海天亞洲漁港 (已結業)

今次係第二次黎食.第一次係11月尾. 係朋友搵到咁平所以話去食.原來係呢2個月間佢同不同的人黎左食左5次我只係諗到...錢作怪.不過比其他地方呢度都幾好嫁啦.好多地方都有醬油個d又加錢又成,條數真係會計師都唔知點搞好.不過呢度唔會.上次食個時出菜都幾快都幾足,今次客人少好多反而有以下好笑野.先係黎得好遲下. 平均係叫左之後成十分鐘先到.但係呢就多到我驚...唔知係我朋友痴左定係咩...d丸唔係幾粒咁上係成大碟...不過我地反而玩得好開心woo.湯底我見意沙爹之後自己加棘好d因為麻棘太多椒碎好似食沙咁...上次同朋友講左佢今次都係咁叫.肥牛都好新鮮係會勁叫, 咁當然唔係和牛個d咁正啦.滑牛先係主打. very good!不過呢度就無海鮮打.都ok食得過.不過叫汽水個時就要小心.佢有分支出or機出. (支not free;機is free)

今日同男朋友成八點幾九點先去食飯無話要食咩, 本來諗住求其食完早d番屋企經過旺角荷里活樓下見到呢間九點後78蚊全包, 又幾平, 汽水仲任飲兩條友唔係好肚餓, 食少少, 坐一下, 飲可樂, 都只不過160蚊實收落樓咪上去試下囉又唔係爆多人喎八點七問個知客話八點九先派飛拎左飛唔係等好耐就九點一就有位啦 食開十下十下都知當然叫左鍋底先啦莞茜皮蛋唔駛加錢, 當然唔駛諗啦唔駛一分鐘就到仲叫左可樂飲住等之後惡夢開始九點半都仲未有野食追左部長同經理兩次九點七先有第一輪肥牛得一條六片我地兩個牛精點夠分男友即時入多張單點多兩份牛肉等啊等, 又等啊等無論上菜阿嬸部長經理催左都等於無催男友見無野到, 又再入多兩張點菜就紙平時無耐性鬧人無本既男友今日因為有本書響手, 好專心睇書不過等到十點二佢終於叫左個外表成熟好似最大粒既經理狂插猛插, 再比多一張單由經理落單十點三終於殷多四碟食到一肚氣埋單下次唔再黎算數點知張單居然收200蚊原本飲左五支可樂佢收多四十蚊問經理, 佢話任飲既汽水係一札札咁我地叫汽水, 你又比支裝我地佢話可能落單時溝通有d誤會, 不過你地都飲左喇言下之意: 你地都飲左喇, 快d比錢啦好正常地又比

星期日晚上去了呢個打邊爐, 近期叮了很多次, 選呢個我同男友都未食過既$108 食2個鐘, 有3個不用加$選既湯底我地選個清湯, 醬油可以自由混,食物都有幾多簡既, 新鮮肉類有魚, 豬, 牛, 雞, ....., 肉類幾新鮮, 冇標"水" 菜同茹都新鮮既, 好過"美心" 打邊爐落左3次order, 美中不足要等佢地拎食物既時間耐左d~

個日諗住生日,又見到某本飲食XX介紹有好多魚類,價錢又OK,我同我老公都好鍾意食魚,咁咪去試試囉!!一入到去叫咗個皮蛋芫茜湯底,開始點嘢食,我地點咗肥牛,鯇魚片,鱔片,雞肉同菜等等!!叫完嘢就去攞醬料!攞完醬料,個西裝友經理攞咗碟蝦黎,我奇怪問佢:我地無叫噃!!係咪送架?佢好悔氣話:唔係送架,你要既話$18一碟,你要唔要呀??我覺得奇怪啦!!你送錯野唔使咁悔氣呀?咁我咪話:唔使啦!!唔該!!西裝友經理即刻話:哦!要錢就唔使啦!!佢無野呀!!佢送錯仲要咁!!!!跟住D野送黎啦!!D鯇魚片同鱔片好唔掂,又唔新鮮!個D魚身全乾而且好腥,我地都係叫咗一次!!!食到一半,隔離枱走,我見阿姐收野..........佢將人地食剩既菜比經理,仲話話唔好浪費,D菜貴......!!!!唔係呀!!!!我地睇住經理攞入廚房,我同老公即刻食唔落!!大家去既話真係要小心!!諗清楚先

最近天氣涼涼地, 打算打邊爐.....行行下見到呢間野, 未試過咪入去試下...18:15 入座....o個時得3,4 張枱有人, 再加3大張枱旅行團d 圍餐, 以為太早未有人ja係入座時佢問我地人齊未, 只可以食兩個鐘, 我地話okay 無問題然後我地坐低, 再點野食, 點完都要等十幾分鐘都未有野黎....19:00 既時候, 有兩個朋友後JOIN, 心想應該都OKAY 無問題喇...都仲有一個鐘多D時間....乜都食飽喇....當去到20:10 既時候我地都已經食到尾升, 打算清晒D 野食唔好浪費已經有人拎張單黎叫埋單, 咁都好正常, 夠鐘CUT 單...咪俾錢囉俾完錢一陣之後, 個職員又走黎, 話夠鐘喇喎, 你地要走....我地問可唔可以俾多少少時間清埋枱面D 野先走佢話: "俾多十分鐘, 出面有好多客, 如果無客我地都唔會趕你地走!!" 過左2分鐘, 前前後後有4-5 個著西裝既高級D 既職員走黎望住我地頭先話俾十分鐘我地個個人又話, 你地宜家要走喇喎, 我話你地係咪唔會計我地浪費食物既罰款先?? 男職員話唔會我同男既職員講, 俾多3分鐘...停一停食埋口裡面舊野先都得呱..

平時我係CD-ROM (read only), 不過實在忿忿不平, 點解依間甘既爛鬼酒樓都可以有20個好評~~除左地點"就腳"之外我真係講唔出任何好處, 依度既食評真係令我出奇到o咀講番我既個人經驗先, 話說早幾個星期同同事食farewell 飯, 佢地提議食"打邊爐", 而我就只係志在送別同事, 所以冇為意去咩地方食, 誰不知去到依個旺角荷李活商場lift 口, 我心知不妙, 斷估唔會就係依間海天酒樓啊ma, 說是遲那是快, lift口一開, 真係心想事成啊. 當時我就醒起第一次"幫親"依間黑店既慘痛經歷, 當時係聖誕節, 我同我個朋友2丁友去食任食打邊爐, 當時人唔多, 我同朋友叫左個"嫌茜皮旦湯", 我地打開一試, 好似滾水加鹽甘, 可以講係冇味既, 之後我地叫可樂飲, 當時個啊姐話得支裝冇罐裝, 但就貴2蚊, 俾著平時就唔叫既喇, 但話哂大事大節, 豪一次喇, 就係我地飲緊可樂既時候, 我竟然見到另一個啊姐施施然law住幾罐罐裝可樂去隔離"木台", 我地當然好禮貌甘問個啊姐咩仲有罐裝可樂咩, 佢話有啊, 甘我地可樂就已經開左喇, 佢地理所當然唔會換俾我地喇, 依個都其次, 戲玉

咸水角很新鮮。(這是非常重要的,只有新鮮的咸水角才做到外脆內軟的口感。)香脆得來不會覺得很油膩熱氣。外皮的厚度適中,最怕簿得像紙的”半透明皮”;又或者厚得像糯米糍的粉糰!!內餡豐富, 味道偏咸, 但非常惹味, 與糯米皮同吃極為美味。可惜體積較小,可以一口氣吃掉整碟呢!

扣肉不錯, 肥瘦適中, 肥肉入口不膩, 梅菜味道適中, 碟底汁液不多o可能長假期晚上, 人客太少, 所以樓面有點呆滯緩慢o

在街上收到海天亞洲漁港派的單張，上面印着六十八元一位的任食自助餐，當然除了六十八蚊之外，還要给十八元的湯底及九蚊的醬料費，實際上每位連加一要付出一百零五元。 這裹的枱間距離夠闊，不會像旺角有些酒樓那麽擠廹，雖已開業有一段時間，樓面仍然新淨，用餐環境算合格了。 坐下後先叫了一個皮蛋芫茜湯底，隨即拿着煱料單掦了很多款窩料，不用等超過十分鐘湯底便巳大滾，大部分第一輪鍋料也到齊了，雖然包的鍋料都不是貴價貨式，但一些大路的鍋料都有唔少選擇，有美國肥牛、鴕鳥肉、、牛柏葉、獅子狗魚旦、手打三寶丸、魚片、水餃、雲吞、脆肉鯇魚片及腩、猪肉青、芋絲扎、炸魚皮、芋頭干及各式蔬菜。 酒樓為火鍋的食客提供了一張醬料長枱，上面有超過二十種醬料，我根據衛視飲食節目介紹的比例，自行調較了一碗混醬，七分蔴醬、二分花生醬、一分辣醬再加炒蒜蓉、香葱粒及火鍋豉油，這醬醮羊肉最啱食，連肥耶蘇都滿意這碗醬的味道。 另外火鍋還包全晚任飲夏枯草及酸梅湯。平日晚上八時半後時不用一百元埋單，假日及星期日照常收费，不過限時兩個鐘，一般來說應該都夠時間食，咁嘅價錢，食物質素又算夠質量，雖然有漏單情况出現，但在旺角算是抵食之選了。

今日同D之前工作識的朋友GATHERING, 其中一個朋友提議去海天, 因為貪其地方就腳, 坐得耐兼平。但一去到佢就俾錯左枱我地, BOOK的時候是BOOK 火鍋, 卻給了一張中菜枱, 結果佢攞左兩個電磁爐過來, 不過一路換枱上的擺設, 一路都黑臉。之後去拿醬料同野飲, 因我地有11個人, 兼且坐了在中菜那邊, 出去斟野唔係太方便, 問佢有無個吉JAR, 俾我地裝野飲, 點知佢話無呢D JAR, 要我地逐個攞杯出去斟。但實際上, 我見如果中菜D人飲野, 都係一JAR JAR的喎…叫野食, 好難搵侍應之餘, 甩單甩得超嚴重, 叫6-7碟肥牛(分兩張叫), 結果只來了兩碟…寫左兩次豬潤, 結果一次都未來過, 雞件寫兩次來一次…D侍應又叫極都唔應, 要俾紙或追野都好慢, 舉極D侍應見到都話「等等, 轉頭過來﹗」然後轉到頭甩都不見踪影。 已是一張接一張的寫, 都可以枱面起碼有半小時除兩爐外, 一樣食物也沒有…=.= 第一次食任食火鍋食到枱面無哂食物但11個都仍是肚餓的…埋單時, 仲要計錯數…11個計左13個, 好錯朋友CHECK 單, 佢話計左預訂時的人數喎…但係預訂同實際唔同的嘛…唔通我BO

好耐冇見過龍蝦做咁平喇,$6.8一両,雖然係南非龍蝦,但係亦都唔差先叫隻"燒乳鴿"熱一熱身先,幾鮮味喎,似新鮮貨,味道剛好皮亦脆,骨都幾軟,$28一隻食得過呀主角黎喇.... "上湯焗龍蝦 " 重三斤十四両..... 早前團年叫過一隻類似既要千幾蚊家陣四百幾就食到食喇.........一啖放入口,新鮮既味道立即湧現,配合埋上湯味道簡直錦上添花,肉質非常爽口,烹調火侯剛剛好,師父絕對冇浪費左呢隻龍蝦呀忍唔住要同件龍蝦肉影個特寫呀.......正1. 燒乳鴿 $282. 上湯焗龍蝦(三斤十四両) $4223. 茶,芥,加一埋單合共 $528總結兩樣食物都幾好,$6.8一両龍蝦真係好抵食,環境,衛生同服務都幾好,等出左糧會再黎試多一次龍蝦,希望佢地個優惠做長D啦

兩公婆食都冇野好食，本身想去潮樓隔離0個間上海野度試，點知排隊排到LIFT 口，算吧﹗上多一層食乜都好啦！哇！估唔到下面0個層咁熱鬧，上一層咁靜。坐低左，見到個菜譜得咁鬼少野，得一張紙，我就明白點解呢度會咁少人啦！食野選擇真係少左D。侍應話龍蝦做推介，6.8蚊一兩，我地都好耐冇食過龍蝦，都想試下，打算叫佢俾二斤左右俾我地，點知，佢俾我地睇二斤既龍蝦，竟然係三隻細野放埋一個袋度叫二斥鬆D！搞錯呀！好搵笨架喎！後尾老公決定一係唔食，食就梗係要啖啖肉！佢出去楝左隻三斤左右的。我覺得如果真係傻下傻下咁要左三隻細既，我以後一定唔會再入呢間野度食飯！咁都SERVE得就好唔老實啦！你估食蝦瞉咩！不過，呢度都過一段落喇！因為我地隻龍蝦好多肉好彈牙。芝士焗龍蝦-------首先龍蝦係芝士焗！好好味！佢係用油拖左一拖先拿去焗！外面脆脆地加埋真係啖啖肉！好好味！芝士又唔太GREASY, 龍蝦質感又煙靭，好得！我地盡食都只食到三分一，淨番超多拿走！鮑片咸蛋節瓜煲------哇！個煲正常SIZE，但係, 入面既節瓜料唔知係縮水定係乜，好似俾人偷食完咁！好細窩，本身想問下個經理，後尾放棄左，可能因為節瓜佢係切到超

雖然小金魚唔太鐘意去飲茶，但係逢年過節都要陪屋企人飲下啦。大家都知旺角區d酒樓，尤其係x香集團個d，真係多人到你會以為今日係咪唔洗錢。年初四個日，本嚟諗住去潮x，但係真係好多人，魚媽媽呢d老人家又唔多等，魚姊姊就話不如試下樓上間海天啦。行上一層，見到真係一個人等位都無，其實我個心已經一沉，因為新年應該係酒樓最旺場的日子(仲要係旺角區喎)，但係呢度居然一個人都無人等位，似乎d野好食極都有限啦~不過個時仲心諗可能係因為呢間酒樓d名氣唔夠x香or潮x咁大，至無人去啫，反正都上到嚟，都係試下啦。行埋門口個知客到，佢已經即刻比到枱我地，我地行緊入時，我聽到個知客同入面d人人講"xxx，彈一張三人枱給你"，點知答佢個個人其實就企係入口行緊出去，咁啱我又行過，比我聽到佢點答，大家嚟估下佢點答....."叫佢地自動波啦"我個心個時立刻吓咗十幾下，唔係呱，呢d乜野待應呀，我唔理佢係咪講笑啦，小金魚生到咁大條魚都無試過聽過d待應講"叫佢地自動波啦"，我嚟比錢食飯，比+1服務費你，仲要我地自動波，咁我點解要比錢你賺呀。但係入到去果係真係要自動波，無人帶位。不過人唔多，大把"吉"枱，可以任你揀。魚姊姊偏偏又揀

一早打去book位~book7點半4位~then有朋友加入~再打去改做5位~好安心咁7點半去到多人到傻有人抱怨半個鐘都入唔到去因為內地旅行團啱啱先起菜大批訂左位的客都入唔到去又唔可以話你知佢地幾時會走大佬~個個都杯緊啤酒wo~冇咁快走下ma......................前後打嚟2次book 位~咁多個人都係打嚟book位的~都喺到等我地打嚟時~唔可以講話8點or8點半後先有位嗎??個知客仲要死撐話唔知大姐~你係唔知今日有團嗎?不可能吧今次係我第一次去呢間~我相信~唔會有下一次大家都知~做得團的地方~唔方好食得去邊~你地安心做內地團啦~再見~~~

影完日落，乘巴士返回旺角。天氣微寒，大倓兒也贊成晚餐去打邊爐。於是早兩小時預訂了這兒，原因是記起某雜誌廣告，這兒的任點任火鍋 8:30 後只是 $68 一位。火鍋配料選擇頗多，湯底選了皮蛋芫茜。跟著便點了肥牛、三寶丸、黑椒牛丸、貢丸、金錢展、白鱔片、鮮吊筒、豬大腸、塘茼、生菜、津白、金菇、鮮腐竹、南瓜、鮮雲吞、蘿蔔、午餐肉等，還有鮮淮山、牛骨髓、牛孖根、肉根眼……想點又冇點o既特別配料。以價論質，這裡真的抵得沒話可說，丸類尤其出色，其他的配料都好新鮮。此外，尚有酸梅湯和夏枯草任斠任飲。醬料如芫茜、蔥頭、熟蒜粒、蒜茸、辣椒也是任取任溝。飲咗 2 支大、3 罐藍妺啤酒，埋單每人也是 $105 有找。唯一要彈的，便是經常漏單。