流水蝦 (已結業)

最近在youtube看美食影片時發現了公司附近開了一家新餐廳，新的意思還包括餐廳的形式是泰式流水蝦🌊2018年興起的泰國流水蝦，首創於曼谷Taikong流水蝦海鮮餐廳，3家分店皆位於知名景點，2019年就傳到台灣大熱，可惜至今因疫情仍未通關未有機會一試，幸好觀塘終於有流水蝦餐廳得以一償心願🤤 餐廳門面就有大大燈牌寫著流水蝦，本店是開餐達人，中午會如常供應飯市快餐，但到了晚上就會搖身一變成為泰國流水蝦餐廳🏞全場都是卡位形式，適合三五好友共享美食，兩套卡位中間就是水道，裏面放滿了淡水長臂大蝦，藍色的長螯很顯眼🦐 這裏是賣點是「新鮮、不限量」，讓食客在2.5小時內，從活水水缸中撈出鮮蝦，調味後直接火烤🔥現撈鮮蝦的趣味和新鮮的形象讓流水蝦在東南亞火速冒起。平日晚市收費是$279/位，除了鮮蝦外更有各式海鮮、肉類和蔬菜可以網燒享用☺ 餐廳成本頗高，流水蝦活力十足打鬥造成耗損，水缸加上打氣裝置和加溫設備等電費頗貴🤑店家為節省資源會將部份細蝦趁新鮮製成其他菜式送給客人吃。餐廳內的泰國蝦都先經過吐沙，保持沙線乾淨。即燒即夾的食法夠特別🦐將蝦從水缸夾起時跳紮紮，要馬上將它浸在冰桶中浸暈，上烤盤前將鬚和和

流水蝦聽就聽得多 真正食都係第一次😂😂當晚餐廳都幾多人 大約兩枱共用小魚缸 定蝦缸🤣🤣可以夾蝦上黎燒 蝦都札札跳店員姐姐都話要先夾去冰筒冰鎮如果唔係隻蝦上水後會跳走🤡´•ᴥ•`蝦蝦蝦蝦蝦既然係流水蝦 就先評下蝦蝦就算夾唔到蝦都唔洗喊因為會有一碟椒鹽蝦比客人燒而燒到中途店員仲送上一盒芝士焗蝦 非常驚喜😂😂😂😂😂´•ᴥ•`肉類拼盤一碟靚肉類拼盤亦會由店員送上其他肉類就要自己再出去夾肉有薄切亦有牛柳粒😆整體黎講呢一碟肉確實比任夾嘅肉高質唔少😉😉´•ᴥ•`海鮮拼盤店員亦會送上海鮮船一隻有帆立貝 鮑魚 魚同埋蜆等等🤩我比較欣賞嘅係帆立貝燒完之後都仲大大隻 亦有鮮味😉´•ᴥ•`其他食物其餘飲品食品甜品都係任食食物種類同一般任拎食品差唔多腸呀丸呀菇呀忌廉溝鮮奶🤣甜品方面就比較特別主要黎自一個叫可可貝妮嘅牌子有雪糕球同埋雪糕杯味道都頗特別 豆腐同沖繩海鹽等較冷門嘅味道都有🤩🤩

餐廳門口有三個大凍櫃，一個放滿海鮮類同醃好嘅肉類、一個放滿菜蔬什丸，一個放雪糕，行入啲仲有甜品同生果櫃、飲品櫃，全部都整整齊齊，非常乾淨衛生👏🏻👏🏻。餐廳大約有10張4人卡坐，咁樣反而食得好舒服，出去凍櫃攞野都唔洗同人迫淨餐飽咁。每張枱隔離都有一個水族箱，放左好多大頭蝦蝦🤣游黎游去好生猛😆。枱面亦整齊放有5樽調味料，亦有供應即棄手套，非常貼心😊。開爐啦，侍應先為客人送上一盤椒鹽左嘅大蝦，續一放入燒烤爐上，仲有一個海鮮盤同一碟牛肉，接住就放底一個載滿冰粒嘅桶，係水族箱夾起隻蝦之後就隨即放入冰桶，等隻蝦凍到暈舵舵🤣先放上烤爐上邊燒。海鮮盤最正緊係扇貝同鮑魚啦，滑鱔片都好彈牙；牛肉都ok；而出邊任攞嘅肉類，我最鍾意係燒雞翼，醃得好入味；蔬菜櫃中有一個心水之選，燒金菇，金菇用錫紙包裹，燒完打開，蒜味即刻四散。不過今晚我緊係主打食蝦蝦🤣，一邊夾蝦一邊燒，你話係咪新鮮到爆燈呢😋，燒到隻蝦紅卜卜卷起，超級靚喎，入口鮮甜彈牙😋。總結黎講食蝦新體驗，有得玩有得食，超級有踔頭。

今日朋友邀請到官塘食下流水蝦，有訂位，晚上7:30先入座，有7折都算抵，但呢度講真海鮮拼盤只有帶子，鮑魚，蜆等，只限一盤比你，無refill，熱食都係有炸物，湯，飯等，唔算太多熱食。反而燒烤凍肉就比較多啲，雞翼，腸仔，墨魚，魷魚，午餐肉等多少少選擇，講真，肉類真係食唔到幾多，甜品我覺得好少少，有不同款式雪糕，自家製甜品等，嘢飲就係罐裝。這裡餐廳環境尚可，但係這是工廠大廈，洗手間在餐廳外面，衛生欠佳。

上openrice 搜尋食店時，發現觀塘原來都開咗間食流水蝦嘅餐廳，又夠近港鐵站，一直都想試吓親手夾蝦燒，適逢家人生日，一於去幫襯🤪 因為自己夾同冰陣整暈隻蝦需時，所以坐低之後店員很快送上一碟蝦放入爐到比我地燒住先，想再食蝦就要係身旁個養蝦缸自己落手夾啦，睇啱邊隻就夾上嚟冰陣完就燒啦😄 很快再送上一碟牛肉同海鮮船，海鮮船入面嘅海鮮得蜆係可以係出面自助取，其他食完就無得再encore，燒鮑魚爽口彈牙，扇貝肉都好大粒，仲有幾片鱔，燒膳又係好正😍 自助區分佈係週邊，可以取飲品、丸腸類、瓜菜、肉類、魚類、熟食、海鮮、甜品同埋生果，都幾多選擇呀，等燒嘅期間可以食住熟食慢慢等🤭燒雞翼都有好多款，有款辣雞翼燒完幾好味😋燒到外皮脆口，內裡軟嫩加上辣辣地，特別惹味，我食咗好多隻，真係醃得幾好味👍 甜品有沖繩海鹽雪糕，打開蓋係藍色嘅雪糕，鹹雪糕真係第一次食，幾特別🙂

友人介紹下嚟呢度試吓，位於觀塘區嘅流水蝦。我以為釣蝦場，要釣完攞去燒，原來而家方便好多，鐘意邊隻夾邊隻，有得食又仲有得玩，啲蝦🦐都幾大隻，鐘意食蝦就啱晒，無限任食，仲可以自己燒。呢到係一個價錢任食，除咗蝦，仲有海鮮拼盤，牛肉拼盤，焗芝士蝦各一份，其他食物自助去攞、食物種類多 ，雞翼都有4-5款，海鮮&蔬菜有好多選擇，仲要質數唔錯，樣樣都想食😋飲品 - 一般任食餐廳差唔多，有多款果汁，不過就冇可樂，有百事。沙律吧 - 基本想食嘅都有甜品 - 細心包裝，每件都放入一個圓盒內，好衛生，選擇好多，仲有獨立包裝雪糕球。坐得都幾舒服，因為全部卡位，位置闊落，不過有少少焗，其他都唔錯，唔洗$300，有得食有得玩，仲可以吹水吹成晚，唔錯選擇👍🏻

Walked in one of the most busiest district in Hong Kong at 7p.m to get to this restaurant, the dinning experience here was definitely worth the journey.The buffet was good value for money. This dinner buffet is all you can eat (even for the prawns!) and has a variety of dishes to choose from e.g. steak, veggie, beef, seafood, drinks, dessert! There is a fish tank beside your table and the friendly staffs would fill quite lots of prawns into it. It was quite interesting and cruel to take them out

咁今日同事介紹去觀塘呢一間食流水蝦， 咁其實都係佢自己發掘嘅，咁就信佢啦，上到去見到有幾條河水道， 感覺都幾特別因為 有別於以往我食開嘅餐廳。餐廳設有多條流水道放滿新鮮嘅大蝦比大家夾， 咁其實自己第一次試流水蝦，啲蝦都幾生猛仲跳跳紮 ，煮完之後其實真係食到新鮮嘅蝦， 而且我自己覺得D肉都幾甜。一坐低店員先會幫我地燒一堆鹽蝦同送上海鮮拼盤及 一堆牛肉拼盤， 咁其實個蝦都幾好食幾鮮甜而且佢哋醃製嗰啲蝦 令到啲味道更加出， 而且佢哋啲牛嘅質素都唔差， 雖然唔知係韓牛定和牛， 但係佢啲牛肉都好有牛味， 而且juicy。 當然 不得不提佢個海鮮拼盤有我最鍾意食嘅鮑魚， 鮑魚真係幾好食。入口旁設有自助吧，放滿不同嘅海鮮多款，包括有一D串燒魷魚及各式各樣肉類蔬菜~雞牛豬樣樣都有得揀。 咁自己建議可以食多啲魷魚，因為當燒起上嚟嘅時候 感覺上有啲似泰國啲烤魷魚。 同埋佢哋都有提供啲丸類畀大家燒烤，大家可以燒下啲丸丸同埋雞翼等。最後仲設有雪糕櫃有多款種類同味道嘅雪糕可以選擇， 另外建議大家可以食下啲水果順便清下熱， 因為佢都有啲新鮮嘅水果提供例如西瓜同蜜瓜。

觀塘新開左流水蝦餐廳，我當然要第一時間來試試。同朋友講完個個都好有興趣，又有朋友生日，呢到有生日優惠，正好唔使搵餐廳。我地一早book定位來，而且提前帶蛋糕來雪住，唔使切餅費，非常好。呢到食物種類非常多，而且好新鮮。蝦好鮮甜彈牙，用鹽燒或者椒鹽燒最正。人比較多，員工好忙，不過員工態度依然非常好。呢到送既牛肉拼盤同埋海鮮船非常正，牛肉係真係prime級數，一試就食得出，脂肪分佈平均，肉味都好濃。價錢有唔貴，值得經常來。

我朋友同我講觀塘開咗一間流水蝦放題佢同我講話想試咗好耐於是今日收工再捉埋我一齊去食呀呢度夜晚係主打流水蝦放題嘅點餐呢就會有一啲嘅圖案飯或者意粉你知道個選擇都幾多嘅如果外賣自取仲係好平今日上到嚟嘅時間大概6:30都已經坐滿左七成所以員工都非常之忙但係服務態度依然都keep住幾好餐枱隔離會有好多蝦係隔離游水 想食蝦嘅時候你就可以攞執鞭嘅夾夾起一隻蝦然之後放落個冰桶嗰度冬雲佢之後一陣就可以燒嚟食啦望去啲蝦非常之生猛隻隻都郁得好勁除此之外亦都可以喺冰櫃嗰度攞唔同嘅嘢食去燒而每一台都送上海鮮拼盤同埋牛肉拼盤每一種嘅食品質素都相當唔錯我個人覺得最有驚喜嘅係牛柳粒相當林如果朋友就最鍾意食金菇因為佢放上一堆牛油同埋蒜蓉一齊燒非常之香除咗可以燒嘅嘢食同埋流水蝦之外亦都有啲熟食可以比客人選擇所以一路燒嘅時候可以食住其他熟食先

每個座位旁邊都配備蝦缸，可以睇到佢哋有幾生猛紮紮跳🦐💦游水蝦即夾即燒🔥而且仲幾大隻，大頭蝦仲有少少膏🤤，一坐低店員先拔頭籌先放灑上孜然粉🦐🦐落烤爐上，繼而遞上已包嘅海鮮船仲有五款prime頂級美國牛肉拼盤🥩枱面仲有好多調味料，仲有一款啱你💁🏽‍♀️而且有數十款海鮮、肉類、蔬菜、水果、熟食、炸物、湯、雪糕、飲品，2.5小時飲任燒任飲任食‼️🥩🐃牛肉拼盤質量唔錯，牛味✔️而且幾柔軟😋確實對住烤爐真係有啲熱，店員都好貼心，開大啲冷氣之餘不時問我有冇好啲🤗💡燒蝦亦有小技巧，店員會遞上冰桶，夾起跳跳紮嘅大頭蝦⛔️千祈唔好即刻放落烤爐燒，真係生猛到跳返出嚟，先放落冰桶再燒咁就💯識游水嘅鮮蝦即刻燒真係寧舍爽口又彈牙👍🏻好正呀❗️

係自己夾流水蝦之前，店員幫我地放左醃製好嘅蝦去燒～到可以自己夾流水蝦時，店員都有講解夾起蝦之後要冰暈佢。蝦都幾生猛，食落新鮮，烤出嚟顏色都係紅橙～唔會係死白嘅顏色！餐跟有海鮮拼盤同埋牛肉拼盤，牛肉味道都可以嘅～按人頭計，兩個人嚟講份量都算多。嘢飲同甜品選擇都算多，見到甜品有馬卡龍、麻薯、唔同種類嘅雪糕連沖繩海鹽味都有。水果說有菠蘿、蜜瓜同埋西瓜。嘢食方面都係可以自己去夾，個人覺得有隻雞翼類似土匪雞翼嘅味道，味道都唔錯。

第一次食開餐之達人既流水蝦。以前去泰國食過，依加未有飛，唯有係hk揾相同既野過口引。枱面上有四隻香粉：辣椒、孜然、花椒、胡椒，外面都有蒜蓉啊蜜糖呢啲拎，味道任君選擇。先上扇貝、蜆肉、鮑魚、鰻魚。扇貝都幾新鮮大隻，反而蜆肉差d，勝左多。鮑魚去殼燒一忙一，加d鹽蒜調味就ok了！鰻魚皮向下燒無咁易黑，幾嫩口鮮！牛肉盤既牛肉粒最難燒得熟，要花心機d！雖肉食蝦為主，但牛肉好夠牛味、大件，估佢唔到！椒鹽蝦去哂鬚整整齊齊，椒鹽夠香唔算十分咸！蝦肉彈牙多膏！魷魚、墨魚、鯖魚依d任拎任食！一大串魷魚燒，加d胡椒野味！肉類就有香草雞翼、麻辣雞翼、雞扒、雞肉串、雞腎等等。雞翼值得試，好濃味同比想像中快熟！燒汁雞肉串嫩有光澤，快熟之選！啲蝦夾嗰陣好生猛，成日俾佢走咗佬！夾完要冰暈佢地先燒。有幾次岩岩燒都彈起，幾好玩又驚險，哈哈！勁多蝦膏，有時有埋蝦籽！菜類都有啲秋葵、金菇、娃娃菜、金菇肥牛！錫紙包住嘅金菇同埋娃娃菜都有牛油同埋蒜蓉，好食！之後韭菜可以自己加辣粉同埋孜然好似串燒店個感覺，正！甜品有個朱古力糯米糍一粒一盒仔，糯米有咬口！袋裝朱古力雪糕食落好似棉花口感，仲有椰子味、雲呢拿味、芋頭味等等，好多人食！

地方好窄，抽氣好差都唔係最大問題。諗住野食ok都算，點知野食都係好差。流水蝦夾上黎燒，燒完一輪，調完味都係淡口，應該係蝦既品種本身都係唔好食。諗住夾上黎既淡口，試下佢特別送醃左既椒鹽蝦啦（同一種類蝦），sorry原來有醃既同無醃都係無味，係少少分別都無呀，係零味道呀，你只係知自己咬緊野，但蝦味？無，一d都無。海鮮船，魚片較腥，但總算有少少鮮甜，蜆同鮑魚正常，但唔會話係好食。送既牛肉，我諗已經算係全場最好食既野，但牛粒都係差d，但無選擇下叫做食得下。但任夾既肉片，燒完係唔好食既。醃雞排正常。魷魚串調左味啦，本身片魷魚都係無味，我只係食到調味粉味。如果係想烤肉，其實真係好多都好依間勁多倍，純粹見話有流水蝦，諗住夾下玩下所以黎試下，點知隻蝦食唔食都罷…..同埋勁建議，如果你夾左熟既野係碟，食晒先好夾蝦，因為d蝦都幾生猛，夾起彈到成檯水，野食都有水。服務方面，基本上都無咩服務。清潔方面都一般，熟食櫃仔個門好立好油，隔離芝麻醬個樽又好污糟。真係無下次。

試試觀塘嘅流水蝦餐廳～每枱旁邊都有大魚缸，有唔少生猛大頭蝦。餐廳會預先為每枱撈起大約十隻。每枱有一碟牛肉同海鮮拼盤。牛肉望落普普通通，食落又唔錯。蜆肉好鮮甜，又有啲海水味。食得出好新鮮。鮑魚都好彈牙。除咗大頭蝦，仲有好多自助拎嘅食物。任食嘅食物方面，肉類、海鮮、蔬菜都有。雞翼、牛仔骨都醃得好入味。蔬菜有鮮冬菇、雞髀菇、翠玉瓜、菠蘿。原串魷魚鮮味彈牙，而且仲好易燒。食完野仲可以食雪糕、甜品、生果。蜜瓜同哈密瓜都切咗粒放入盒，好方便食用。不過食到比較熱，冷氣大啲就好。