影片
更多
2021-09-25
26 浏览
朋友喺銅鑼灣返工，一得閒就會過去登龍街覓食， 最近又畀佢搵到間新開嘅冰室，有好嘢就梗係要齊齊分享啦！餐廳位於永光中心地下，門面以落地磨砂玻璃作設計，既時尚又美觀。店內裝潢亦頗有特色，白色牆身再配以一室梳化座，簡約舒適，視覺效果宜人。細閱餐牌，食物選項都幾多，全部分門別類，由港式炒粉麵飯、泡飯、中式飯類、自選歐陸飯餐、皇牌咖喱….等等，以至中式炸物、晚市小菜都一應俱全。 我哋點咗三個餸，每個小菜都配有絲苗白飯、羅宋湯或中湯及熱飲，如果想轉凍飲就要另 +$3。這晚嘅中湯係節瓜章魚湯，雖然已經過咗中秋，但天氣仍然炎熱潮濕，飲呢個湯就最適合不過，不但清熱消暑，仲可以健脾祛濕。XO 醬西蘭花炒帶子 ($128)真係無諗過呢個小菜會用乾冰墊底，上桌時仍然冒著煙，仙氣十足。帶子非常新鮮，肉質嫩滑，大大粒，厚身得嚟又夠彈牙，外香內軟。西蘭花碧綠脆爽，軟硬度適中，加上惹味嘅 XO 醬，極級滋味。鬼馬生炒骨 ($88) 平時出街食小菜都幾鍾意點生炒骨，呢碟就更加有驚喜，加入咗油炸鬼一同炮製，加上墊住乾冰上桌，煙霧瀰漫，賣相好搶眼。排骨有肉地，脆漿唔厚，入口甜甜酸酸，十分醒胃。油條水準亦唔錯，咬下鬆脆有韌勁
朋友喺銅鑼灣返工，一得閒就會過去登龍街覓食， 最近又畀佢搵到間新開嘅冰室，有好嘢就梗係要齊齊分享啦！
餐廳位於永光中心地下，門面以落地磨砂玻璃作設計，既時尚又美觀。店內裝潢亦頗有特色，白色牆身再配以一室梳化座，簡約舒適，視覺效果宜人。
細閱餐牌，食物選項都幾多，全部分門別類，由港式炒粉麵飯、泡飯、中式飯類、自選歐陸飯餐、皇牌咖喱….等等，以至中式炸物、晚市小菜都一應俱全。
我哋點咗三個餸，每個小菜都配有絲苗白飯、羅宋湯或中湯及熱飲，如果想轉凍飲就要另 +$3。
這晚嘅中湯係節瓜章魚湯，雖然已經過咗中秋，但天氣仍然炎熱潮濕，飲呢個湯就最適合不過，不但清熱消暑，仲可以健脾祛濕。
XO 醬西蘭花炒帶子 ($128)
真係無諗過呢個小菜會用乾冰墊底，上桌時仍然冒著煙，仙氣十足。帶子非常新鮮，肉質嫩滑，大大粒，厚身得嚟又夠彈牙，外香內軟。
西蘭花碧綠脆爽，軟硬度適中，加上惹味嘅 XO 醬，極級滋味。
鬼馬生炒骨 ($88)
平時出街食小菜都幾鍾意點生炒骨，呢碟就更加有驚喜，加入咗油炸鬼一同炮製，加上墊住乾冰上桌，煙霧瀰漫，賣相好搶眼。
排骨有肉地，脆漿唔厚，入口甜甜酸酸，十分醒胃。油條水準亦唔錯，咬下鬆脆有韌勁，配上甜酸醬汁，真係令人回味無窮。
咸魚雞粒豆腐煲 ($78)
咸魚同雞粒一向都係好拍檔，咸魚鹹香撲鼻，雞粒夠嫩滑，豆腐吸晒醬汁的精華，入味非常，用嚟送飯一流！
食完飯嘆返杯熱飲，一樂也。熱奶茶口感厚身濃郁、茶味鮮明清香；而杯熱檸茶嘅茶味亦好有層次，較一般茶記香醇，澀味亦不重。
张贴
