海港酒家 (已結業)

乳鴿無咩肉，唔夠脆，無咩肉汁，有少少乾，用黎過下口癮都未嘗不可既。叫左個老虎玟兩味，呢個係其中一個蒸頭腩，就係魚既邊邊角角位，魚頭、魚鰭、魚腩。呢碟都係來自魚皮魚油豐富既位置，所以特別有魚味，用欖菜就去左啲膩。炒斑球，炒得好香，有鑊氣，我唔鐘意食西芹，好彩啲魚無染到西芹味。魚帶有魚皮，所以有少少韌，有咬口，但肉質好滑，魚味亦重。

本身諗住嚟食長腳蟹，可惜三人行得兩位食海鮮，結果嚟食得三個餸：1. 墨魚餅多粉多油，真係麻麻囉！2. 日式雜菜煲有驚喜，幾好食，有魷魚+西蘭花+蟹柳+蝦米配合得幾好，個湯幾清甜。3. 閩南糯米蒸蟹，死蟹散併出黎，兩隻右鉗😓蟹蓋已變黑色，相信已死去一段時間，而閩南糯米偏軟又糊。(可惜個菜煲忘記影相）

去將軍澳海旁行行下, 見到海旁唯一一間酒樓, 諗住同屋企人食個普通便飯就算, 點知係酒樓門口貼住一張龍蝦鮑魚海鮮餐(2人餐) poster, 而個價錢只係$238!!!!!!!!!!!!!!!!!!!!!!!!!!! 真係超抵!(唔知係唔係突然優惠呢?) 睇埋下面有咩餸仲心動!!!1. 上湯焗龍蝦伊麵2. 鹽燒南非鮑魚兩隻3. 清蒸沙巴龍躉班4. 燒鵝王拼叉燒5. 薑汁炒芥蘭6. 精美甜品雖則話係2人餐, 但份量十足! 食肉獸或海鮮怪真係要試試! 特別需要讚一讚既係龍蝦厚肉兼彈牙, 而且伊麵剛好足夠2人份量, 但唯一批評既係鮑魚有D靭而且略點油, 都要視乎當時廚師手藝!

「海港」作為香港一個擁有多間大眾化中式酒樓的餐飲集團，在將軍澳區就有兩間分店。位於將軍澳中心的一間在三年多前因為商場大規模裝修而結業，直到去年初選址將軍澳南新落成樓盤的附設商場重新開業。裝修大眾化、有點老土，枱與枱之間的空間較少，環境既略為擠迫、亦相對嘈吵。這類型的港式酒樓香港比比皆是，點解「海港」可以相對成功，分店越開越多？當然有殺手鐧。十多二十年前開業初段，晚市以火鍋招徠，大約2010年開始就轉型主打特價海鮮，之後就越來越成功。初期以西澳龍蝦為主打；唔知老闆用什麼方法，價錢固然較香港其他高級海鮮酒家便宜一截；即使與香港其他同級大眾化港式粵菜酒樓比較，售價同樣便宜不少！早幾年，更加以激低價引入阿拉斯加皇帝蟹。還記得當年要在香港品嚐阿拉斯加皇帝蟹（如果是同品種，但卻是日本版的鱈場蟹就更加貴），最便宜也要接近二千元一隻，而且只是三斤左右的小型阿拉斯加皇帝蟹；但「海港」竟然可以低至$200多元一斤，變相只是市價一半左右！以這個震撼價推出市場後，馬上成為焦點。之後，「海港」就越開越多，要食平價阿拉斯加皇帝蟹必去「海港」；去「海港」就一定要食阿拉斯加皇帝蟹！而每間「海港」的海鮮魚缸也必備大量西

5月14日早上，离家里近就过去试一下，不用排队坐333号桌，点餐比较慢，等了好久，终于点上菜之后又继续等待。。。。皮蛋瘦肉粥端上来碗里有根头发，上菜的阿姨居然看不见😂，让她去换了，她没有当我们的面倒掉，只是端到后面去了，很久以后换上来的粥，碗边全是脏的，哎🤣，所以我们不清楚粥换掉了还是只是把头发扔掉了，真应该退掉不要的。 更不幸的是，粉果一夹起来下面又有根头发 。。。已经懒得和他们去沟通，等我们全都吃完了还有菜没上，就这样吧。。。非常失望😞。。。除此之外，鸡蛋叉烧肠粉的味道不错，价格便宜，但是前面的头发已经影响了胃口，很遗憾

今日中午去海港飲茶😋平時去通常都係飲早茶，但原來中午都有特價孖寶和好多特價點心，蝦餃🦐一籠有3隻都係$8.8裏面的蝦都好大隻。✨✨櫻花蝦煎薄罉👍😋好好味，有好多櫻花蝦，好香

今日放假有時間便去飲早茶☕️，將軍澳翩匯坊呢間海港酒家已經開咗一段時間但一直都冇來過。😄可能今日係平日的關係所以不需等位✌️，原來好抵食呀，我叫左1個孖寶（炒鴛鴦米、牛肉球），黑金流沙包，香煎芋絲糕，蟹籽燒賣王。全部都係即叫即蒸熱辣辣好好食😋😋

難得包生星期六放假，我就提議去附近唯一一間茶樓嘆下茶。海港唔好期望質素好高，但勝在夠穩陣。不論食物質素、價錢、環境及服務質素都算中規中矩，但可以改善下碗碟筷子既潔淨甜度。皆因上手食家既漬仲明顯見到痴左係筷子。

係將軍澳南翩匯坊商場地庫開左一間海港酒家飲茶🥢，開業了大概一年，裝修比一般舊既海港酒家都靚，光線充足，感覺高級了。今日同屋企人飲lunch既茶，星期日都唔使點等位😆好正👍🏼黑金流沙包係流沙奶皇包嚟嘅，但外表變咗黑金色，好型好靚🤩。中山甜薄罉有椰絲同埋花生係面頭，薄罉煎到煙煙靭靭，表皮又香脆，甜甜地的，加埋一齊好好食。香茜牛肉腸芫茜味好重，鍾意食芫茜嘅朋友不妨order試下。五香咸水角南乳豬手仔好好味，骨膠原豐富，又有少少肉食，軟骨好多，好有咬口。蘿蔔糕脆卷春捲皮入包住蘿蔔糕， 炸得好香好惹味。食物都幾好味，但樓面同收銀既職員差咗啲，個個都好似唔想做咁，語氣態度都比較差👎🏼👎🏼👎🏼。

和兩個閨蜜👭下午漫步將軍澳海傍後，中午的車仔麵還沒消化完，所以決定來個light meal，長腳蟹是我們的共同愛好，就這麼愉快的決定在最近的海港酒家。正值長腳蟹特價期間，放眼望去，每桌必有一隻，大小不一而已。我們選了一隻4斤13兩的，算是最小的了😬但是一上桌我們還是忍不住歡呼，因為比我們想像中大，我覺得長腳蟹是唯一拍照無法真正顯示實物的大。這次的蟹膏滿蓋，比以往吃過的都多，滿滿一湯匙入口，蟹香滿溢，每次吃都有幸福的感覺😉先來蟹腳，用剪刀剪開後，名副其實的蟹棒😬一口一大條，鮮甜彈牙美味大滿足，反而是蟹身的肉不夠實，吃了兩隻腳就有點膩了。想吃點東西解膩，發現有甜品，楊枝甘露一直是最愛之一，而且才15大元，是很多甜品店的1/3價格而已，沒有期待，但原來份量十足，芒果和柚子肉很多且香甜，也不會太甜，驚喜之作。閨蜜吃的是紅豆沙，也說不會過甜且很沙，誠意十足。在這香港最好天氣的週末，和親愛的閨蜜們隨意逛逛走走吃吃，輕鬆自在愜意舒服，美好的一天。

晚飯小菜嘅價錢、味道都可以接受但侍應嘅服務態度就不能接受！！！！！叫人過嚟落單難過登天黑衫經理明明聽到我叫佢回頭睇左我半秒之後扮睇唔到經理都咁嘅態度仲點管下面嘅員工呢？另一位經理仲勁叫左茶好耐都未到咪催下佢囉我都只係講左句：叫左茶咁耐都未嚟嘅佢就話我鬧佢，話唔關佢事乜乜乜我話我冇鬧你、我點敢鬧你呀…但佢都繼續西面比客人睇！另一個經理睇唔過眼行過嚟不斷話唔好意思一場誤會總之就一肚氣呢間酒家唔改善下啲侍應態度的話就自求多福啦

能夠係將軍澳區搵到間飲茶都唔簡單，呢間近海邊既酒樓，係我平時都會係飲開早茶既一個好地方。原因係方便我，平日人又唔多，等位10分鐘都差不多有。最重要係睇食物，佢價錢抵份量大，2個人加埋100蚊都唔洗，已經好飽。有粥有咸水角有菜有燒賣。真係抵到爛啊！講下好唔好食，我覺得還可以，佢大多都係即蒸即炸，早茶食物種類唔算好多，不過都夠晒。可以飲杯茶食個包，享受晨早既氣氛。有一樣比較唔好就係服務，佢地好似做左成個通宵咁，會渴你，好惡咁問你飲咩茶。不過算，由佢地。

今晚約左屋企人一齊食晚飯，大家都好期待主菜「長腳蟹」！呢個唔辣既，好野味，好岩送飯食呢碟小菜幾好，果仁仲脆既，但呢碟屋企人就食到有啲辣，我就唔覺既主打菜「長腳蟹」好正！好新鮮！彈牙！啖啖肉超級滿足！！今次我地係叫原隻蒸，保持左鮮味！無敵！！

今日去咗將軍澳海港酒家飲下午茶。海港酒家而家幾間分店都裝修得好靚，坐落去食嘢都覺得高級左好多。下午茶時間都唔算好多人，唔需要等位。而且下午茶特價點心都有好多款，都算平。黑金流沙包，平時喺中點，依家9.8好抵食。唔理佢好唔好食淨係個賣相已經贏晒。 包皮黑色，係芝麻味。不過略嫌厚咗啲，所以入面流沙嘅餡比較少。蔥花炸両腸，12.8。炸両好脆，唔算好熱但係都暖。韭菜餃。 12.8。入面蝦多過其他餡料 。牛肉球。8.8。咩都唔使講，見到呢個價錢點都要叫。蟹籽燒賣王。4粒都係9.8。棉花雞同鳳爪賣相唔好。又唔好食。下次不會再叫。另外我哋仲叫咗碟乾炒牛河，夠獲氣，唔算好咸，啲牛肉片都算多。

公眾假期來這裡飲茶，食物質素一般，員工服務態度極差，10點半攞位，11點入座叫點心，12點15分才送到燒賣。問問員工燒賣仲未到，會唔會漏左單？未Check單就回覆廚房蒸緊就到。另外叫左蝦餃，皮很乾。蘿蔔糕春卷okay, 咕嚕雞球炒麵okay。環境一般，冷氣好凍。最差係員工態度，隔離枱伯伯問野食仲未黎，員工居然回答：「呢度唔係大陸，野食無咁快黎！」海港集團式酒樓食物質素只係一般，如果服務態度都唔好好改善，只會係一間非常普通的酒樓。