海陽。居酒屋

营业中

休息中

睇食評知道K11 musea 有間叫KAIYO 好出名，今次終於有機會嚟試。內裏裝修十分高雅而且好有情調，今次晚餐我哋點咗鍋物係美國和牛鍋，入面有美國和牛、日本豚肉、自家製餃子、招牌魚蛋、田園時菜、稻庭烏冬、仲有甜品。另外再叫咗海鮮丼，入面嘅材料都係時令嘅新鮮刺身，所以未必每次嚟都一樣，今次就有海膽、赤海蝦、蟹籽、帆立貝、蟹鉗、三文魚、吞拿魚、青魚等刺身在內。美國和牛鍋首先上嘅係前菜，都係日本傳統嘅沙律，好有日本嘅感覺。跟住係上燉蛋，暖笠笠每一啖都好滑好香蛋味。之後和牛鍋物絕對好味，因為美國和牛除咗脂肪分佈平均，比較上重牛味我好鍾意。魚蛋、豚肉、自家餃子都係好有日本特色而且製作別緻。食烏冬襯埋鍋嘅湯底食絕對係一流，提提大家，仲有隻生雞蛋畀大家食和牛時可點。重點要提係個海鮮丼，入邊每樣嘅食材都真係好新鮮，相信都係日本直送，特別係海膽口感絕對一流，到而家都好回味個味道，下次有機會同朋友嚟K11 musea 我一定會再嚟KAIYO。

開得向呢個位置，都期盼有番咁上下既水平平時都好少會不滿餐廳…但呢餐飯真係好失望店員安排位置後，好求其咁放左兩本menu落食野既碟上面…先唔講本野有幾污糟，正常都唔會放碟 一係放飯枱 一係直接俾個客跟住從我地坐低 到落完單 都冇主動過來斟茶要叫先有人過來 食飯期間，我地叫過一次幫手加茶，張枱有三個空杯，個侍應淨係斟左一杯就走左去😅第二 一上菜，我都呆左未見過咁求其既卷物，大小高低不一，連外帶壽司都冇咁樣衰…講緊呢碟野 係值$68 定$78 第三，當叫既野食都食得七七八八，見有個吉列蝦手卷仲未到，我地詢問侍應會唔會漏左單 侍應當時回覆係 師傅整緊但呢個手卷係一坐低就叫咁都算啦 等多十零分鐘前前後後 從落單開始 至少有50分鐘 我地食曬全部野食都唔黎 就算數叫佢地埋單 同埋取消左佢個侍應一啲抱歉既意思都冇 😓 仲用好串既語氣俾單我話 取消左個手卷啦大佬 你地自己漏左單 俾機會你又唔上 好明顯係你地做得唔好 都可以咁既態度至少其他食物 我地叫左九件壽司、一份叉燒拉麵、焗蠔、烤章魚同上面份卷物兩大一小 埋單 約$850 老實講 如果你食物質素好少少都冇咁嬲但食物又唔算話高質、份量又偏少，服務又差

話說朋友生日。佢知道k11 musea開咗好多食店想食下。見最近個市好返少少。就請佢嚟食日本嘢啦。我地book左星期二夜晚7點鐘，入座嘅時候已經半滿。我地被安排坐係L型嘅餐枱。咁樣傾計就會方便啲😂睇咗一陣餐牌我地最後叫咗壽喜燒美國和牛鍋。加州卷，鰻魚天婦羅，玉子燒同埋茶碗蒸。先上嘅係茶碗蒸，茶碗蒸旦味濃郁，而且入面有勁多配料。味道唔錯。再嚟嘅就係天婦羅，鰻魚肉唔會死實實，而且唔會話炸得啲魚太過老。加州卷上面有勁多蟹料。多到直情係滿寫出嚟。對我呢個蟹子同控嚟講。 我超鍾意食。玉子燒蛋味濃郁。美國和牛壽起燒。牛肉肥瘦均勻。最後我向大家推介，一定要叫佢個雪芭嚟食。我哋分別點左菠蘿雪芭，同埋椰子雪芭。特別係椰子雪芭。超好食。我同朋友都食到停唔到口。整體來講雖然呢一餐價錢可能會比較貴少少。但係我覺得係食物質素，環境同埋侍應嘅服務態度方面。絕對值呢一個價。 同埋有時都要對自己好啲嘅。間唔中咁樣一餐半餐都可以係對自己嘅一種鼓勵。

位於尖沙咀 高質日本居酒屋🏮平日8pm 仍然滿座 所以記得預先book枱🥰今次適逢生日 就揀左係度慶祝 整體好滿意🤍鰻魚玉子卷$138極長而厚身既鰻魚 佈滿鰻魚汁 味道好香濃😚配埋玉子 同埋雜菜🥗🥬 中和返醬汁嘅濃味~碎蔥吞拿魚腩卷$118有6件既小卷🙆🏻‍♀️但吞拿魚腩一啲都唔小🤣滿瀉既吞拿魚腩 食落既新鮮又滿足 讚👍🏻龍蝦蟹籽沙律$78開胃小食 帶來驚喜👏🏻 每啖都有龍蝦肉😳而且食落去凍凍地 增加食慾 配紫菜食 正😋燒黑豚肉白蔥串燒$48燒白鱔$98燒物唔算等太耐 即點即燒 熱辣辣🔥兩款味道唔錯 冇加太多調味料 可以品嘗到食材既鮮甜🤪天婦羅烏冬 冷$188飽肚之選😆冷烏冬份量好多 質地彈牙😍天婦羅🍤係店鋪既名菜~可多款可單點😎炸粉好薄 亦好鬆脆 炸蝦好好食 想再食🤤白桃梳打$58朝日生啤330ml $68

由於之前K11做會員送了k dollar 所以就去搵間餐廳試下場。就選了過間日式店。 入面有4人枱同吧台選擇。我地兩個人就坐番兩人枱好了。 地方都幾大 但兩枱之間就比較近，唔知係咪人手不足 要叫很耐才有職員來落單，而落單職員 落單速度比較慢 要讀3次先寫完一度菜。我地叫了 明太子冷烏冬。牛油果軟學蟹卷，京蔥吞拿魚腩卷，燒雞脯魚乾，茶碗蒸，炸番薯天富羅。冷烏冬，雞泡魚乾最推介 味道最好其他就普通點。價錢偏中上。 性價比不高。

kaiyo壽司係一款可以自己包的壽司，仲要擺盤勁靚，睇得又食得。吞拿魚蓉，海膽，三文魚子放係類似魚子醬罐入面，仲有金箔+魚子醬做toppings，顯得格外高貴。配上紫菜自己鍾意包幾多都得。一啖可以食晒咁多種食材真係好滿足。味淋雞泡魚干基本上去親日本餐廳都會點黎食，每一間燒的時間唔同都會有唔同味道口感。燒得剛好唔會太乾或者拮口，食落仲有少少汁。牛油果軟殼蟹卷軟殼蟹炸得好脆，配埋牛油果唔會太油膩。燒日本和牛鵝肝丼和牛煎到七成熟，和牛味香，油脂分布均勻，肉都好腍。鵝肝煎得外脆內軟，口感非常好。整體黎講打卡一流，味道亦好好，但係服務員態度麻麻。哩個價錢唔應該只得咁既服務，希望可以改善，因為都想再番黎食。

最近同朋友去咗 K11 Musea 行街，行到咁上下就開始揾餐廳食晚飯喇，鍾意食日本嘢嘅我，就揀咗呢間餐廳試試喇。餐廳裝修走高檔日式路線，符合返 Musea 嘅風格。螢光油魚 ($68) : 每次食日本嘢如果餐廳有都會叫，大多數餐廳都會配蘿蔔絲，不過呢度特別啲係配海帶，估唔到效果都幾好。海鮮茶碗蒸 ($48) : 材料有雞肉、冬菇、白果等等，茶碗蒸熱辣辣之餘口感勁滑勁軟嫩，值得一試。吉烈廣島蠔 ($78) : 炸醬又薄又鬆脆，廣島蠔亦多汁肥美。😋牛油果軟殼蟹卷 ($138) : 見師傅用咗成隻軟殼蟹整十分足料 👍🏻 通常出面嘅牛油果都係得少少，但呢度嘅份量就超多，而且口感細膩 😋 軟殼蟹又夠脆口，性價比超高。燒和牛海膽丼 ($288) : 海膽同和牛份量都幾多，海膽非常之鮮甜 😋 和牛肥美濃郁，和牛燒嘅時間亦掌握得幾好，而且每粒珍珠米都沾滿了惹味既醬汁，超級滿足。🥰

好友靚媽一坐完月，我哋當然即刻約食飯好耐無試過夜晚一齊食飯，今次約左<Kaiyo>海陽。居酒屋食大餐刺身，壽司🍣炸物，壽喜燒，拉麵烏冬等應有盡有。點了<特上剌身盛>共有6款，件件夠厚肉又肥美，靚媽表示好滿意🤤而<月見雞肉捧>也不錯，啖啖肉沾上日本蛋，滋味無窮。另外點了鍋物，共四款湯底選擇: 北海道花膠滋補湯，壽喜燒，辛辣日式泡菜鍋及我們點的涮涮鍋木魚湯的<日本A4和牛鍋>，估唔到原來有咁多嘢食，除了日本A4和牛🐮，日本豚肉🐷外，更有御付(沙律🥗，核桃白飯魚)茶碗蒸🥚自家製餃子🥟招牌魚蛋🍢田園時蔬🥬稻庭烏冬🍜更有精選甜品🍮。

上星期一坐完月即刻同好姊妹 @karen87karen 慶祝下！🥳🥳我地去左喺K11 Musea 嘅 @kaiyo.hk 海陽居酒屋!😍呢度環境好舒適，就算我地坐bar枱都好好坐，好闊落，店員同廚師們都好親切好好服務！🥰而呢度食物飲品選擇多元化，有刺身、壽司、涮涮鍋、天婦羅同丼飯，又有cocktail，紅白酒，sake等等！😋前菜茶碗蒸好嫰滑！同時有很多配料係入面：冬菇、豬肉、蝦，清清淡淡屬不錯的前菜。🐟特上刺身盛 （$398）6款刺身都很新鮮，好厚身！啖啖肉好鮮嫩，入口即溶一d都唔腥！😋🍣鵝肝壽司 （$148）同樣好厚好大塊，入口即溶鵝肝味濃！🍢月見雞肉棒兩串（$116）雞肉棒肉質嫰滑，沾上溫泉蛋汁更滋味！木魚湯A4和牛豚肉鍋 （$638）湯郁嘅魚湯好清甜，A4和牛簿切不帶筋，入口即溶絕對高品質！ 🍹Shizuoka Iced Tea cocktail 兩杯 ($128)帶點薄荷味， 好清甜解渴！

第一次來食是和同事食weekdays 的午巿，若12 點，那次服務都正正常常。覺得他們的餐點味道不錯，特地在週末帶家人來吃。Book了三點，三點十分才能安排入座。午巿我都理解店內是比較擠擁，不過這不就失去了訂位的意義？ 而且分配給我們的桌子可以坐的人數比我們本來訂座的人數少，說是之後有客人走再幫我們安排。在商場內，這個價位，服務質素已是好差。我們大概三點二十分點了第一輪餐點，上菜速度都正常。但吃完第一輪覺得不夠飽，便在大約四點多再加點了炸蝦卷和天婦羅盛。等了十五分鐘，我看看餐點有沒有下單，侍應回答師傅整緊。四點二十分才見bar 枱的師傅處理緊我們的炸蝦卷天婦羅盛更是離譜，等了半小時我叫佢cut咗佢，等太耐我已經唔想食，我要埋單，佢又應我師傅整緊，唔幫我埋單。同時間餐廳啲同事下場食飯，樓面服務人員少之又少。四點半到先上咗我們的天婦羅盛，仲同我地解釋「師傅換緊油！」🙄🙄🙄做午巿做到一半換油合理麼？你會不會午巿做到一半上唔到白飯跟住覆個客洗緊電飯煲？先當師傅非常重視食物質素，為什麼不在我們下單時/第一次追單時告知我們？你們的時間是時間，我們的時間不是時間？半個鐘嘅天婦羅，期間枱面冇其他餐點，

星期五平日放假，於是走去K11 Musea午膳，明明諗住可以悠閒一下……點知這間日式餐廳仲嘈過茶記。入座後沒有款待，叫餐、送餐、埋單……想揾個經過嘅職員都好難，每次叫到都要再等10-15分鐘。一個普通lunch，由$160-$300不等(未計加一)。食物質素看似高檔，味道一般，唔會再食第二次。

今晚到了位於K11 Musea的海陽居酒屋，選擇多元化，有刺身、壽司、涮涮鍋、天婦羅同丼飯，除了美味的食物外，清酒都好多選擇，簡直令人心多多😄。#頂級刺身盛 (6點)刺身很新鮮厚切，魚味濃郁，入口滿滿鮮味，蝦🦐超級大隻又肥美！#燒和牛海膽丼半生熟的和牛很柔軟嫩滑，海膽加持下，令鮮味更出，燒汁配搭日本米飯，就不知不覺食晒了😀。#特上三色丼厚厚的碎蔥吞拿魚腩，配上新鮮鮮甜的海膽，光澤十足的三文魚籽，淡淡滋味勁滿足😋。#銀鱈魚西京燒喜歡嘗魚的我覺得佢好好味，因鱈魚本身已很滑溜，廚師用上麵豉醃製，加多份咸香感，而魚皮煎到脆口，好味😋。餐廳環境舒適，食材新鮮，店員服務態度很好！讚👍☺️。

好友愛吃omakase，約我dinner，餐廳和風設計，環境優雅，座位舒適。我們點左二個套餐+小食。琥珀合桃和銀魚仔，香脆鬆化可口。海洋和風一人前：有沙律菜。刺身：金䱽魚、甜蝦、油甘魚，新鮮味甜。壽司：海膽、原條海鰻、碎蔥吞拿魚腩，很新鮮味甜，賣相吸引。味噌湯：有豆腐、海帶味道適中。雜錦天婦羅：用薄脆漿炸得外鬆脆可口內軟。日本和牛丼：和牛肉味香濃，日本米飯真又香又滑。😋😋串燒：燒牛脷很爽脆，月見雞肉棒配溫泉蛋，很香滑美味。吉列廣島蠔：無腥味蠔味足，甘香鬆脆。👍👍上刺身盛：有三文魚、炙油甘魚、帶子、甜蝦、吞拿魚，油脂豐，厚身帶子很新鮮味甜，真一分錢一分貨，物有所值。👍👍美國和牛鍋：有和牛、豚肉、魚蛋、🥟、稻庭烏冬、🥬，魚蛋很爽口彈牙，材料豐富。茶碗蒸：很嫩滑，有冬菇、雞肉。甜點：日本紅肉蜜瓜和泡芙。總結：食物高質素，服務貼心，高格調環境靚。

好友共聚，選了在這兒吃午餐。這兒的午餐餐牌選擇豐富，簡直令人選擇困難症發作，至於價錢，以這商場來說，並不算貴，人均大約$400。一輪三心兩意之後，結果我們點了三客午餐，分別是壽司午餐、刺身丼及和牛鵝肝丼，每款午餐附沙律、前菜、味增湯和日式蒸蛋。朋友點的壽司午餐包括帶子壽司、生蝦壽司和各款魚類壽司，還有軍艦，另配蕎麥麵，她說味道鮮甜，不錯，最後因為份量多，吃完壽司後已吃不下蕎麥麵。我點的刺身丼一上桌大家已覺賣相極佳，食材豐富，有蝦、蟹鉗、海膽、帶子、魚籽和五款魚類刺身，吃過後同樣覺得刺身鮮甜，好吃。另一朋友點的和牛鵝肝丼，我是吃了一塊和牛，牛味香濃，也不太油膩，算是不錯。至於隨午餐附上的其他食物，沙律沒什麼特別，前菜不知是什麼名字，很好吃，味增湯一般，日式蒸蛋很滑，也好吃。食物不俗，但服務就只屬一般，可能因為午市顧客太多，侍應忙不過來，我們想要添茶，先後請了三位侍應幫忙，才真的有茶可添。雖然服務有改善空間，不過因為食物質素不足，相信還會再來。

服務員叫刀冇反應，唔識招呼客人，歺廳廣播啲日本歌大聲到連坐對面啲朋友刀要大聲講嘢先聽到，叫服務員好多時候可能係因為背景音樂太嘈服務員聽唔到，經理常常犯錯，性價比一般。