泰金鍋

营业中

休息中

第一次食，食物款式唔多，熟食小，海鮮分時段添貨但數量好小，唔夠人搶。熟食烤魚又係分時段出爐，又係一出比人搶晒，咁即係想試都試唔到。員工冇提示last order,仲有30分鐘先夠鐘但想用code點野食時已經截左單希望你地改善一下自助吧的食物份量，你地仲要主打流水蝦放題任食，根本就唔存在任食呢樣野，希望注意一下

環境闊落，坐下的感覺不錯，而且未行到入坐位已經上左湯底和少量的肉，速度超快。。。最初的湯底是幾香，但加湯只是普通的清湯，而所謂的流水蝦全是死蝦，根本不會動。。。難道是我來的不是時候？最後的30分鐘，每五分鐘便有侍應來吹交枱。。。感覺好差，佢地只是想趕住清潔準備下埸，根本無理會食客的感受。。。我是120分鐘的火鍋放題不是90分鐘好嗎？在咁多選擇的旺角，這樣的服務我不會再來。。。

齋睇湯底，選擇夠眼花撩亂啦！黎過2次，我試過檸檬香芧同蕃茄，反而檸檬香芧有驚喜，夠特別。睇你選邊款餐，取決於想唔想食沙嗲囉。菜類一般多嘅，丸類都足夠。海南雞有水準，必試。鱸魚都可以。主角出場，蝦真係生勾勾係你面前任夾，睇你食得幾多，同睇你食唔食貝殼類嘢啦！去2次，一次生猛，另一次就死蝦較多。而甜品就真係一定要留肚試，佢糕點唔理返貨定自家制，都有水準，泰式甜品，平時街買都幾廿蚊啦。仲有珍多冰。另外可以利用QR code,點少食同其他嘢食。芒果春卷一般 ，但雞肉卷正。佢個泰式炒飯，餸多過飯，可能因為都唔少嘢食，炒飯唔多人攞，佢個餸量好夠，平時出面一個泰式炒飯分分鐘過百蚊，呢到值嘅。另外仲有小量熱葷。最尾仲有雪糕食，雖然選擇不多 但也夠吸引。2小時2百零蚊，性價比高啦，我短時間內黎左2次了。無得飛，當去住泰國先啦！

我前後打咗電話16次，終於係第12次打通，你地個職員同我講咗幾句無謂野，連問我係咪要訂位都無，就放低個電話係度，一直要我聽住接walk-in客3分鐘左右，聽到個職員問個客要咩鍋，要ABCD咩餐，請問閣下公司職員可以俾返小小尊重我嗎？想打來訂枱食野姐🤬🤬🤬🤬

好少喺度打食評，但係今次食完都想喺度讚一讚，希望老闆睇到keep住。先唔講食物，服務同環境都好好，好貼心。佢預先擺低個湯底先帶你入去，一坐低已經有個暖暖地嘅鍋 (平時啲火鍋舖話就話120分鐘，頭嗰幾個字淨係個湯底都拖你兩個字)由於服務好快，好有效率，其實食到一個鐘頭左右真係開始飽，可以慢慢坐傾吓計，唔會有一種好趕嘅感覺。因為我係閒日去，比較晏先入座，食完冇人排隊，截咗單但職員無趕我走，俾我地坐下傾下計。呢兩點好重要，食火鍋都係想同朋友坐低傾吓計，成日俾人搞到趕頭趕命，到咁上下又趕你走又盛好唔舒服，但呢間好貼心，安排得好好。嘢食好好，食材都好新鮮，泰式椰汁糕、珍多冰、蝦餅等等都好味，有得自己捉吓蝦同埋貝殼類，而且冇限你攞幾多，都好信任客人同埋俾客人自己玩，呢啲安排都係增加打邊爐體驗嘅樂趣。雖然價錢方面唔算特別平，不過服務同埋食物都好好👍🏾 起碼俾錢嘅時候覺得值🤣 希望店舖推出多啲優惠～保持呢個水準

同朋友諗住打邊爐，見到呢一間有泰國特色嘅邊爐湯底，咁梗係去試吓啦。我都唔算好遲嚟到，大約6:30到咗，拎咗張飛，因為打唔到電話book位，我哋只係兩個人，大約要等個半鐘先至有位。因為我太想試嘅關係所以先至冇離開到我哋揀咗泰式喇沙湯底，嘢食係任食嘅，而我哋揀嘅套餐係B餐，即係中等價錢，大概加埋一每個人$300左右。自助夾嘢食嘅位置，有好多唔同嘅丸同菜，我最鍾意食嘅熟食就有海南雞，最特別嘅係仲有買泰式奶茶可以俾你揀你飲，點解舖頭有人特別嘅就係所有嘢都係自助形式，就算你要加湯都係自助既。嘢食嚟講總括都算係新鮮同埋好食。

打邊爐最重要係咩？我會話係湯底！呢個豬骨白湯鍋應該係我食過數一數二好飲既湯，濃而不油，呈奶白色的豬骨湯，骨味醇厚，回味足，白豚肉同牛板腱煮完後，不用加任何調味料，都已經好好味😋湯底正，加咩材料落去食都好正小食部分，泰式榴槤炸彈都係我當晚三甲推介之一，上碟時候相信係岩岩炸好，一切開榴槤漿湧出，榴槤香氣撲鼻，餡料味道濃烈，真係令我榴連忘返🤣每位附送一件既韭菜餅都好好食，韭菜餅飽滿，一口咬落去仲會爆出鮮甜肉汁，同時又有韭菜的香甜😍不過只限每人一件，如果想食，唯有等下次再黎既時候先品嘗

Yeah，又到星期六放假，可以訓到自然醒☺️起身之後全日都冇食過野，唔打邊爐真係對唔住自己，不過散叫會好貴，所以想搵d係任食，質素又唔差既店舖，上網望到泰金鍋食評同相片都幾好，即刻出發食好野👍🏻👍🏻👍🏻飲品檯好多選擇，一晚都未必試得哂，炸物好快就到，我幾喜歡泰式蝦餅同埋水牛芝士，蝦餅炸得唔會過左火，同埋唔會好油，水牛芝士外脆內軟，好邪惡但芝士迷一定會叫❤️❤️❤️安格斯牛一d都唔韌，食過真係返尋味，牛舌我鍾意佢唔會好厚，薄薄地一片，好有咬口又有肉汁😋😋😋墨汁墨魚丸口感爽滑彈牙，最後當然要食菜降低油膩感🙈🙈🙈

熱辣辣嘅天氣香港人都係咁鍾意打邊爐🤣🤣今次試咗一間唔同以往台式港式嘅體驗 係坊間少見既泰式邊爐放題環境乾淨 新鮮海鮮蔬菜肉類 多款泰式甜品及小食 泰國風味火鍋湯底呢個餐廳大方唔吝嗇 出面自助食物區域都長期有人refill 而且有得生捕海鮮玩得又食得🥰B餐 澳洲產頂級草飼黑安格斯$268/每位冬陰功X青檸椰奶雞湯冬陰功香濃香草味 唔會太辣椰奶雞湯味道香濃 微酸充滿椰香的味道1️⃣任食生捕海鮮新奇又好玩 沙白 聖子 蝦都好新鮮蝦更加係好生猛 要先係冰桶入面放冰及水 先會令佢凍暈 否則佢會跳出來🤣2️⃣泰式小食推介用QR code落單 小食質素都唔差有炸魚皮 韭菜餅 榴連炸彈 泰式鳳爪 木瓜沙律 沙嗲串燒3️⃣開始可以正式打邊爐😂用QR無限肉類供應 有西班牙白豚肉同安格斯牛 仲有比較特別嘅牛舌 口感爽彈食到咁上下可以出去自助區 有大量丸類蔬菜類 任君選擇4️⃣任食泰式甜品及雪糕正正正 本身對椰汁西米糕有私心 食左5舊超滿足 仲有可愛好Hit既泰國熊貓雪條 泰金鍋旺角彌敦道601號創興廣場6樓

夏天最岩就係食酸酸辣辣既野，所以年年夏天我都會飛去泰國玩幾日，但可惜疫情仲未有得飛，但唔緊要，自製泰國遊一樣可以😎去泰金鍋就得，食物夠正宗，泰味濃厚，想食咩泰國菜式應該都有因為太熱關係，未打邊爐已經整左杯珍多冰黎飲🤣加左綠豆粉條、椰汁、椰糖同冰碎，好爽，解暑一流，之後再整碗木瓜沙律，都幾辣，辣度同泰國食到既有得揮🌶真係辣得幾過癮店員話肉類同串燒都係任食，叫左西班牙白豚肉試下，豚肉唔會薄到透光，有一定厚度，同埋唔會過肥，最怕食豬肉就係大部分都係肥膏，肉就得丁丁咁多，但呢到完全冇呢個問題👍🏻泰金鍋地址: 旺角彌敦道601號創興廣場6樓

上星期老公生日，問佢想食咩，佢話冇所謂，咁就揀我想食既野🤣睇緊香港好去處就碌到有關這餐廳的介紹，forward比老公問佢想唔想食，佢話好耐冇打邊爐可以一試，就即刻打電話訂檯✌🏻入座後第一時間就叫湯底，有藥膳豬骨白湯鍋、泰金冬陰功鍋、馬來娘惹叻沙鍋、青檸椰奶雞湯鍋、檸檬香茅鍋、泰麻辣鍋，我地就揀左mix鍋😋小食叫左泰國蝦片，好脆好大塊，好有口感，肉類好快就送到，今日既牛板腱同牛舌色澤都幾好，pink pink🐮肉質鮮嫩腍滑，牛味濃郁，老公起勢咁淥牛肉🤣另外泰式雞寶同榴槤炸彈好香口，好似新鮮炸出黎咁，唔覺唔覺就食哂成碗😍炸豬皮就咁食都好正，或者加落湯到當炸魚皮咁食

✏️睇完戲搵地方醫下肚仔，創興廣場比較多選擇，見到餐廳單張好似都唔錯，新開就試下，場地都幾大，光線充足，冷氣都大，唔會熱辣辣，揀左個c餐，可以任食Black Angus，一般泰式沙律好似木瓜沙律、泰式酸辣無骨鳳爪沙律都係任食，小食方面有幾項都幾特別，芝士燒辣脆皮年糕、菠蘿燒汁脆皮年糕、肉鬆蛋黃脆皮年糕好有台灣感覺🤣✏️豬皮油炸完出黎很蓬鬆同酥脆，冇豬皮的腥味，可以當零食咁食，男朋友就重口味，佢自己配搭埋青皮辣椒同豬皮食，出奇地夾😆牛胸腹切得都幾靚🍖粉粉嫩嫩又有油脂，煮佢幾十秒就食得，岩哂我呢d心急人士✏️另外我地仲叫左台灣蛋餃、水魷、魚腐、海魚肉麵，魚麵唔多機會有得食，依家有當然唔放過，份量1人份，唔會好多，唔洗擔心會食唔哂😌

話說昨晚去食 9點45分左右入座 職員係門口話11點last call 11點半要離座 我地開頭都OK坐左20分鐘左右 個職員話你地係最後一台 要買單先 都明白的 理解到想早啲埋數 但離譜的是未到11點25分就同我地講要夠鐘交枱 我地都話清楚知道 28分又call多一次 會唔會太過分呢 其實都未到11點半 食都未食完就準備黎收野 想講想趕人走都唔洗咁樣嘅服務態度 下次唔會再幫襯

之前見到好多Foodie都想過去呢間野，好似好多野食，好正咁~加上泰式嘅火鍋比較少見，所以我都決定提早Book定枱上去一試😂上到去已經好多人排緊隊，好彩提早book咗位，好快就入得啦！！！因為我同朋友都有想食嘅湯底，鴛鴦鍋又要加錢， 索性就一人一鍋試下， 反正價錢一樣👍🏼我哋叫咗個冬陰功湯底同埋檸檬香茅鍋😱 冬陰功湯底ok嘅， 酸辣都唔錯！ 檸檬香茅我以為會好清新，點知冇咩味， 完全唔值得叫😑😑😑出面嘅小食都唔算太多， 一眼可以睇得曬，都係有條魚、海南雞飯、肉碎同埋白咖哩蝦， 然後仲有幾款泰式甜品，泰式飲品，同埋雪糕☺️丸類嘅款式都OK， 其實普通打邊爐都夠㗎啦👍🏼不過我自己覺得佢甜品真係麻麻地，你就正常啲就係個芒果糯米飯， 泰式奶茶都ok， 其他就不過不失啦~出面嘅熟食如果畀人攞曬，就要等下一輪， 都等得幾耐下，游水蝦都一樣， 畀人攞曬就冇㗎喇😂 你會見到啲人瘋狂咁樣拎一大兜蝦， 其實唔係好夠分😢整體嚟講我覺得都算合格， 但係未吹捧到真係好好食， 同埋款式唔算多， 可能抱著太大期望去食， 就有少少失望。如果想去食嘅朋友仔， 唔好太大期望， 就唔會太失望啦👍🏼 因為都唔算好差， 只係冇平

今日食120分鐘晚市放題套餐，我哋揀左set B， $268 一位，蟹子墨魚滑，澳洲產頂級草飼黑安格斯，有好多野食，安格斯牛，牛舌，豬，海鮮，不同嘅丸同蔬菜，重有泰式蝦餅，青木瓜沙律，鹽燒鰂魚，蟹子墨魚滑，不同款色水果同飲品，雪糕，個湯底有好多選擇，重點糸一人一鍋，好乾淨，自由選擇，坐嘅地方都算寬闊，飽到反肚離開