海南雞專門店

营业中

休息中

每次經過太安樓都好想食呢間海南雞， 但成日都見到好多人排隊就放棄了。今日經過見人龍唔算好長就再次試試。其實店面好細，店家租左對面鋪座位供食客堂食，但數量不多，所以好多人都係會外賣拎走。我叫左一個海南雞飯加雞翼，一打開可以見佢成盒好似的的式式甘以為唔夠食，其實都好多，雞上面鋪左少少辣椒醬汁、豉油及薑蓉，睇落冇咩特別，但一食就覺得好正。雞其實本身已經有少少味，肉質嫩滑，加上個汁配在一齊食，真係好正。個黃油飯好香，粒粒分明。價錢又算平，$30蚊一盒都算平，加面就再多$8蚊。佢仲會連埋個冬瓜湯比你，個湯仲好好飲添。

見今日天陰陰，悶悶地行去西灣河食雞。呢間海南雞專門店就係西灣河太安樓內，祇限外賣，因為抵食(最初祇賣廿蚊咋)，很快打响名堂之後就賣$25，$28，$30…，經常排好長條龍，要半粒鐘先買到個飯。今日我11点半未夠就來(間店開11点3)，已經有幾個人買緊飯(犀利)！年頭個時先重係$3O，而家又加咗5蚊，變成$35，不過咁，今時今日，呢個價，重有例湯送，唔算貴啦！個飯量幾多，但雞肉就少啲，皮多過肉，唔多夠食啝。應該係雞湯，冬瓜唔算少，湯味濃郁！較為硬和油些少，一般般。雞肉去咗骨，雞無雞味，胸肉嚡口，如果揀雞脾飯，價錢就唔同，盛惠$48。反而青瓜晤錯，幾爽脆。而家重有埋自助堂食真心講，海南雞唔算話特别好食，祇係不過不失，雞油飯唔夠香軟和油咗啲，不過以$35嚟講，又送埋冬瓜湯算係咁。我俾3.5-4星喇！

好耐之前已經聽聞太安樓有好多好嘢食.今次朋友就帶咗我去食依間海南雞飯.8:00pm仲係有超多人排隊, 不過好快就到我落order.依度可以揀堂食或帶走.大部分食客都係揀帶走, 因為堂食嘅位唔多.海南雞飯 (HK$35) 加雞 (HK$8)依個海南雞飯真係冇令我失望.油飯份量多, 同埋好香.雞肉好嫩滑, 而且冇骨.另外, 個飯跟兩個醬汁.我比較鍾意點黑醬油加薑蓉.不過, 我覺得唔點醬都好好食.總括來講, 海南雞飯真係好好食, 值得再試.不過堂食嘅位置唔多, 下次可能會考慮買走.

難得黎開筲箕灣，唔爭在搭多個站黎西灣河太安樓食野🤤🤤每次黎呢度必定要食海南雞飯😍今次超長龍，一條係排買雞，另一條買雞飯，搞左陣先知排邊條龍！等左十五分鐘左右終於有得食😆可以係對面鋪位堂食，唔洗立食咁辛苦，記得幾年前黎食都未有堂食，宜家有左鋪位有方便啲👍🏻👍🏻勁鍾意呢度啲油飯有油香之餘，重粒粒分明，最怕食啲飯又濕又削，撈埋黑豉油、辣醬同薑蓉就perfect！雖然$35但雞既分量都唔少，切到細細條，一啖一口啱啱好🤣唔會鞋拾拾，雞味唔係勁濃，但有醬汁搭夠！🤤🤤🤤用啲醬撈咩黎食都咁好味！重有杯冬瓜湯，有啲冬瓜粒係底，幾好飲，唔會過鹹。$35有湯有飯係抵食既！

泰安樓真是寶地，經過大眾檢驗而生存下去的肯定係美食。這間海南雞專門店簡直人氣爆棚，每次都見到超級多人排隊，今次都唔例外……我地排咗成十幾分鐘先輪到……美食係值得等待的！海南雞對面有自家的臺，只可以食海南雞，不可以外帶其他食物。簡易裝修，復古海報，都幾有意境。今日食招牌海南雞同雞翼加雞腎，油飯。醬油偏甜，但是雞皮光滑，雞肉嫩滑，雞味十足，配埋油飯，冬瓜湯，非常滿意。仲有青瓜絲調節翻個油膩，都算幾好。我覺得雞腎最好食，爽脆d

這幾年一直在尋找全香港最好吃的海南雞飯，曾經grand hyatt grand cafe 是我的至愛 但自從質素下跌後、山林道的星加坡海南雞倒閉後，實在找不到同等的味道。無意中被介紹了太安樓的海南雞飯。馬上衝過去試試手氣。運氣好好，可能放學時間沒有人排隊。看了餐牌 挑選了海南雞髀（無骨）飯+雞腎，老闆另外介紹了雞腳。醬汁是他幫你放的，所以你有什麼不想要的要提早告訴他。和女兒襯熱吃了几口飯好香，淡淡的雞油味正合我心意，海南雞好滑，唯一敗筆湯有啲味精。我真係好鍾意呢度如有其他海南雞飯嘅介紹隨時歡迎

又黎講下太安樓食物，如果話係東區既平價食物集中地，一定無有錯👍今次介紹永遠去到都係要排隊既海南雞飯--------海南雞飯$30d 雞好嫩滑😋而且無骨，可惜份量唔多重點係個油飯真係做得好出色，非常香，食唔停口👍以前$28會有青瓜，但依家加到$30反而無左雖然由$28食到依家加到$30, 但仍然覺得好食，完全對得住個價錢，我覺得比d賣緊$5x或以上既海南雞飯更加好食--------環境：依到可以拎完餐過對面有個堂食位，堂食d 位係同隔黎鋪一齊共用，不過座位唔算好多，如果繁忙時間黎食，未必有位而且依到係自助形式，食完記得要自己執好d 垃圾呀

2019年1月29日。晴。西灣河。午餐時份探索一下平民美食天堂－太安樓有朋友知道我呢日要喺太安樓搵食，即係推介呢間海南雞飯本來之前一日先食完海南雞，有啲猶豫，但係去到佢個檔口就改變咗主意價錢非常實惠！所以午飯時間會大排長龍睇下，就連阿Sir都一齊排！舖位細細，但係就聚集咗好多人，龍尾就嚟排到出太安樓添啦～排咗大概十分鐘左右就排到啦～大部份人都係嗌外賣，不過原來可以堂食嘅～佢對面租咗個舖位，專門畀人坐低食，都幾貼心喎！海南雞脾飯，$43出餐速度驚人，賣相唔會話特別靚，但海南雞飯應有嘅元素都齊嘅～有雞油飯～有三個醬（雖然薑蓉同黑醬油會混合成一個醬），就連冬瓜湯都有（用外賣紙杯裝住）所謂聞名不如見面，雞肉真係非常嫩滑可能係我食過最滑嘅海南雞！只不過份量唔多，而且雞味唔濃雞味唔濃對於我嚟講反而係加分點，因為所有肉類都好驚太濃味會有羶味（純粹個人癖好）冬瓜湯唔油膩，味道鮮甜唔介意用餐環境唔企理，同埋唔介意排隊嘅話，絶對值得一試！

真係好食又抵食！每次去到太安樓都要啪返個海南雞飯，排晒長龍。有次前面個學生妹一次過買9個飯外賣走，等到我血糖低。如果平平地食就唔洗特別換做脾。d雞好滑，個甜豉油好食，要叫姐姐俾多d, 好唔夠喉！

去到太安樓行過呢間鋪頭，永遠都有好多人喺呢間雞飯店排隊，仲要係次次都有好多人排隊，唔係一兩次既事，次次唔想排咁長龍，我選擇唔食都唔想排隊，今次見到得7個人排，就好啦，試下啦。一試就覺得幾好食喎，d飯又唔硬，d雞都夠林，雞連豉油好正，我開頭見佢俾唔太多豉油我，我叫佢俾多d豉油我，幾好，食雞飯一定要有豉油😋佢d疆蓉我就麻麻地啦，個人唔鐘意。佢咁樣叫仲有個湯，不過我就覺得味精湯，所以就放棄左。但佢個雞飯又真係好食既，可一可再👍🏻👍🏻

去太安樓，必食嘅一定係海南雞飯，長期人龍鋪，除價錢便宜，味道好味，海南雞做得嫩滑，油飯椰香入味，所以要介紹比大家～今次試海南雞亦丶海南雞肶同咖哩牛跟腩飯，雞亦份量好多，不過有骨，不是去骨系列，但其實＄28有咁嘅分量，超值，雞肶飯係去骨嘅，啖啖肉香滑多汁，不過價錢就要＄43，而咖哩牛跟腩同樣係＄43，但牛腩同牛筋都好大嚿，唔會碎濕濕，夠淋之餘又只有微辣，唔食得辣都食到，而且份量都算多，個咖哩汁可以下到兩碗飯嫁~如果想食，記得早小小去，最好七點前，太遲會買晒，無海南雞食

一直好想去太安樓食野，終於搵到個地膽陪我，仲推介我食呢間海南雞。據朋友所講，以前呢間舖只做外賣，現在對面租多咗一個舖位比食客堂食。 海南雞真係唔講得笑，雖然雞係切得幼少少同唔算多雞，我要的不是雞脾，但都好滑。 而個黃油飯亦真係好好食，粒粒分明，除咗平時食開既黃油飯味道，好似仲多咗陣香味，提升咗層次。無雞淨飯都食到一碗。湯用紙杯裝著，我就一向都唔飯，不評論。咖喱牛筋腩亦唔錯，牛筋腩都好淋同入味。環境就不要要求太多了，位置是比較迫，同因為人流多，食完都唔好意思坐太耐。

西灣河海南雞係好多街坊都知道好好味嘅一間店舖，就正如我嘅標題一樣，呢度嘅食物真係「平靚正」！$30 就有1個海南雞飯，當然你可以選擇加面或者加底！店舖的雞肉非常新鮮，雞肉很滑，而且最正佢仲要買飯有埋湯餸！而且個飯係油飯，真係食到你舔舔脷！

放假又約朋友出港島，點解一星期七日都係呢頭之前都有嚟過一次，不過周圍都係人又唔知邊到好味，運咗吉就走今次朋友帶路，有目標💪嘩…條隊遠到唔知自己排緊咩但係幻覺嚟喎，十五分鐘左右就到我地可能多是街坊斬料返去食一個就夠喇陣間仲要轉戰雞好嫩喎又香，唔會煮得太濕一舊舊有機會我都斬料返屋企與眾同樂

太安樓掃街之旅其中一個目標一定係海南雞飯因為掛住海南雞飯，為了佢決定幾遠都黎一黎。每次黎都要排隊，今次都係，買了4個雞飯外賣。一個加底，一個加腎，2個正常。油飯入味到爆，飯粒粒分明，無加底的雞飯已經好夠我食，雞切得比較幼，望落雖然唔係好多，但都好夠食，質素高，價錢唔貴，抵食又好味，太安樓最回味的食物。