洛奇冰室 (已結業)

我絕對係俾肌肉男🏋🏻 嘅logo吸引左目光，符合「洛奇」呢個名字。🐄 鐵板乾炒牛河（$68）鐵板上嘅乾炒牛河，牛肉份量足，熱辣辣而不油膩，一定唔會食到成嘴油。🍲 濃湯海鮮泡飯（$74）泡飯易入口，湯夠入味同埋鮮甜濃郁，海鮮增添更重既鮮味，適合想暖胃清淡既人士。🍞 厚多士（花生醬＋鮮油）（$27）烘過嘅麵包，唔係度度都有鮮油選擇，厚多士上枱，唔會只有麵包中心有醬，而係滿滿花生醬及原塊鮮油，食完真係有啲罪惡感。🍵 中湯（＋$4）唔係其他中湯清淡似水，飲得出佢材料好足，如非要凍飲，中湯真係值得點的，湯水係好重要。以呢個價錢，一個餐連一碗湯，真係銅鑼灣少有，所以現場座無虛席呀。