海天亞洲漁港 (已結業)

月初去飲茶，印象係廁所好濕，芒果糯米糍好味！第二個星期再去食晚飯，訂左檯都等成大半個鐘，話張檯俾人早一步羅左．．．我地book8點, 7點11去到都話冇左...好啦咁等左好耐終於有位, 但我地一行13人有一個未到佢俾張鬼咁細既檯12個o岩o岩好叫做坐得晒, 跟住同佢話要加位有個黎緊, 佢夠膽話太迫加唔倒...咁你就好俾張大d既我地啦...又等左幾個字終於有檯轉,行緊過去途中聽倒其中一個侍應阿姐話「叫佢地自己拎埋d杯過黎丫嘛~!」哇...我幫你出埋份糧好冇...!?啤酒妹落左半打啤酒, 轉個頭阿姐又黎問要唔要, 跟住又落單...結果一齊送黎...佢計左阿妹o個張單不過對個女仔有d微言...又黑面...全晚只得一位阿姐幾好笑容會同你講下笑咁, 其餘不端高低級職員一概面燶燶!野食ok啦,不過我唸我唔會再黎...呢2次都係人地揀地點...