海灣餐廳及海灣咖啡室

营业中

休息中

我哋游完水之後就去食dinner buffet, 都幾多選擇， 海鮮/刺身/凍肉/沙律/熟食/燉湯/肉類/甜品等等……啲雪糕轉住畀你揀，感覺又幾興奮喎！😆👍😆匯豐卡仲有75折！ 所以性價比都幾高! 值得一去 ! 👍  想食嘅話, 提大家預早book位，因為都幾乎full 下， 可能因為大家都趕暑假尾班車！😏今次我哋用咗匯豐信用卡優惠有75折，我哋當晚係平日成人$668, 小童$428, 2大1小折扣連加一後 $1499.4！🤩

雖然海灣咖啡廳開業唔係好耐，但已經成為我最喜歡既buffet lunch 第二次泥食，一定要分享下我最鐘意呢度既原因。如果你喜歡食刺身的話，呢度一定滿足到你，雖然無海膽同三文魚。但有大大粒原粒帶子同牡丹蝦同新鮮肥美油甘魚。絶對岩曬魚生控其次我最欣賞係呢度既燒味叉燒，但掛住食既然唔記得影相，絶對比得上外面既出名燒味店家。 最後係女仔都鐘意既甜品種類好多。大部份都好好食。連雪糕我都食左三杯，真係唔係講笑，而且仲有好多特別口味，好正呀。順帶一提，如果有小朋友既話呢度有jellybean任食家，小朋友實好歡喜! 因為今次用左klook優惠碼，只係300一個人連加一真係好抵呀!

冷海鮮最吸引當然係麵包蟹，咁麵包蟹最吸引當然係個蓋，但好可惜，唔知點解除左6:30 一開始有幾個蓋喺盆野度之外，之後都係得d身吖，腳吖，箝吖咁，從來冇refill過蟹蓋，全餐飯最失敗之地方。剌身中最正係帶子，原粒上，好好口感。壽司就算吧la。Cold cut就好麻麻，d火腿唔夠香，放落咀感覺係食左啖油。燒牛肉太生，血淋淋，銷情麻麻，反而羊架就超正！鴨肝都唔錯，西班牙乳豬就太肥。全場其中一個回本位係清蒸龍蝦，質素係ok的，但係佢唔將個箝同蝦身分離，枱上面又得剪蟹腳嘅剪，所以食落有d 喱hea。熱葷冇乜點試，浄係食左個蒸鮑魚，ok的。燉湯我就覺得超麻麻。呢間酒店另一大賣點係嗰部大大部嘅雪糕櫃，但去到真係幾失望，因為得幾款雪糕轉下轉下，而且連最大路嘅呍喱拿雪糕都居然冇。甜品有個榴槤專區，我唔識欣賞。其他甜品就真係好一般，但如果有幾個大大個圓碌碌嘅cake, 感覺會好d。

一家人去海洋公園玩了一天由早到晚。便想在附近吃完飯才回家！見到酒店便想起不如吃Buffet ！打電話訂位餐廳說了是Full booking 。心想便試下walk in 看看運氣😊！好在雖然不近buffet 桌但也有位！第一次吃、食物不錯有龍蝦、和牛⋯⋯不好的是冇生𧐢和凍海鮮、刺身不太吸引。

話說今日同屋企人嚟咗海洋公園萬豪酒店食自助午餐慶祝我同阿妹生日😆12點鐘我哋到咗酒店啦不過好奇怪嘅係餐廳入邊有一半地方都冇着燈🤔 連期待左好耐嘅雪糕機都冇晒雪糕一路食一邊聽侍應哥哥話遇上機件問題 工程部搶修緊😱咁唯有食嘢先啦。以自助午餐來講呢度都算多嘢食🤗 海鮮來講有蟹腳蝦青口東風攞 有沙律有凍肉芝士 刺身有好新鮮嘅八爪魚帶子甜蝦 幾唔錯熱食唔算好多 不過蜜汁叉燒係幾好食 今日嘅特色係越南紙米卷 爸爸話好正甜品種類都算唔少又有豆腐花 雞蛋仔同埋pancake 當然唔少得雪糕機啦媽媽訂左兩件小蛋糕俾我同阿妹呢個生日自助餐就圓滿結束啦最後一題就係酒店為咗補償番今日每人送一杯橙汁或者蘋果汁 用餐時間亦都延遲到3:00pm😄

暑假來臨，帶媽媽去海洋公園隔離的萬豪食Lunch Buffet，由12點食到2點30分。一入門口，已經見到旋轉雪糕櫃有三大品牌杯裝雪糕：Movenpick，哈根大師，i牌子除咗六款口味，食到中途會轉款。熱烘烘的雞蛋仔，加上凍冰冰的軟滑雪糕，無敵組合，結果食咗四round，罪惡感不斷湧現！！！接待處旁邊放咗兩部糖果機，第一次喺自助餐見到，極受小朋友歡迎，個個圍住玩甜品有好多款，一口一小件，可以每款試下，又有豆腐花。特別推介cheese cake，焦糖布甸魚生有八款，有少見的深海池魚，美中不足是沒有三文魚，可能與早前報導含寄生蟲特別推介帶子，赤蝦，鮮甜肥美仲有多款海鮮、沙律、cold cut食Buffet好少會夾燒味，但特別推介叉燒，肥瘦適中，軟熟多汁，是我食過最好的叉燒尚有太多美食，不能盡錄。以Lunch Buffet嚟講，食物種類多，質素高，環境寬闊，侍應有禮貌，性價比高，必定再去！！

海洋公園萬豪酒店去年開幕，有兩組朋友都想嚐新，知道六月有用餐七折優惠，不約而同訂了前後兩天，我就一連兩天都在那裡吃自助午餐了。幸好食物款式多，質素也不錯，且每人還特別奉送一客花膠鮑菇，吃多兩次，也仍然有期盼。這是渡假酒店，餐廳設計簡潔明朗，園林景觀，氣氛舒適。食物林林種種，分門別類，整齊有序。由於是午餐，太貴重的如蟹蠔鮑魚等是沒有的，凍海鮮只有蝦、青口及東風螺，冷盆肉及刺身較豐富，沙律款式比一般講究，熱盆也是應有盡有，其中蒸魚及煎蝦最好吃。燒味部雞鵝叉燒齊備。最值得推薦是燒羊架，鮮嫩多汁，非常好味。最後，當然是怎也擋不了「Movenpick 」雪糕櫃的誘惑，吃它三兩杯，香軟甜，超值了！

今日同屋企人去完海洋公園玩就直接book左海洋公園酒店食自助餐！過去酒店好方便，有條天橋一直行過去就到啦。。。自助餐6點半開始，都可以早啲入去座。用餐地方好大，食物區都分散，吾洗一大班人堆係同一個位拎食物。職員亦好有禮貌，見我地拎住一袋二袋都主動幫我地拎下，讚！一入去自助餐最吸晴地方係門口既大型旋轉雪糕機，入面有H,M牌子雪糕，仲有自家品牌雪糕🍦正凍盤:蝦🦐長腳蟹，麵包蟹，青口，蜆，但我覺得無特別好食同吸引，所以轉食下個重點。。龍蝦🦞有原隻即蒸即開龍蝦，爆膏咖！肉質鮮美多汁，好好食西班牙乳豬：佢既外皮吸引左我！脆皮乳豬🐷🐷不過嫌好肥好油，一件就夠啦即煎和牛🐮有人會即煎咖，每次2片。和牛吾算好香牛牛味，但油花都好多，好食既鴨肝漢堡：鴨肝外仲有舊牛肉既，舊牛好乾身吾好食。反而就甘鴨肝漢堡好食好多！麵包鬆軟鴨肝又香！即切西冷同羊架：西冷我無食。食左羊架，羊🐑蘇味太勁，同啲肉係粉紅色，所以我食左少小咋，接受吾到。。。燉湯：個湯好清甜，飲多幾盅都吾怕沙律區：選擇正常既，但沙律菜吾新鮮，好多都生銹變黃刺身：我只係食赤蝦同帶子，好鮮甜又大粒熱盤粉麵區：我都已經食吾落啦，嘻嘻。。甜品🍮每件都好精緻，細

端午節，一家四口一起去食lunch buffet, 順便幫小朋友慶祝，訂位時已經說明幫小朋友慶祝生日，餐廳職員 confirm我booking 時有講明會預留一個生日cup cake和生日牌給小朋友，但到餐廳時完全沒有這回事，餐廳staff完全當冇事發生。講真我都俾左幾百元一位的buffet 價錢，我當然唔會同你計較一個cup cake，但身為一家5星酒店的餐廳，是不是要對你承諾給客人的事情負責尼？這點真的有點失望。再者，餐廳裡的廚師態度也不是很好，特別是負責壽師和煮刺沙的兩位，只是我多問幾句，已經用很不耐煩和很 ‘寸’的語氣來回答我的問題，講真我知就唔使問你喇，大哥！如果你對公司有咩意見，你應該找你公司，不是發洩在客人身上。侍應清理桌上的空碟也很慢，過來加水，就真的來加水，唔會收埋d空碟，果然係 ’專業‘。最後，海鮮桌食物refill的速度好慢，長腳蠏几乎是長期懸 ‘空’ 。期他食物質素也沒有什麼特別。

鍾意食自助餐嘅我 今次要試吓海洋公園嘅萬豪酒店自助晚餐 酒店環境好靚而且好寧靜 餐廳對住酒店游泳池個靚境 未食就已經興奮自助餐6:30開始 餐廳嘅門口個識轉嘅大雪櫃已經十分吸睛呢間自助餐其中一個賣點就係蒸龍蝦其他酒店自助餐絕對少有嘅蒸龍蝦 每人每次只限攞半邊 非常新鮮 龍蝦肉很彈牙 肉汁也非常鮮甜 仲可以加芝士汁 此外 必食嘅仲有鵝肝漢堡鵝肝煎得非常之juicy 仲有必食嘅脆皮燒豬脆卜卜十分好味道除此之外 是日燉湯係松茸菇響螺竹絲雞燉湯🤤仲有和牛同蝦子撈麵 仲有好靚嘅燒味區冰鎮海鮮都有好多款到甜品有雪糕: Haagen dazs, I scream, 同movenpick食到眼睛也發亮了仲有脆卜卜嘅雞蛋仔 同好多種味道嘅macaron壓軸嘅係抹茶紅豆心太軟 賣相十分掂完全食唔晒想食嘅嘢就已經飽了 嗚真係好唔捨得走~

因為某網上平台做promo, 折完$4xx位, 所以造就左呢次開心之旅未食之前已經知道呢度有清蒸龍蝦了, 一直好期待, buffet 6:30on 準時開始, 第一時間當然去拎龍蝦啦龍蝦: 因為新鮮, 唔怕清蒸無味,一食爽口 鮮甜, 龍蝦肉配上蝦膏同食 羊架: 看似好生, 本身都有d卻步, 但食落 味道一流, 熟度岩岩好鴨肝和牛漢堡: 好正, 味道同出面專門店無 分別, 前後食左2個美國和牛: 個人都係覺得日本和牛好味d大大隻嘅赤蝦同大大粒帶子, 新鮮味美, 最開心竟然有三文魚子壽司, so happy, 第一次食buffet 有呢款壽司任食咋, 好開心, 可惜當晚太多好野食, 太飽只食到一件咁多舞茸竹絲雞"鄧"湯, 好香好味, 點都要飲一盅呢間萬豪buffet 真係好正, 試過真係好難返轉頭但原價真係唔捨得成日食, 如果要有super promo一定再食!

三天的假期，全家到這邊玩。入海洋公園前，要先食飽飽。提前向酒店職員了解，自助早餐的繁忙時段，就在8AM開始，所以全家早在7:30AM入座，實行＜早起的鳥兒有蟲吃＞。就因為時間尚早，客人不多，環境尚算寧靜。而客人大都是同聲同氣的香港人，看來酒店的推廣不錯呢！　先繞場一週，看看有什麼好東西。水果：火龍果，藍莓，青紅蘋果，橙，菠蘿，蜜瓜，西瓜，奇異果　凍肉盤：很多粉紅色的肉類，還有煙三文魚。　芝士盤：六款芝士　　有常見的Brie cheese和Cream cheese, 也有少接獨的羊奶芝士Goat cheese，Edam cheese艾文芝士Emmenthal cheese埃文達芝士。最特別是Herb & Garlic Boursin波爾斯因芝士（香草及蒜蓉）配梳打餅一流。沙律：不同的沙律菜和Salad dressing。個人比較喜歡把煙三文魚和巴馬火腿夾著苜蓿芽，一拼享用。　奶製品：有小杯乳酪和多款香港本地品牌的奶製品。　　蛋類專櫃：炒蛋／烚蛋／煎蛋／蒸蛋／奄列　就趁没有人排隊時，特地點了芝士蘑菇洋蔥奄列，餡料超多。其實更想把所有配料都加到奄列！包點：十多款的包點，款式超多，真係食包包食

今年首季公司業績理想，所以公司領導人拿錢出來請吃飯。投票決定一行十二人去了海洋公園旁邊新開的酒店吃自助餐。雖然閒日標價每位 $638 似乎有點貴，幸好，有同事利用網上預定可享七折優惠，那麼個價錢就化算好多了。傍晚六點左右，我們大軍已殺到，餐廳說，六時廿分便可讓我們入座。我們在餐廳外邊的泳池傍影下相，打下卡，好快便到入座時間了。餐廳很大，分了幾個區，又新又靚，不過空調不太夠。識食的必是先食新鮮龍蝦，每人每次限取半隻。我們心想，吃夠一隻已經可以回一半本了，所以，一開波，我已吃了一隻龍蝦，再加多一個鵝肝和牛漢堡。龍蝦非常爽口鮮美，鵝肝和和牛都很出色。中式部有燒味、燉湯、湯粉麵和蝦子麵類。西式那邊烤三文魚值得試，而西班牙燒豬就是必吃的，因為非常脆皮。日式代表有刺身、壽司，但是不算太吸引，只是幫襯少量刺身。另一日式代表是鐵板燒和牛 (來自美國的)，味道、口感沒有預期般好，食力較少的朋友可以留肚吃其他。其他cold cut、沙律、冷盤熟海鮮質素一般般。甜品、糕點、雪糕選擇非常多，小朋友來的話必會喜歡。今餐本來可以比80分的，不過，到尾聲時，職員拿出幾個綠茶蛋糕出來，向客人推介。我們都要了三個來試。

見新海洋公園酒店新開，襯家人生日，就黎呢到食！不過就無咩驚喜，熟食款式種類相對較少，味道ok，中規中矩。試一次就夠了。冷盆有呢幾款排隊就有好野食😐 呢個清蒸龍蝦🦞都幾鮮甜👍🏻 不過佢一batch 咁出，排一排隊先有得食刺身款式算多，新鮮， 但味道就一般呢度係其仔熟食，排隊的和牛都係好味😋 都係要排隊先有得食😐另外燉湯都值得一讚👍🏻 足料好味今晚special 係每位一份花膠鮑片，花膠係幾大，但係我果份就唔夠淋啦。最滿意就係甜品，款式真係好多，細細件可以試多d , 好味的，唔會甜到唔想食👍🏻見到個雪糕櫃好開心，款式好多👍🏻

趁著復活節期間，公司同事提議一同到海洋公園聚餐，對上一次已經是聖誕節的時期了。由於復活節期間，餐廳準備了不同的甜點應節，就先從甜品開始介紹。各式各樣的曲奇佈置成復活兔的樂園。餐廳的甜品區域佔最大空間，最特別的是連雞蛋仔都有供應，喜歡吃甜品的一定要來試試。刺身非常新鮮，赤蝦及帶子必點。冷盤的海鮮亦新鮮鮮甜，煙三文魚味道可口。中菜區域提供的菜式質素相當高，當日沒有中式點心，反而供應蒸扇貝，而炒蝦仁及鮮魷都爽脆鮮甜。燒味部的叉燒及燒鴨，味道一流，必試。餐廳內有西式的燒烤區，午餐時有羊架、烤豬腿肉、雞扒、各式腸類及烤蔬果類。午市時分有廚師為客人親自烹調龍蝦伊麵，雖然只是龍蝦鉗的部位，但龍蝦肉新鮮，還是挺好吃的。伊麵的味道會較淡，建議可自行加芝士作配搭，成為芝士龍蝦伊麵。最讓人興奮的是這個會旋轉的雪糕櫃，櫃內放有三款牌子，六款味道的杯裝雪糕，是午市回本的取餐一大位置，謹記留肚吃雪糕喔！