流水蝦 (已結業)

好耐冇去泰國，好掛住佢啲大頭蝦，於是嚟咗位於觀塘嘅工廠大廈嘅流水蝦，2.5小時任食任飲，大頭蝦更加可以無限添加！香港都開始越來越多呢啲食流水蝦嘅地方，但觀塘呢間座位以卡位形式，闊落又舒適，仲要每一台都有獨立嘅蝦池！食晒可以叫店員加蝦，真正嘅任食！一坐低店員就奉上送嘅一碟海鮮拼盤同和牛拼盤，海鮮有扇貝、鮑魚、鱔片等，而和牛都肥瘦均勻，十分高質。餐廳入面有數個雪櫃，有不少肉類例如雞翼、豬扒、腸仔等，蔬菜類亦有茄子、翠玉瓜、雞脾菇等，仲有我嘅至愛菠蘿！全部都可以任夾。而主角當然就係流水蝦啦！每隻都咁生猛新鮮，為咗唔好俾佢跳黎跳去，餐廳安排咗有一個冰桶，可以凍暈啲大頭蝦。新鮮即夾即燒嘅大頭蝦肉質果然爽彈，而且蝦膏爆滿！仲有四款調味粉，孜然、海鹽、黑椒同辣粉任君選擇，適合唔同口味嘅你！

之前見到朋友黎食，已經好想黎試下，今日放工就約埋同事一齊過黎。餐廳有兩邊，兩邊入面都有好多個大卡位，而每個座位旁邊都有魚缸，比客人自己夾流水蝦黎燒，好食又好玩。哩張係貼喺門口既放題價錢，大家可以參考下。餐廳既食物質素唔錯，而且可以食足兩個半鐘，性價比都真係幾高❗️星期一至四晚市放題 $279（已包加一）🦐大頭蝦&椒鹽蝦魚缸入面勁多超級生猛既大頭蝦，全部都大大隻，夾完大頭蝦出黎之後要放入冰筒凍暈佢先，不過真係要提醒大家，啲蝦非常生猛，放完入去之後都會跳返出嚟🤣大家記得放入去之後要撳實一段時間，確保佢真係暈左先好放手啊！之後就可以燒啦！大頭蝦肉質結實彈牙，而且味道鮮甜。✨放題會送海鮮船同美國Prime牛肉🐚海鮮船海鮮船上面有扇貝、鮑魚、魚肉同埋好多蜆，扇貝鮮甜彈牙，鮑魚厚肉新鮮，蜆全部都鮮甜無沙，仲要非常juicy。🥩牛肉拼盤牛肉拼盤份量唔少，上面有牛肉粒、牛板腱同埋牛小排，牛肉肉質軟腍，牛味都幾濃郁，而且富油脂。🔸出面既放題區仲有豐富多樣既食材可以選擇，包括各種肉類、丸類、蔬菜同海鮮，特別推介日本甜番薯、金菇肥牛卷、菠蘿同埋海鮮船上出現過既蜆，我地返兜左勁多次🤣🥤佢既飲品同甜品都有好多唔同

係whatsapp book位，職員都好nice好主動去到食，入座即計時，但坐左15分鐘都冇比蝦，比左蝦又冇冰桶，完全未可以燒蝦ok，只係添過一兩次蝦，每次都係十隻手指數得哂，仲要有啲蝦係細過我隻手指尾😀叫職員添蝦，職員個樣仲衰過啲蝦，仲要放蝦落水缸既時候，彈到你周身都係水，而且水缸既水係好污糟，最後用黎冰凍蝦嘅桶會係黃色水。仲有嘅問題係，雪櫃拎既食物就麻麻哋，唔新鮮，而且擺放食物既環境唔衛生，長期唔關雪櫃門送既牛ok，海鮮既魚就有d霉食到仲有9個字想添蝦，但個職員話今晚唔夠蝦冇得添，但我哋見住佢哋比蝦其他客所以再問，職員先同我哋講話有枱客岩岩黎到，話今日d蝦重左大隻左，所以訂翻黎既隻數少左，但睇圖就知有幾大隻，仲細過我手指尾今日朋友生日唔想搞到唔開心另外我哋安排到另一間房，而我哋間房幾乎有95%時間都係冇職員，想要人添蝦，倒垃圾都要行過去隔離今日星期六，訂足夠分量既蝦係你哋既職責，錢你哋收足，但你哋唔夠蝦要客人承受，你唔夠蝦學咩人做放題？你唔夠蝦咁你仲入客？仲要我未同個職員講完野，個職員已經走左，咁係待客之道？咁我真係大開眼界冇蝦咁再去拎自己鐘意食既野，想攞菠蘿，哈哈，又冇曬，fin

全港罕有流水蝦放題之前係泰國見過，今次終於係香港食到喇😍又好玩，又好食，流水蝦以自助形式，擺個缸係你隔離，鐘意夾邊隻就夾邊隻，正！❤️流水蝦即夾即燒即食，超新鮮，大頭蝦隻隻爆膏，一個人已經食左13-14隻，絕對係回本之選❤️海鮮船送架😍扇貝同有鮑魚仲有白鱔，扇貝鮮甜多汁，鮑魚夠晒淋👍🏻❤️原隻魷魚🦑-又係回本之選，原隻燒，點燒汁食無得輸❤️甜麵包-未食過禁有heart 嘅方包，甜甜地，好鬆軟，食左三塊😋😋❤️甜品有雪糕有馬卡龍有糯米糍仲有啲糕點，回本之選睇嚟講呢度好好玩因為可以自己夾流水蝦自己燒，啱晒一家大細過嚟👍🏻👍🏻流水蝦 (觀塘)觀塘開源道47號凱源工業大廈1樓B號舖

之前在泰國🇹🇭食過一次，最近香港都好似開多左幾間，但$300樓下就食到我諗得呢間，可能工廠區鋪租平啲，食物質素都幾好！性價比高既流水蝦！🦐店員會先預備冰桶，將佢哋凍死先燒都算人道，又可保持肉質鮮嫩！食大頭蝦一定係食佢啲羔，都算係多羔，呢度啲蝦都算大隻同生猛！包埋一條海鮮船！🚤入邊有兩隻識郁嘅鮮鮑魚，兩隻扇貝，兩隻生蠔🦪同一d蜆！全部都好新鮮！美國Prime級牛肉🐮牛柳粒好有牛味，好食！鹽燒海魚🐠又出奇地好食！燒到又滑又juice ，點辣椒豉油好食！出邊仲有肉丸，雞翼，青口，全部都好新鮮，refill 得好快！飲品任飲雪糕任食有個香港製造嘅榴槤雪糕球都唔錯！有得食有得玩嘅燒蝦放題！好啱一家大細過嚟食！👨‍👩‍👦‍👦#泰國流水蝦#流水蝦#有得食有得玩#觀塘美食#工廠區闖蕩#隱世美食#食咗先講 #Foodies#hkfoodie #有得食有得玩#放題

朋友生日簡左呢間$279一位任食2.5小時燒烤放題，仲每台會送一盤美國牛肉拼盤同海鮮船。 今次最特別體驗，每台隔離都有水缸養住新鮮蝦任夾任燒，D蝦活躍到一夾就彈走，夾到拎上浸係冰桶先凍暈再燒仲生蝦甘跳，彈到件衫都濕埋。大頭蝦就甘加少少椒鹽， 新鮮燒完肉質真係好爽，最正係蝦膏超香，一咬爆汁，個個都食左十幾隻。😋牛肉質素唔錯牛味重，薄切一燒幾秒就食得。海鮮船有鮑魚、元貝、蜆全部新鮮，最正係有鰻魚，燒到逼晒油份出黎，香脆可口。自助吧有熟食，汽水，甜品同雪糕，仲有各種唔同肉類，海鮮，蔬菜可以任燒，我推介味道唔錯有生蠔，雞軟骨，雞翼，金菇肥牛卷，娃娃菜。今晚大家都超滿足，好味得黎又有新野玩下，有機會再同家人食。🦐🦐🦐

燒肉食得多，即場夾生蝦去燒真係第一次，體驗唔錯哦成間鋪有少少似水族館，每個卡位都有水缸係隔離，坐底店員就會放啲生蝦入個缸，食客就可以自己夾上來，再用冰水浸暈佢先燒，啲蝦真係好活躍，要眼明手快先夾到上來，所以坐底店員即即刻比碟放左椒鹽既生蝦，一盤牛同帶子＋蜆，可以燒住先，燒完再拎以前成日都覺得燒蝦會好乾，但今次真係一改我既睇法，首先啲蝦隻隻都幾大，好飽滿，一定唔係比蝦仔，燒完，個頭有蝦羔，啲肉又好有口感，真係唔經唔覺食左幾多隻，反而其他任食料唔食得多任食料有蔬菜，肉類，腸丸，魷魚……仲有些少炸物少食，同埋甜品雪糕罐裝飲品都係任拎

期待任食泰國大頭蝦好耐啦， 仲要2.5小時任食，今次仲唔食番夠本！ 每一台旁邊都有魚缸入面有新鮮生猛大頭蝦，只係喺旁邊夾起啲蝦，用冰整暈佢哋，然後就可以燒啦，超級方便又保證新鮮！記住用冰整暈佢哋先呀！咁樣啲蝦就唔會跳嚟跳去，而且人道啲～大頭蝦出名多蝦膏，肉質爽口， 不過蝦味就一般， 一次過食咁多隻新鮮大頭蝦，超級滿足呀～每一題都會提供一碟牛肉拼盤和海鮮拼盤， 牛肉質素ok，蜆肉又肥又新鮮 其實任食嘅唔單只有大頭蝦，雪櫃入面仲有唔同嘅丸類、肉類、海鮮類和蔬菜還有熟食甜品有雪糕不同獨立包裝的甜點，感覺衛生又方便拎，而且仲有馬卡龍，呢度啲甜點都幾好食，朱古力蛋糕、糯米糍好好食

-流水蝦-泰國好流行嘅流水蝦而家在香港都食到喇，近近地觀塘就有得食，而且CP值都頗高每枱座位旁邊都有個魚缸，可以即夾即燒，佢地用嘅係大頭蝦，生鮮生猛，大頭蝦出名爆膏，蝦頭滿滿橙紅色嘅膏，非常吸引🤤一開爐餐廳會送上海鮮船同牛肉拼盤🥩海鮮船入面有鮑魚、大蜆、扇貝和鱔片，感覺豐富牛肉拼盤質素都唔錯，其中牛肩胛油花充足，以燒烤方式嚟食可謂最適合不過頭盤已經咁豐富，仲有一整櫃蔬菜、肉類及海鮮可以網燒享用，款式極齊全，雞翼都有幾款唔同口味選擇😋海鮮方面有魷魚，秋刀魚，鯖魚，墨魚仔等等想食得健康啲可以選擇燒菠蘿，燒過嘅菠蘿特別香甜，必試！放題又點少得甜品呢甜品櫃有一杯杯馬卡龍、泡芙、麻糬和布朗尼等，乾淨衛生，仲有榴連味雪糕球&杯裝雪糕等無限供應，淨食大頭蝦同甜品都夠回本啦😆

友人說觀塘工厦有流水蝦食，而且還是2個半小時任食放題，如此吸引，我又怎可錯過？星期一至四$279 2個半小時流水蝦任食放題非常抵食，最重要時間非常充裕，唔使趕頭趕命。每個座位旁邊均設有魚缸，全部佈滿生猛游水大頭蝦 ，客人不需離開座位已可捕捉大頭蝦，十分方便。捉咗大頭蝦候一定要放入冰桶過一過“冷河”等D大頭蝦暈哂先，如果將蝦直接放上燒網上， 大頭蝦就真係會跳返出嚟，真係“生蝦咁跳”大頭蝦有大有細，肉質非常結實彈牙，十分鮮甜，蝦頭超大， 蝦膏勁多，甘甜又軟滑，超正！真係好味到停唔到口。除了大頭蝦任食外，每枱還有一碟牛拼盤，有牛小排，牛粒和牛板腱，肉質軟腍多汁，很不錯。海鲜拼盤也是每枱一個，有扇貝，鮑魚，大蜆和魚。扇貝肉質爽滑彈牙，鮮甜。鮑魚每人一隻，厚肉脆嫩，甘甜，鮑味香濃。放題區還有雞翼，雞腎，串燒，魷魚，秋刀魚，青口，金沙骨 ，各種丸類，腸仔，牛肉金菇卷，秋葵和各款蔬菜等等，種類豐富，任攞任食。原條魷魚十分大隻，嫩滑鮮甜，雞腎大大隻，好厚肉蔬菜類揀左粟米，日本甜薯，翠玉瓜和菠蘿，燒過的菠蘿特別香甜多汁，不可錯過。熟食有炸物，麵飯和湯等。飲品櫃飲品種類豐富，除了一般汽水，還有冰綠茶，烏龍

8月先開既新餐廳,主打食任食新鮮遊水蝦,個名好易記叫流水蝦,你記住佢係食放題任食新鮮蝦就得~每個坐位旁邊都有活水蝦缸,任食靚蝦之餘,仲有多種配料任食炸物小吃,雞翼,麥樂雞,餃子,芝士西蘭花,炒麵,甜品,任燒任食每隻大頭蝦都係飽滿多膏,加香料燒幾分鐘就食得,爽口鮮味,肉質細緻附設多種香料,鹽,辣椒等調味料供食客選用坐低先由店員幫你燒第一轉,之後就自己夾大蝦入冰桶冰暈佢再放上爐燒留意大蝦活力十足,小心彈水!小食種類有6種,仲有一款熱湯供應,當晚係粟米濃湯另有自助區自取任食,一般常見既蔬菜瓜果,仲有預先醃過既唔同食材燒緊大蝦既同時,店員仲會上埋隻海鮮船,入面有鮑魚2隻,十幾隻蜆,2隻大扇貝,全部都係即日鮮貨如果你鐘意燒海鮮,呢度真心好食,最重要流水蝦夠打卡,又好玩!醬料有香料,另外仲有6種醬,泰式,蜜糖,蒜,燒汁,辣椒等等呢度係無煙火爐,相對食既時候無煙,味道無咁勁,唔會成身都係油煙味仲有汽水任飲,大約有十款,茶,百事,七喜,果汁

是甘樣的，經朋友介紹知道觀塘有流水蝦食，老婆生日又快到，而流水蝦又有生日優惠，當然要用呢個優惠來食啦.咩都有嘅燒烤餐廳❤️觀塘出咗名多好嘢食，今日去咗間大頭蝦放題餐廳，大吃特吃😋一開波食左牛肉先，上菜嘅prime級牛滿滿一碟，雖然我唔識分部位，但每款嘅牛肉味都好濃。放喺燒烤爐上好快熟（除左牛肉粒要燒多陣），建議加啲木牌仔show俾客人睇啲部位名。食肉食多左想清清個口，好彩有個沙律吧。啲生菜好乾淨好新鮮，加啲胡麻醬同蟹柳已經夠哂味，食完沙律可以再戰300回合😋燒完肉就燒蝦，啲蝦係任食嘅，夾幾多都得，侍應都好勤力加蝦入水槽，唔怕唔夠食或者畀人食曬。我哋都食到好飽，滿載而歸。

一到步坐低左, 職員無太清楚指示, 只係說所有食物到格離取, 會比一碟蝦, 一隻海鮮船, 一碟牛, 之後比左一碟蝦加左好多孜然粉有12隻一半係霉(死蝦), 碟牛好乾一件都無燒過黎食, 只得蝦池入面比較新鮮游水, 食物種類都唔多, 體驗極差是本身應該5點食到7:30, 但未夠鐘職員就話下一枱人客到左叫我地走, 早過我地一齊入座果張枱就無叫起身走囉, 我一定唔會再黎下次, 就算有折都唔會黎

💥幾好玩嘅經驗📍流水蝦｜觀塘📍埋單 $ 9 X X｜人均消費 $ 2 X X#CL觀塘 #CL四圍食 #CL西餐⚪️⚪️⚪️⚪️⚪️⚪️⚪️⚪️⚪️⚪️成個做法係係個魚缸度用個夾夾啲蝦出嚟跟住再搵冰凍雲佢哋，等佢哋唔捨得扎扎跳之後就放落去個爐度燒🥲其實都幾殘忍一上枱佢知道我哋未夾到蝦嘅時候就上咗一點鹽酥蝦俾我哋燒住先，出邊呢都有一對食物可以選擇嘅平時打邊爐見到嗰啲丸啊腸仔啊都有，肉類呢就有成條魚啦有啲雞柳豬扒等等😻不過佢個腦唔係好慢所以就算全部食物都要一段時間先燒得熟，但係一燒耐症就成間舖頭都係燒係會煙到流眼水嗰隻呢個如果改埋就好啦👏🤟🏻不負責任點評好味道🌕🌕🌕🌕🌑性價比🌕🌕🌕🌗🌑回頭率🌕🌕🌕🌗🌑（五粒為滿分）⚪️⚪️⚪️⚪️⚪️⚪️⚪️⚪️⚪️⚪️

不夠蝦卻做流水蝦的生意，1200入座一直沒添過蝦，說送貨公司塞車未有貨，職員話平時11點幾送貨。結果接近14點，才終於送貨，其他食客都鼓譟了，大家食呢間野，最好有超人的耐性。食物方面，普通沒特別，基本bbq的食物都有提供，飲品選擇亦可以，熟食不多，甜品尚可。俾呢個價錢食，要浪費人生，可以諗下試第2間，最少唔使谷氣。間中有蠔及魷魚供應。送的牛肉質素普通。跟餐海鮮遲遲先出……至於蝦的質素，見圖，等這麼久才到的蝦，卻是這樣，有點失望……燒的過程好大煙，抽風做得不好，要改善