海港酒家 (已結業)

能夠係將軍澳區搵到間飲茶都唔簡單，呢間近海邊既酒樓，係我平時都會係飲開早茶既一個好地方。原因係方便我，平日人又唔多，等位10分鐘都差不多有。最重要係睇食物，佢價錢抵份量大，2個人加埋100蚊都唔洗，已經好飽。有粥有咸水角有菜有燒賣。真係抵到爛啊！講下好唔好食，我覺得還可以，佢大多都係即蒸即炸，早茶食物種類唔算好多，不過都夠晒。可以飲杯茶食個包，享受晨早既氣氛。有一樣比較唔好就係服務，佢地好似做左成個通宵咁，會渴你，好惡咁問你飲咩茶。不過算，由佢地。