。在大廳中間位置甚至有一列吧檯，客人可正對著在忙碌工作的廚師們 👨🏻‍🍳 這次我們主打吃了壽司🍣串燒🍢燒物🧆，餐廳食品質素普遍有水準，可惜我倆沒有多一個胃，有機會下次要再試試它的招牌鍋物🍲 💋 Kaiyo特色卷 ($368)一眼看上去是非常澎湃的特色卷，軍艦上方先是一大堆吞拿魚魚蓉，加上海膽和大量新鮮三文魚魚籽，還有魚子醬、金箔和細蔥做點綴，對女孩子來說應該怎樣張大口也不能把整顆鯨吞，唯有逐小細嚼，慢慢品嚐新鮮魚生的味道 ☺️ 這個價錢雖然有點昂貴，但用料非常新鮮，尤其是那些粒粒飽滿的三文魚魚籽，在口中爆開的快感，鮮～ 👍🏻💋 銀鱈魚西京燒 ($268)銀鱈魚本身油脂豐盈，白麵豉醃製的份量令味道感覺剛剛好，不咸也不淡，魚身微微焦香，魚皮也煎得香脆，好吃 😋💋 月見雞肉棒

首先講下環境,因為同事早一星期訂位,所以安排咗卡位比我哋,都好闊落,而且燈光比較暗,好舒服,仲有要讃下所有員工的服務態度都非常好講返食物,我哋一行三人點了串燒(推介牛舌,夠厚吾韌)雞泡魚干,和牛鵝肝丼,海蝦天婦羅,吉列廣島蠔等,但當然吾少得佢哋嘅招牌kayio卷,肥美嘅拖羅蓉,上面舖满筋子同海膽,真係好好好好味。。。最後埋單$3000左右,用咗openrice訂枱,所以有9折不過最後要多謝呢位好同事,帶我哋去咗一間咁高質嘅居酒屋。

第一次差評餐廳，第一次係餐廳發脾氣。唔知啲好評係邊度黎既。原本為朋友慶祝生日，食到肚火滾。我地預早book左檯，三個人逼住坐一張二人檯，連三份餐具都係疊住先擺到，朋友話理解。但中間位只可以擺到一個碟咁細，所以佢一次只上一個菜。叫左個438hkd既木魚湯底既美國和牛鍋，上左一盆清水加幾條昆布。成個鍋完全無味，同waiter講左個鍋完全無味道，鹽味都無，會唔會太誇張，可唔可以比啲鹽都算數掛？奇蹟發生啦，我地要wasabi都唔記得既waiter，真係比左一碟鹽比我地。服務態度勁差，極差，速度勁慢。食物overprice。我地原本想食住再加單，最後服務咁差，唔想再係度食只想快快埋單走人轉另一間餐廳。點知叫左埋單都等左二十分鐘，無人理睬，最後我地要起身離開時送左兩粒唔知泡芙定係乜既話係甜品上黎，玩野呀？今次晚餐，成張檯最好味最高質既，就係果碟豉油。This restaurant isn't NOT CHILD-FRIENDLY, it is NOT DINER-FRIENDLY restaurant ever.

今日在 K11 Musea 想來點日式的，便屬意這間海陽居酒屋，餐廳環境格調高雅，一入門口是一個超高身的酒櫃，再往裏面走便是欣賞師傅手藝的一列吧枱，我坐進了餐廳的最深處，是一張寬敞舒適的卡座。龍蝦蟹籽沙律，蟹籽沙律裏面是一梳梳為數不少的龍蝦肉，味道清爽，用紫菜包住同吃，美妙。炸京都絹豆腐，絹豆腐外皮酥脆，上面滿是京葱絲、香蔥和木魚絲，香氣迫人。燒雞腿，燒雞腿一共有兩卷，形狀長得很像卷物，賣相相當精緻。雞肉嫩滑得不可開交，若然外皮再燒得香脆一點應該會更加好。月見雞肉捧，此店的月見雞肉棒有別於一般的混入了許多的雞軟骨，啖啖肉口感更為紮實，所選用的日本蛋令蛋味更濃，加上香葱和芝麻的贈慶，恰到好處。火炙三文魚壽司，廚師選用的三文魚靠近魚腩位置，份外肥美，被火炙過後更加將油脂盡數迫出，口感自然更加豐膄。辛口明太子稻庭冷烏冬，此道貴為餐廳招牌果然不同凡響，烏冬彈牙爽身，與明太子醬口感分明，味道 creamy，加上辛口明太子作出適度的提鮮，非常配襯。

喺K11 musea 搵食晚餐嘅地方之前都見到朋友話呢一間餐廳好食所以今晚就決定一試可能早食飯去到未見好多人排隊入邊亦都未坐滿餐廳入邊嘅坐位非常之舒服而且分得好開唔會有覺得坐得好迫夾嘅感覺餐廳枱面嘅擺設都非常之簡潔睇完餐牌好快就已經決定到食啲乜嘢第一樣嚟嘅嘢食就係一夜干馬友魚完全係出乎意料咁好食魚唔算超級大條但係炸得好好筷子一插落去聽到魚皮同魚肉清脆聲而且入邊魚肉亦都冇乾爭爭食到最後魚尾亦都食到鮮味叫咗個海膽三文魚子丼定食賣相正常不過兩款食材個比例唔一樣如果可以做到一半咁就係效果最好兩款食材都非常之新鮮飯嘅份量亦都好恰當之後就係牛油果軟殼蟹卷一份六件 賣相都係正正常常每一舊其實個份量都算好大軟殼蟹炸得剛剛好唔會咬落係軟林口感之後等得最耐嘅就係大蝦天婦羅雖然等咗好耐但係真係即叫即炸佢哋連蝦頭都會炸埋比你成舊擺落口脆卜卜啲蝦隻隻都肉厚入口彈牙而炸粉亦不算厚推得一試

👍🏻海陽.和風套餐有前菜、刺身、壽司、雜錦天婦羅、串燒、丼飯、甜品。👍🏻前菜最喜歡係個茶碗蒸，超滑(SHU一下就吞落肚)，同時有很多配料係入面：冬菇、豬肉、蝦，清清淡淡屬不錯的前菜。👍🏻刺身：金槍魚、油甘魚、甜蝦。凍冰冰得黎食得出好出鮮，魚味好香無咩腥味，油甘魚既油份食落口已經浸哂出黎，而且兩款都無魚筋位。👍🏻壽司：碎蔥吞拿魚腩、原條海鰻、海膽。全部即叫即整，紫菜仲好脆，碎蔥吞拿魚腩幾乎滿瀉，魚蓉十分綿滑，蔥花充足。原條海鰻更加係誇張之作，足足有一個木盤咁長，蒲燒汁甜甜地加上燒過既微焦，配埋厚身既鰻魚(仲要無細骨無幼骨）食落口又係滿帶油香。海膽亦都唔吝嗇，份量好多。我選擇食左海膽再食個壽司飯，入口即融呢個形容貼切不過，海膽一點腥味都無 (超難得)，亦無半點苦澀，好鮮甜！👍🏻雜錦天婦羅 炸粉非常薄脆，唔會太油，仲可以點埋天婦羅汁加蘿蔔蓉。特別條炸蝦好大條，脆口得黎都好爽口！明副其實做得天婦羅既精髓外脆內爽。👍🏻串燒：燒牛脷、月見雞肉棒兩串都仲好回味，牛脷豐腴，食起上黎又爽又脆，小小鹽灑係面更覺鹹香惹味。雞肉棒肉質帶咸，不過正正沾上溫泉蛋汁又中和返，一啖點一下認真滋味，啖啖肉！👍🏻卷物：牛