洛奇冰室 (已結業)

今日同朋友行開銅鑼灣shopping，行到攰於是乎搵間平平地嘅餐廳，坐低休息下，醫飽個肚再繼續行街。燈籠街出名多嘢食，我地沿住呢條街行，就見到一間新開嘅冰室，環境望落都幾舒服，以白色為主調，重點係新開張無耐，餐廳環境都好乾淨牛扒芝士腸煎蛋薯條 $74雖然係好普通嘅餐，間間茶記都會有，但呢間就整得特別出色。 普通西冷牛扒唔會韌，食落軟淋淋，好juicy。 呢個餐絕對啱哂大隻佬嘅一個抵食之選🤣濃湯海鮮泡飯睇賣相就已經知道好足料，絕對配得起呢個價錢，有多種不同嘅配料。泡飯最緊要當然係個湯底，佢個湯底超鮮甜，肯定係精心炮製，好味得黎又唔鹹，真心推薦。喜歡嘅可以加埋炸米落去食，又有另一番享受。邪惡嘅西多士，外面金黃，內裏軟綿綿，加埋個夾心，必點食物！總括嚟講，要想食得飽，價錢唔貴，食物質素高，我會推薦呢間。下次有機會行開銅鑼灣，要食茶記呢間係首選。👍🏻

早前同朋友去銅鑼灣行街，中午肚餓去覓食，見到新開咗呢間- 洛奇冰室，裝修，服務和食物都唔錯❤️😋📌 洛奇石鍋脆米炒飯$88必叫‼️一定要食‼️太正，以為自己食緊某酒店出品既炒飯，第一次喺茶記食到咁高質素嘅炒飯😋，炒得夠乾身，粒粒分明，雞粒蝦仁和瑤柱絲都好夠多，鮮味十足，上面有脆米增加口感和風味😋❤️👍🏻📌葡汁鰻魚焗飯🐟$60完全不會Hea，雞蛋炒飯飯底🍳，葡汁濃烈，最喜歡係他們的鰻魚🐟，啖啖肉，回本之選🤤😋👍🏻

今日銅鑼灣返工， 時間比較匆忙所以諗住喺茶記快快趣趣搞掂。登龍街見到呢一個大隻佬嘜頭， 咁有趣冇理由唔入去試一試。咖哩牛肋條煲，$98。 屬於小菜系列， 包湯包飲品包飯。 湯就例牌中湯或者羅宋湯。 呢個咖哩牛肋條煲算係店舖嘅重點推介， 所以我對佢都有啲期望。 咖哩無論色水同埋味道都算唔錯， 醬汁做得比較濃厚身， 用嚟送飯絕對冇得輸。 另外牛肋條煮得夠淋， 而且咖哩都算幾入味。 分量方面夠曬大份， 如果唔係煮得咁惹味， 就實會食唔曬。洛奇小炒王，$98。 材料十足， 韭菜，魷魚，白飯魚，蝦乾 ，腰果加埋鑊氣 成就咗一道惹味嘅小炒王。 總而言之就係一到道送飯一流嘅菜式。

[ #caloriefoodie銅鑼灣 ]• 洛 奇 冰 室 •🐿無行銅鑼灣一排 登龍街又有新餐廳啦見撞正下午茶時段 就試下呢間有大隻佬既冰室💪🏻-🧀芝士流心西多士 💰$38即叫即整 上枱時熱辣辣 望住塊牛油慢慢溶成枝糖漿俾你落 鐘意幾甜就落幾多西多士加埋芝士真係好邪惡ψ(｀∇´)ψ肥死一定要襯熱食 如果唔係 芝士就凍到唔識拉絲-🥐火腿厚蛋芝士牛角包 💰$42酥皮牛角包上下切開 中間夾住所有配料牛角包口感有小小似丹麥多士 牛油味香厚蛋都炒得滑溜溜 火腿芝士就正正常常-🥘洛奇石窩脆米炒飯 💰$88炒飯配料有雞肉、鮮蝦、冬菇、翠肉瓜等等表層灑滿大量脆米 食兩啖又有一啖係脆卜卜因為用石窩裝住 除咗夠熱之外 仲可以整飯焦味道唔錯 配料帶俾炒飯有多重口感 -🥩自選歐陸飯餐 💰$68肉類可以揀牛扒、雞扒、豬扒、吉列豬扒同吉列魚柳仲可以揀兩款配菜 煎蛋、芝士腸、火腿、午餐肉汁既話 可以揀黑椒汁、蒜蓉汁、茄汁、芝士汁朋友揀咗牛扒、煎蛋、芝士腸、芝士汁、意粉牛扒都幾大塊 味道方面就正正常常 勝在大份-📍銅鑼灣登龍街28號永光中心地舖-#caloriefoodie

今次嚟到位於銅鑼灣登龍街嘅洛奇冰室😋由於係新開嘅關係 裝修好新淨而且主打年青人路線✨但係茶餐廳嘅食物款式全部都齊晒😋而且又有啲新嘅口味！————————————————❶ 洛奇石鍋脆米炒飯 $94炒飯用石鍋裝住上 嚟到嘅時候係熱焫焫🤩最上面鋪滿自家製脆米 而且仲係脆卜卜🥰 炒飯入面滿佈瑤柱絲、帶子、翠玉瓜、蝦仁和雞肉粒😋每一啖都食到好多配料而且炒得夠晒香✨❷ 黃金雞中翼 $58一份有六件雞翼 嚟到嘅時候氣派十足 周圍有啲乾冰嘅氣飄上嚟🤣夠晒打卡able✨外皮夠晒香脆 不過可惜炸得有少少乾 而且唔夠鹹蛋黃味🥺希望之後有所改善！❸ 避風塘粟米 $78個人覺得幾特別( ´▽｀) 鍾意食粟米嘅人要試吓🥰不過可惜啲避風塘碎碎同粟米有啲分開🥺要自己將佢夾返埋一齊🤣但係擺完一齊之後就好夾！係好特別嘅食法🥳————————————————推薦指數: 🌕🌕🌕🌕🌕🌕🌕🌑🌑🌑| 7/10環境指數: 🌕🌕🌕🌕🌕🌕🌕🌑🌑🌑| 7/10服務指數: 🌕🌕🌕🌕🌕🌕🌕🌑🌑🌑| 7/10好食指數: 🌕🌕🌕🌕🌕🌕🌕🌑🌑🌑| 7/10性價比指數: 🌕🌕🌕🌕🌕🌕🌕🌗🌑🌑| 7.5/10回訪指數: 🌕🌕🌕🌕🌕🌕🌕🌑🌑🌑| 7/1

平時行入登龍街都係搵拉麵食多，今日同男朋友行過見到有間新嘅冰室試業中，仲有個大隻佬Logo做招牌，都幾搶眼㗎！新開就少不免人多要等啦，不過鋪頭位置都好充足，等咗15-20分鐘左右先入座～ 先落單嘅外表普普通通，但就好惹味嘅麻辣雞飯，雞肉夠嫩唔「鞋」口，麻香味足夠晒開胃！最正係連飯都有油香味！為麻辣雞飯再度加分！ 等咗一陣先有得食嘅芝士焗海鮮烏冬，熱辣辣上菜，仲有芝士拉絲，爽口蝦仁配埋唔會焗得太冧嘅烏冬，無令我哋失望！夏天飲返杯又有咸柑桔、又有檸檬嘅龍鳳檸樂就夠晒爽啦！又咸又酸用嚟解暑真係一流呀！

洛奇冰室 - 新派港式冰室今日介紹一間位於銅鑼灣新開的港式冰室，門面有個大隻仔洛奇招牌，相當易認，大大的落地玻璃窗，十分開揚光猛，主打新派fusion的港式美食、撚手小炒。黑椒牛扒焗飯 $70熱辣辣的焗飯，超濃郁的黑椒味加上厚切牛扒，啖啖肉，仲有最緊要嘅炒飯底添。金牌沙嗲牛肉公仔麵 $38濃郁惹味的沙嗲牛，牛肉份量多，肉質幼嫩軟腍，再配上公仔麵鮮油菠蘿包 $28新鮮出爐的菠蘿包，熱騰騰再夾著厚厚的鮮油，在口腔化開，冰室茶記先有的味道。蜜糖雞髀配脆薯條$44大大隻燒雞髀，表面有香甜的蜜糖醬汁，配上金黃色香脆的薯條。西多士 $26冰室經典的西多士，炸的脆身的多士，加上糖漿和牛油，中間還有幼滑的花生醬。椰汁紅豆冰 $8最後當然唔少得要有特飲椰汁紅豆冰。

#銅鑼灣 😪假期要返公司做嘢, 搵來同病相連的好友一齊食個晚飯再返歸!🌟登龍街好多餐廳, 暫時都未有失望! 近日開咗間冰室, 有小炒、蒸餸….一於試試! 💃朋友一眼就見到呢碟 “黃金魷魚🦑” $108 ~ 超。超。超讚, 🦑魷魚軟硬適中, 厚厚的,咸蛋王唔過火唔會勁油, 剛剛好包裹外層, 十分滿分! 🥘再來石窩脆米炒飯 $96 ~ 見到隔離枱嗌, 聞到超勁香, 無理由唔要一客吧! 餸極多, 有雞肉、黃金瑤柱、蝦、🦐蝦乾、菜粒…飯炒得相當乾身, 啖啖滿足! 🦐蝦乾蝦醬蒸肉餅 $86 ~ 睇個餸名就知超下飯啦🤤! 蝦醬好香唔會過咸, 肉有肉汁唔死實, 即叫即蒸好新鮮! +$8 要🍍菠蘿賓治, 唔太甜, 大量菠蘿, 唔會只得冰, 好夠飲! 🥣蒸餸跟餐湯, 合掌瓜, 朋友話好清甜足料! 無論蒸定小炒份量都幾大, 好正’s! 又多間飯堂 lu

太極鴛鴦炒飯$82:在蛋炒飯左邊淋上洋蔥雞肉茄汁醬汁，右邊淋上大粒蝦仁和切成小塊的翠肉瓜的忌廉白汁。茄汁和白汁就是絕不會不好味的組合！略顯炒飯不夠熱身，但配上熱辣辣的醬汁，已經是平實的美味~和風牛柳鐵板套餐$128鐵板燙熱，一淋上蒜蓉醬汁就是熟悉的咋一聲后香味四溢，兩塊厚身的牛柳軟淋易切開，食落都有少少牛肉味，滿意~！還配上司華力腸、意粉和羅宋湯，份量十足！~羅宋湯不油膩又幾濃味~好多煲得軟綿的西芹、薯仔條、牛肉塊和我不食的紅蘿蔔條，足料又豐富~幾好飲！！金銀蛋肉碎浸勝瓜 $78刨去硬絲的勝瓜浸泡在頗多肉碎、皮蛋和鹹蛋的湯底中，更能突出其軟綿和清甜，美味！消暑開胃，配上白飯最是適合~！📝推薦！新式的冰室裝修，位置闊落坐得舒服，QR Code自助落單還可以因應自行口味再調整，方便！但餐廳對於舊式的和經典的港式滋味的演繹毫不馬虎，欣賞菜式選擇繁多但無論是小菜、港式鐵板餐和中式飯類的出品都做得不錯，調味適中又不會太油膩！價錢不貴又美味，值得一試~📍洛奇冰室 Rocky Cafe - 銅鑼灣登龍街28號永光中心地舖

銅鑼灣新開嘅冰室，Logo有個大隻仔💪🏻裡面嘅杯碟筒膠板都印有洛奇大隻仔💪🏻今次上堂之前嚟個快食！叫咗皇牌咖哩食多啲肉希望可以做大隻妹💪🏻店員動作好快手，態度好Nice唔會催😂 裡內裝修比較時尚感，光亮乾淨企理，樓底夠高，無咩油煙味道。🍖咖哩牛肋條 $76個飯仲可以轉意粉！🍖牛肋條肉質軟腍，唔會有牛肉個種羶味，咖哩汁香濃夠哂港式～味道唔會太稀！配料仲有紅椒黃椒青椒🧅大量洋蔥同薯仔🥔意粉帶點粗身同軟腍，一食就知香港味道🇭🇰

銅鑼灣開左間裝潢不錯的新式冰室😍叫「洛奇冰室」，icon仲係一個大隻佬💪🏼好得意！🔹🔹🔹🔹🔹🔹🔹🔹🔹🔹🔹🔹🔸咖哩牛肋條煲$98🔸跟餐 包餐湯及熱飲呢個係招牌菜式！食落唔辣、而且咖哩味以及椰汁濃郁，落足牛肋條，牛肉軟稔，就算你食唔食得辣，都會覺得好食呢(^^)🔸菜遠雜燴炒麵$62🔸呢個👍真心好食‼️無估到個炒麵係炸的，睇落去普通，但係將菜遠雜燴倒落去之後，個麵就開始變軟，但同時保持香口，個雜燴好清甜，諗起都流口水🤤🔸紅豆冰 跟餐+$22🔸呢個紅豆冰不得了 好飲過其他連鎖快餐店紅豆不會太甜膩，椰汁🥥味好出，也不會搶去紅豆風頭！🔸xo醬西蘭花🥦炒帶子$128🔸 跟餐 包餐湯及熱飲呢道菜雖然睇上去清清地，但其實味道好鮮甜！而且仲要落左超多帶子，帶子的鮮甜加埋鹹辣xo醬，送飯一流！🔸晚市 叫兩個小菜 +1元可享霸王雞🔸‼️好抵‼️霸王雞🐔賣相靚，食落果然嫩滑，加埋炸蒜同醬油，風味十足！

係cwb發現呢間新派fusion菜式嘅冰室❗️雖然冰室啲菜式多數來來去去都係個啲，但呢間完全唔係🤩🤩幾多特色又好味嘅菜式！Young少少既朋友仔都可以試下呀😝我哋叫咗兩個套餐包絲苗白飯同埋飲品 ，再加一個炒烏冬😂1）川辣麻婆豆腐套餐川辣口感香辣味美 ❗️仲要用石鍋上，上枱嘅時候熱辣辣，好吸引，豆腐夠哂滑嫩，好惹味，送飯一流呀2）石鍋麻辣雞煲麻辣夠刺激，都係用石窩上枱，雞肉嫩滑唔韌 ，又係一個開胃小菜🤩🤩3）鐵板xo醬海鮮炒烏冬Xo醬用嚟配炒烏冬一向係勁正， 加埋鐵板上枱， 好有鑊氣！比一般炒烏冬更加好味🤤

喺登龍街見完客，見倒新開嘅洛奇冰室試業中！menu 勁多選擇，有冰室必備嘅常餐、小菜、風味小炒、鋸扒、蒸飯等！晚市套餐跟餐湯同飲品都係百零蚊，價錢親民！梗係立即入去試下！ 🥩鐵板雜扒 （可選意粉/飯及薯菜）$106雜扒餐包括有雞扒、豬扒、火腿扒，芝士腸同雞翼，雞扒同豬扒都好香口，幾juicy唔會太乾身，芝士腸有驚喜流心cheese好好味！用鐵板上菜夠哂風味，醬汁有黑椒汁同蒜蓉汁兩種。唔似傳統鐵板餐個醬汁分開上，個人認為食完冇咁大陣味好啱lunch time去食！揀左跟意粉仲有雜菜伴碟好豐富！🍜鐵板避風塘牛河 $68 一向最鐘意食牛河，見倒有” 避風塘”牛河真係要試下！鐵板上河粉食落反而冇咁油膩，牛肉軟嫩肉味香濃，咸度同辣度均勻平分秋色！河粉同牛肉份量足！性價比極高！🌽中式炸物避風塘粟米跟白飯 $81 比張圖吸引左我地，諗住三個人share啱啱好嘅：避風塘粟米～堅～好～味！！！粟米粒粒外皮辣得黎香口，內裡爽口清甜！ 雖然炸過嘅粟米，但食落唔油膩，味道偏小小辣，跟餐都有個白飯同湯！千祈唔好以為係小食呀份量好足架 ！

小編平時係cwb番工都好想搵平靚正晚飯食🥲但食黎食去都係個d好悶行過登龍街見到有間新開冰室😍價錢尚可 環境乾淨企理✨就同幾個同事入去試試晚市🔥📍洛奇石鍋脆米炒飯($88)呢個石鍋飯真係好有驚喜😆熱辣辣不特止仲大大份～飯量起碼夠四個人share 👭👭入面嘅材料超級多 有瑤柱、蝦、雞肉、蛋、翠玉瓜真係一啲都唔孤寒😚飯仲同脆米一齊炒 口感好豐富😎而且因為用石鍋裝住 放得耐仲會有飯焦食成個石鍋底都係飯焦 😍 微燶 好香 提提大家 整呢個石鍋飯製作需時大家要耐心等候🙏🏻📍鐵板雜扒 ($98）雜扒可以揀跟薯菜、飯或者意粉小編就揀咗薯菜🍟呢度薯菜係分開上雜扒除咗豬扒同雞扒仲有雞翼、火腿、司華力腸雞翼同司華力腸最有驚喜😍雞翼煎得好香 外脆內軟 司華力腸切開先知原來係芝士腸 好正🤤仲有一個驚喜就係佢個汁👏🏻平時啲汁會另外上 但佢哋會放喺個鐵板上面汁都會keep住熱❤️薯菜分開放都有好處 啲汁唔使整到啲薯條林晒🤣Anyway 呢個鐵板 推‼️📍椒鹽鮮魷 ($98)呢個椒鹽鮮魷份量都多🤟🏻炸得好香口 而且好重味！重口味既人必試 仲有少少穫氣🔥不過小編略嫌炸粉過厚 有少少油膩🥺但送飯食感覺就比較好 果然炸魷魚🦑係

去到銅鑼灣想搵間茶餐廳食下行左去燈籠街附近見到有間餐廳好光猛裝修有少少復古味既茶餐廳 就入左去入到去環境比人一種好乾淨既感覺店員又好有禮貌請我地坐低坐低後 就開始睇下餐牌我地就決定叫小菜而佢既小菜都有配白飯同湯我地睇左好耐就決定叫個·鐵板砵酒牛仔骨 鐵板上有個好處 就系熱辣辣 一食落口有驚喜 勁林 勁入味 超級送到飯·洛奇小炒皇 有韭菜花、腰果、蝦乾、菜甫等等 味道吾會偏咸 平時食開個啲小炒皇好咸 同埋蝦乾都大隻 入口系 爽同脆 好野味·避風塘粟米 粟米本身好甜 夾埋避風塘 可以用香甜可口黎形容估吾到呢間茶餐廳質素咁高 以後去開銅鑼灣佢都會系我既首選