海天亞洲漁港 (已結業)

今晚同班朋友食飯，諗住去一間可以坐得耐d、價錢又唔太貴、又可以食得飽0既地方，經過反覆討論後揀左去呢間打邊爐。一黎到荷李活商場地下已經見到個價錢牌，果然係8:30p.m.後入座$88全包，加上之前黎呢度睇完食評，所以都覺得唔錯。可能今日係閒日，個場幾冷清下。一黎到，由於聽聞佢出名上菜慢，所以一早已經落定單先。最搞笑0既係，原來佢唔係用數量黎落單，而係純粹用食物類型黎填，例如係寫住肥牛旁邊0既空格加上剔，而唔係係果空格寫數目字代表落單0既數目。為防陣間有排都食唔到，拿拿臨剔左一大堆野食，然後叫人落單。初頭叫左一次冇人應，但係叫第二次終於有人黎.........(之前黎左前人評語，咁0既態度已經係預左！)好彩，上菜都算快，冇幾耐已經上晒第一輪0既order。口啖啖諗住出去拎野飲，不過只得兩款，就係酸梅湯同夏枯草，個人唔係咁鍾意飲酸梅湯，所以試下夏枯草。甜甜地唔太大陣草藥味，唔錯！d野食ok新鮮，不過略嫌細碟左d！唔緊要，order次數搭救，結果order左4次，食到一行十人飽飽先走！p.s.表面上任食火鍋係有兩個鐘時間限制，但係今晚根本冇咩人黎，所以都係可以食到佢打烊！