洛奇冰室 (已結業)

特別消息！登龍街出現咗一個大隻佬，只要你肚餓佢就一定幫到你幫到你！8月底進駐登龍街嘅大隻佬來自 #洛奇冰室 ，港式茶餐廳美食，但環境光猛相當整潔，一洗茶餐廳嘅舊形象。餐牌常餐、小菜、晚飯、炒麵飯類都有，照顧哂你一日三餐。◽️ 洛奇石窩脆米炒飯 $88見到隔離枱叫石窩好吸引，立即潮跟！石窩上桌熱焫焫出哂煙，有蔥花、蝦、冬菇、雞肉、瑤柱絲、脆米等等，將多種味道集於一身，記得上檯時等一分鐘先再撈，就會等到脆卜卜嘅飯焦，涼少少食仲啱季節。◽️ 海鮮豆腐煲 $98（跟湯、白飯及熱飲）平時啲海鮮豆腐煲都係掛個名，海鮮只佔少量空間，這個豆腐煲完全兩回事，有好多海鮮，包括：蝦仁、魷魚、帶子，樣樣都好多，再加埋豆腐同冬菇，好美味！◽️ 鬼馬生炒骨 $88 （跟湯、白飯及熱飲）鬼馬嘅地方係除咗生炒骨外，仲有油炸鬼！酸酸甜甜好開胃，個骨又好香口，佐飯一流。◽️ 中、西湯小菜會附送一碗湯，可以揀中式或西式，中湯滋潤；西湯番茄味濃，同樣出色。▪️ 凍檸菜、凍華田跟餐轉凍飲加$3，凍檸茶茶底濃香、凍華田唔會淡茂茂。

微風輕輕帶住夕陽，遠處有悲壯既笛聲，夜幕意猶未盡，再一次吹起微風。不過今次除左風聲，仲有雷聲，我就知道大雨要黎啦，我係「洛奇冰室」避雨之中，嗌左杯奶茶，深呼吸左幾下，終於明白到…路，我從來都無問人借過，但既然係借路，咁有借就要有還，伙記…埋單！👇📌晚 市 小 菜 -▪ X O 醬 西 蘭 花 炒 帶 子 - $128▫ 識食小菜必食「XO醬西蘭花·炒帶子」，西蘭花賣相非常翠綠，炒得夠爽口，撈埋XO醬份外惹味；另外帶子亦有睇頭，份量適中，食落肉質軟腍有彈性，鑊氣十足，配埋個白飯岩哂。📌鐵 板 套 餐 -▪ 黑 椒 西 冷 牛 扒 - $118 ▫ 去得冰室我一定會試埋「黑椒鐵板·西冷牛扒」，屬於薄身牛扒，帶小量肥脂肪，上枱果陣新鮮滾熱辣，岩岩好五成熟；肉質外香內嫩，配搭黑椒汁將牛味提升更濃香，配搭埋意粉，夠哂誠意。📌冰 室 經 典 - ▪ 菠 蘿 油 - $18▫ 忍唔住口嗌多左個「菠蘿油」，菠蘿包質感鬆軟，面頭既菠蘿皮酥脆得黎唔會太膩，夾雜住邪惡既冰凍牛油，配埋杯紅豆冰，簡直係人間極品。

近排經過銅鑼灣登龍街 見到開咗間新嘅洛奇冰室 所以就入去試吓 唔知好唔好食呢😚👅 鐵板避風塘牛河 $68呢個係呢餐飯入面最好食嘅‼️上枱嘅時候熱辣辣 牛河唔會太碎 炒得幾乾爽 而牛肉都幾大塊同埋唔靭🤩調味十足 配埋避風塘嘅食法辣辣地 幾好食😋👅 芝士流心西多士 $28佢嘅西多士最大嘅賣點就係入面嘅芝士🧀🧀芝士仲可以拉絲添 好邪惡🤤食落都唔會太漏 唔錯👅 黃金蝦球 $128蝦球嘅份量都幾多 炸到金黃色😍炸衣唔會太厚 食落脆卜卜 幾好味😛👅 咖喱牛肋條 （配飯或意粉）$76呢個嘅調味就相對普通啲🤓咖喱唔會太辣 甜甜地 牛肋條都唔會太靭😝總括嚟講 呢間茶餐廳嘅質素都算唔錯😚大家經過銅鑼灣又想食茶餐廳嘅 不妨一試🥰😋 好味：7.66/10🤑 價錢：7.58/10🤗 服務：7.99/10😝 環境：7.98/10😚 衞生：7.34/10🤩 整體：7.76/10

我絕對係俾肌肉男🏋🏻 嘅logo吸引左目光，符合「洛奇」呢個名字。🐄 鐵板乾炒牛河（$68）鐵板上嘅乾炒牛河，牛肉份量足，熱辣辣而不油膩，一定唔會食到成嘴油。🍲 濃湯海鮮泡飯（$74）泡飯易入口，湯夠入味同埋鮮甜濃郁，海鮮增添更重既鮮味，適合想暖胃清淡既人士。🍞 厚多士（花生醬＋鮮油）（$27）烘過嘅麵包，唔係度度都有鮮油選擇，厚多士上枱，唔會只有麵包中心有醬，而係滿滿花生醬及原塊鮮油，食完真係有啲罪惡感。🍵 中湯（＋$4）唔係其他中湯清淡似水，飲得出佢材料好足，如非要凍飲，中湯真係值得點的，湯水係好重要。以呢個價錢，一個餐連一碗湯，真係銅鑼灣少有，所以現場座無虛席呀。

銅鑼灣登龍街一向都係區內美食雲集嘅街道之一，最近路過見到有新開咗間冰室👀 呢間冰室嘅Logo係個大隻佬嚟，好搞笑😆 一睇就知餐廳係target年輕人！餐廳環境乾淨企理，室內光線充足！冰室提供嘅菜式都幾新穎。午市有常餐、自選歐陸飯餐、皇牌咖喱飯、焗飯、芝士撈、極品雞飯、港式炒粉麵飯、泡飯、中式飯、經典冰室小食，款式好多！😎 晚市就有小菜、中式炸物、鐵板套餐、蒸客飯等！晚市菜式都幾吸引😜❤️ 洛奇石窩脆米炒飯 $88炒飯以石鍋呈上，非常之夠熱🔥 食到最後一啖都仲係熱辣辣！分量比想像中大，可以3-4個人share食🙊 炒飯非常足料，有蝦仁、雞肉、瑤柱絲、脆米、蛋、翠玉瓜、香蔥、芥蘭粒、冬菇，入面啲蝦仁真係幾多！🦐 當中瑤柱絲有事先炸過，配埋脆米食，令炒飯口感豐富！炒飯炒得幾乾身，唔算好油。食到最尾，個石鍋底仲有飯焦添😆 非常脆口！跟餐叫咗中湯(+$4)，入面都多湯料，好有家嘅味道😁❤️ 咖喱牛肋條 $76可以揀跟飯/炒飯或意粉。牛肋條煮到好軟腍入味，牛筋位置軟滑😉港式咖喱嘅特色就係偏甜香口而且唔太辣，呢度咖喱反而係香濃偏鹹，一啲都唔辣帶椰汁香，咖喱汁送飯一流🙌🏻跟餐叫咗凍招牌奶茶(+$6)，都幾

今日約咗好朋友去銅鑼灣登龍街偉嘢，登龍街出名都幾貴呀啲嘢食😅呢度有間洛奇冰室 ，係門口睇佢餐牌，啲嘢唔貴喎。好啦一於今晚揀呢問啦😁😁一入到去，店員就好窩心咁同我地講，坐入面會凍d架，所以坐開面d，我同朋友因為好熱所以揀坐入面😁真係好爽呀！第一眼就睇到檯面有個餐牌寫住一蚊一隻霸王雞😍咁睇下佢條款啦😅原來係叫兩個炒餸食飯就可以加一蚊就有碟霸王雞🐥 㗎啦咁我同我朋友梗係叫餸食飯㗎啦而且叫餸食飯已經包埋中湯或者西湯仲有白飯同埋有嘢㖭㗎加八蚊仲可以轉特飲係咪好抵呢😎🍹🍹我呢就叫咗都幾多嘢架，因為睇到佢啲嘢真係唔貴同埋係好抵食呀幾十蚊一個送㗎😁我哋叫咗石鍋麻辣雞、洛奇小炒 、避風塘炒粟米、緊係要加一蚊要碟霸王雞啦😋叫咗兩杯特飲就係雜果賓治🍹同薄荷賓治🍹👍童年回憶呀🤫🤫細細個成日飲架😊話咁快就上咗兩碗湯一碗羅宋湯同合掌瓜湯， 羅宋湯好多料架🥰你睇下幾多料，朋友話好好飲😋而合掌瓜呢裏面都好多瓜㗎足料冇味精good. Woo 避風塘炒粟米好香仲好惹味添呀😍蒜蓉甘口焦香，脆而不煳，蒜香味與辣味、豉味結合，可口極致😋越食越開胃😁我同朋友都嫌佢少得滯㖭呀🤣😂🤣熱辣辣嘅石鍋麻辣雞🐥， 用石窩上去又話唔要辣辣又

今日來到位於銅鑼灣登龍街的洛奇冰室食午餐，食完才知道這間餐室剛開業不久。餐室的裝修很有心思，環境很舒適，店員的服務態度都好親切。鐵板乾炒牛河鐵板上的牛河保持著鑊氣，牛河炒得不會太過油膩，味道也剛剛好，不會過鹹，河粉的軟硬度適中，牛肉份量也足夠。霸王雞飯雞肉配上炸蒜粒、蔥絲、豉油汁和薑蓉一起吃，感覺非常美味。雞飯不是普通白飯，而是菜飯。芝士流心西多士炸到金黃色的西多士，外層帶有微脆，內裡溶化了的芝士很軟滑，鹹鹹的芝士再配上甜甜的糖漿，口感和味道都好豐富。

洛奇小炒皇 ($98)簡單嘅小炒，炒了不簡單的餸菜，如果獨立食的話 你會食到銀魚嘅香同脆，而其他都有小炒的火候。 鐵板黑椒薯仔安格斯牛柳粒 ($108)呢度喺我最愛嘅一道餸，牛柳粒竟然炒出厚而不韌的口感真的絕不簡單，我也忍不住口留了一點帶回家，留給屋企人一試。瑤柱金菇扒西蘭花 ($78)食一啖就食出超足料嘅瑤柱味，加上金菇彈牙嘅口感，加上西蘭花鎖住嘅水份，令到更加入味。晚市期間惠顧兩款小菜或以上可以$1享用霸王雞一客 😏😏  我都忍唔住叫咗龍鳳檸樂 (+$8)一龍一鳳，一鮮檸檬加一醃漬鹹檸檬 ~ 正凍柑桔蜜 (+$3)

裝修好闊落同光猛 晚市除咗有鑊氣小菜 仲有鐵板套餐 咖哩焗飯 最特別應該係中式炸物 竟然茄子同粟米都有得用避風塘同黃金😆 同埋晚市都一樣有得食常餐同西多士～.本身諗住試鐵板牛扒 但姐姐話兩個小菜可以加$1有霸王雞試埋🤭 就梗係轉軚🤭 每個小菜會配白飯同埋餐湯餐飲～.▫️鐵板黑椒薯仔安格斯牛柳粒 $108😋👍🏻：👅👅👅👅/5分差唔多去親食中菜我都會嗌牛柳粒 但依間竟然係用安格斯😳😳😳 仲要係鐵板上!! 口感剛好有嚼勁 仲依稀食到牛香 有洋葱同黑椒調味 個汁唔會太辣同太鹹 同時又整得夠入味 仲有薯仔🥔伴碟 食落幾軟綿入味😚.▫️石鍋麻辣雞煲 $88😋👍🏻：👅👅👅👅/5分個雞煲黎到已經滋滋聲 仲滋佐好耐😂 同平時出去食既無異 落佐好多佐料調味 有好多雞件 食落帶點麻辣 唔會過鹹 送飯好惹味🤤.▫️霸王雞 +$1😋👍🏻：👅👅👅/5分有啲似平時食嘅醬油雞 落滿葱油 食落都幾嫩口 但就比較多骨 不過一蚊黎講已經算幾大碟.▫️芝士流心西多士 $28😋👍🏻：👅👅👅.3/5分竟然夜晚都有得食西多士😍 仲要係流心好吸引咁～ 但唔知係咪我哋太遲先切所以唔算好流心 不過仲可以見到拉絲😚 蛋味再配合芝士牛油既鹹香同糖漿

登龍街真係變咗銅鑼灣跑食街呀，呢間新式冰室而家仲係試業中，嘢食選擇都幾多，而且裝修幾企理，幾光猛鐵板乾炒牛河 📍$62用鐵板裝住上枱，勁熱辣辣，「炸炸」聲咁，慢慢食都唔驚凍 👍🏻 牛肉都幾淋身，唔會太韌，河粉都炒得幾乾身，唔會太油膩芝士鮮茄焗豬扒飯 📍$68番茄醬幾多，鋪滿哂成個盤，岩哂我 😝 豬扒都幾淋身，而且份量幾多。不過如果味道再濃啲就更好啦 羅宋湯 📍+$4加$4 就可以有羅宋湯/中湯，都幾抵，入面都好足料好多蔬菜凍菜蜜 📍+$6甜甜地，凍飲都幾潤幾清爽凍奶茶 📍+$6奶味偏重，茶味飲落似係一種茶底

👍🏻沙嗲粉絲肥牛煲 $78大煲夾抵食！肥牛唔係好多筋或肥膏個種，唔韌又無雪味👍🏻係略嫌碎左少少，不過份量好多，成座山咁😆粉絲份量都唔少，個汁收得夠乾，粉絲唔會水汪汪咁😜沙嗲辣辣地夠稠身，但唔算好濃味，整體調味偏淡肥牛同粉絲比例都好多，金菇就相對少啲，腍身索汁既😙如果沙嗲再濃味啲會更好食😛！味道：7/10性價比：9/10-👍🏻石窩麻辣雞煲 $88石窩夠晒熱，雞皮燒到微微燶，有焦香🤤調味夠麻香，好濃味，不過唔太辣除左麻辣汁仲食到豆瓣醬既味道雞肉入味，食唔到雪味帶骨但都幾多肉食，而且份量都唔少😙雲耳同洋蔥煮得腍身，索晒啲麻辣汁同雞味，好惹味😋啲雞撈埋汁餸飯真係一流🤪！味道：8/10性價比：8/10-👍🏻洛奇石窩脆米炒飯 $88石窩夠熱整到飯焦，配埋混係炒飯中既脆米，咬落脆卜卜😜啲飯炒得乾身，粒粒分明配料同福建炒飯有八成似，只係煮法轉左乾炒有蝦仁、雞粒、冬菇粒、翠玉瓜粒、蛋花，面頭鋪上瑤柱絲冬菇濕潤有汁，雞粒咸香，整體味道好好食😋味道：8/10性價比：8/10- 👍🏻 芝士流心西多士 $28邪惡拉絲！西多士外層炸得夠金黃鬆脆😋中間芝士半溶拉絲🤤雖然唔算好流心，但芝士味幾突出有鹹香麵包鬆軟，食落

熙來攘往的銅鑼灣登龍街又有新餐廳進駐，對打工一族是福音！午餐又多個新選擇！定價大約$60-$80主菜，另外+$3有嘢飲，或者$4可選中西湯！在銅鑼灣算是價廉物美了！這裏菜式與傳統茶餐廳有別，勁多創意菜式，花了一段時間研究菜單先落到決定▪️洛奇石鍋脆米炒飯 $88喜歡吃飯焦的我梗係要試吓脆米飯，原個石鍋送上嚟，炒飯再石鍋來裝得澎湃，炒飯粒粒炒至分明的金黃色，灑在面上的亮麗金黃色，是脆卜卜的蝦仁和飯焦！咬落去淡淡都卜卜聲好治療！所謂寶物沉歸底，撈下個底會發現好多蝦肉埋藏喺下邊！超足料的▪️芝士焗肉醬意粉 $64午餐最緊要快靚正，焗肉醬意粉準備充足，完全唔駛等，即叫即上！芝士算是落足料，仲可以拉到絲。醬汁番茄味濃郁，十分惹味！

係銅鑼灣食飯當然唔平，但比我搵到一間位於銅鑼灣心臟地帶嘅冰室😎，午市套餐/焗飯都係五、六十蚊，而且份量足料，坐係出面都聽到廚房炒菜嗰種鑊氣同火氣💥，難怪咁多捧場客啦！————————————————👅 洛奇石鍋脆米炒飯（$88）👍🏻粒粒分明嘅炒飯加上脆米，灑上好重本瑤柱絲，仲有雞粒、蝦仁、翠肉瓜粒同蛋絲，口感層次豐富🤩！要小心石頭鍋係超熱㗎，一邊食一邊出煙，仲可以享受鍋底嘅鍋巴添，媽咪都大讚好味道😋👅 鐵板XO醬海鮮炒烏冬（$88）👍🏻 炒烏冬入面收埋好多海鮮🦑，有鮮魷魚、蝦仁 、魚柳同帶子，用鐵板上碟有鑊氣🔥，XO醬微辣惹味又唔太油膩👅 自選歐陸飯餐（$68）👍🏻 食牛扒最怕好韌，呢塊都幾嫩幾易咬開，大大條芝心脆皮腸加我最愛嘅煎蛋🍳，可配飯/意粉/薯菜，性價比高👅 椰汁紅豆冰（套餐+$8）👍🏻 識飲緊係飲少冰，估唔到咁多紅豆🍹，正！.👅 檸檬利賓納（套餐+$8）👍🏻細細個會買一支濃縮版開水，係好熟悉嘅利賓納味，加埋檸檬更好飲🍋———————————————— 🚩總結：媽咪食過都話正嘅冰室———————————————— 🌟注意：有其他午市套餐選擇————————————————📍 洛

朋友喺銅鑼灣返工，一得閒就會過去登龍街覓食， 最近又畀佢搵到間新開嘅冰室，有好嘢就梗係要齊齊分享啦！餐廳位於永光中心地下，門面以落地磨砂玻璃作設計，既時尚又美觀。店內裝潢亦頗有特色，白色牆身再配以一室梳化座，簡約舒適，視覺效果宜人。細閱餐牌，食物選項都幾多，全部分門別類，由港式炒粉麵飯、泡飯、中式飯類、自選歐陸飯餐、皇牌咖喱….等等，以至中式炸物、晚市小菜都一應俱全。 我哋點咗三個餸，每個小菜都配有絲苗白飯、羅宋湯或中湯及熱飲，如果想轉凍飲就要另 +$3。這晚嘅中湯係節瓜章魚湯，雖然已經過咗中秋，但天氣仍然炎熱潮濕，飲呢個湯就最適合不過，不但清熱消暑，仲可以健脾祛濕。XO 醬西蘭花炒帶子 ($128)真係無諗過呢個小菜會用乾冰墊底，上桌時仍然冒著煙，仙氣十足。帶子非常新鮮，肉質嫩滑，大大粒，厚身得嚟又夠彈牙，外香內軟。西蘭花碧綠脆爽，軟硬度適中，加上惹味嘅 XO 醬，極級滋味。鬼馬生炒骨 ($88) 平時出街食小菜都幾鍾意點生炒骨，呢碟就更加有驚喜，加入咗油炸鬼一同炮製，加上墊住乾冰上桌，煙霧瀰漫，賣相好搶眼。排骨有肉地，脆漿唔厚，入口甜甜酸酸，十分醒胃。油條水準亦唔錯，咬下鬆脆有韌勁

今日係銅鑼灣想食台灣滷味，去到門口目測成幾十人排隊決定放棄😢對面開左間新式茶記都有啲人氣同價錢ok就入左黎食。.鋪頭都幾新裝修同光猛，晚市有小菜/小炒/鐵板等主食。我地叫左兩個小菜，跟餐送白飯、例湯，凍飲加+3 。 .🍴鬼馬生炒骨$88$88生炒骨仲有乾冰上碟，感覺良好，擺左一陣仲出煙，打卡一流，鬼馬生炒骨既由來原來係加左油炸鬼👍🏻又估唔到炸得脆卜卜既油炸鬼，加左個酸甜汁一樣咁脆同好夾。.🍴八珍豆腐煲$88簡單又多餸既茶記菜式，有無鑊氣都幾睇個廚師，上碟時滋滋聲，豆腐薄皮即炸，其他配料不過不失。.🍴洛奇石窩脆米炒飯$88睇Menu個名咁特別，石窩脆米炒飯足料，有瑤柱絲、香蔥、芥蘭粒、蝦、雞肉粒、蛋、冬菇，炒飯本身夠乾身唔油，加上臨尾加左脆米一齊炒，用石窩既最大好處係一直保持個熱度✔️.晚市黎講$8x包飯、湯、飲品，就算有個餐加特飲龍鳳檸樂都係+8，係銅鑼灣黎講都無咩得輸，加上地理位置方便，所以茶記黎講都真係算幾旺🤭