海灣餐廳及海灣咖啡室

营业中

休息中

呢間自助餐開左冇幾耐，book左同男朋友屋企人慶生一齊試下☺️首先入到去覺得環境幾大幾舒適，食物好多種類，尤其係甜品同雪糕！食物好新鮮，尤其龍蝦🦞feel到係好新鮮，係實正唔同有d buffet得個樣但肉質冇呢道咁好，麵包蟹同魚生都唔錯，encore左幾次！甜品種類好多好似有半個場都係甜品咁！岩曬我呢d甜品控😀😀😀雪糕唔洗自己裝，係一個個現成既package，有哈根大雪糕同雪條，movenpick任食！配埋個waffle真係冇得輸🥰有隻意大利朱古力雪糕都係第一次試好濃唔錯！豆腐花幾滑：）因為有人生日所以送左個一磅cheesecake🥰成餐飯食得好開心，因為多野食而且質素好，二來服務態度好好，好主動d員工，員工真係好nice好好service☺️下次會再黎食！

因為一月是媽媽同弟弟生日，所以請佢地食自助餐。訂位已備註是慶祝生日 ，酒店打電話來時亦有同我講話有一件小蛋糕俾生日的人。但果晚，即使去到最後俾錢，都是無影的。食物方面，真係無論是凍海鮮，熱盆定湯都是無味架！其實真的好高難度。甜品部個姐姐，新手，煎pancake睇住佢煎爛，煎燶左好多塊丢垃圾桶，街邊小食店煎得靚佢好多。雪糕櫃又是搞笑位，雪糕櫃度門是向內，正常理解是要職員拎俾你，但由於得姐姐仔(係啊，無錯，都是煎pancake果個負責)無時間，我見好多人都自己走入去拎。侍應方面，不夠人手，我張枱最高紀錄放左10隻以上的碟無人收，應該15分鐘無侍應經過過我個位。Jw op正式終結在我的自助餐名單。

對一間新開嘅酒店 , 我會覺得佢唔合格 , 自助餐食物質素強差人意 , 餐具 已經有漬 , 枱面要叫佢哋嘅同事 再淸理一次 然後先開始進食 , 除夕 lunch buffet 500幾蚊 真係好失望 !

2018.12.21與家人食自助晚餐，18:30開始人不嶨多但要1個月前訂位才有位。冷盤最豐富有面包蟹、龍蝦、蜆、青口等等......面包蟹有膏但龍蝦沒有。還有6至7款刺身，有帶子，吞拿魚、劍魚、甜蝦，師傳十分友善我最初只想取3款刺身，但師傅不斷問你是否需要追加其他刺身。可能是冬天有時令羊腩煲、胡椒豬肚湯、還有燉湯，其實我平時口味都偏淡但都嫌湯無味如水般。燒味最出色有豉油雞、燒鵝、叉燒，最好味甜品種類比其他自助餐多，豆腐花十分出色，雪糕有細盒Hagen Daz 和movenpick 任取開張首一個有每位送一隻南非鮑魚凍食總結：坐位寬敞與鄰桌不是很近，酒店剛開幕暫未有旅客，環境乾淨裝飾很美，食物總類多但普遍味道偏淡，不時還有人形公仔和客人合照最岩小朋友。但價錢偏高，應該不會再去

又來到一年一度的聖誕節，許多公司都會舉行聖誕派對或聚餐。今年公司請一眾同事來吃午市自助餐，當我知道的時候心情興奮不已。畢竟海洋公園是陪着不少香港人成長的地方，這次有機會來到這裏吃自助餐是滿懷期待的。時值聖誕，餐廳已把一條取食物必經的走廊怖置得相當有節日氣氛。而餐廳的環境寬敞舒適，這天看到餐廳顧客聚多，但都不會覺得擠迫嘈吵，空間感十足，每張座椅有一個小咕𠱸，坐久了也不會累。在食物方面，凍海鮮有龍蝦鉗、翡翠螺、東風螺、蜆、蝦、藍殼小青口及普通的青殻青口，以午市來說，種類算挺多。熱食區有燒羊架、燒豬柳、燒雞排、燒椰菜、燒蒜頭、燒粟米等，全部都高質味美。燒烤區飾有聖誕燒火雞，剛好師傅片了火雞腿位置給我，加一點小紅莓醬同吃，火雞腿肉質很滑，十分可口。大家千萬別錯過港式燒味區域，這天供應叉燒，燒鵝及豉油雞。叉燒是梅頭部位，肥瘦及甜度適中，肉汁多，又冧又好吃。而喜歡吃甜品的人有福了！即使是午市，這裡的甜品種類琳琅滿目，精緻又可口。個人推薦栗子蛋糕、樹頭蛋糕和迷你芝士撻，必吃！各式各樣的朱古力、曲奇餅和糕點，可隨意享用，配合咖啡一同品嚐，令心情愉悅舒暢。甜品區真的很大，明顯看得出是餐廳悉心安排的主打區

幾好，海鮮出得快，唔會有吉碟既時間。不過美中不足係 無生蠔龍蝦比較un西湯有2款中湯有1款雪糕好似有8款放燒味果個位我miss左 臨尾先發現已經食唔落了去完海洋公園唔知食咩 可以去試下既不過不失。

星期日去海洋公園玩了大半天，公園 隔離有間新開酒店 ,朋友門 已經訂好 位去食buffet .時間有多在外面行，看到有好多聖誕氣氛🎅！餐廳內部有各式各樣 環球美食， 最有特色海鮮麵包蟹🦀🦐🐚龍蝦青口 龍蝦 全部海鮮好鮮甜 …中式美食 叉燒，可口燒鵝 燒得皮 皮脆肉厚好多汁。天氣冬 飲返一碗滋潤 海底椰 燉湯，聖誕節關係就有火雞🦃 “個個都食到好開心仲有鮑魚一隻送給客 品嚐 鮑魚好鮮甜” 每個人都有自己鍾意喜愛東吃！深夜就各自回家去座交通工具十分之 方便。💖

今日黎到海洋公園酒店食自助午餐，諗住睇下新開既酒店係咩樣，但整係黎左酒店～反而無入場玩哈哈☺️餐廳都幾大，同行四人，朋友們都大讚坐得舒服。野食都算當選擇，甜品控表示最開心係有hagendaz 雪糕！仲有movenpick!! 兩樣都有真係好滿足～味道都算幾多種～所以我都食左好多杯！而由於臨近聖誕，所以有火雞食！火雞燒得都幾香，肉質鮮嫩。而其他食品，如熟食、甜品、壽司等等食物質素都可以。甜品都好精緻，有聖誕老人係上面呢☺️但呢度價錢偏貴，每人都要$400左右啊～所以呢，黎試下就ok, 食多次既話都係市區自助餐較抵食。

中午不值得去試，看報導新開，比介紹食品吸引，嘗試訂中午試吓，去到已經見食物款式不多、刺身冇三文魚凍海鮮冇長腳蟹。只有好普通嘅青口蝦攞。我見到直情唔想食所以冇試過。熱食款式都唔多，羊扒好肥肥膏多過肉，值得一讚是沙律吧冷氣勁凍。所以佢哋啲蔬菜好新鮮。朋友同我都食咗兩大盤。甜品款式都少。可能是海洋公園關係所以很多糖供應。如果看報道推介可能食晚上會非常值得因為海鮮煲多很多、朋友話打電話訂座晚上都要去到12月尾才有位。如果佢好似迪士尼酒店自助餐有些卡通人物一路食自助餐一路同你拍照可能會增加一些他的吸引力。如果$338再加1中午自助餐。食物水準、服務員水準、地方。都非常不值得。尤其講下服務員水準。可能是新開關係所以請的質素都比較新。我可以見到服務員對腳着對肉色絲襪是非常之鬆。她很高條褲又吊腳。直覺一望上去我哋已經好似去咗國內酒店。另外魚生方面，阿哥嗰日可能心情不佳朋友問佢唔該三文魚他只顧同前邊朋友傾計。朋友再三同佢講唔該三文魚。他可以很晦氣講聲都冇三文魚。朋友就講其他魚生，放低同事嘅魚生在碟後。就轉身衝左入後邊對門裏面。而且很大力推門好像很不開心的樣子。所以這間酒店要等它開啟一段時間。才好去再試第

本來想趁65折買海洋公園年票，奈何排隊都要90分鐘，雖然失望，但因禍得食福，為免小朋友失望，轉行程去海洋公園酒店食自助晚餐。起初志在酒店範圍走走逛逛，直到於咖啡廳見到琳琅滿目的甜品櫃，想必自助餐有一定水準，見尚未有食評於是即管身先士卒幫趁一下。酒店雖然新開，但原來預訂已一早爆滿，幸運地有後補位置，不致於再次失望。首先有果汁任飲，當日款式有橙汁、芒果汁同西柚汁。魚生方面絕對值得推介，超新鮮之餘仲唔會薄切：帆立貝、油甘魚、深海池魚、甜蝦、魷魚，我只係冇試希靈魚。凍海鮮方面都勁多選擇，除咗生蠔，你講得出都有咁滯，每人仲奉送一客慢煮鮑魚添。基本上食完呢兩區已經飽咗。熱食有蟲草花燉湯之餘仲有兩款西湯選擇，其中蕃茄薯仔湯便成為我2歲小朋友的至愛，人仔細細添咗2轉！熱食方面我個胃容量「只」容許我試到鴨肝、串燒、羊架、肉眼扒，全部都具水準。但講到至愛一定要動用我另一個胃，甜品區係多選擇到癲咗，仲要款款精緻到爆，懶細食咁拎咗勁多款兼勁多轉懶係同人share，結果都係自己碟碟清。推介花生醬練奶pancake，即煎之餘幫你淋曬醬，仿佛冇咁大罪惡感，啱曬我呢種偽減肥人士，差個啡色紙袋就勁有港色街頭小食feel

剛剛星期日試過dinner buffet。食物質素唔錯。冷盤海鮮有龍蝦、龍蝦鉗、長腳蟹等，我食咗勁多🤗，如果有埋生蠔就perfect😙。刺身有成七款，非常新鮮，其中帶子、油甘魚同深海池魚令我感到驚喜🤭，佢哋冇供應三文魚，可想而知佢哋諗住走有質素路線（三文魚相對比較低檔）。雖然熱盆款式唔多，但勝在睇住廚師即煮出來，夠晒新鮮。燒牛肉同羊架都唔錯。贈送每位客人嘅慢煮鮑魚就鹹咗少少。雪糕有成三個牌子選擇，又係另一驚喜🤗。第二朝食埋個早餐自助餐，亦都要俾個like佢。佢比起我試過嘅外國酒店自助早餐，食物款式多好多。總括嚟講，above average👍🏼.