海天亞洲漁港 (已結業)

星期六天氣涷涷地, 一大班人去打邊爐就最開心, 呢度分開兩個煱, 一煱皮蛋莞茜湯底, 一煱沙爹湯底, 唔使怕兩個湯底滾滾下會溝埋. 肉類有鮮牛肉, 駝鳥肉, 雞肉, 魚丸, 香菇丸, 墨魚丸, (可惜無醬爆丸), 吊片, 魷魚, 魚腩, 鯇魚片, 蔬菜有油墨菜, 唐生菜, 茼蒿, 小唐菜, 腐竹, 金菇, 豆卜, 炸芋頭, 另外飲品有酸梅湯和夏枯草任飲, 調味料辣醬, 花生醬, 芝麻醬, 蒜蓉, 蔥粒, 醬油等等. 食物都幾新鮮, 上菜的碗碟都幾乾淨, 夠衛生, 食物的種類都算可以接受啦. 侍應識得自動幫我們加湯. 由入座起計2個鐘, 埋單每人$110(已包加一). 算係咁啦!

本來諗係住係旺角搵間打邊爐同朋友們聚舊，咁某日睇到呢間野的廣告，見佢好似幾吸引，咪去試下囉!!一去到，唔駛等，我地一行10 個人，咁自然劃野食啦，無咩選擇不得止，呢樣我地都算喇...咁劃野食啦，我地明知用剔號去落order 係多餘的，咪寫個數量落去囉!!\第一round ，我地都係睇下佢數量係幾多，劃住3 - 4 個，點知，等左好耐都未黎，個煲滾起左好耐囉!!! 黎到，我d 化骨龍朋友一下子就清晒喇!!咁咪上一round 囉，點知，一比張order 紙上去，徐和祥副主任，走過黎好唔禮貌地同我地講：咁你地係咩意思呀!! (咁既服務態度，真係"好好"囉!!!) 我女朋友咪同佢講：我地咁多人，剔一樣你就只係比得個少少，咁咪寫個數量囉!! 徐和祥副主任：你寫數字會令廚房誤會你地既意思，廚房會以為你地係到玩，亂寫，你地用返剔號剔就得喇，我地廚房會跟返人數黎執! (下!! 我地比錢黎玩?! 你上面大大隻字寫住食淨每兩計....我地剔黎玩，真係多錢玩jei!!)我地同佢爭論左一陣，佢話會幫我地跟喎!! 第二round (我地係用剔，佢今次有幫我地跟....似返d 樣子!) 但又係一下子食晒劃第三r

我遲左去, 唔知湯底有咩揀不過野食就幾多款, 其中我覺得肥牛同雞幾好其他例如腐皮, 豬肉丸, 魚皮餃都唔好食...任飲酸梅湯同夏枯草我斟既時候噴到成身都係.. 個經理即刻幫我 不過其他waiters都冇反應既!我話唔該加水佢唔應我, 要叫2次先得..不過算啦另外仲有混醬, 都幾好既~如果想打邊爐, 咁既價錢,, 我會去德興 我記得好似係70幾蚊人頭.. 加加埋埋d茶水都成百一蚊

放假, 同屋企人飲個下午茶, 爸建議出來海天, 飲下午茶, 因為抵食.平日, 人不算多, 三個人不想搭檯也不用等太久, 安排了一個近窗口既位, 幾好.由阿爸發版, 每人一個貴妃雞瀨粉, $6.8, 認真抵食, 原來長者/師奶生活可以咁經濟, 平日上班人們, 沒$20,都冇得傾.貴妃雞好入味, 皮又爽, $6.8, 一碗果然超值, 而且瀨粉比較幼條, 不會一夾即刻散哂果D.點心, 不作多評了, 好食兩個字算.

朋友仔生日話想試試雜誌成日賣廣告的龍鳳配套餐，我們便約齊七人去吃一個八人餐。好彩叫了八人餐，因吃完都是勉強夠。但星期六，七點多去到位都不用等，食中菜的只有兩人，不知會否如倫敦酒樓般，有點擔心。不過不吃的還好，一吃就覺得很攪笑，先是火龍蝦沙律，一上只見蝦不見龍蝦已想鬧人，點知俾朋友阻住，應該是食字菜，因有火龍果+蝦的沙律，真的激死。另一有趣的是那冰鎮士多啤梨骨，我滿心以為是用冰鎮住骨，點知……大家可以睇相就知樣如何的了。不過食物大部份都尚可，尤是紫菜粟米斑塊和拼盤，斑塊熱熱的上桌，而且不是雪藏貨，有魚味，那拼盤的感覺很好是一道熱天很適合吃的開胃菜。但那荷葉飯就真的太濕。除了那笑死人的餐牌外，最不滿的就是菜式上得太快，一開始未吃完那火龍蝦沙律，便上了翅、拼盤、雞、斑塊，攪到連都放不下，我們出聲話要停，經理居然話下次坐過張大點，真的俾佢激死，都食唔切，上做乜。

今晚同班朋友食飯，諗住去一間可以坐得耐d、價錢又唔太貴、又可以食得飽0既地方，經過反覆討論後揀左去呢間打邊爐。一黎到荷李活商場地下已經見到個價錢牌，果然係8:30p.m.後入座$88全包，加上之前黎呢度睇完食評，所以都覺得唔錯。可能今日係閒日，個場幾冷清下。一黎到，由於聽聞佢出名上菜慢，所以一早已經落定單先。最搞笑0既係，原來佢唔係用數量黎落單，而係純粹用食物類型黎填，例如係寫住肥牛旁邊0既空格加上剔，而唔係係果空格寫數目字代表落單0既數目。為防陣間有排都食唔到，拿拿臨剔左一大堆野食，然後叫人落單。初頭叫左一次冇人應，但係叫第二次終於有人黎.........(之前黎左前人評語，咁0既態度已經係預左！)好彩，上菜都算快，冇幾耐已經上晒第一輪0既order。口啖啖諗住出去拎野飲，不過只得兩款，就係酸梅湯同夏枯草，個人唔係咁鍾意飲酸梅湯，所以試下夏枯草。甜甜地唔太大陣草藥味，唔錯！d野食ok新鮮，不過略嫌細碟左d！唔緊要，order次數搭救，結果order左4次，食到一行十人飽飽先走！p.s.表面上任食火鍋係有兩個鐘時間限制，但係今晚根本冇咩人黎，所以都係可以食到佢打烊！

為慶祝父親節，訂了六時半。遲了十五分鐘到，以假日加上節目慶祝的的雙重消費誘因支持下，入座時仍不算人多，甚至可以說得上冷清。約七時左右起菜，訂了龍鳳配套餐，包括九款食物，頭尾分別為龍蝦沙律及雜果涼粉西米露。主菜中比較欣賞的有蟹肉翅和荷葉飯，但個人認為碟頭略為小，假如蔬果的數目相對增加則更理想。唯一有不滿的地方是服務生的態度，儘管心口針頂著經理二字的，在接待人客的各方面仍需改善，或重新接受訓練。總括一句，不過不失。

朋友黎過話幾好，咪同個好友黎食﹔門口果位小姐面冇表情反應冷淡，唔明佢係咪入錯行呢，入到去原來個個伙計都係咁既面口，特色黎架，掂喎~~火鍋位置環境似飯堂，坐落仲有陣UP味，可能少人黎呱。例牌鴛鴦湯底不過不失喇，混醬bar幾有睇頭架，幾十款任溝唔嬲，不過冇遮冇擋幾隻烏蠅仔飛來飛去，都係舀少D穩陣。任飲涼茶兩款，味道清淡如水，但總比齋飲茶或水好的。火鍋料冇特別，不值一提。朋友~你請我都唔會黎喇。

同朋友黎食左個$1488全包宴, 可能因為係平日無乜人, 招呼唔錯. 個餐有片皮鴨, 有節瓜元貝, 有大蝦, 有翅, 有雞, 有魚, 有飯, 有西米布甸, 有果盤. 計埋加一同茶芥, 份量好足好抵食. 特別推介, 個鹽焗雞好入味. 另外個西米布甸值得一讚.

年初一去食火鍋，我們一行5 人，8:30入座，之前問過價錢話$88 (8:30起入座)、$98 (6:00起入座) 任飲任食，咁就一試。食物方面，都很新鮮，最好味係墨魚丸、餃子服務都ok，都唔會黑口黑面。有機會都想試下呢間的小菜。賣單為起來只係$88，原來這個價錢己包括埋加一，都幾抵丫~

食完之後上黎見到大家ge comment真係嚇左1驚,因為如果我係睇左cm先,就唔會試e間野........可能我去果日只係星期3晚,ed日子唔爆人,野食供應自然充足,所以叫10樣野有8,9樣都有黎.講到味道,任食之中,直情有中上,可以同一般非任食ge火鍋店相比~~唔會出現d爛肥牛,梅雞肉,臭魚肉,怪丸,膠魚餃等~D侍應冇乜點,普普通通,唔係特別好又唔係差........野飲方面有酸梅湯同夏枯菜.不過TABLE同TABLE之間迫左D~~~但管理方面爭d,自助醬料果個位好混亂;例如,擺腐乳個牌去左麻醬度........ps:個味道4分係以任食黎計~

我要投訴呢間野..!!! 真人真事..07 年12 月24 日我同朋友7 個一齊去呢度打邊爐啦見佢又唔係貴, 10 點後入座, 大家已經好餓架啦, 坐低即刻搵筆寫野食, 寫左好多, 第一輪淨係黎左d 肥牛, 貢丸, 魚旦, 魚皮,(我地寫既點至咁小)等左好耐仲未有其他黎, 咁我地入第二張紙啦, 黎既都係肥牛,丸, 鵝腸, 付竹only...咁我地問waiter 點解我地寫咁多黎咁小..佢答: "房冇哂野, 要拿都拿哂出黎啦." (態度惡劣)橫觀隔離3, 4 張都係噪緊佢冇野食..大家鼓噪, 有咩理由24 號平安夜呢d 日子會唔預備多d 野食比人打邊爐架?? 就算係冇野食, 咁都係人地入座前通知火冇囉...叫咩冇咩,將有限既食物分比幾人食...有冇搞錯!!!!最嬲既係果位待應阿姐見隔離剛剛走, 拿左人地食剩既菜問我地要唔要???? were she crazy..? 咩服務呀..RIDICULOUS!!!!諗諗下唔知有冇比d 趺過落地既野我地食添呀...!!?!?酒樓仲要有人食煙..我地同經理投訴即刻叫佢停..勁'興' 囉真係, 我地幾賴死唔走, 到佢真係要埋數比單我地, 我地勁噪佢,

食物雖然唔係出得好齊,但衛生同食物質素都不是太差,係飲品只得酸梅湯,好唔夠

今晚和友人食火窩因以前到過再一試很多新人招呼好好多飲品有進步食物新鮮牛肉很好不過鱔片切得比較差其它都幾好可以介紹一試

火窩食品幾好鮮蝦每份$18 有18只肥牛$48 其他食品都幾好飲品麻麻服務欠佳.