泰金鍋

营业中

休息中

🥢每月一次任飲任食，男友知我鍾意食泰菜，所以搵左間有泰菜x火鍋既餐廳，聽到佢介紹個時都覺得好吸引好期待，我一定會瘋狂食串燒同泰式糕點，平時放工口痕都會買一兩件食，依家任食真係好開心😆✌🏻🥢蔬菜區好整齊，一兜兜放好，有蓮藕、豆卜、萵筍片、粟米、秋葵、大蔥、冬菇、金菇等，數唔哂，肉我地都叫左好多碟，西班牙白豚肉同美國牛板腱好食，有牛肉鮮嫩口感，淥完肉質仲有彈性，好正呀🥰❤️🥢泰式甜品單睇都會覺得好享受同滿足，同埋味道食得出天然食材，例如呢款椰奶布丁，芭蕉葉釘成碗狀，入面加左粟米同芋頭粒，倒入糯米粉蒸熟，好傳統既泰式甜品🍮

泰金鍋 #旺角一入餐飯已經煙霧彌漫，仲聞到濃烈既沙嗲味好似呼呼緊我🤣雖然重點係打邊爐，但我忍唔住叫左一打串燒，有泰串沙嗲豬肉、泰國沙嗲牛肉、芝士燒辣脆皮年糕同菠蘿燒汁脆皮年糕，沙嗲汁真係好正😍有花生粒又夠杰身，串燒唔會燒到好乾，仲有肉汁，好crazy!如何做到的😆湯要藥膳豬骨白湯鍋，配肉落去煮好帶到鮮味，唔會蓋過肉本身味道，牛舌讚呀❤️一份都好多片，但我地點完再點，都食左3-4round，牛味突出，又唔韌，炸魚皮都高質呀飲品可以係出面自己斟，我就要泰式奶茶，老公就要泰式秋葵水，兩者都幾好，泰奶真係好似泰國飲到既味道，令我好掛住泰國呀🥢

話說今日有個同事休息相約去旺角泰金喎試下因為佢睇咗youtube介紹所以就打算去食 琴日預早book咗枱今日四點九 上到去 冇乜人到五點鐘可以提早入去 喺門口嘅時候佢就會問你要咩餐我哋點咗個b餐 另外又嗌咗個冬陰功湯底另外一個就嗌咗個青檸椰子雞煲湯底 嘅時候就坐咗喺個a23枱 你入去之前我都影咗咋相見到食物都ok嘅 咁呀去食 坐低首先就去攞蝦 他唔係平時食開流水坑大頭蝦只不過係普通嘅蝦仔但係冰桶真係太細 攞咗五六隻蝦返嚟嘅時候啲黑因為桶太細啲客喺度跳畀佢拮親隻手流血 跟住就再食嗌咗啲牛肉呀豬肉呀嗰啲食咁我哋都點咗好多首先佢嚟咗 每人兩盤嘅肉 用係好食嘅都好大牙 我哋另外嗌咗個榴槤波波 佢個榴槤球起博榴槤肉多好好食 另外推介一樣就係芒果春捲同埋佢個蝦餅係好食嘅 當我哋食到九成飽嘅時候 再行出去見到阿姐喺度家帶子 細嘅聖子仲有蜆 咁我每樣攞咗少少返去 帶子係好食好食嘅 跟住就個顯ok嘅冇沙冇ok正仔仔呢就麻麻地啦可以唔食 至於你呀泰國嘢我都冇乜點食過食唔到咁多 最遺憾嘅係唔覺得佢有泰國嗰啲船面如果佢有時面嘅話我覺得會好啲囉 咁我朋友嗌咗個檸檬 椰子雞煲我自己嗌咗一個冬蔭功煲咁陰公煲個味道都

特色火鍋湯底🍲:我阿妹就想食馬來娘惹叻沙鍋，而我自己就想食青檸椰奶雞湯鍋，所以我哋就叫咗一個鴛鴦鍋😋喇沙味重椰香、真係好香又有少少辣👍🏻超惹味😋 青檸椰奶雞湯???初頭我哋覺得呢個配搭好奇怪㗎🤣雖然大家都係水果嘅類別，但係青檸同椰奶好似大纜都扯唔埋。點知一嚟到嘅時候見佢白雪雪，好香椰奶美子與食物中酸酸甜甜，淨係飲一啖已經覺得好開胃啦。加埋雞湯味道更加濃郁。沙嗲牛肉串燒🍢:我最鍾意就係食泰式串燒！因為佢哋嘅沙嗲醬係最好食嘅‼️除此之外呢度可以QR code落單好多唔同嘅牛肉可以選擇，我自己呢就最鍾意佢嘅美國特選牛板腱同埋澳洲產極選穀飼黑安格斯😋油花分布平均所有嘅肉質都好好唔會有血水💖👍🏻

呢間餐廳真係一啲都唔馬虎仲要勁高質， CP值勁高💁🏻‍♀️火鍋套餐分咗三個唔同嘅等級，我自己就叫咗最貴嘅果一款同我男朋友一齊食🙆🏻‍♀️湯底我哋就揀咗一人一鍋分別就要咗喇沙湯底同埋麻辣湯底，我自己就唔係太食得辣所以喇沙湯底就啱晒我仲有少量嘅椰香味😋拎嚟淥菜就啱啱好😘我男朋友自己就鍾意食泰式辣鍋多啲，佢話辣到個嘴好爽喎！我諗呢啲就真係只有食辣嘅人先會明白辣到出晒汗係一件爽嘅事🤣除此之外我哋仲要咗好多次炸豬皮，因為真係揸得好香好脆，放落湯底之後仍然好好味。吸咗少少湯汁👍🏻而且呢度仲有榴槤炸彈都係我嘅至愛！如果大家唔鍾意食榴槤炸彈嘅話都可以去睇吓佢哋嘅自選台，總有一款啱你㗎🙆🏻‍♀️另外呢間餐廳毫不吝嗇佢哋個雪糕櫃超級大啊裝滿晒唔同嘅雪糕，我自己就最鍾意近排好Hit嘅熊貓雪糕，有個熊貓樣好搞笑㗎🤪

👆🏻如標題所講我諗呢度真係會喺未來日子變成我嘅飯堂一定有啲乜嘢聚會都會嚟呢間餐廳。🙆🏻‍♀️點解我咁講？💁🏻‍♀️因為呢度真係有超級多嘢食，唔使怕有嘢唔啱食！💕泰麻辣鍋鍾意食辣嘅朋友一定係必點何況我係每一餐飯都要食辣嘅人，淨係見到嗰啲花椒八角已經好開心啦😆成個湯紅卜卜，真係色香味俱全辣到不得了😆💕泰國清邁炸豬皮仲記得以前年年去泰國喺街邊見到人哋炸豬皮或者餐廳有得食嘅時候都一定會嗌，但係我發現香港唔算話有好多嘅餐廳都有得食，呢度竟然有得自取我梗係要攞多幾份啦😋💕泰金韭菜餅韭菜餅亦係令我讚不絕口，我哋坐低咗冇耐餐廳職員就拎黎俾我哋呢個韭菜餅剪得好香好脆好好味。入面嘅韭菜唔會話煎到乾晒，都ok喎‼️除此之外呢度仲有好多唔同嘅特色小食大家都可以揀下㗎 ！最最最最重要就要同大家分享吓呢度嘅牛肉全部都係靚牛💕，其實唔知呢間餐廳會唔會蝕本呢？因為呢度食嘅所有牛肉嘅牛花都超級靚😍仲要煮熟之後勁香牛肉味😆😆😆

「我成日都會上網留意邊到有新餐廳，邊到有優惠，最新發現係旺角創興廣場6樓有間新餐廳進駐，係食泰菜，當然唔係單點咁簡單，係任食泰式火鍋，見父親就黎生日👨🏻就預早book位，同佢來一餐泰式style生日飯」「餐廳提供任食肉類、海鮮、蔬菜、串燒、泰式小食及飲品，仲有甜品區，一坐底就送上泰金韭菜餅1客，入面都幾足料😍唔算好油膩，坐完就出去攞野食，攞左泰式酸辣無骨鳳爪沙律同埋椰汁西米糕，泰式風味都夠，前者夠酸辣，無骨啖啖肉，西米糕足料又好食」「火鍋部分：我地揀藥膳豬骨白湯鍋❤️‍藥材味好濃，加左人參、紅棗去煲，好似韓國人參雞湯既味，超保身，岩哂爸爸🤣」

唔係我個同事帶我嚟都唔知道原來創興廣場開咗一間新嘅泰式火鍋店咁多人排隊😱真係多人到不得了‼️初頭諗住排到一半放棄㗎啦，點不知排隊嘅時候聽到離座嘅人話好好食💪🏻所以我哋就繼續排隊。估唔到唔係流水哈嘅店舖都可以食到流水蝦，啲蝦好生猛㗎，唔係話咁容易捉到隻隻都跳跳紮。食落肉質彈牙😋另外餐廳仲有設置咗自取枱我覺得最特別嘅就係佢哋嘅嘢飲櫃😆估唔到餐廳咁有誠意自家製作左泰式奶茶、天葵水、同埋龍眼冰，全部都係佢哋自己特製真係好有特色之餘又好有誠意。泰式奶茶真係要甜先好飲🤪湯底我就揀咗藥膳豬骨白湯鍋🍲，感覺上有豬骨湯配所有肉都更加出濃郁嘅肉味😍最後仲有我最鍾意嘅炸豬皮🤪放落鍋底勁好味

泰式火鍋放題都係第一次見🤣係旺角新開既泰金鍋最近出左任食火鍋，我今次就揀左澳洲產極選穀飼黑安格斯套餐，7點半前離座都只係$268/人，岩哂我呢d早食飯既人，總共有110樣野食，每位仲會送自家製泰金韮菜餅，相當多優惠！呢到供應多款泰式湯底，我就鍾意食辣，所以揀左泰麻辣鍋，味道香濃惹味，辣度對我來說係足夠，即刻叫左碟牛舌試試，超級多片🤤餐廳比既份量都好大方，牛舌軟腍，配合麻辣鍋食簡直係爽，唔夠喉仲加左燒串沙嗲牛肉，沙嗲既花生味好出，食到碎花生好正，味道幾正宗👍🏻絕對唔係hea交功課個款

《旺角高質火鍋店》#泰金鍋 #旺角美食 #泰式火鍋👉🏻旺角可以話係多國菜集中點，想食咩都有，淨係食放題、雞煲都有排揀，而且地理位置方便，港島人同新界人中間點，岩哂我地成班fd約出黎聚一聚，食夜左就唔驚冇車返屋企😎👉🏻我地當日7點頭去到，餐廳差不多坐滿，沿途經過雪糕櫃，好吸引，超多選擇，直頭想即刻攞返杯先🍦套餐方面朋友話想食C餐，係澳洲產極選穀飼黑安格斯套餐，價錢$298一個，湯底當然要揀返泰國風味泰金冬陰功鍋！湯底味道夠酸而偏甜，辣度適中，湯底加入辣椒、青檸等材料，飲落幾爽口👉🏻我超級喜歡食炸豬皮，呢到炸豬皮煲泰國清邁，外皮超脆，加湯底食，湯汁滲透晒入豬皮，超級正🤪

之前入打邊爐關注組，日日都見到group友有唔同推介同邊到有伏，要小心選擇，其中一間話題性都幾多，就係呢間泰金鍋，話題性高係因為佢出左少見泰式火鍋放題，仲有免費體驗捉大頭蝦，好多人都話佢性質比唔錯🤑所以就決定happy Friday try try原來可以鴛鴦鍋，青檸椰奶雞湯鍋味道比較淡，酸酸地唔會好濃味，反而叻沙鍋就超惹味，叫左兩款滑，分別是蟹子墨魚滑同免治雞滑，墨魚滑feel到係好足料，好彈牙，而蟹子脆卜卜質感，令到口感更豐富，再encore都食得哂☺️朋友攞左D萵筍片、粟米、冬菇、金菇返黎，佢話唔可以淨係食牛，要食下菜，不過都相當吸味，我唔鍾意食菜都不停同佢爭食🤣遲下再book位去食

旺角餐廳競爭好大，要突圍而出真係要諗諗方法，上星期上左間幾有特色既餐廳，又有泰國野食，又可以打邊爐，一個價錢滿足兩個願望✌🏻價格唔貴，$300一個就有交易，坐低冇耐待應就送上泰金韭菜餅，好可惜冇得再叫，一人一件😿..炸野夾左炸辣魚餅同蝦餅，味道香香辣辣，中間夾左檸檬葉同埋豆角，配啤酒一流👻蝦餅同樣唔差，醮返酸甜醬同魚露食真係好滋味丸類我都叫左唔少，貢丸、墨汁墨魚丸、龍蝦丸、獅子狗，樣樣都唔錯，我就最中意墨汁墨魚丸，出面比較少見到有🤣最後留返個胃食甜品，攞左兩款糕點，煙煙韌韌，幾好食，有一件應該係班蘭糕黎

之前睇片見到有流水蝦任食勁吸引，即捉即烤，好似幾好玩，但地方有點遠，要去到元朗，點知比我搵到新開有間係旺角都可以任玩任食流水蝦，happy~😌蝦好新鮮，超級活躍，我都捉左幾次先成功🤣爸爸就勁，一野就夾到上黎，快同準！座位寬敞，餐廳中間位置係自助食物區，好整齊擺放，幾衛生，大家都有秩序出去攞蔬菜、泰國特色炸物、甜品、飲品同雪糕😍包羅萬有一共有八款湯底，我就叫個冬陰功鍋，湯底好足料👍🏼牛肉唔使沾醬都好味，我叫呢個餐係任食澳洲安格斯，食落好重牛味，真得幾好食，淨係牛肉都值回票價，而且仲有其他好野食☺️

💁🏻‍♀️又係我，一個月介紹一次食好野，今次黎到美食之城旺角，唔再係食雞煲同烤魚，今次特別d食泰國菜，但當然唔係一般泰式金邊粉、菠蘿炒飯呢d，而係泰式火鍋❗️♨️💁🏻‍♀️今次餐廳係泰金鍋，一個價錢食到澳洲安格斯、西班牙白豚肉、泰式蝦餅、木瓜沙律、泰串沙嗲豬肉等等，應有盡有，湯底款式都好多，有選擇困難症既最好係屋企睇定menu先🤣💁🏻‍♀️湯底我就要左馬來娘惹叻沙鍋+青檸椰奶雞湯鍋，兩重享受，一邊食肉，一邊食菜，唔會好油膩，我最近就戒左牛，所以叫左份西班牙白豚肉🐽肉質軟滑，吃下香甜不油膩，男朋友就叫左牛舌🐮佢話好好食，好軟淋，厚薄都適中，仲有好多野都好好食，下次再黎過

泰金鍋 $298/位（平日）好耐冇見班中同，大家畢業後都冇見，工作忙，最近有一個準備結婚就約大家出黎食飯同比帖，有人提議食泰國菜，又有人話打邊爐，我就話不如MIX兩樣，一舉兩得，上網睇真係有餐廳係又有打邊爐又可以食泰國菜，叫泰金鍋係旺角，超級方便(〃'▽'〃)佢地一黎就叫左沙嗲串，有豬肉同牛肉，串燒面有一層厚厚的沙爹醬，辛香開胃，花生醬和椰漿味好濃，仲叫左帝王蟹柳棒、泰式蕉葉扎肉、原隻八爪魚仔黎打邊爐，蟹柳棒味道鮮甜，勁鍾意食，八爪魚仔都幾新鮮，原隻食唔洗同人shareヽ(^o^)丿最後仲叫左炸物，泰式炸辣魚餅、泰式榴槤炸彈、清邁炸豬皮等等，榴槤控既我食得好滿意好滿足(○^～^○)