海港酒家

营业中

休息中

星期六约了一群朋友到将军澳海港酒家吃饭，去到的时候看到门口有好多人在waiting，幸好朋友一早就订好了7点钟的位。饭店装修挺好，还有电视可看😃我们十个人一共点了9个菜鲍螺片花菇扣鹅掌份量有点小，只有三只鹅掌，不够我们十个人分。瑤柱鲜竹浸菜苗，味道比较清淡~~~大葱炒鳝，鳝的份量也很少，只有一只，我到我吃的时候就只剩下葱了。琥珀河虾仁，很喜欢的一道菜，很快就被我们吃光了。拔丝咕噜肉，比较甜一点，很香口，很受欢迎。荷芹炒靚腊味，腊味很咸，但是我喜欢很下饭。西兰花珊瑚花枝片，这个味道也是偏清淡，但是西兰花很爽口。日式上汤什菜煲下一次可以再来(>﹏<)，因为价格适中。大家也是住在附近，过来比较方便。*^O^*

一家人食飯唔知食咩好? 傳統酒樓唔係間間都好食!!!不過呢間海港真係唔錯!!我就鐘意食呢個蠔! 好新鮮既蠔,加上有蔥去僻味，而且帶有小小咸味，所以送飯真係一流！西蘭花炒魚塊，一個好普通既餸，但真係炒得好好味！魚塊出奇地新鮮，唔係間間酒樓都咁著重食材！好少壽包有奶黃味，但呢間有!!! 所以個個都揀左奶黃味! 不過佢既蓮蓉唔會好似出面果d係死甜! 下次食飯一定會再揀番呢間!!

作為一個係附近住的人, 海港已經唔知道食左幾多次. 講真, 海港平時的質素都係不過不失, 冇咩特別喜愛亦冇唔鐘意. 但從來未試過有一次, 我會完全唔想食野= =果日我地想幫嬤嬤慶祝生日, 老人家就鍾意去酒樓食飯啦~果日我地係食小菜ge, 叫左d咩我地唔係好記得, 不過都係一般野啦~但係, 真係有個不得不提的菜---紫心蕃薯浸菜苗.原圖係咁ge: 睇個樣正正常常, 都係想食個菜扮下健康, 就叫左啦. 咁就中伏了.碟菜一黎, 我笑左.我要老實丞認我果刻係俾錯左反應. 其實我應該叫部長黎傾傾計. 點解? 因為碟菜上黎果樣係咁:喂呀~~~我想食菜姐, 呢碟咩黎ga?= =圖文不符我都預左, 但係唔會係差咁多啊...?好大的視覺效果衝擊囉= =我地本住唔好浪費的心態去食, 但原諒我, 真心零胃口. 我嘗試去食條菇, 放左入豌, 我又笑左. 點解? 我唔想解釋. 呢條菇係咩意思?我知~我知係紫心蕃薯. 但係, 唔開胃囉....雖然我嬤嬤話其實幾好食, 我信ge, 不過會唔會叫多次呢碟野...哈哈= = 

忽然又想食大閘蟹，於是在商場的酒家找找看，行到門口見有晚飯孖寶之餘又有$68隻大閘蟹，一於入去試試。酒樓環境夠闊落，但待應極度不足，廿多圍酒桌都擺到的場，都數不到多這過6個待應，但又坐無虚席，真替他們辛苦！雖然難找到待應，但總算叫親都沒甩拖。叫了一個孖寶餐，魚+燒鹅，再加兩隻大閘蟹。大閘蟹膏不爆，但勝在好香，而燒鵝都幾大碟，味度幾好，至於條魚就俾想像中大，打魚鱗都算乾淨，沒吃到鱗片，不過，酒樓的魚永遠都是un 在香港吃魚質數真的是麻麻！兩個人吃這餐都幾飽！連埋大閘蟹，埋單$385要寫此食評的原因是，因為昨天在（品川雞煲）吃了個不知所謂的雞煲加任吃火鍋，埋單都要$414，明明任吃的，但能吃的食材又小又甩單！同今天比，咁今天飽飽又有魚有肉又有大閘蟹，物超所值好多。普通晚飯來說，這裡都算不錯的選擇，但希望待應人手會多番幾個啦。

每年中秋, 大家必定會想起月餅. 隨著時代的轉變, 月餅的款色也越來越多. 除了傳統的味道外, 每年都會推出一些新產品進攻市場, 而奶黃月餅, 今期依然大熱. 因為老爸媽咪是酒樓光顧的常客, 所以每逢中秋幫酒樓員工購買月餅卷. 今年他們買了海港酒家的月餅卷給我. 不過向酒樓買月餅有個不好處就是取餅地點只侷限酒樓舖面, 取餅沒有餅店那麼便利. 我家附近沒有海港酒家, 唯有到最近的寶琳取餅.奶皇月餅以八角形的禮盒裝著, 禮盒用上較沉實的棗紅與暗金色. 月餅分兩層, 每層有4個, 內裡還附上一份小刀叉! 說起刀叉, 現在的月餅好像不是每間都會附上...吃之前, 先把月餅放微波叮一下, 熱熱的吃起來會好吃一點. 吃起來, 帶有鹹蛋的鹹香味, 也有椰汁香味, 入口鬆化, 不過略嫌奶皇陷料做得不夠結實, 切起來比較容易散開, 月餅也較油.

咁d親戚朋友話呢間野唔錯 就話黎食啦點知真係dllm 把鬼火其他小炒我唔特別講啦係ok嘅但係我冇心情去評論首先12個人叫左波士頓龍蝦3隻係米應該至少每個人都食到舊肉先定係你擺係水缸個d係只供陳列作為參考？最後個碟龍蝦伊麵呢伊麵就多 龍蝦殼仲多！d肉都冇12件 又唔係肥大肉厚咁去投訴啦 搵左個呀姐佢竟然第一刻坐左係到講實在聞所未聞 

契爺牛一，又於海港設宴，與家人共聚齊賀。一千八百九十八大元的十二人套餐，包十道菜，連茶芥加一也全包，且送大嘉士伯啤洒枝、健康飲品或菓汁先生2 渣，超級經濟實惠，難怪座無虛席，酒樓內外均水洩不通。鴻運乳豬全體用上了小豬，皮薄肉瘦，油份不多，夠熱夠香。乳豬燒得外皮金黃富光澤，入口脆卜卜的，極為香脆且鬆化，一咬即碎，水準不俗。竹笙海皇燴生翅濃稠度和調味均恰到好處，除了數量頗多且爽口具嚼勁的竹笙和蝦粒外，湯底還有不少甚有咬口的粗大魚翅，混入紅醋同吃，一絕。西蘭花炒龍躉球是清盈健康之作，西蘭花處理甚佳，色澤仍翠綠，口感仍爽脆，入口沒有一陣討厭的up味。去皮拆骨的龍躉沾有薄粉，入口啖啖肉，醃得夠味且嫩滑非常，火喉拿捏十分準繩。最特別的是伴碟的粟米片，夠晒香脆可口，且可減油膩感。以豉油和香蔥烹調的清蒸龍躉頭腩，做法簡單，但鮮味無窮﹗嫩滑細緻的龍躉頭腩盡吸豉油和香蔥的鮮香，入口煞是滿足。脆皮醬燒雞肉厚且偏嚡，雞味不甚突出，水準一般。小妹吃了一塊雞翅，皮燒得十分香脆，雞肉則不多也。陳皮蒸鮮鮑魚(14隻)極為碩大，啖啖肉且鮮味十足。蒸的時間恰好，鮑魚入口夠爽滑富彈力和嚼勁，稍嫌味兒偏淡了少許，可略略加強。

自從openrice有最少字數限制都好少再寫食評，但呢間真係令我重新執筆。雖然係閒日夜晚但生意好好，大枱坐滿晒，全部背脊碰背脊，仲迫過巿區稻香。坐埋牆好似困獸鬥咁出嚟去廁所都行唔到，又驚老人家坐走廊會俾人整親。張枱只係夠放六個人嘅餸，理論上一圍應該有十二人，但我地坐在九個人Ｄ餸已經唔夠放，轉盤有等如無，一轉就打瀉晒枱上啲杯。成餐飯食得非常之唔舒適。一排起碼十張枱，來來去去得兩個侍應。落完單就唔見人，席間想搵人斟水加單難過登天。湯水擺低無人分，等到侍應埋嚟已經分完飲緊。樓下標題又慢態度又差絕到無花無假。最重要嘅食物，有人話呢間抵食，食完真係唔覺。咩叫抵食？我嘅定義係物超所值，或者起碼物有所值。龍蝦伊麵淡到爆，無味道，而且只有龍蝦殼無龍蝦，全部無肉。隻雞連雞脾都勁「鞋」，食完一啖無食。其他海鮮如蟶子、魚、鮑魚就正常，唔特別好食亦唔難食。竹䉀水亦淡而無味，早知叫果汁先生。啲嘢唔好食，而家又唔係食快餐，幾平都無用。無論食物、環境、服務都欠佳，唔會幫襯第二次。

一坐底，餐具竟然有條菜痴住究竟有無洗過??叫左個麻辣雞煲火鍋雞煲得個辣字，無麻味， 算係咁，味道一般好少雞肉，好就好在價錢唔貴，湯底一百蚊有找差唔多食完雞，叫餸，加水(連清湯都無)不過d餸等左大半個鐘都未到催左兩次都無反應，係第三次特登搵個高級d既先逐樣野同我check漏單呢間野唔旨意我再去第二次

昨天中午，想食阿拉斯加蟹。記得海港係全港最平嘅。160蚊一斤。超值。打電話預訂蟹，從2pm 打到5:30pm, 又話有，又話D蟹5點先到，又話比人留晒。不過有蟹食，等待祗因值得。5:30pm 回復D蟹到貨，我留咗隻差不多6斤嘅，$920，跟著飛車去將軍澳。上湯焗，真係正，淨食蟹都飽，仲打包咗兩盒走.講番隻蟹, 今次選擇咗用上湯焗, 上枱時香噴噴. 色香味俱全.食完隻蟹, 點咗個南瓜芋頭煲, D芋頭夠晒啉.我地都冇再點其它嘢, 因為已經好飽.

朋友聚會難得齊人，十三人到新都城海港酒家食晚飯大家都非常肚餓，所以無影相喇招牌豉油雞，豉油雞好入味，豉油雞汁撈飯正斗順德欖角骨，好味但欖角味就唔夠濃山珍鴕鳥柳，咸左少少田園沙律脆雪魚，炸粉厚過雪魚肉，離譜上湯枝竹浸時蔬及紫心蕃薯浸菜苗，菜心苗淋甜。海哲燻蹄及爽口海哲，普普通通腐皮素鵝，夠脆但餡料略咸拍薑花膠益菌煲及乳香唐生菜，略咸鮮果咭嚕黑豚肉，得兩舊菠蘿而且炸粉太厚喇黑豚肉仲韌左d添翠塘滑豆腐，原來隻碟個底好厚架，中間仲係凸左少少上黎添，所以呢碟翠塘滑豆腐好薄囉離晒譜，唔抵食。

C&S要決定趁年青出外闖一闖，毅然辭職，結伴展翅傲遊澳洲一年。出發前，聚一聚，大吃大喝，把酒言歡，一樂也。海皇漁港超值全包宴週末僅$1,898，共有10道菜，包2 jars竹蔗水及2枝嘉士伯啤酒，抵食﹗酒樓當晚座無虛席，我哋雖則訂了8點半枱，但都要稍等片刻先有枱。酒樓廉價超值全包宴大多為粗製濫造之作，小妹也不敢期望過高了。C爸自攜珍藏紅酒與眾人共飲。鴻運乳豬全體 – 豬仔表皮略燶左少少，皮脆肉嫩，味道正常。上湯焗波士頓龍蝦伊麵 (3斤) – 每人都可吃到1-2塊龍蝦肉，肉鮮爽甜，未算啖啖肉，但都ok。伊麵略嫌淋左少少，若加上芝士汁炒伊麵則會更惹味﹗笙生海皇燴魚翅 – 笙生和翅量都極少，最多是急凍而鮮味口感稍差的蝦，味道一般。西蘭花炒珊瑚蚌螺片 – 味道ok，珊瑚蚌和螺片偏韌，難以咀嚼，鮮味略為淡。芝士龍皇卷 – 外皮炸到卜卜脆，脆內嫩，蝦肉質未夠爽口，芝士味較淡。瑤柱鮮枝竹浸菜苗 – 湯清甜；菜苗嫩滑、惜偏油；鮮枝竹徒有虛名，未夠新鮮，豆味唔濃、硬到咬唔爛。清蒸大海青斑一條 – 魚肉蒸得頗嫩滑，配合薑蔥、豉油和滾油，提升魚的鮮味。簡簡單單，味道已一絕也。海港醬燒雞一隻 – 炸過頭，肉質

今日放工放得夜，就同屋企人去左食海港宵夜火窩。見到有條麻辣魚，就點左條黎食!!!!!!WOO..........都幾好食.......條魚都幾大條嫁，重有個湯底可以用黎打邊爐!!!!!個湯底好野味，烚其他野都好好食!!!!!!!真係不仿試下............咁大條都係幾廿蛟!!!!!!!!!

是夜天氣寒冷，為了應節就只好打邊爐在海港門口等了半小時左右便可以入座看到很多的價錢都相對抵食，花彫醉雞：湯底，有酒味伴雞，而非酒雞分離，如此價錢實在抵食娃娃菜：手打蝦滑：蝦肉質地不錯，真的吃得出味來，以為普通卻又著實不錯堂灼小籠包脆香酥：同響鈴差不多，但不同叫法，可能真是不是同一樣東西吧。浸一浸就食得，好味。安格斯肥牛西冷肉眼位：賣相不錯，份量偏少，滿以為非常好吃，但其實只是普通牛味。生拆蟹肉鮮蝦餃：跟手打蝦滑差不多，看外表以為只是水餃之流，然而這是本人推介。蟹子芝芯丸：芝芯丸，街市買貴價的那款便是脆皮燒鵝皇：無叫過，黎錯過，退左，但入左單，找左數出完門口先發現多了一個晚茶食物不錯，二人計共三百元，十分抵玩，吃得非常飽其實可以吃少一個，外加少一個脆皮燒鵝皇，我想價錢應該更抵服務人員態度非常好，有傾有講，但入單還是要看清楚台號了﹣﹣打邊爐應該不會有燒鵝的吧？

電視廣告話：一個海港，只有一個海港城。但似乎每個人屋企附近，總會有一間海港酒樓！上星期六(10月27日)，我外婆生日，我們到將軍澳新都城海港酒樓吃晚飯；今個星期六(11月3日)，到我男友的媽媽生日，我們到大埔新達廣場海港酒樓吃晚飯，吃的是同一個餐 ($3XXX一圍全包，平日會平啲！)首先講一講將軍澳新都城海港酒樓，我們訂了兩圍枱共28人。食評如下：-(1)乳豬皮脆，但略肥，肉不多。(2)大蝦伊麫，蝦好大隻好爽，每人有兩隻以上。(3)熱薰可選兩樣，選了海鮮雀巢和蟹蚶。海鮮雀巢不是一般食的雀，不知道是什麼材料做的，海鮮好足料，有帶子、蝦、花枝片等配埋西芹，蝦好大隻好爽，正；蟹蚶的外皮不是一般食的麪包糠，感覺無咁熱氣，都香口好味。(4)魚翅入面都有好多蝦 (宜家唔知係咪蝦當造？)，味道適中。(5)蒸魚有點過熟，豉油少得可憐。(6)炸子雞係全晚最失敗之作！我本人好鍾意食炸子雞，最期待係呢味菜色！但我一食已經知道係將賣剩嘅白切雞攞去再炸，我夾咗件雞脾食都覺得極難食，完全無雞味，好唔得！唔好以為用這個技倆就可以蒙混過骨，好失敗！(7)松子紅米炒飯，我無食過，但看賣相應該可以。(8)水餃，都係嗰句：