海天亞洲漁港 (已結業)

25-08-2007十二個人去食9點半..任食火鍋真係超差!!!填紙要牛肉佢比得5塊我地仲要每次淨係可以填5樣..但係d野又黎唔足份量又少淨係得d腸仔、丸、豆腐平價野就黎足埋單每人＄９ｘ...但係食既野＄３０都唔值

1) Waiter無表情, 黑口黑面, 態度差2) 傳菜個位話, 菜整好, 一係放係裡面等等.一係送出黎, 俾錢黎受氣真係...3) 晚飯D野唔好食..唔明點解有咁多人去

點選套餐: 冰極龍鳯配涼伴乳豬拼盤- 乳豬皮燶, 配菜勁咸和風"龍蝦"沙律- 罐頭+ 膠質無味肉but claimed 係龍蝦...紅燒頂湯翅- 個樣ok, 有一大片翅, 但..個上湯令人食慾銳減. 結果八個充充滿滿的碟在桌上...冰鎮士多啤梨骨- 一個字:怪,浸菜: 一堆菜渣鮮果涼粉西米露- 又是罐頭+勁多糖漿的產物. 生果都浸到霉左.全晚比較可以落肚的只有:bb乳鴿頭抽炒面結論: 食完,以後唔會再去.唔想再有人被搵苯, 所以在此評論

八人龍鳳配龍蝦雜果沙律: 拎上黎個陣有隻龍蝦好靚架, 不過完來冇肉架, 每人一份之後就拎走架啦~個沙律大家買罐地們雜果加卡夫醬, 不過上面真係有一片龍蝦~真係....太大片啦......燒味拼盤:乳豬件少量+雞絲粉皮少量+花椒皮蛋豆腐粒少量+海蜇少量. 以八人黎講, 真係大家都要將就下~每個都OK, 不過海蜇明顯較咸, 而豆腐的花椒味OK冰鎮士多啤梨骨: 名符其實. 冰鎮士多啤梨六粒+ 八條排骨, 你話頂癮唔頂癮?!?BB鴿: 皮脆肉嫩, 這個好味~蝦乾浸白菜: 正常魚肚炒麵: 奇怪之作, 好似平日街邊送白粥的銀芽炒麵, 但出面的都炒得仲好食魚翅: OK啦, 唔好期望係咩好野, 一分錢半分貨太極魚: 難食到~好腥~佢話係咩鯧魚, 我話係黃立鯧...點會有人咁做架~西米水果涼粉:西米超細粒, 涼粉似罐頭個隻, 水果慳家, 加埋晒完全不匹配, 又一失敗之選另加壽包一打, 這個還OKABOUT $90/人......完全唔抵待應黑面率高, 動作不很勤快, 個部長見有個員工無禮貌都好無奈, 即刻向我地道歉, 呢個部長可以讚下. 另外D餸上得太快, 未食完第一味就已經上第二味......之後全枱

昨天與兩個朋友來這裡打邊爐, 現在轉了任食,我們8點到來,不過應該8點半後有特價, 酒水也是. 這裡的好處是多款醬料任取, 但最不滿是未見過任食火鍋要每次限寫5款,心想如果多人的話,不是要用很多紙張嗎?食物方面肥牛尚算不錯在任食火鍋來說,但沒有生蠔,蝦,雞子這些東西, 其他火鍋料沒有特別, 我們另外加了八鑵啤酒, 這麼說明是任食2個半鐘, 但我們由八點食到差不多十一點也沒有摧,可能不爆場吧…..

巧合的情況下找到海天...食左唔夠10次..但so far無好大失望...無論價格和味道都ok...至緊要佢有夜茶...8:30后便有點心order...都有十幾款...都ok!昨日又食左一次...1)燒南仔2)蠔仔粥3)咕路骨4)燒賣5)腳子茶$10/person介$10/person...

朋友生日，見有個6人餐平平地$540，所以去試下...合共有8人，諗住叫6人餐再加食送。個餐有一人一隻乳鴿，仲要係原隻上要搵手渣住黎食！問佢可唔可以切件(諗住切件後可以分8個人食)，待應話唔得...個餐唔包切喎..跟住...上沙律、翅都係得6碗，d待應完全唔識做...大佬呀！我地8個人..係咪自動自覺分8碗呀??d乳鴿上左無幾耐，就上埋片皮鴨同翅，完全食唔切，叫個待應幫我地蓋返好d片皮鴨個d面粉皮，廢事d皮涼左唔好食....個待應超唔想幫我地..即黑面...咁既服務態度.....我一定唔會再去食囉

幾天長假期, 基本上都係唱他已復活. 星期六, 練完歌, 沒有養聲, 反而係同爸爸媽媽一齊食飯.被雜誌的大包吸引, 就剪定優惠券來食. 不知是否長假關係, 係大拍烏蠅. 坐低睇餐牌, 點解無大包? 原來收埋了, 等你不知就裡就點了貴價菜, 真祕密.隔離臺都好像為這個菜爭吵過一會, 似乎這裡有點不老實.這個四位餐係$360全包, 係連加一同茶芥, 有七樣菜色.潮州凍蟹: 6分, 兩隻凍蟹份量不小, 當然不能同上次創發的比較. 蟹肉不太鮮甜, 麻麻新鮮. 但蟹蓋的羔就好靚.高湯雞燉翅: 6分, 碗翅都幾油, 係見到幾多油浮係面. 個碗都幾大, 佔大部份係湯, 翅就只有小小兩舊, 加上菜同一粒, 無錯, 係一粒仔金華火腿. 湯就幾好飲, 但真係無乜料.君度橙香骨: 5分, 一重厚厚的醬汁係面, 食落口無乜橙味或者橙香, 又炸得好勁, 好麻麻. 唔知點解, 其他三位家庭成員又幾欣賞.海天鹽焗雞: 5分, 雞肉偏肥, 又多碎骨. 無乜鹽焗的味道, 不太入味.鮑螺片扒時蔬: 6分, 係典型去飲的菜色, 相當杰的汁, 鮑螺片仲算淋.什菌湯伊麵: 6分, 填肚的伊麵. 又係去飲的菜色. 都係普普通通.

只吃過一次, 係由於大閘蟹的緣故. 蟹算頗大, 聲稱有4-5両, 相信沒有欺場, 膏多, 幾香, 不錯. 但上菜的次序很亂, 點了兩個餐, 同樣的食物要分開上, 還相隔成半小時…有點奇怪!食物ok, 由於之前做優惠, 半價, 有此水準, 算不錯吧!

月初去飲茶，印象係廁所好濕，芒果糯米糍好味！第二個星期再去食晚飯，訂左檯都等成大半個鐘，話張檯俾人早一步羅左．．．我地book8點, 7點11去到都話冇左...好啦咁等左好耐終於有位, 但我地一行13人有一個未到佢俾張鬼咁細既檯12個o岩o岩好叫做坐得晒, 跟住同佢話要加位有個黎緊, 佢夠膽話太迫加唔倒...咁你就好俾張大d既我地啦...又等左幾個字終於有檯轉,行緊過去途中聽倒其中一個侍應阿姐話「叫佢地自己拎埋d杯過黎丫嘛~!」哇...我幫你出埋份糧好冇...!?啤酒妹落左半打啤酒, 轉個頭阿姐又黎問要唔要, 跟住又落單...結果一齊送黎...佢計左阿妹o個張單不過對個女仔有d微言...又黑面...全晚只得一位阿姐幾好笑容會同你講下笑咁, 其餘不端高低級職員一概面燶燶!野食ok啦,不過我唸我唔會再黎...呢2次都係人地揀地點...

(29/7/06)同男友&伯母三人食左個$68套餐。接近十二點,唔係好多人,坐得幾舒服。上湯蝦乾浸菜苗(白菜仔):食味普普通通,蝦干唔夠乾水。菠蘿雞粒炒飯:菠蘿唔多,雞粒走過油,飯炒得唔錯,份量幾多o下。XO醬韮菜花炒鮮素雞:XO醬唔勁,素雞太咸,炸過後,像吃魚片。另外叫左三個點心,豉汁蒸鳳爪。薑蔥牛柏葉,砵仔上,雖然好油,但薑蔥味好濃,正!千層馬拉糕,心想是舊式千層糕添,原來係吉士千層,至於糕粉做得好滑啊!

8 點半後湯底一蚊，大路食物就$12 或$18，都ok。不過28款汁醬就麻麻，仲要收費。下次都會再食，每人都係$90。

30/1(一) 1pm今日同家人一行7人黎飲茶,估吾到今日都可以打電話訂位,1點去到約有8成滿,其實都吾洗訂位.午市小點$10,中點$14,大點$17,特點$20,$8位茶錢.我地叫左約廿款點心:叉燒包$10,叉燒酥,山竹牛肉,金錢肚,蒜汁魷魚,灼菜心$18,帶子腸$17,叉燒腸$14,素粉果,百花釀魚肚$8.8,菠菜餃,咸薄撐$18,合桃露,燕窩燉奶$18,燒賣,鹵水鴿$18全部點心都吾差,地方比樓下上樓潮樓濶落,服務亦比其優勝,埋單$341.算系咁啦!

27/12 8:30pm同友人一行5人3女2男黎個x'mas gathering,我地叫左2碟肥牛,豆腐x2,桂花蚌,西洋菜,唐蒿,唐生菜,脆鯇魚腩,竹笙,蟹黃丸,三文魚$8碟x2.人參雞湯底$1,但無咩味!火煱材料依舊新鮮,服務依舊好,環境依舊舒適.埋單$34x,每人$70,相當經濟!!

傻鬼知我係無醬不歡, 佢又知海天有28種醬料打邊爐咪開開心心帶我來食. 點知坐低俾得9款醬我, 仲要係你用完, 佢地就即刻取走俾第二個人, 即係9款醬全部"台"share用. 咁問個waiter先知8:30pm後才放28款醬料在出面"台", 大家自己出去取. 又唔講明, 人地專登去試下佢地28款醬料.食物方面- 無咩特別啦, 咪又係其他酒樓提供既食物啦.