海港燒鵝海鮮酒家 (已結業)

見到海港酒樓廣告介紹有海鮮孖寶，咁即管去試下。我去到見到有多人都食孖寶，而且條魚頗大條，我怕我2個人食唔哂，所以只點左孖寶，唔夠先再加其他餸。龍蝦烏冬先到，好熱騰騰，煲都係熱的。龍蝦汁撈勻烏冬，真係好好味，龍蝦都好多件而且啲肉唔會好乾和硬，肉可以用嫰來形用。到條魚來了！嘩！好大條，應該超過1斤，用好滑，冇蒸過頭，冇泥味，豉油汁調得剛好不太咸，真係好好正又好好抵食。白飯裝到好大好滿，夠熱，有少許米香，配蒸魚食一流。

上午去左大圍踩單車到大尾篤直至下午時份,好攰想搵地方坐耐d抖下飲茶絕對係好選擇,就腳就便意搵到呢間!等左5分鐘就有位,落單後伶2,3分鐘都有點心送黎之不過布2~3round 唈點心都係上一檯叫嘅我地都好無耐,黎錯第二次後點心呀姐都開始西面,我都好無奈第一客黎既係...九唔搭八既日式煎餃 - 普通日本餐廳貨色,唔難食,但下次唔會再點雞札 - 好味,但比某人撩哂d火腿去食...呢間終於無芋頭啦!燒賣 - 熱辣辣~又幾彈牙叉燒包 - 一到即食,趁熱食最好味!!!馬拉糕 - 我一向都唔食...鳳爪排骨飯 - 飯有點硬,但排骨幾嫩滑粉腸 - 呢度嘅齋腸幾好味,好滑溜! 反而叉燒腸就一般牛肉 - 必點點心!但未有驚喜

新的一天的開始 當然是與親人飲茶我們一共五人來到海港燒鵝海鮮酒家它的環境和衛生不錯ok!它們的食物上桌通常要5-10分鐘! 服務都不錯幾周到大家海港燒鵝海鮮酒家試得過(本人推介)它的叉燒腸 好正好好吃 它很脆 有落足料!! 我每次到海港燒鵝海鮮酒家 都會點家鄉煎薄撐 風雨不改

三點幾先去到酒樓，唔係駛等位，不過依度要榙枱的~我哋叫左3個點心ONLY，要留肚去哈哈大師食雪糕~1. 紅棗糕 ($10.8)賣相一般，食落煙煙UNUN，不過蒸到出哂水~2. 家鄉煎薄撐 ($10.8)煎到卜卜脆，熱辣辣，幾好食呀~3. 燒汁茄子 ($8.8)即係煎釀茄子，燒汁甜甜哋，好食~依間酒樓既點心都唔錯，價錢又平，不過好多人等位的，唔想等位最好三點過後先來囉

油燜竹筍，部份有點渣，有爽口、有腍劈劈，味道偏甜，一般啦，但前菜小吃還可以。咕嚕黑豚肉，有驚喜，淡淡肉又爽口，豬肉味濃，酸酸甜甜好開胃。鮑汁鳳爪，係稻香集團茶樓食開係用無發過既白皮鳳爪，而海港係用橙皮架喎 ﹗炆得非常膠口又入味，食落黏黏的，好正 ﹗有樣尾中不足，就係太多油喇，您睇吓張相。蒜香蝦春卷，一食就知係即叫即炸，熱辣辣又脆卜卜。足料非常，啖啖都食到爽口蝦仁，而且蒜香十足，配埋喼汁同吃，好味又醒胃。雖然好食，但總覺得舊式春卷更好。蟹籽燒賣，剛蒸起出晒煙，最開心就係食熱騰騰既食物。大大粒又啖啖肉，實淨又肥肉不多，不過無蟹籽味囉，算滿意啦，Good ﹗四寶雞札，好野 ﹗無芋頭，我唔食架呢。雞柳滑、冬菇爽、火腿彈、魚肚棉。要一啖咬齊四種食材先最精采，不同既口感，夾雜住咸香、菇味、肉味、甜味，非常特別，好味道。有少許瑕疪，腐皮某部份蒸乾左，有點硬同靭呢 ﹗而且魚肚比已前用料差左好多，只係薄薄一片。有某啲酒樓已經唔再供應魚肚雞札喇，或係用豬皮代替，太失望了。竹笙灌湯餃，真係勁大隻 ﹗先試啖高湯先，咸左啲噃，即刻成碟浙醋倒晒落去，酸味蓋過咸味，好多了。絕對足料無欺場，餡料肉球大大舊又實淨，而且

生日訂位跟爸爸媽媽吃飯慶祝!先前留意到海港做龍蝦優惠,便要了隻斤半重的龍蝦做芝士焗龍蝦(伊麵底)!不得不叫招牌菜燒鵝啦!要半隻!另外,還點了姜蔥爆美國桶蠔!不久,三款菜式陸續上菜。先上燒鵝,一口咬下去,嘩!皮好脆!肉嫩多汁!好好食!不愧係招牌菜!蠔一蝶有7隻,夠肥美!用姜蔥爆得蠔邊的位置好香脆味美!食多隻先得!最後上芝士焗龍蝦!嘩!芝士舗得滿滿的!正呀!我鍾意!今餐食得很滿足很滿意!

星期一到四宵夜好抵食 而且不需要等位18蚊澳門豬骨窩，28蚊大良魚窩，醉雞窩等，以前曾經做過1蚊窩，不過宜家沒了，最欣賞的是個魚湯窩，有的支竹配，幾正。牛肉28蚊一碟，其他小菜都是10零20零蚊，4只鮑魚仔45蚊，都算Ok， 活海蝦28蚊6只，斑腩做特價$38/碟，不過唔系好多星期5，6，7宵夜就要排隊，好多人食物新鮮，環境新裝修後好似靚的，但冷氣有時太凍，服務唔忙個陣就ok，忙時就麻麻了。

今日老豆生日，諗住一家出街食餐豐富晚飯，點知兩老一向又厭遠又厭麻煩，最後都係要留返係大埔啲街坊酒樓食餐便飯 ~ 阿媽都經常黎依度飲下午茶，念佢夠近又平，都算同啲侍應熟落，都會打吓招乎 ~乳豬併海蜇，搞錯呀，比海蜇頭，唔係海蜇鬚呀 ﹗見枱枱都只係得啲頭，cheap 呀，menu 張相所示都係鬚黎，仲大大碟，雖然照片只供參考啫，但係咪差咁遠呀 ﹗乳豬皮脆就好脆喇，但勁肥呢，仲燶燶地，離晒譜，味道過得去啦。燉響螺老雞湯渣，雞件煲到散晒，但肉質依然好嫰滑，點啲豉油送到幾碗飯，雞味仍然好濃，咁係咪等於燉得唔夠耐呢？燉響螺老雞湯，又甜又濃，好正 ﹗強調絕不含一粒味精 ﹗清蒸海斑，比較細條，但肉質算鮮嫰，幾好。千絲帶子球，即蝦膠包住粒近乎食唔到既帶子，外面再搵啲粉絲卷實，再落鑊炸成金黃色，成隻海膽咁架呢。蝦膠又香又鮮又彈牙，但真係搵唔到粒帶子係邊囉。外面脆脆既粉絲都幾難搞，因為無可能係唔整碎晒佢地之下放到入口。此味係配沙律醬，可以啦，可能配浙醋或錦滷汁會更好 ~什菌腐皮煲，齋菜，偏甜囉，味道可以，只不過係一堆冬菇什菌加埋啲腐皮卷件炒埋一齊，再放入個瓦煲度囉 ~海鮮什錦鍋，有九孔鮑、中蝦、蟹、等等，但

上星期去大埔睇骨醫 + 探婆婆，舅父請我地食埋晚飯先走。近近地去海港食。一行四人，七點去到。豬展螺片燉海底椰湯：超正！必飲！一盅都有8-9碗，很多！足料燉湯，火候十足。有螺片、海底椰、雞腳同瘦肉。味道既清且甜，真係好潤肺。薑蔥美國桶蠔煲：因為無日式鮮蠔，所以就叫咗美國桶蠔，一桶只有五隻。桶蠔好大隻，有半隻手板咁多，鮮甜肥美。薑蔥爆好惹味。味道夠濃。山楂骨拼脆皮豆腐：山楂骨大大舊，有d淨肉，有d連骨，我自己就鍾意連骨，因為d肉通常會嫩d。味道也是濃味的，帶少少酸，泡過油，所以外皮有d脆。脆皮豆腐就一般，技術未到家。個外皮雖脆，但完全無味；豆腐很滑，算不錯。上湯浸莧菜：呢個菜通常都係叫俾阿婆食，因為莧菜較淋易咬。個上湯不錯，味道好濃，不過可能有d人會覺得比較咸。白灼花竹蝦：o....不是細蝦啊，一隻花竹蝦平均係兩隻基圍蝦嘅size。隻隻都好大，好新鮮，啖啖肉！肉質好爽，好鮮，蝦味比基圍蝦濃。

小羊一年黎都冇係酒樓打過邊爐喇 等左15分鐘度就開始叫入座9 點開始既宵夜邊爐 每樣野$18-68我地叫左個$1 湯底 係魚頭湯底 都唔錯 因為我幾鐘意食魚頭 仲有好耐冇食過喇叫左十幾碟野食 $18肥牛MAMA地 同埋個蟹肉蝦餃冇咩蟹肉 (聽講仲細隻左)其他野食都唔錯推介珊瑚玤 好爽口埋單每人大概$80-90蚊都幾抵 同埋宵夜時段都唔算太多人 好快有人黎加水換碟

放假難得在家，夜晚跟屋企人食飯刮著風下著雨，咁凍食咩好？梗係打邊爐啦~最後決定o黎o左呢度點了蕃茄湯底材料逐樣計食豪 d，點了鮑魚和生蝦鮑魚連殼恰，蝦被竹支插著，上菜時腳還在動呢...很鮮!另外新試了腐皮卷，外面淋裡面是脆的，好味!還有其他都係普通的火鍋配料食飽，很溫暖

老爺生日，我哋一行8人嚟呢度同佢慶祝，環境麻麻哋，D枱十分之迫，佢哋貪呢度就腳喎。冇所為啦，最緊要大家開心。豉油鷄 - 味道偏咸，鷄肉都幾滑。燒鵝 - 都幾大分，有鵝味，鵝肉唔嚡，味道又好上湯龍蝦伊麵底 - 龍蝦肉少咗D，味道都可以嘅，我比較欣賞Ｄ伊麵，麵質不錯，撈咗D龍蝦上湯，又幾好味喎。翡翠蝦仁 - 蝦仁唔新鮮，有部分蝦仁酶酶哋，淋Pat Pat，好難食羊腩跟生菜 - 有羊、冬菇、荀、枝竹，味道不錯，D羊肉有羊味又夠稔，但分量少咗D，生菜和枝竹吸咗D汁，好味道。鹵水掌翼 - 掌翼夠稔，可惜味道偏咸。埋單$720，食物一般，價錢合理。

一行八人去海港食飯。人少少，可以叫d豪d嘅菜式。鈔鍋大煲翅每人有一大碗。翅都幾多，幼針翅，燉得幾淋。翅湯火候十足，味道濃郁。蒸海斑條魚一d都唔新鮮！唔單止無鮮味，仲要腥腥地！又蒸得過火，好韌唔好食。日本鮮蠔煲超好食！次次黎食飯都會食。鮮蠔size適中，先泡油，後與薑蔥炒勻。蠔仔好新鮮，好有蠔味！清炒蕃薯苗好好食！炒得好淋呀！正，又入味，又唔肥膩！什菌扒日式豆腐超肥膩菜式！什菌炒得好香。不過豆腐就係有名"吸水"嘅豆腐。通常用黎打邊爐。但係用黎炒就好肥膩。仲要佢應該係走過油，所以肥上肥。大力壓下去，d油泌晒出黎。

是日難得我同妹妹都一齊放假.所以,決定媽咪休息一天,出街食飯.本來諗住試下食西式.但爸爸唔太接受.所以最後都揀左中式就算啦!6:45pm到達,客人都唔算太多.好快就揀好左一個特價套餐$298四位用燒味拼盆:份量都適中,有豬頸肉.油雞,海踅頭,燒腩仔 燒腩仔都幾好味,個皮又夠脆,油雞又夠味 略嫌D豬頸肉比較韌.花膠四寶羹:多料,但更重味精,每人都份到2碗.韭菜花炒雙蚌:味道唔錯,韭菜炒得剛好.仲有少少木耳. 珊瑚蚌+貴花蚌都幾爽口.果x骨:味道麻麻地,似咕嚕肉咁酸酸地...但太酸 而且唔係炸既...而係炆既.濃湯什菌浸時蔬:賣相真係唔錯,可惜淡而唔夠味.另加,大青斑(特價$128):抵食,又新鮮,接近有2斤重.清蒸鮑魚仔半打:比預期失望,同上次食個Size差好遠.

偷得浮生,與老人家飲早茶,三個人叫了:蝦餃(特) - 晶瑩通透,上佳水準!海膽小籠包(大) - 汁多味甜,水準不錯,包頂的皮如能薄些就更完美.蘿蔔千絲酥(大) - 皮夠脆,餡夠熱,但蘿蔔香味稍欠.流汁奶皇包(大) - 夠熱,但不覺有流汁的效果.帶子腸粉$16.5 - 腸粉夠滑,帶子食落都無問題,OK.鮮竹牛肉球(小)和棉花雞 - 都中規中矩,可以接受.連三位茶錢埋單$135,未找數時以為會幾貴,因為正價時段,由小點到特點價錢分別是$13.5 $15.5 $17.5 $23.5,但原來很多點心都有特價,例如屬於特點的蝦餃和大點的奶皇包各便宜了$4.OK啦!