海港酒家

营业中

休息中

這個套餐吃過無數次，今次終於為這個晚飯套餐介紹一下。每次都八至十多人食用，食過很多次都總覺得有吃不完的感覺，每次都會找職員代勞包裝廚餘回家留再吃，套餐定期更換所以不用擔心重複。-一般全體脆脆乳豬，不沾甜醬也有足夠味道。-這個上湯味道做得不錯其實有點似芡汁，大蝦數量比伊麵還要多，反而想吃更多伊麵，伊麵實在很好吃。-其實擔心飽魚太韌，老人家未必有力咬開，入口又算彈牙爽口不會太硬，醬汁能夠襯托美味的飽魚。-外觀很不錯，味道一般吧！多吃幾件就開始喉嚨不適。-尚算皮脆肉軟-一看這味菜就覺色香味俱全，時間蒸得剛剛好，魚很鮮又很滑，甜豉油又調得很好，是這次套餐中最好吃的一部份。-不可思議今次整個套餐中，只有這味是有綠色蔬菜，還有不是每款蔬菜都適合一般人食用，每次我吃完油麥菜都會肚子痛。不過這味菜是套餐中最清淡的一個，腐竹很滑，魚腐也很香，油麥菜我就不敢吃了。-一看就知材料很足，絕對能夠配合這個名稱，味道也非常不錯，感覺味精不多。同枱的人也想多飲幾碗，還有就是湯料有職員特別夾出來，可以給大家慢慢享用。-花膠厚厚大家也搶著湯料來吃。-吃到這味大蟠桃，其實已經很飽，不過賣相吸引，比拳頭還要大的包子，我只有

相約朋友食四位龍蝦 蒸氣火鍋全包宴， 呢個非常有睇頭 ，好好味， 未試過真係覺得好新奇。 每一道食品都有註明要 蒸煮的時間 ，例如 ：白蜆 要四分鐘。食到最後還有 瑤柱排骨粥 做底， 個餐4至5人都食得飽。

今日舅父生日，見到呢間有蒸氣鍋食，我們全部人都未食過，而且價錢也不貴，所以一齊去試。我們選了個四人蒸氣鍋餐，十樣餸，$888 全包， 真係非常抵。有：1. 沙白蜆嘩，好鮮呀，好鮮味，帶點海水味，不用點鼓油也好ok, 估吾到第一款己咁好味，而我也最鐘意的.. 正👍2. 蝦丸都ok, 幾彈牙。3. 黑蒜䐁肉丸好野味，非常好味的肉丸👍4. 蝦好大隻，好新鮮👍5. 蒜蓉貴妃蚌正👍好煙韌，連粉絲加汁，好食6. 蕃薯、南瓜、荔芋、准山番薯和荔芋好軟。7. 魚足足兩斤，我們食極也食不完，肉好滑，原來蒸魚冇落鼓油都美味。8. 菜心第一次食蒸菜，好淋，連平時少食菜的我也吃了超過一半。9. 紅棗雲耳走地雞好嫩滑10. 龍蝦最期待的龍蝦放在最後食。新鮮大隻彈牙鮮甜。11. 排骨粥將蒸完十樣餸的汁混入煲的粥，一定正啦，我食了三碗。第一次食蒸氣鍋，已相當滿意。好有新鮮感，好好玩，不斷按多少分鐘煮，而且食材好新鮮，價錢也吾貴，一定會去食多次。

18-03-2018星期日晚餐下午一家人拜完嫲嫲，晚上當然都係一家人食晚飯啦！近近地揀左呢間酒家食飯。同屋企人食飯最開心就係我同家姐，因為屋企既男士佢地個個都懶點菜，老豆話無所謂，呀哥話是旦，細佬話求其⋯⋯⋯咁好啦！我蝕底啲我負責點菜，點晒自己鐘意食既野，好在佢地都唔挑食既😎嗯！一家人都認同海港食品質素的確唔差，上菜時間都好快，擺到成枱都係餸菜，大部分都好味道，亦都好送飯，一家人最欣賞係個湯，好夠火喉！同埋一味兩食既龍躉，汁撈飯超正！唯一係個黃金蝦錯左，相信食過黃金蝦都知道係用蛋黃做漿，但呢個黃金蝦毫無蛋黃漿，而且一食就知擺明就係美極蝦，一個人食錯就話啫，唔通個個都食錯味道？但樓面仲堅持話係黃金蝦，不過算啦！美極蝦都唔係難食，我就廢時同佢拗啦😎另外我都有個疑問❓我自己都做過酒樓，普遍酒樓都會有手寫單既，海港酒家竟然無？🧐當晚老豆想食椒鹽豆腐，但餐牌上無呢道菜，佢地只有紅燒豆腐同麻婆豆腐，我話想點椒鹽豆腐，問佢可以幫我寫手寫單嗎？服務員答我，餐牌有就有無就無⋯⋯

新年去呢間野新團年飯，好失望。以前質素都唔錯，依家搞到咁差！！！剩係睇賣相都睇得出啲嘢有幾難食。乳豬 燒到燶曬乾曬。 啲燒雞又唔香又唔脆。 魚翅湯搵唔到魚翅勁多芡汁。上湯大蝦麵勁求其。 啲鮑魚硬掘掘又唔好味。 畀成三千蚊食一餐真係好唔抵呀。好心啲嘢咁差仲唔好賣咁貴啦。間嘢係咪想做多一排就執笠呀。落咗訂金之後幾日， 去公園行嘅時候聽到有人講話海港啲嘢食好差嗰陣時仲半信半疑， 而家食過先知道瀨嘢。大家聚餐想食呢間的話真係要三思。

4對好字一行8人去海港食飯～依到出名大碟抵食～已經黎過無數咁多次～必㸃燒鵝～好彩一早訂咗位～唔係有排等叫咗7餸1湯～份量應該差唔多濃湯花膠炖螺頭～睇落好奶白色～飲落好濃嘅雞湯味仲有好幾舊花膠薑蔥蝦球伊麵個汁好普通冇咩特別～蝦球新鮮夠彈牙唔會老瑤柱豆苗睇落好多瑤柱～其實係切碎咗嘅金菇粒～個汁食落夠味唔會鹹蒸蜆幾鮮味蒸帶子夠軟身冇蒸過火蒸魚蒸得剛好肉唔會老易夾燒鵝半隻～嚟到必㸃！皮脆D肉又入味～次次食都唔厭食完半隻未夠嚨再叫多個例牌～全部食晒平均幾個月又黎幫襯下

食海鲜蒸煱通常都會選擇一些有名氣的店舖，但今次就試一下集團式的酒樓蒸煱。訂了星期三晚，可能是平日加上地區關係，成晚都不算人多。我哋6個人就叫咗個6人餐，連埋粥底有13款菜式，價錢是全包的。開頭見個餐牌好似份量不算太多，諗住仲要散叫一些，食到最後就剛剛好，又不會太飽火鍋醬汁是自取的，落單後海鮮好快便到，店舖好貼心，他們會安排一個層架和一張細枱仔放在你旁，d海鮮就放在架上，這樣張枱就寬鬆好多，不會成枱都係嘢，這值得一讚的。職員先教你用個蒸煱，然後幫你預備好個粥底。好……開餐……各款海鮮或肉類要蒸幾耐……！唔洗驚，餐牌上已有時間比你。大部份海鮮都好新鮮只是沙白有少許沙，食完要換一換張荷葉，否則d沙就跌落去d粥龍蝦開邊，每人半隻，好鮮味成個餐唯一扣分的就是鮑魚，不是用新鮮鮑魚，應該是急凍鲍，漂到好白淨，而且是離殼的，鮑魚底放了一些金菇，口感比較韌和無鮮味蒸雞ok……唔錯……黑豚肉好正，望埋去賣相好似麻麻地……食落口好味。另外原條龍躉班又係正……侍應拎埋嚟時大家都"O"晒咀，嘩……成條的，肉質好滑，沒有腥味豚肉丸和墨魚丸……，墨丸就差d，偏咸及口感有少少"梅"的感覺菜就ok，紅棗糕。最後食粥

今晚除夕夜，到海港酒家吃飯。這間餐廳真的是很多街坊的飯堂，便宜得來又有質量保證。平日要等很久，但是今天很快就可以進去了。點了清蒸老虎斑（兩百多一大條，挺划算）、日式蔬菜煲，還有就是半打很好很好吃的紅棗糕。其實它的壽包也是招牌，有蓮蓉或奶黃餡，但是吃不了那麼多，下次人多點才點吧。還有椰皇燉燕窩也是招牌，但是很快賣完，今晚點不到...

平安夜兩個人唔知食咩,行過商場見到呢間海港無咩人係門口等就試下問有無位,因平時都一定爆及限食兩個鐘今次叫左個孖寶好抵食份量又大,呢 d 埋我想要既收得咁價錢都要俾個質數客人半隻燒鵝好好味, d 肉質係軟軟地, 蝦球伊麵好入味,兩味 $179 算係咁丫嗎.食過呢間係唔錯,其他海港就唔知,可以好睇果間酒樓既廚師

聖誕節假期完之前🎄緊係同屋企人飲個靚茶啦😁等位比平時星期日快，五個人食左十五個點心，就重點推介我覺得好食既流沙煎堆仔；平時好小食煎堆，只覺得太大個食完又熱氣又油膩，海港既就細細粒，重點入面係奶黃流心既，港女般既我第一次食☝🏻即時覺得新奇有趣黑松露野菌餃；黑松露味香濃，皮薄水晶皮咁水晶潮州粉果；好香😋材料好多醬汁蒸鳳爪；唔知點解得3隻⋯⋯⋯竹碳甜薄撐；見到佢黑麻麻，點知食落咁香芝麻味蒜蓉蝦春卷；好香蒜蓉味，岩哂重口味既我濃湯浸菜心；唔知濃湯去左邊🤷🏽‍♀️香煎芋絲餅；超香芋頭味柴魚花生豬骨粥

見母親間唔中都會去呢間飲茶食飯，應該唔差咪走入去試下佢個雞煲。心裡面都預左佢唔係專做雞煲，打定折扣唔好同外面d雞煲比架啦，自問對食都唔算太yim尖，但係都唔係難食到咁！叫左個中辣雞煲，打開蓋都香既，搞搞佢慢火焗一陣。d雞冇味都唔緊要，惺既雞都係第一次食！侍應仲正，加水加到 'ud實'冇唇位，落酒bar咩啊靚姐。叫住啊靚姐唔好加咁多水佢勁晦氣話係咁架啦，成煲野即時變左漂白水味，好彩佢有個自助醬料bar, 加返d蔥花，蒜頭，醬油，辣椒先好返d. （都唔係真係個個都接受到，本人經過長時間訓練先食到落肚）最後要係咁提醒自己世界上好多人冇飯食架，唔好咁多要求，至可以清左已經上臺既兩碟牛.....sigh.....唔怕死同有興趣食惺既雞一定要試！

媽媽成日都話想黎食, 但好多時都好full. 咁岩早放工同媽媽黎食晚餐, 有豬手, 黑醋醬骨, 同埋花膠湯。我地最最最所賞既係佢D 湯, 永遠都係咁足料同夠火喉, 飲完好滿足. 不過今次個豬手就同D 汁又有D 漏, 食唔晒. 下次都係叫其他炒小菜

因為母親大人生日，所以專誠去海港酒家食生日飯。海港酒家都算我哋屋企嘅最愛既酒家。食物質素唔錯，價錢亦都OK，比其他連鎖酒樓較為出色。海港酒家出名燒鵝，所以當然一定要叫一隻嚟食。燒鵝皮多薄，肉質夠嫩，唔會鞋。另外佢嘅醬汁好惹味，超級濃郁，不愧為馳名燒鵝。不過另外個蝦伊面就比較遜色，味道唔夠濃郁，另外賣相都不夠美觀，不過勝在啲鮮蝦都夠爽口。蒸魚我哋叫咗龍躉，肉質好滑，配以薑蔥一啲都唔腥。蒸得啱啱好，蒸魚最怕過火，但佢依然保持肉質鮮嫩，再淋上油，送飯一流。

嚟新都城一期呢間海港食生日飯乳豬烤得好脆，肉質幾嫩帶微鹹，幾大隻份量好夠分人頭鮑魚仔都幾好食，不過因為清蒸所以得豉油同鮮味，幾甜嘅龍蝦伊麵變咗烏冬，烏冬都算係幾索湯，都好嘅嘅，不過長輩們似乎都係鐘意伊麵多啲好多骨腩，炆到好入味好香，呢個餸飯一流燒鵝極大隻，仲要差唔多臨尾先上，雖然好多肉但大家都食飽哂等得有啲耐，催完單先上嘅菜，油墨菜，淮山同蕃茄清一清先前嘅油膩感壽包有兩隻色嘅紙，普通白色紙係蓮蓉，黃色紙係奶黃

星期日，飲茶去。要推介以下兩款美點。1. 前面嘅的芥末醬大崎蟹棒，其實就是黃芥辣點炸蟹柳，但確是新奇得黎又好味！2. 後面的胡麻醬脆燒茄子，燒茄子卜卜脆再加上芝麻醬，這個更加新奇又堅好食！一定要試啊👍🏻👍🏻👍🏻