浜滝

营业中

休息中

諗住九龍城食太多泰國野試下日本菜，見到咁多好評就決定試下呢間浜淹，而坐位亦唔係舒服，全部都係高櫈，無靠背既，菜式方面係叫做有d菜式出面比較少見到既，但價錢一d都唔平，份量黎計完全唔係抵食，味道正常既，但無咩好outstanding既野，可能係我期望高左。最好味應該算係牛油果醬拈餅乾，最唔值係近江牛串燒，拉麵好多人讚，但都係一般貨色。服務算係ok, 我地無叫野飲，就咁叫佢俾幾杯水都無黑我地面。整體未算係伏既，但有好多更好既選擇。

終於可以食晚餐，一早就訂咗九龍城呢間居酒屋。日本人主理，小店形式。員工好有禮貌，會過嚟打招呼同派卡片。食物有特色唔係度度有得食。《半熟龍蝦海膽二食》698《生蠔》- 兵庫🦪 48 隻《原條深海池魚》298 《日本鱈魚乾》88《最中餅》128半熟龍蝦係呢間舖頭嘅招牌菜之一，大概有五六件龍蝦，所以二人份量啱啱好。呢啲應該都係心機錢，龍蝦起肉啖啖肉，輕輕煎一煎表面。龍蝦肉仲好滑。但又有比火烤一烤嘅香味。配埋海膽好好食😋。賣相好靚。個龍蝦頭仲整埋粥。過粥亦係好好食，食完暖粒粒👍🏻池魚-份量都好大，食完魚生仲會炸個魚骨當小食。推介推介。呢個生蠔真係好抵食，48 隻，好友蠔味。👍🏻，值得推介。

浜滝｜九龍城伊勢海老姿燒二食 $698 伊勢海老即係龍蝦🦞首先嚟到嘅係燒伊勢海老伴海膽，龍蝦肉燒至半熟，唔會燒得過老，仲有少少火炙過嘅香味😋海膽都尚算新鮮，同樣有少少火炙過嘅感覺，食完呢份燒龍蝦之後，侍應就會拎個蝦頭入去煮龍蝦粥🍲過咗一陣就送上咗已經分好咗兩碗嘅龍蝦粥，每一碗都係正常份量，唔會話好少，龍蝦粥以石鍋裝住，唔怕咁快凍哂🔥佢呢一隻唔係廣東式煲到好綿嘅粥，而係仲保留到飯粒嘅感覺，入口龍蝦湯嘅味道都幾香濃，食完呢碗粥都好啲飽肚😆花魚一夜干 $138除咗個龍蝦set之外，我哋仲叫咗其他嘢食。其中一個就係燒花魚一夜干🐟一夜干係將原條魚以鹽水浸泡，再風乾一晚嘅做法，食落啲魚肉都幾嫩滑，唔會話好鹹，燒到非常香口，啲骨都好容易可以分離到👍🏻綾町產葡萄豚可樂餅 $88呢間居酒屋仲有一啲葡萄豚嘅菜式，第一次喺餐廳上見到呢種豬🐷所以就叫咗一份可樂餅試吓，原來葡萄豬係宮崎縣一種豬，特別在於以葡萄飼料飼養，可樂餅以薯仔混入左豬肉碎，雖然唔係好食得出葡萄豚同普通豬肉有好大嘅分別🙈但係都炸得非常香脆

喺香港疫情仲未去到好嚴峻嘅時候去咗九龍城食餐好啲嘅晚餐，就當慶祝生日，咪之後有排都無得出去食！一入到去，店員都好有禮貌咁帶我哋入去坐低，仲要間鋪好有心思整咗個好靚嘅信封用嚟放口罩😍為咗慶祝生日，當然就要叫啲貴嘢嚟食啦，叫咗個龍蝦兩食；有半生熟嘅明太子龍蝦肉同粥或湯上嘅龍蝦湯。首先講一講個半生熟先，佢配合埋啲海膽真係絕配呀，又唔會蓋過本身新鮮龍蝦味，仲可以燒到鎖住肉汁，真係好難停到口，又爽又多汁🤤🤤之後到個湯，店員話可以一碗粥一碗湯咁，咁就試吓有乜分別，咁其實個分別都幾大，我就覺得配埋粥好食啲，因為本身龍蝦湯都比較濃味，有啲粥溝一溝淡少少分擔吓會比較優秀！真係會又食又飲哂成碗龍蝦湯粥，上面仲浸住咗半隻龍蝦，仲唔係又食又「拎」！我個人都比較推介去試吓，都唔係度度有得咁食😎仲有叫多咗樣水母刺身試吓，原來係幾好食，爽爽地，好食過海蜇，仲多啲咬感，又係食唔停口嘅小食🤤🤤講起都想食多次！

上星期未禁堂食時，同太太去咗九龍城拍拖，搵咗間日式餐廳呢間日式居酒屋裝修格局都裝潢得好似日本咁，好有日本feel九龍城閒日街上唔多人，但呢間居酒屋就full晒我哋坐係角落一張高枱到，自成一角咁嘢食方面花多眼亂，menu好厚叫咗好多款，本身想叫埋龍蝦，staff話一蝦三食，但太飽最後冇叫三色刺身：有三款，幾新鮮燒蠔：比一般燒蠔好食，加咗明太子滋味好多燒扇貝：新鮮多汁燒明太子三文魚飯：意想不到的好味，燒過的三文魚幾香酒盜芝士：芝士鹹香好重，飲住酒食應該幾好

估唔到九龍城區會有咁日式風味嘅居酒屋，店舖門口、內裏裝修擺設都好似日本居酒屋咁，有日式poster、banner、清酒、高枱、bar枱…店內有兩層，單層樓面唔算好大，個感覺好有日本濃厚氣色🍣三色刺身💰$268好想食刺身，要咗個有帶子、蝦、三文魚嘅，新鮮好食🉐🐟大分直送火灸平目魚邊💰$148魚邊我平時都鐘意食，今次呢個係燒過，開頭以為偏硬身，原來係非常之腍！仲有日式醬汁浸住一齊食，好香魚油味，因為食多幾啖會有啲膩，好貼心咁跟埋wasabi一齊食，開頭仲覺得會好怪，點知加埋先係絕配，可以中和油膩感，比較少見呢款，值得一試🉐🧀酒盜芝士💰$68老公話要試嘅，話送酒一流，但我哋又冇叫酒😂不過講返味道食落係好有鹹香，同一般食開芝士有少少唔同，附上紫菜，可以包住食，口感幾新鮮濃郁🥟日本汁煮豚肉水餃子💰$48呢個就係清淡口感，水煮豚肉餃，可以沾上日式醬油🥢北海道直送半熟帆立貝💰$78好香嘅燒帆立貝，十足鮮味🉐🥢明太子燒日本蠔💰$48哇～燒蠔本身已經正，平時多數係芝士燒蠔，今次呢個仲要係明太子汁，食落係好juicy，個味道又好正，呢個應該叫多幾件～🉐🍡蒜芯豚肉串💰$28🍢韮菜豚肉串💰$28好鐘意日式串燒

各式各樣嘅串燒 - 1. 燒冬菇，正常水準嘅燒冬菇2. 燒和牛牛舌，可能牛舌無咩脂肪，食唔出有咩特別3. 燒和牛，好好食，唔差4. 燒八爪魚，最好食，加埋佢d汁，簡單一流甲羅燒 - 好好食，將d魚子，蟹糕，適量蟹肉，鵪鶉蛋撈埋一齊食，味道好夾，正燒魚背，店員嘅特意介紹我食，本身燒魚背將魚油釋放出黎，已經提升食物嘅質素，而佢嘅汁好獨特，值得食多次又係店員推薦，龍蝦係新鮮嘅，係蝦肉上放海膽再燒，好好食，食完之後，將龍蝦頭斬兩邊，一邊煲粥，另一邊煲湯，好正，好好食店員另一推介，油揚內藏蠔肉，好特別菜色，但好好食好大杯嘅飲品

🏮浜滝🏮-刺身:·深海魚刺身 - - - $298當日新鮮到貨嘅有秋刀魚🐟食落油脂豐富😋肉質富有鮮味💕食落一啲都唔腥🥰可見佢係有幾新鮮！食晒刺身之後佢會將條骨拎去炸😋炸完之後再食· 宮崎縣氣仙沼生蠔 - - - $78/1pcs新鮮真係食得出😌成隻都係爽口嘅😋一啖食落去係享受·日本活赤貝 - - - $198本身想食海螺但係竟然賣晒！😢好彩呢個都唔差😋肉質比較爽脆😋而且味道都好鮮甜-串燒：·宮崎和牛舌芯 - - - $48牛舌芯嘅牛味十分濃郁、肉汁豐富💕-前菜：·大分直送火焰平目魚邊 - - - $148入口即溶,火焰左更加香,完全唔膩😋·炸富山灣白海老 - - - $158推介用嚟送酒食,連埋殼食比想像中更有鮮味💕·忌廉薯餅 - - - $58外層酥脆🤤入邊軟綿綿😋忌廉味重·炸一口芝士 - - - $48有成五粒,好濃芝士味但係唔會好溜·雞皮餃子 - - - $68入面勁多汁,餡料都好飽滿-特選料理：·花田鍋 - - - $188葡萄豚肉同大白菜一層一層咁夾住🐖所以啲菜食落都好有豬味🤣而且佢湯底超濃郁🥰我哋加咗個烏冬所以唔驚唔夠飽💕—推介指數：8/10💰

環境：日式居酒屋裝修，環境乾淨，有兩層，座位都多，店員有禮貌。食物：叫咗推介嘅日式雞皮串同大蔥雞肉。雞皮串香脆有雞味，大蔥雞肉串肉質鮮嫩。之後係店長推介嘅左口魚卷。呢個出面比較少食到，長長嘅左口魚配一個酸酸地嘅汁同wasabi。食埋好新鮮，左口魚燒完淡淡油香。再之後係明太子三文魚石頭鍋飯，石頭鍋燒得唔夠熱，所以食唔到飯焦，不過明太子配三文鮮嘅味好夾好岩配飯食。最後係味土手蠔喎。蠔大隻新鮮，湯底清甜，配料足。總結：每款菜式都有中上水準，味道不俗，價錢亦合理，值得一試。

秋刀魚刺身 好鐘意個爽脆口感，明明食落唔油，但有脂肪嘅彈性。味道非常香濃，係我食過最濃味嘅刺身。真鱈白子酸酸地又清甜嘅洋蔥汁，好昇華同突出到白子味道。雖有獨特香味，但只要調味不當，一定遮到，影響質素。整體口感好豐富，食得好滿足，明明只係前菜，都做到主菜質素。相信的店家用咗好多心機去搵時令食材，再試過唔同整法！宮崎縣氣仙沼生蠔 係唔係時令，中間芯位嘅口感係呃唔到，全隻都咁爽滑。酒盜芝士非常咸香濃味，但配上cream cheese又平衡得番。雖然兩樣都係濃味食品，但味道風格唔同，係會互相調補到。包上紫菜調和下，都會容易d入口。海膽半熟龍蝦 賣相已經令人流曬口水，超級多海膽同龍蝦肉，而且兩者口感唔同，係火灸過後嘅相中溫度下 ，係融合到嘅。龍蝦肉解嫰多汁，啖啖都咁滿足。之後龍蝦頭都用咗黎整粥同湯，龍蝦幾食，好開心！大分直送火灸平目魚邊 擺到成朶花咁靚，平時食嘅平目魚邊都係比較細同碎，呢度係一大條，由頭到尾，幼頭中粗。 無論係選材同刀工都不容忽視。可能係食材質素同厚度分別，口感有層次同豐富好多，第一次 完整品嚐到平目魚邊咁。葡萄豬串 係推介嘅一款，日式燒法，好香口，油脂香，肉質甜。大愛!日本雞肝

食日本野嚟講，餐牌總有未接觸過嘅嘢食名，明明寫曬係廚師推介都唔識叫。呢個時候，除咗請教店員，可以好似我咁，帶個識食朋友嚟發板，聽埋佢同店員交流細傾，了解多咗，品嚐時都會仔細咗。係時令限定嘅餐牌，招積地叫咗三樣野，分別有：空運魚箱 - 北海道直送秋刀魚刺身秋刀魚熟食就多，而生食就係首次。入口時的確係先食到秋刀魚嘅獨特魚味，但平均嘅油脂，滑而爽嘅魚皮，完全同熟食嘅口感扯唔上關係，對於第一次食嘅我黎講相當有驚喜。秋刀魚屬於濃味魚，但脂肪分佈平均，加上彈牙爽身口感，就算一件又一件擺入口（因為停唔到）亦唔會過膩，變相增加咗食用額度，滿足到非一般地嘅分量。後來店家仲將魚骨炸起為小食，咸香鬆脆，極速清碟。真鱈白子美美地上碟，多層次口感。第一次食，先咬「腦花邊」試試，肝臟粉粉地又軟身嘅質感，卻絕無苦味同散開嘅粉感，而係又軟又滑好幼細嘅感覺。味道就好獨特，好香醇。到第二啖，完整食用。口感嘅變化係一層層由外到內，軟，爽，粉，到最入邊嘅彈牙幼筋。配上酸汁，幼洋蔥絲，整體配合度好高。宮崎縣氣仙沼生蠔巨型又飽滿，入口非常滑身，而且爽脆感同甜味都完整的貫徹係全隻生蠔度，好出色。酒盜芝士又一款新接觸嘅食物，酒盜入口

上次已經黎過食好正嘅龍蝦🦞刺身加海膽，今次由服務超好嘅待應哥哥介紹時令食物，試下其他野食：✅空運飛機魚（$588）-有得揀爽口或者滑身嘅魚。我揀左爽口嘅。一上枱係好大條嘅魚刺身，爽口彈牙好新鮮。魚嘅頭仲會攞去煲湯🍲，加左雜菜同菇菌一齊煲，溫笠笠，冬天飲好適合☺️✅手燒白鰻魚（$128）- 第一次食咁彈牙嘅鰻魚，好似食鱔咁個質感，加埋鰻魚燒汁，好好味😋✅燒日本芝士年糕（$38）- 我最鍾意食嘅日本燒物之一，燒到好可愛，少少燶燶哋嘅外皮，外脆內軟，好煙韌😙✅日本新得利黑生啤（$60）- 有啲人覺得黑啤好苦不過我覺得黑啤有少少朱古力味，配日式燒物同刺身一齊食都好好味呀！

朋友🧍‍♀️之前食過呢間，佢話好食叫我陪佢一齊去食，好啦~睇咗食評都幾吸引，就去試下喇🙌🏻餐廳喺九龍城，以為九龍城淨係得泰國餐廳同Cafe，原來都有幾間日本🇯🇵嘢嘅～去到已經比個門口吸引住🤟🏻好🈶️日本嘅感覺🎏，裡面嘅裝修同佈置都同日本嘅居酒屋🏮一模一樣我地揀咗必食嘅半熟龍蝦.海膽.龍蝦粥，空運魚箱，大分直送火炙平目魚邊，宮崎縣氣仙沼生蠔，宮崎和牛舌芯串燒，雞軟骨串，雞皮餃子仲有菠蘿味嘅麒麟生啤先講半熟龍蝦，呢個真係超級好食😋啖啖肉，燒過嘅龍蝦同海膽嘅鮮味更加突出，而且肉質彈牙，口感超正🤟🏻食完刺身之後，廚師會將個龍蝦🦞頭開半煲湯或煮粥，粥同湯都鮮味十足，正🙌🏻好滿足吖🤫空運魚箱睇返當日會係咩魚，廚師都係送到黎果一刻先知係咩魚，我哋今日食嘅係魴鮄魚，第一次聽亦都係第一次食🤣呢個肉質爽甜，而且一啲都唔腥，配合酸汁點黎食更加提鮮😋火炙平目魚邊呢個朋友話一定要食，果然真係無失望，魚質非常嫩滑，有少少焦香味，配埋柚子醬汁同Wasabi少咗啲油膩感👍🏻宮崎縣生蠔🦪我哋叫咗一隻，好大隻肉質肥美，加上醬油食落好清甜。宮崎和牛舌芯串燒呢個又係朋友必點嘅，因為佢好鍾意食牛舌芯，呢個熟嘅程度啱啱好，唔會乾爭爭

想黎浜淹好耐！因為朋友個個都話個半熟龍蝦🦞海膽好出色！ 今次當然必點呢個主角啦😋 $688其實就咁聽會覺得幾貴下，不過食物一上枱真係龍蝦🦞大到嘩左聲，再睇埋龍蝦刺身上面堆滿嘅好多好多海膽，再嘩多聲！食落去creamy 嘅海膽再配新鮮彈牙嘅龍蝦，係充滿幸福嘅感覺呀😍 仲要食完之後原來會用龍蝦殻去煮返個粥同湯，飲完暖粒粒之餘仲確保你一定夠飽😚 個龍蝦底湯汁真係好鮮甜呢！除左食呢個主打外，亦叫左以下小食，都好高質：✅宮崎縣仙沼生蠔（$78）- 有成隻手咁大，爽口鮮甜，再配柚子鼓油同海水，一啖係真係食5使隻生蠔🦪✅大分直送火灸平目魚邊（$148）- 大鄉里出城，第一次咁樣食火灸平目魚邊，原來係咁滑lutlut嫁呢個部位！✅和牛舌芯串燒（$48）本來黎到個串燒size 好似有啲細有啲傷心，但食落先覺係真材實料！好爽口同有和牛味嘅牛舌，$48收貨👌🏻

去到九龍城以為剩係得泰國菜出名 點知原來有驚喜 日本菜都好高質 黎到呢間居酒屋 裝修已經好似去咗日本開頭 估唔到連食物都係取材於日本 暫時止一止去日本癮叫咗佢呢度好多人推介嘅龍蝦刺身 一出場已經勁有氣勢 龍蝦刺身上面仲有海膽配埋感覺金箔勁高級 個龍蝦勁有鮮味啖啖肉 海膽輕微燒過令到個香味更加突出 食完個刺身之後仲會將佢嘅蝦頭煮成湯同埋粥 個龍蝦湯好濃郁 超級香超好味近江牛肉沙津 賣相已經好好睇 牛肉好出色juicy大分直送火炙平目魚邊 出邊好少食 唔係Wasabi咁食加埋個柚子醋真係好香好夾