海灣餐廳及海灣咖啡室

营业中

休息中

今次被老闆派遣到黃竹坑做野，黃竹坑我真係一啲都唔熟路囉，仲要放成差不多3個鐘break，勁想喊！正當好頭痕諗緊去邊到打法時間時，同事話不如過對面酒店食啦！即刻打電話去問有無位，又好好彩，有位喎，正，於是急急腳行過去食好西了！我地一過地鐵站，就由天橋到真落酒店，其實真心好方便！人唔算太多，坐住好闊，可以坐得好舒服，野食選擇都好多，個旋轉雪糕櫃，真係好吸精！個有沙律櫃超多選擇，好多新鮮食材，涷盤無生蠔，不過青口好大隻好鮮甜，都已經好滿足了！仲有日冲式魚生，師傅厚切大大塊，好爽呀！仲有特飲任飲！

放假+優惠=自助餐見到klook做自助餐優惠，就book左「海洋公園萬豪酒店」試試，果然不負所望。先講環境，坐在大落地玻璃窗旁，光綫十分充足。服務當然唔會差啦，始終酒店嘛！重點係食物，一心諗住lunch buffet唔會有太多嘢食，都唔會期望太高，點知喜出望外！一入門口就見到一排糖果櫃，加一個圓形雪糕櫃（幾特別）雪糕竟然有3個牌子和多款味道。再行就會見到冷盤區和壽司區，刺身好新鮮，甜蝦好大隻，帶子仲原粒上，好大粒繼續就會見到熱食，燒味，粉麵。連龍蝦依麵，蝦子撈麵都有得食喎最後就是甜品區，除cake,布甸，生果這些外，pancake,雞蛋仔都有最後每人還包一杯飲品食物嘅種類真的很多，我根本有好多都未試，肚已經full左今次簡直物有所值

今次是用了klook訂位優惠，Dinner buffet 每人平均每人只是四百二十元 .這間酒店餐廳的晚餐buffet質素非常高,食物種類很多,而且非常精緻.海鮮種類很多,我最喜歡的是清蒸龍蝦 ,而且源源不絕供應,絕不欺場 .另外, 湯品的種類都很多,有中有西,而且還有燉湯.有時候酒店buffet的甜品都是好睇唔好食,但這裏的各款甜品樣樣都好睇又好食 ,令人目不暇給.酒店員工服務態度非常好,又親切 .最貼心的是他們會主動問顧客要不要剛出爐的梳乎厘.期待有下一次的promotion

上個月和太太到黃竹坑Marriot Hotel的 Marina Kitchen食自助餐慶祝生日，地點很方便港鐵黃竹坑站步行十分鐘便可到達。環境也不錯位置空間感亦夠大不會有侷促嘅感覺。食物選擇方面亦都好多例如有西班牙燒乳豬、和牛漢堡、蒸龍蝦等每樣都不錯，而甜品方面亦都有即製的造嘅班cake、各式各樣的糕點還有一個巨型嘅雪糕櫃提供不同種類嘅雪糕。咸點中以燉湯以及蒸龍蝦最吸引性價比高值得一試再試，下次有機會都會再去的。😋😋

話說余媽媽到左Marriott海洋公園酒店餐廳Marina Kitchen & Cafe食Lunch buffet~ 係門口附近已經見到部好過癮嘅自轉雪糕機~有余小b大愛嘅Häagen-Dazs雪糕呀! 隔離仲放左一大座糖果機, 真係好大嘅誘惑呀! (余媽媽用盡九牛二虎之力才帶到余小b番埋位!!!) 以Lunch buffet嚟講, 呢度食物款式都算幾多, 無論係冷盤定熱盤都有好多選擇~ 而最吸引我當然就係刺身和海鮮啦! 吞拿魚和帶子特別美味, 要食多啲呀! 呢啲日本直送嘅魚生刺身都係屬於可持續海鮮, 大家可以放心食用啦! 仲有好多款好吸引嘅甜品, 賣相靚到唔捨得食呀! (絕對係好睇又好食) 聽聞dinner buffet仲會有麪包蟹, 波士頓龍蝦和鱈場蟹腳等, 諗起都流晒口水, 海鮮迷又要出動喇! 咁有質素嘅buffet, 價位預左一定唔會太低, 平日Lunch buffet成人三百幾蚊起, dinner buffet成人六百幾蚊起, 另收加一服務費~

每逢幾個月總會有一餐自助餐令到自己十分驚喜，繼上次在金鐘的JW萬豪吃過一餐令人難以忘懷的自助餐後，今晚又再有同樣令人吃得滿足又幸福的一餐。 無獨有偶，同樣是萬豪的出品，而且係呢幾個月最火紅最多人關注的海洋公園萬豪酒店。 新開了一段短時間的海灣餐廳及海灣咖啡室，在萬豪酒店剛剛開幕的時候，我曾經看過一下這裏的自助餐，因為當時公司有優惠，所以看看會唔會好抵食才買那時的優惠套票，可惜當時的陣容並未留下深刻印象。 今天來吃過這裏的自助餐的時候後，方發覺回頭已是百年身，當時如果買了那個優惠，我一定會食完再食，買兩次都唔夠，同不同的親戚朋友分享過後，他們都不約而同有興趣來吃，因為這裏的自助餐實在太吸引！ 感覺就像點解唔一百蚊買騰訊一樣，我而家好後悔當時無把握公司的優惠。 不過而家遇上喜歡的自助餐，不如想想及時行樂再食多次好過，就而家推薦一下當晚吃過的東西。 第一樣我會大讚的一定係即叫即整嘅龍蝦counter，我相信你去食自助餐食龍蝦一定食過，但係活生生嘅龍蝦新鮮原整蒸原隻切原隻食你又試過未？甜度新鮮度不用多說，淨係看到長長人龍你已經知道不能錯過，成本之高昂你吃兩件都可以翻本。 第二個好shar

要是我告訴你只以六百多元的價錢便可以在晚市自助餐中吃到活蒸龍蝦、即煎和牛、脆嫩乳豬、鴨肝漢堡、米芝蓮星級叉燒、老火燉湯、富貴版花膠海參車仔麵、精緻版蝦籽撈麵、多款環保海鮮、刺身和優質熱盤、三大品牌雪糕和極多款式的沙律與甜品，你會覺得物有所值，甚至物超所值嗎？我就覺得絕對是物超所值了。 這自助餐在哪裡有得吃？告訴你吧，是在海洋公園外圍萬豪酒店內的「海灣餐廳及海灣咖啡室」Marina Kitchen & Marina Cafe。這間開張還不到半年的新酒店，自助餐其實在最近這個月才推出，但一試之後，已經令我印象難忘，想與家人再次到訪。「活蒸龍蝦」新鮮即劏開邊即蒸的龍蝦，鮮甜度非一般的龍蝦可以比擬，肉質鮮甜無比，加上邪惡蝦膏，教人難以抗拒。讓我足足吃了一隻半，因為太多美食要兼顧才肯罷手。 「即煎和牛」即煎美國和牛，軟腍而有肉味，固然是好，十多款的芥末與鹽末，種類繁多，就更讓人感受到這兒自助餐認真的服務態度。 「脆嫩乳豬」原隻乳豬仔，皮脆肉嫩，脆皮、脂膏與嫩肉混成令人難忘的美食。「鴨肝漢堡」軟熟的麵包，膏腴的鴨肝，小小的一個，好味，但邪惡，淺嚐一個，已經足夠。「米芝蓮星級叉燒」由米芝蓮星級大廚主

適逢聖誕佳節，老細話要請我哋食自助餐慶祝下，咁我哋今次就嚟咗呢間海洋公園酒店旗下嘅餐廳食自助餐。佢都幾多選擇下，有海鮮啦，刺身啦，仲仲有好多中西食麵食、菜式選擇添。佢啲刺身好新鮮，係有員工係你落單之後即刻人手次出嚟架。啲海鮮就普通，係啲蝦真係幾新鮮食咗幾轉仲想繼續食，10分推薦！有同事食咗啲pasta, 佢係即叫即整嘅，不過我驚食得太飽，到時冇位食啲正嘢就唔好啦。但個同事都話幾好唔錯嘅。佢仲有啲燒未啊粥呀咁，我都覺得OK，啲燒味都好新鮮仲熱熱地唔錯。最正就係啲甜品啦，因為嗰排聖誕節，啲甜品好有節日氣氛又好味。啲種類都幾多下有燉蛋啦，慕絲蛋糕仲有waffle tim,即叫即整好正架！

2019年轉眼過了兩個月，大家的心願達成了多少？作為一個徹頭徹尾的吃貨，我有幸遇到了可能是本年度最精彩最豐盛的 buffet，地點是海洋公園萬豪酒店內、環境優美的 海灣咖啡室 Marina Kitchen！ 推介必食包括：蒸焗生猛龍蝦、超多款環保海鮮及鮮甜刺身、脆嫩乳豬、即煎和牛、鵝肝漢堡、米芝蓮叉燒、花膠撈麵、老火燉湯等，還有匯集三大品牌的旋轉雪糕櫃、超多口味的 Jelly Belly 以及令人眼花撩亂的甜品陣，晚市收費六百多起絕對物有所值！ 港鐵通車後，由元朗來海洋公園只需48分鐘，抵達餐廳還未到自助晚餐開始時間6:30pm，正好可以一拍清幽的環境！前後拜訪過酒店內 Prohibition 及 南海小館，都有著美麗的園林池景，Marina Kitchen 也不倒外，氣圍及設備更加 kid-friendly，非常有渡假的感覺。 一步進餐廳首先就是吸引人眼球的旋轉雪糕櫃，今天就先由甜品開始介紹吧。一般的 buffet 都只有一款雪糕品牌，有兩款以上已算多了，這裡卻同時結集了三大著名品牌，包括 Häagen-Dazs Tiramisu Mochi 及三款口味雪糕批、i-Scream

第一次來海洋公園萬豪酒店吃自助餐，其實到達之前已經有點飽，本來只想坐下來跟朋友談談天，豈料美食實在太多，蒸活龍蝦、凍麵包蟹、長腳蟹、各式刺身、和牛漢堡、米芝蓮叉燒、花膠海參車仔麵，就連雪糕都集齊三大品牌，幾乎每道菜都是回本位，於是我又吃吃吃，吃了好多…… 今年二月才正式開幕的海洋公園萬豪酒店，焦點之一，肯定是琳琅滿目的自助餐。餐廳很好找，在海洋公園站下車後，走過天橋，沿左手邊的電梯到地下，右面就是海灣餐廳了。雖然我們晚上到訪，但酒店外面還是超好拍，我們整古做怪的拍了好幾張chok相。 吃自助餐的話，凍海鮮一向是我的第一最愛，這裡的選擇也多，爆膏的麵包蟹、鮮甜的長腳蟹和鮮蝦，還有好多品種的貝類，叫人愛不釋手。 凍海鮮旁邊有五、六款Cold Cut，還有Cheese Platter、煙三文魚及沙律。 不過我的焦點還是放在刺身凍櫃，不是一般大路貨色，而是有深海池魚、帶子、赤蝦等等，不吃魚生的我，今次也有很多美味選擇，尤其是赤蝦，鮮甜又大隻，不得了。 吃完冷盤，開始吃熱葷。必吃的一定是蒸活龍蝦，蝦肉爽口彈牙，雪藏貨色絕對無得比，朋友吃了三四轉，他肯定回本了；另

海洋公園旁邊的萬豪酒店甫開業，除了大堂中央的特大魚缸是話題作外，附設的幾間餐廳，同是令人津津樂道。 老實講，換了是幾年前，出入一次海洋公園都幾奔波，但今時今日，地鐵通車後，出入至少節省了一個鐘。 從地鐵站天橋信步走到連接酒店扶手電梯，都只不過是5分鐘的腳程，超方便，香港的基建的確到位。 餐廳入口處，有大型糖果機，小朋友可以在家長陪同下~盡情食吧！ 自助餐香港好多酒店都有，如何取捨呢？不如今次就由我來個重點介紹。 清蒸活龍蝦環顧香港Buffet，有活煮龍蝦的餐廳，真係一隻手數得晒，想不到Marina用上原隻鮮蹦活跳的龍蝦，蒸好後即時開邊，冒著蒸氣熱辣辣上碟，吸引度爆燈，食落爽甜彈牙，仲要係任食，單單龍蝦已回了一半位。 Seafood Station作為主題公園酒店，餐廳選用的，都是環保海鮮，所以成本會較高，但都值得支持。 中間的麵包蟹蟹膏勁爆，紅彤彤的極之誇人，好想拌落白粥，一定好甘甜。 而藍貝肉質嫩滑、翡翠螺及東風螺煙韌有嚼頭、阿拉斯加蟹腳甜美可口，加上花甲及海蝦，陣容比起好多酒店優勝。 刺身 有我喜歡的幼嫩帶子，