海洋超級漁港 (深海龍躉專門店)

营业中

休息中

去開佐敦整頭髮，就出去搵搵食啦😋😋本身想試d細店，點知可能我去嘅時間開始多人食野，見幾間小店都full full 地，最後決定都係飲茶😃😃（始終都係鐘意飲茶）我係食午餐時間，吾係食夜晚，所以覺得都係一般酒樓甘様吧！不過食物係ok架，因為起碼樣樣都即刻蒸，所以熱辣辣上堂嘅！蝦米煎腸粉：👌🏻馬拉糕：個賣相雖然一般，但味道出奇地正！食落好香，好軟熟！我囡囡都話好味道😆😆柴魚花生粥：好少酒樓有，所以我點了試👍🏻味道吾錯，重有好多花生添😏😏

今日做下孝順女同daddy去佐敦飲茶呢間海洋超級漁港係爸爸一向幫襯開，但我就第一次去。 是日大約中午12點去到，等左五分鐘就有位。我地叫左$168套餐，有南乳吊燒雞，金銀蛋莧菜同上湯米線。另外再單點一個沙薑雞腳、椒鹽魷魚鬚同咸水角。沙薑雞腳無咩特別，不過不失咸水角餡比較少，而且不夠熱同脆南乳吊燒雞雞皮香脆，點南乳一起食的確好香好好味。金銀蛋莧菜一向我最愛，上湯濃而不咸，莧菜新鮮，不錯。椒鹽魷魚略嫌蒜同辣味道不夠，有點遜色而且炸粉太多。總括嚟講不過不失，除地點方便，我相信仍有好多好選擇

公司黎食春茗開年飯，真係未食過一間酒樓咁無質素，一係咸，一係無味。先黎係乳豬海哲, 乳豬可以又凍又咸皮唔算太脆，得個肥字，而海哲除左油就係油，無味可言。之後開始亂咁上菜，第2道已係蝦球伊麵，但伊麵完全係碎濕濕，夾都夾唔到. 蝦又唔新鮮，成碟野完全無味。橫財就手發財好市炆鵝掌，D冬菇厚身但係硬既,個底用生菜墊高，但係煮到林晒，成碟野得個蠔油茨有味，一個字咸。清蒸珍珠班係好大條，而且好厚肉，不過蒸到過左時，香口膠咁刃。上菜之前應該放左一陣，就連清蒸既豉油香味都無，蔥薑又唔多，唔知自己食緊咩。個翅得個咸字，無野想講。之後就炸蟹鉗同炸子雞一齊上黎，炸蟹鉗都炸得幾靚既, 不過入口成團粉，無味。炸子雞凍既，食唔落口。個糯米飯食水都唔夠，淺啡色，仲要濕既痴埋一舊舊。個壽包好重手，入面蓮蓉太多，個個都話似食月餅。成餐飯，都唔知自己食左咩落肚，無一樣野值得讚。食到後面想搵個阿姐加茶都無，招呼差到咁，我諗唔到下次仲要黎幫襯你囉。

今次同學聚舊，秋天到他選擇火鍋於是約左係海洋地方好近地鐵站出口，行幾分中就到去到門口店員安排入座，足夠空間感，座位整潔又舒適店員先奉上醬料盤:辣椒，蔥花，生蒜，乾蒜先調個混醬，先點個湯底吧，煙央湯底沙爹好夠濃味再點火煱料:手切牛肉質鮮嫩，油花分佈均匀，牛味比較重全熟仍保持不乾不韌帶子勁大隻，又爽又鮮甜兩個人食得好滿足象拔蚌刺身是我吃火煱必點的喜歡它的勁脆口感！點了些蔬菜，餃子，響鈴總括來講環境舒服, 食物質素也不錯值得一讚是這兒的服務很好，店員經常為我們加湯煙央湯底話多皮豆就多皮蛋，沙爹湯加水後亦加沙爹醬

有同事調職，攪餐大圍飯歡送，其實自己唔鍾意食酒樓大圍飯，菜色未食已經估到係乜，味道又唔會有驚喜，去酒樓只不過係貪地方好坐，平平地食餐晚餐！今次呢間係同事介紹，話味道唔錯，菜色唔會好公式！去到只係普通酒樓格局，比咗一間梗房我們兩圍！但間房比較窄，兩張大枱之後只可以放多一張麻雀枱！可能今晚都多人訂房食飯！所以就迫啲！席前有一個侍應招呼！阿姐好勤快，幫手換茶添水兼唱錢！好helpful! 鴻運脆皮燒乳豬全體：皮夠薄夠脆，乳豬唔肥，唔點醬都好味！海蜇煙韌！汁料清爽！金沙撈起大海花蝦球：薄咸蛋黃包住爽口蝦仁，味道咸香，食唔停口！彩虹腰果炒花枝片拌蚌仁：西芹爽口，花枝片較韌，蚌肉煙韌唔腥，腰果仁香脆！好味道！鮑汁金錢海鮑片扒豆苗：鮑汁香濃，鮑片炆得入味煙韌，冬菇厚肉淋身，豆苗嫩兼爽脆！好味道！原盅蟲草花燉龍躉頭骨湯：燉湯足料，湯好清澈，味道濃郁，充滿膠質！湯料另上，蟲草花煙韌清甜！清蒸生猛大海珍珠班：條魚好大條，魚肉正常，不過黏骨！出色在魚皮彈牙，豉油清爽微甜，青蔥好嫩爽口，夾埋一齊食好味！魚湯什菌浸新鮮冰菜：魚湯清甜，第一次食冰菜，好爽甜，質感得意，雜菌煙韌兼索晒魚湯，好味道！籠仔臘味蒸滑雞飯

這篇是小妹第2篇食評,加油加油! 今次已經唔係同Mr. Li 食啦昨晚來到佐敦的海洋超級漁港試菜A 出口直行就是了,上三樓~~同幢的有日泰郎等等食店~時間大概是晚上十時多....宵夜!! 要吃點東西補充體力,heehee.餐廳裝潢:地方格局和酒樓一樣, 地方少但絕不狹窄, 光鮮,乾淨, 人手足夠!一個長方形廳, 有三間廂房可打馬吊, 有個半圓小舞台可坐兩席,旁邊是大玻璃,面向街景.我們四人的宵夜: 前菜的花生都好吃,轉眼就吃光了共點了四個小菜.1)黃金豆腐拼九肚魚 ( $38?/$48?)椒鹽豆腐九肚魚,金脆可口,非常好吃, 大家來可以試試!!即叫即整吧! 又熱又脆, 豆腐小小的一粒粒,非常非常好吃 (我和家人都覺得,送酒一流!)九肚魚很新解,肉嫩的.good!可以跟大家說份量很多!!2)南乳脆皮雞 ($48半隻)南乳醬是另上的, 我只吃了兩小件,因為很快被家人掃清了.=_=""我吃的就肉質不會太實,就是有剛好的感覺. 由於我到最後才吃,所以皮的部分有點脆又開始有點淋了. 味道還好.3)芝士蝦球麵 (幾十蚊)可以說的是份量真的絕不欺場. 麵多醬多蝦球也超多.(10隻也有吧,

補返差不多一個月前既食評~成班好友或叫舊同學聚舊朋友提議到此聚餐26個人的飯局當晚我地9時多入座,(上午已經book位)食物方面最先送黎係乳豬拼盆乳豬，分碲，叉燒，油雞，海折賣相好得.乳豬外層夠香脆肉亦夠香味道都ok，海折彈牙，分蹄爽口叉燒又硬又鞋口，陪跑一份子油雞夠嫩滑，但無雞味紅燒雞絲花膠大生翅,分量十足好多D花膠絲翅較幼身,湯稀杰適中, 味道還可以芝士海蝦伊麵勁多芝士汁，雪藏蝦毫無味，得個爽字，個汁撈麵就幾好百花釀蟹拑熱辣辣上,一口咬下有燙口感覺蝦膠肉質夠爽甜彈牙沒有沾醬味道也很入味西蘭花雙蚌西蘭花普通，珊瑚蚌都爽鮮豆苗海螺片，螺片讙頭貨無特別北菇香濃亦夠大隻豆苗夠翠綠夠嫩口，完全無渣，正翡翠炒星班，魚肉比較鮮嫩,鮮味超級濃翠肉瓜爽口炸子雞,我分到雞胸一件雞翼一件.偏鹹,肉嫩雞味不重,雞皮還算香脆仲有其他食物水準OK 埋單每人大約二百元算低服務幾好, 加茶分菜好爽手, 員工亦有禮貌裝修算新淨, 廁所乾淨, 環境舒服

今朝約咗朋友攞嘢，朋友去過呢間飲過下午茶話ok，想試下呢度早茶，就去咗呢間飲。兩條友去到，大廳冇位，侍應就開咗近窗果間大房，房入面全部細枱，座位都算舒服企理。點左6 個點心，2個甜品：6個點心：1) 煎蝦米腸粉 好乾，好硬，一定唔係即煎，而係一早煎好一大堆，有人order果陣就再煎翻熱果啲，仲差過以前推車仔賣點心，因為上枱果陣只係暖暖地唔夠熱；2) 煎芋頭糕 又係好乾好硬，上枱又係暖暖地唔夠熱，情況同上面煎蝦米腸粉一樣；3) 蒸蝦腸 皮太厚，但蝦仲算有鮮味；4) 鳯爪 啲汁好杰，食完「醬」住個口，又係唔得；5) 山竹牛肉 個牛肉球好鬆散，撈粉撈得太多，一啲咬口都冇；6) 春卷 炸咗放得太耐，索咗油，唔得。2個甜品：1) 芒果布甸好食，好多果肉，唔太甜，啱健康人仕口味；2) 紅豆糕好食，又係唔太甜，好怕食呢啲糕點係咁落糖搞到甜耶耶，呢個啱啱好。呢間嘢，早茶都做到咁差，我都唔會對午市同晚市有期望，唔會再去了。

嚟呢度食宵夜已經好多次今晚成十一點幾嚟到得番三四枱客人，房都仲有客未走講番我地叫左沙爹湯底一份手切肥牛，仲有皇帝菜，金菇白鱔片同埋一個公仔麵沙爹湯底都好香濃，我好鍾意手切牛肉好像細碟咗，仲好鞋口，唔惦記得上幾次嚟好大碟同好淋宜家原全兩回事，下次唔叫白鱔片都好爽口其他都好新鮮，都唔錯公仔麵普通出前一丁跟味精上呢度服務都可以價錢都好實惠兩個人連一炸西瓜汁都係兩百元都可以接受

話說...我同d同學仔(7至8個人),同埋miss去左呢間酒樓飲茶~一直都相安無事,冇乜特別,叫完野食,咁d野飲都一碟一碟咁黎...到最後一碟野都嚟埋...我地食食下,有個女仔侍應拎左一碟糖不甩黎...但係我地由頭到尾都冇叫過,咁我地舉手同佢講,話我地冇叫過,希望可以退番~我地係冇郁過碟野架...冇食過任何一粒...好可惜.........我地: 唔好意思呀!我地冇叫過糖不甩架!麻煩你退番去啦!!!佢:下...你地食過喎!!!之後佢就自言自語口upup咁走左.............我upload左張相...你地睇下...碟糖不甩係佢地放得唔靚,但就誤會我地食過!但係8粒完完整整係到...誤會我地食過都算,但係走左之後就離遠既地方話我地=.=係咁話我地食過........真係激死............一個侍應係唔可以用咁主觀既態度黎處事!應該有要證有據...佢冇求證不特止,仲要係咁話我地食過,好委屈呀!!!!!所以,冇下次...唔想再比人誤會啦!!!

來過海洋酒樓食過幾次…一到下午茶就好多人….所以我會早d去拎位~~媽咪趕住返工xdd”佢d點心即叫即整…同埋好多優惠點心佢個涼瓜排骨好傳統…好入味* 不錯既選擇仲有佢個簿餅….haha!!!~脆口但唔覺熱氣又唔油另外仲有order左個魚湯麵….wow~~超正”平時媽咪會唔比飲湯..因為係味精湯~但佢話lee碗唔係!!好重魚味xd”當然啦..e間野出名賣魚架ma~最後就order左個三寶定唔知五寶飯!!!haha!!佢d豬皮好脆….好好味~~同埋色澤好靚~~~飯又唔硬唔軟岩岩好5個人食160幾~~~都抵呀~^^食到好飽環境好好….服務不錯......抵食….

老死生曰,又話要去海洋食,貪佢又平又好食,叫咗個,龍蝦魚翅餐$2700左右,抵到爛,有化皮乳豬拼盆,龍蝦伊面,淨係龍蝦都有廿幾三十件,係大大件,個清湯翅一排排,絕對唔係雞絲翅咁碎濕濕,鮑片鮮冬茹又大又厚肉,一定唔係cheap野,乳鴿又唔油,炸到啱啱好,魚蒸到剛剛離骨,好味,荷葉飯因為太飽冇食到,單看賣相都應該唔錯,嘩!個壽包咁大個點食呀?走仲要打包六七盒外賣,真係唔係講笑,星期六成間滿座嚟講,廚房都可以出到咁好質素的食物,very good......個餐仲有其他，不能盡錄，星期一至星期四仲話減三佰添......

各位好!星期日放假梗係同男∕女朋友拍下拖,行下街,飲下荼..見題目,已知我想講乜...呢間海洋超級漁港我黎過飲茶好多次,成日想介紹,但次次係openrice介紹完比笑面既店呢,之後我返去都好爆場今次講下無張貨就價的3.8叉燒瀨啦!!今日叫左5樣野..3.8叉燒瀨---有6/7舊叉燒,碗粉又大大碗,每次我只叫一碗,事關要留肚食第二樣.. 中點13.8排骨 小點10.8牛肉 大點16.8 燒賣三款之中.只有牛肉我覺又低又好食,其他2款,普通,可吃可不吃...即燒乳鴿-----不過不失,食到成手油,叫佢:唔該可5可以比少少濕紙巾我地..唔知佢係咪即刻落街買...好耐...總括:都可以試下,依家佢夜晚有D$ 1元魚,、蝦、蟹、D姐姐成日叫我去食晚飯...我搵日試下先..一係你地D食家食完上黎分享下丫

今晚工會搵咗鈞賢叔黎同我地講工會既由來,我地一路聽,一路食飯::,佢一講,我地又將佢講d野抄低,搞到餐飯都食到好忙咁,其實搵一個抄低咪得囉,又或者錄低佢,咪唔駛食餐飯食得咁辛苦囉.講開呢餐飯,係由鈞賢叔發板,我地都唔知叫咗d乜東東架 ,黎度先知係有龍躉,嘩...yummy 自知貴野,不過份量好少,好似唔夠一人一嚿,,不過d魚又真係幾好味.見唔見其它的餸,都係菜墊底,搞到碟碟都好似好多,但裡面d材料,真係好少,我同我d義工朋友,都話今晚食素呀,咁多菜既,不過,呢餐飯唔平,五碟餸,加六碗白飯,盛惠$590多,嘩...好貴呀!但唔知點解,呢度平日都咁爆,我地張枱唔係之前個人話黎少咗人,侍應就俾咗佢張枱我地,唔係又要等,真係咁好食同抵嗎?