海灣餐廳及海灣咖啡室

营业中

休息中

今日冇入園玩，專程揸車嚟到酒店食自助晚餐，可以有三小時免費泊車。入到餐廳就見到個大型轉盤雪糕櫃，大家都好好奇，走埋去睇咗陣，有好多款雪糕呢。然後見到好靚的甜品區，呢幾日過年擺放咗一些紅色的甜品，非常吸睛。安排位置坐好之後，大家各自各找尋美食，沙律區大量新鮮蔬菜，cold cut 也很精緻，當然少不了海鮮區，開邊龍蝦、長蟹腳、大蝦、大螺、青口，仲有麵包蟹，的確新鮮，大家都吃了不少。然後食咗一round魚生，有帶子、希靈魚、油甘魚、吞拿魚、針魚、甜蝦等等， 魚生都非常新鮮，帶子清甜，希靈魚最好吃。呢度有老公最鍾意飲嘅燉湯，材料有鮑魚、螺肉、舞茸，真味，正！一個角落有蝦子撈粗麵，廚師即席泡製，淥完麵放入冷水過冷河，再煮，然後加蝦子、醬油、麻油、蔥粒，麵質爽口。今晚有烤羊架及西冷，烤得唔會太熟，羊架肥美。香煎盲曹魚塊、煙肉卷及鴨肝漢堡包都很吸引，燒味有油雞、叉燒及燒鴨，其他熱葷有西芹炒蝦球帶子，蠔豉豬脷，炆豬手等等。阿女叫咗個即炒龍蝦意粉，個汁好香好濃好好味。成晚雪糕櫃嘅雪糕流量最多最快，侍應不斷 refill，尤其是雪糕批，我哋食咗唔止一round。酒店自助餐甜品的確冇得輸，呢度更加有好多款