海港燒鵝海鮮酒家 (已結業)

老婆屋企人團拜，係海港book咗兩圍，叫咗個超值套餐全包宴，一圍二千蚊都唔使仲找返兩蚊，食物質素可以，去片。乳豬全體，乳豬皮好脆，又唔算太肥。濃湯花膠煲螺頭。 雖然唔係用上等花膠，但湯渣都見到有好多花膠同雞腳。龍躉兩味，蒸龍躉斑腩同西蘭花炒班球。至於過杏香百花球，林曬，唔夠脆，同埋凍咗。壽包就超級大個啦就。特別之處，壽包係有分奶黃味同蓮蓉味，應該係減少成本之作？有咁高嘅性價比，梗係有啲 drawback. 其實枱與枱之間坐得好迫，基本上坐低咗連去洗手間都出唔到去，不過咁抵食冇辦法啦。…查看更多

今日家人生日諗住近近地落去海港食飯，預早訂左枱，但成餐完全失望！我地叫左個「珍超值」既全包宴12位，另加左半隻燒鵝。（因為我地唔興相機食先，所以無影到食物相）首先，一道餸都未到，個侍應就放哂d湯碗上枱。阻住我家人夾餸！😡😡😡😡😡二渣所謂既健康飲品就係糖份極高既橙汁，得個甜味。其中一渣入面仲有隻蚊係到👎🏻即換過一渣比我地。第一道，乳豬。有苦味，以為得我個舊係咁啦，點知不約而同我家人都表示有苦味，燶味。咁同個男部長反映，佢就話「第二碟都可能有咁既情況架喎，不如轉個燒味拼盤比你地啦」what！！！燒味拼盤同乳豬全體個價錢都唔同啦，係咪玩野呀！之後佢先再話揀盤無咁深色既比我地。第二道，焗蝦伊麵。唯一覺得ok，不過不失。第三道，蒸鮑魚。唔夠鮮味，又無乜陳皮味，上到枱又唔夠熱。第四道，花膠螺頭湯。淡而無味！慘過飲水😭😭😭😭之後佢舀d湯渣出黎，what!!!!無螺頭，得半隻雞都無既雞件，花膠又一d都唔膠！(d湯碗而家先用，點解唔而家先拎出黎，張枱又唔係大過人)第五道，髮菜蠔鼔鴨腳海蔘配菜心苗。菜比較老，d鴨腳唔好食！第六道，海星斑。蒸得過火不在話下，仲係有d唔新鮮，d魚肉係有d霉！🤦🏻‍♀️🤦🏻‍♀️🤦🏻‍♀️🤦🏻‍♀️第七道，燒雞。雞肉勁乾！全碟食左幾舊之後都無再食過，成隻雞形仲係到！第八道，燒鵝。d肉質又係勁乾！d黃梅醬勁甜😤😤😤唔點好過點！第九道，紅棗糕。枱面已放滿食物，而我地都未食哂，就上甜點，乜好趕時間咩？紅棗糕過淋，用牙籤都吉唔起，一吉起就爛！第十道，柑。因為枱面已無位放，佢就放在係旁邊張枱仔到。我地食左8隻，其中有2隻係爛既！其他都唔甜，無乜味！另外有4隻放在係原本個碟到未食住。因為有蛋糕，咁叫個侍應黎收起枱上既野！佢見我地仲有成隻雞係到問洗唔洗要盒，我地話唔要！順便反映話d食物差左好多，好難食！個職員仲可以扮聽唔到，一粒聲都無回應😤😤😤😤態度仲勁差，執枱淨係執一半就走人，跟著就拎個蛋糕出黎就放低！ok，fine，唔執就算！到比$，另外一個著黑衫既女人(應該經理)黎收$，我地再反映多次d食物差左勁多，大不如前，諗住佢會話同公司反映下或者同廚房講下，但佢無囉！仲要黑口黑面咁望住我地默不作聲！態度極差！😡😡😡😡😡😡👎🏻以後都唔會再黎呢間食野，埋單都要三千幾蚊，不如比多少少過翠園食好過，起碼有質素保證d！…查看更多

平時去海港都係夜晚打邊爐今次媽媽生日鐘意食中菜就試下海港既晚飯媽媽鐘意食海鮮，所以叫左勝子同蝦佢既蝦好新鮮，彈口的勝子都唔錯，唔會好硬叫左個龍蝦伊麵底，龍蝦就唔多肉，伊麵比較碎:(同埋油份都比較多，有改進既空間。最後叫埋呢度招埋既燒鵝半隻係幾好食，又夠熱！…查看更多

通常都係黎飲茶，今次試下幫襯下晚飯，食個生日飯花雕酒蒸阿拉斯加長腳蟹，平日做緊$188一斤，平時食開凍食。今次經推介下試熱食，出奇地係好食，我地一人分得一隻腳，百d唔夠喉下次要叫大隻。個殼既蟹膏就超多，但唔係個個食。今次之後，第日食長腳蟹又多一個選擇！一家都好鍾意食魚，當然唔少得蒸返條沙巴龍躉。爸爸大讚，始終都係酒樓整得好食！蒸得剛剛好，好滑。平時食龍蝦唔係揀澳洲就係波士頓，第一次食呢種美國出產既小蜜蜂。意驚喜啖啖肉之餘，仲好甜同彈牙！經理無介紹錯，都係唯到百零蚊隻成餐啖啖肉，好飽好滿足！…查看更多

星期日是家庭日，今天選擇去茶樓飲茶，海港在大埔都很多年了，我們都經常去，可能是假日早上大概別人都還未醒來，我們都是大約等了十分鐘左右已經有位了，亦不用搭檯⋯ 假日早茶茶芥$8一位。（$14.8）柴魚花生粥，我們必點的粥，這碗粥很綿真有柴魚味，還有些花生在裡面，胡椒粉就自行添加。（$18.8）香煎蘿白糕，有4塊，煎得表面都很香脆，亦有蘿白香味，不算很重麵粉，好味的。（$22）雪菜肉絲湯米粉，雪菜香，米粉軟，不過湯太淡亦沒有雪菜味，味道一般不過勝在便宜又飽肚。（$22）鮑汁鳳爪，大約5隻左右，鮑汁濃雞爪都吸到味，還有些花生。（$22.8）大點⋯蜜汁叉燒腸，蜜味很香，腸粉很熱很新鮮。（$26.8）翡翠蝦餃皇，餃皮晶瑩剔透，蝦身都很大隻，爽口，好味！（$16.8）小點⋯五香咸水角，皮剛剛好餡料豐富，可惜不夠熱，失去了脆口感覺。（$20.8）鳳爪排骨飯，鳳爪只有一隻，排骨都軟身有豉椒味，白飯煲得乾身，不錯！（$24.8）蟹籽燒賣，燒賣本應是酒樓最基本的菜色，可以這個燒賣做得很差，餡料不算很飽滿，就連外觀都不齊。（$23.8）棉花雞，豐富的除了有棉花有雞外還有菇、火腿、蟹柳等等，亦不會太油膩。（$15）楊枝甘露，說是楊枝甘露又像芒果西米露，他的西米又不是西米，口感陣牙像一粒粒的大菜糕或啫喱，芒果肉很甜，都好味的。（$22.8）竹碳甜薄撑，像是一塊麵粉以竹碳煎成，然後再以糖和花生包起來，甜甜的，煙韌的，好味道。…查看更多

今朝老公又放假 所以訓醒之後就去同呀媽呀爸飲茶 見下老人家 我地叫左個午市孖寶都係每份$168 有籠仔糯米龍蝦蒸飯同脆皮乳豬件例牌 個蒸飯有一隻龍蝦 蒸得幾香口 d汁滲哂落個飯到唔錯 乳豬都幾脆 下次可以encore***另外仲叫左幾個點心 必叫迷你點心拼盤$21.8貪佢夠平 點心又多元化 有粉果 紅棗糕 蒸包 蝦餃等等 啱哂唔同人嘅口味 紅棗糕幾清甜 之後仲叫左個韮王鮮蝦腸 隻隻蝦都夠哂大隻爽口 另外個蟹籽燒賣皇雖然有d貴$20.8 但幾好食 一人一迷粒…查看更多

一行十人去食蟹，叫左1隻 $850，另外叫左個 $1598 全包宴。因為朋友食過，極力推薦所以今次集中講隻蟹，一上枱，好大隻，d殼都有處理過，所以都好容易開及食，d肉好彈牙又鮮味，d蟹羔因為在座很多位錫身的關係，所以冇乜人有興趣，我試左一點，d羔不太甘甜，只系普通。至於個全包宴，份量大，一般般啦。…查看更多

每一次同爹哋媽咪慶祝節日，佢哋好多時都係揀呢間酒樓。其實真係冇揀錯因為食物水準真係唔錯，而且夠大碟，認真大件好味夾抵食！今次我哋就叫咗咕嚕肉，花膠雜菌煲，同羅漢齋煲。咕嚕肉粉唔會太厚，炸得夠脆，裡面juicy,又有筋位夠𡁻頭又夠香。花膠煲起碼都有六至七件花膠，足料。雜菌冇話煮得太耐林晒，而且火候做得好，唔會太油。羅漢齋煲南乳味道好香，但又唔會過鹹呢間酒家水準一向都keep得到，難怪每次晚市都要排大長龍既。…查看更多

同屋企人飲早茶，就去左呢間海港，平日黎講都算人多，都坐滿哂咁制。咁望下點心紙都ok多野叫。釀青椒d魚肉都幾厚，但比較油叫左柴魚花生粥，花生都幾多，粥唔太稀，但無乜味千其唔好嗌潮洲粉果，皮厚不得止，d皮仲要唔多熟，食左少少直情想嘔番出黎，極不推薦煎薄餅，賣相幾好，食落外皮少許脆，但中間芯有d淋牛肉腸粉不過不失，牛肉份量算唔少，但腸粉皮有d厚燒賣個賣相係差dd，但都唔錯，食完唔會好口乾，證明無乜味精 XD總括黎講，食物質素認真一般但價錢唔貴…查看更多

難得今晚齊人一齊去茶樓食晚飯當聚下舊一向都覺得海港嘅質素係ok嘅 食飯之餘仲可以吹下水 我地叫左個象拔蚌 好新鮮爽甜嘅 仲好大份當刺身食 之後仲拎左黎炒西芹紅椒 爽口易入口 味道唔會過於鹹 每一塊都係薄薄的好惹味 另外仲叫左鮑魚 一開頭好似有d唔熟同左經理反應之後肯換過碟俾我地 鮑魚唔會韌反而幾淋 要一讚 我地仲叫左條蒸魚 蒸得剛剛好 魚質爽滑 拎黎鼓油撈飯就最正 所以我都食成碗 其實宜家茶樓嘅quality都算係咁 唔會話太貴但幾有保證…查看更多

今日係爺爺生日 老人家始終比較中意食中菜於是我地一家人就去左海港同佢慶祝 我地叫左個阿拉斯加長腳蟹 有成四五斤非常重 淨睇外型都知佢非常大隻 冇番咁上下人都食佢唔郁 先食蟹腳 wa超大舊肉 未試過係茶樓食咁大隻蟹 蟹肉仲要係爽口絕對唔係流料 雖然係要俾d耐性慢慢拆肉 但絕對係值得嘅😂之後仲叫左碟西蘭花帶子象拔蚌 非常鮮甜爽滑 完全冇雪味夠哂大蝶 我地仲有叫條蒸魚 幾新鮮 拎d鼓油黎送飯真係一流 當然一定要叫壽包 有奶黃同蓮蓉 兩隻味都非常香…查看更多

呢間野以前好地地，依家愈黎愈差啲員工西口西面唔在講最離譜係啲食物明知道啲湯會耐，已經一埋位就嗌定等到嗌完野食，啲野食都到齊個湯仲未黎果陣已經等左超過半粒鐘同個部長講點解咁耐佢仲話一早賣哂要重新煲然後個湯黎到熱都唔熱😡😡😡俾盡佢都係叫暖咋🤗乜原來岩岩煲好既湯係暖架😄一係你冇就同我講冇，叫我cancel唔係同我講完岩岩煲但係出黎只係暖😊仲有碟聖子，蒸到硬過擦子膠😊換完第二碟好少少，不過一食都知又係蒸到過哂龍🌚蒸野咁既樣做咩廚房幫襯多年都冇面俾劣食😡😡😡😡😡…查看更多

細佬生日，佢中意食中菜，就黎左海港食晚餐，我地其實已經6點鬆d就到左，但因為地方細加上有人擺百日宴，也等了差不多半小時才入坐。三個人叫了五個菜，肉多菜少。咕嚕肉，我自己不太喜歡吃酸甜的東西，所以略嫌有點太酸，但蜜桃挺好吃。炒安格斯牛肉粒，味道是很好，但牛肉粒有點太韌了。黑椒豬手，上枱後樓面姐姐馬上用刀叉幫我們切開，出奇地好吃，鐵板上夠哂熱，豬手口感也很好，細佬話比他日前去德國餐廳吃的豬手還美味。帶子，很鮮味，是份量有點少。這是唯一一個素，不過不失，菇很好吃。最後，還叫了揚枝甘露同布甸，超飽地回家，中菜來說，海港是真心不錯，價錢也可以。…查看更多

今日係一年一度嘅冬至，所以本人同爸媽去咗大埔超級城嘅「海港燒鵝海鮮酒家」飲下午茶！我們叫咗香茜牛肉腸嘅腸粉好嫩滑，牛肉嘅肉質好鮮嫩，而且份量超多！鮮蝦菜苗餃嘅餃皮好軟滑，菜苗相當清甜鮮嫩！翡翠蝦餃皇嘅餃皮好煙煙韌韌，蝦肉好爽甜彈牙！藥膳浸大魚頭嘅材料相當足料，大魚頭嘅肉質超鮮甜嫩滑，湯底嘅味道非常甘甜！鮑魚燒賣皇嘅鮑魚好爽甜彈牙，燒賣嘅肉質好爽滑，而且肉汁都幾多！龍躉蒸飯嘅龍躉肉質好結實彈牙，鮮甜嘅龍躉肉汁同芳香嘅香蒜味滲透晒米飯入面，真係相當惹味！另外我們外賣自取咗隻白切鷄同脆皮燒腩仔去大姨媽屋企「做節」，白切鷄肉質好嫩滑，脆皮燒腩仔嘅皮燒得相當香口脆身，肉質好鬆軟，而且唔會有好多嘅脂肪！…查看更多

想試蒸氣石鍋好耐... 終於搵到間比潮福價錢較實惠既地方~除左有肉類, 海鮮, 蔬菜外, 仲有精緻點心~ 幾得意既選擇原來食呢種石鍋, 最重要係要叫個粥底, 因為粥放係蒸盆下面, 食物既精華就可以透過蒸盆上既窿滲透落個粥底度! (長知識^0^)而荷葉就係放係蒸盆上面乘載住D食物~~未叫野食前, 侍應已經幫我地準備好個鍋先~頭一輪先叫左:安格斯肥牛配瑤柱咸排骨粥底 $118黑蒜豚肉丸 $42蟶子皇 $22x4=$88粥底材料:南瓜,大蔥,粟米,排骨,瑤柱,鮮淮山將白米同粥料加落去喇@0@!! 唔使加水, 因為枱底已經放左一大樽蒸餾水pump上去....@@ (大鄉里....好驚訝)肥牛同蟶子都係蒸左大約2分鐘已經熟晒~~~呢個牛真係無得彈.....@@!!!! 好鮮好鮮, 好濃牛肉味!而因為佢咁樣蒸法, 將牛既油脂都迫晒出黎....好好味!!完住唔使沾豉油喇~~~蟶子反而有d唔抵...lolll $22一隻得咁細隻..... 鮮味都只係一般!黑蒜豚肉丸意想不到 真係有幾香既蒜味, 豚肉又好夠鮮甜~可以encore之選後來追加左:龍躉頭腩 $108沙白蜆 $45花菇紅棗雲耳蒸走地雞 (半隻) $55由於我比較怕魚既腥味...所以呢隻齋蒸既食法我係食唔落口...(食左一啖only)加上佢好重骨膠原, 完完全全就係我最怕既口感同味道XDDD蒸雞反而唔錯呢~ 半隻份量都唔少呀....雞好嫩滑, 蒸出黎好香!! 仲有好多紅棗雲耳, 自我感覺健康D =PP蜆最抵食~~~ $45有好多, 又重鮮味!傻左既我地竟然驚唔夠飽, 同埋又比佢個樣吸引左而叫多左個閩南糯米蒸蝦飯 $108(左:蒸前, 右:蒸後)賣相真係好吸引~~ 最鐘意蒜頭加蝦既配搭可惜唔夠好味@@...蒜頭超唔夠! 搞到有好多位都係得白飯無味... 蝦又唔大隻>< 後尾要用豉油配料corner提供既炸蒜撈埋黎食先有味XD 有待改善~甜品: 幸福甜心盤 $55只係將已經整好既5種中式糕點蒸返熱就可以食~有奶皇包,馬拉糕,椰汁糕,香芋椰汁糕同紅棗糕好鐘意佢呢個組合!! 一次過可以食到5款糕點^~^食完甜品仲未完~ 唔好忘記左仲有最重要既粥底XDDD!蒸到尾聲 亦係品嚐呢個集各家精華於一鍋既粥既時侯!!粥已經變得好綿...同埋真係好鮮甜!! 感受到d精華^^不過咁食法真係太飽..... 下次既話, 有粥底就唔會再叫飯類...(雖然見到個糯米蒸蟹飯都好吸引..@v@)btw, 呢度d傳菜姐姐都好好服務態度, 知道我地第一次試蒸氣石鍋 唔係好識要點搞XD 都會好主動幫我地同教我地feel到個種敬業樂業 >v<"最後埋單係$724.5 (四人份量)~~~ 相信下次黎叫少返個飯同蟶子, 會再抵食D~~ 有下次! : )…查看更多