泰象館

营业中

休息中

想起家人喜歡吃泰國餐，便決定去九龍城吃晚飯，我們路過這間泰國菜餐廳，雖然店內環境不算寬敞，但店內的顧客挻多，食物的質素應該也不錯，而且清潔衛生，給我們一種很舒服的感覺，看見餐牌上食物的選擇很多，價錢又合理，便決定入去試一試冬陰公 ($72)爽口微彈的菇，清鮮甜美又大隻的蝦，冬陰公湯辣中帶點酸，口感豐富又特別雞牛豬串燒三拼 ($75)串燒即叫即燒，所以食物的熱度十分足夠，厚身的雞肉稔香軟彈，豬肉煙韌彈牙，牛肉軟彈煙韌，配上自家制的沙嗲醬，這樣的配撘恰到好處，十分有泰國風味馬拉盞炒通菜 ($60)通菜新鮮，雖然用馬拉盞抄，但味道恰到好處不會太鹹，通菜的份量十分多南瓜焗海鮮飯 ($98)將原個南瓜挖空，十分有心思，爽口微彈的魷魚，鮮甜的蝦，軟綿綿的炒飯上有糊狀幽香清膩的南瓜蓉和椰汁，味道香口清甜整體來說，食物的選擇很多，食物的質素非常不錯，價錢相對合理，店員有良好的服務態度和有禮貌，所以我認為這間餐廳值得再去惠顧

其實之前食過一次，覺得味道同價錢都ok，所以趁生日前夕再去食多次，book左星期5晚8點3兩位。去到已經見好多人等緊位，亦都知星期5多人，book左位都可能要等，但佢畀位嘅手法真係搞到人一肚火。首先，我地8點去到，見佢開頭入左2張2人枱，之後就無再入過，之後就不斷入啲4，5，6人位，後尾我地等左半個鐘，見佢完全唔再入2人位，問佢等幾耐剩係識話就快，但見到幾個比我地遲唻，但係3，4人，攞飛嘅，都快過我地入！我地2個喺門口由勁多人等到無人，足足等左成個鐘都無得入！明顯唔做2人客生意，book唔book位根本無分別，只要係4人以上，唔使book位等一陣就有得入！最離譜係見到有6個人，明顯係老闆啲fd,同個老闆揮下手，唔使2分鐘就有得入，但之後唻左個客，明明book左4人位，問返個老闆，個老闆竟然話唔知佢唻左，好明顯就無嗌名。雖然等左一個鐘位，半途而廢有啲居，但我地未食已經一肚火，最終都係決定走。所以我強烈勸喻2個人嘅唔好去食，因為你將會等到天荒地老都無位。

朋友是粵曲迷，不但拜師學藝，有時還參加曲藝表演。昨天下午她在高山劇場演出，邀請我們前往支持。聽畢粵曲五時多，我們乘車往九龍城潮發買潮州豆豉，再找地方吃晚飯。九龍城是泰菜天下，這裡大大小小泰餐館，不下數十間，分佈大街小巷。我們行到泰象館，店小小，頗光亮，便入去坐下，見大部分座位已預留。我們根據牆上圖片，要了海南雞半隻、飛天通菜、菠蘿海鮮炒飯及椰青兩個。海南雞真是失敗之作，味道怪怪，似乎是擱久了的雞再翻熱。通菜則很好，醬汁不太辣，濃濃馬拉盞香味，菜很鮮嫩。菠蘿炒飯講明炒飯，半邊菠蘿只作容器，不是原個焗。幸好飯內頗多菠蘿肉，再加上臘腸粒、海鮮粒、蝦、腰果及肉鬆，混合南薑、蛋炒，味道豐富。椰青新鮮，大小合理。街坊小店，質素算是不錯。

講起九龍城人人都諗到 係小泰國 係香港嘅小泰國 去到梗係食泰國菜啦 係林林總總嘅泰國餐廳 最後我哋選擇咗 泰象館 兩個人七點零鐘去到 門口已經好多人好彩都唔使等好耐等咗大約15分鐘 就已經可以坐低一點裝潢好光猛不過同九龍城泰國舖嘅裝潢 大同小異地方都係比較淺窄 我哋今次叫咗 一個串燒 生菜包 同金邊粉, 串燒三種唔同肉類 分別有雞牛豬 統一般嘅泰國餐廳佢咬落外表熱辣辣 內裏唔會燒到乾曬好似食肉乾咁， 生菜包定係我嘅至愛可惜明明叫小辣 都算係幾好食不過好似少咁咗就青 檸檬 嘅感覺 唔夠泰國風味 至於金邊粉 一如泰國餐廳嘅本色，好好味，最重要外面包咗一陣蛋絲令到成個金邊粉更加豐富唔係單單一陣味道 ， 總括嚟講 係抵食嘅 希望下次可以再試芒果糯米飯芒到隔離枱嗰碟好似好好食

在云云泰國菜館中， 九龍城泰象館就最深得小編歡喜～😎 因為每次來，食物質素一直保持着水準，價格又合理。👍🏻 泰象館所有泰國菜式應有盡有， 小食、沙律、湯、燒烤、飯麵和炒菜有， 連二三四人優惠套餐都有。 不過我們最後還是選擇單點，選自己喜歡吃的。🙈 食泰國菜，食生蝦刺身是基本吧！😏 生蝦刺身（$98） 一份有6隻大生蝦，每隻都很厚肉，😍 再蘸上以生蒜、辣椒和香草所調製的泰式酸辣醬汁一起吃，微辣惹味！😋 最重要是沒有多餘的雪味， 蝦肉感覺新鮮爽口有彈性。👍🏻 酸辣豬頸肉沙律（$70） 燒得皮脆肉軟的豬頸肉，肉汁味美， 拌着炒得香口的紅蔥頭、蔥、芫茜等多款配料，酸辣鹹淡調得剛好，微辣惹味！😋 配上新鮮的西生菜， 像生菜包的吃法一樣， 吃起來更可去一去豬頸肉的油膩感，很不錯！👍🏻 而且份量也不少，真的很抵食！🤑 蛋包鮮蝦金邊粉（$70） 蛋包金邊粉不常見， 但小編第一次見就在「泰象館」裡，感覺很有新意！😎 食左咁多次，今次就第一次寫食評。🙈😂 煎得金黃的蛋把金邊粉包好，不但美觀，又有保溫的作用～ 顏色炒得均勻的淺橙色金邊粉，乾濕度恰到好處！👍🏻 而且入口微彈，灑上新鮮檸檬

今天經openrice訂位晚市6點，去到竟然無我記錄，我有確認email在手，但因6點人數不多，所以即刻能入座。我兩個人去，滿心歡喜點咖哩炒蟹，膏係幾多，但蟹不新鮮，而且半隻肯定是死蟹，肉好梅，另外半隻還可以，但沒有鮮甜味，我能肯定是溝了半隻死蟹一齊煮。另外點了生蝦，還可以，燒元貝過熟，飛天通菜，亦是一般，細煲翅還可以。以上埋單$689唯一是價錢實惠食蟹無濕紙巾，無盤水洗手無人清蟹殼碟食到好狼狽講味道無驚喜不會再光顧

不專業食評一則適逢朋友生日，經過一番爭論。最後決定試試出出地名既泰象館。叫左七樣野食。第一樣極速送上係生蝦刺身配泰式辣汁都ok啦 冇特別既感覺。未去到食完好滾動既程度。飛天通菜（福佬推介）感覺馬拉盞會好食啲。呢間嘅馬拉盞我比五粒星，佢就四粒半。如果黎呢間到食通菜，試左馬拉盞先蛋包鮮蝦金邊粉如果一上檯就食係唔錯既，但當放耐小小已經較乾，口感較差。各人口味。朋友讚不絕口，而我就比三粒星。炸蝦餅拼魚餅配泰式辣醬（福佬推介）呢個魚餅絕對有驚喜，一開始以為個蝦餅好食啲點知原來係個魚餅仲好食。魚餅一邊加左秘製醬料，絕對係一流。一般。呢個餐牌比左兩條辣椒福佬我唔係好食得辣，感覺佢辣左小小。但當你包埋生菜一齊食，就岩岩好，又係一對天作之合。冬蔭功。唔需要多講。辣度係福佬可接受，蝦好好味。

九龍城出名多泰國菜，水準仲幾高添，所以想食泰國菜既時候，都寧願去遠少少，今次就試下泰象館啦！青檸梳打冇乜甜味，有少少青檸既酸澀味，所以幾清新開胃！椰汁冰相對甜，椰子味好重，仲有椰汁啫喱添！芝士蝦丸份量超大！外層好脆，蝦肉位置實左少少，中間載滿香濃既芝士，雖然好邪惡但好正！串燒都好大串，雞肉淋滑，豬肉彈牙有口感一啲，牛肉就好鮮味，燒得juicy又惹味，唔錯！好鍾意食金邊粉，呢度既金邊粉濕潤度適中，咬落好煙韌，甜甜地，好開胃，仲有好多大蝦，蛋皮薄薄一層，水準高！呢度食物份量好大，兩個人都食唔哂，仲冇加一，真系好抵！

幾個朋友難得一聚，點到滿桌都是食物。正常不過不失，帶點微辣 (每次吃泰菜都會點，完全是取代吃飯的需要）湯挺足料的，而且蝦吃下去亦大隻爽口 完全是開胃之選，好喜歡吃菇菌賣相吸引~但雞皮比較肥厚，而且雞也未夠嫩滑，有點小失望金邊粉多了一股蛋香，內裡依然保持著熱力加點青檸汁又有另一番風味烤物挺出色的，炸粉不算厚至金黃色內裡啖啖肉 泰式辣醬一直是完美配搭豬頸肉是清得最快的一碟，大家都停不了口烤過可以增加口感又能鎖著肉汁通菜在家總是煮不了在外面吃的風味，不會太鹹味道剛剛好有種鑊氣~通菜爽口 醬汁可以均勻地分佈在每條菜上另外飲品的椰青好清甜解渴！

跟朋友們臨時約吃飯，想起很久沒有吃泰國菜，於是就去九龍城覓食啦～～九龍城泰國菜選擇實在太多＠＠＂我們決定選一間還沒吃過的來試試看～就這樣我們發現了泰象館，因為門口的燈牌蠻搶眼的，哈哈！！我們到的時候才６點半，當時只有一枱客人，一開始還以為因為是星期一會沒什麼人，結果７點多就坐滿了下次來還是先訂位比較好！！泰式生蝦刺身每次吃泰國菜這個都必點的嘛～刺身很新鮮，醬汁好像比一般的辣，不過很惹味就是啦酸辣鳳爪這個也是我的最愛！！！現在想起來也快要流口水了～～酸辣度剛剛好，不會偏酸或偏辣泰式煲仔翅這個是老闆推薦我們吃的，那當然要試一下咯～我們點了一碗小的，因為怕大的吃不完，可是小的也有一大排翅超好吃的！！馬拉盞炒通菜焗椰青海鮮炒飯份量超～級～滿～的一個焗飯它整個連椰青裡面都充滿飯，完全不是隨便塞點東西在椰青裡裝很多喔～而且上菜時就已經聞到一陣一陣椰香味，椰漿很多，海鮮也很足料，超有誠意的一個飯串燒三併我們都異口同聲的說沒看過肉這麼多的串燒通常都小小一串的，這個每串都啖啖肉！！！而且烤得很香，肉又很滑，很讚！！椰青只能說....超～鮮～甜我找不到其他形容詞了，哈哈！！總括來說這一餐真的超滿意，將會成

九龍城一向是泰國菜集中地，知道好友十分喜愛泰國，所以今晚就到九龍城吃泰菜，好好跟她們聚聚。由於時間太早的關係，店內未算太多人，店內格局整潔，餐牌選擇非常多，我們要相討一會才可決定要點什麼。生蝦刺身生蝦新鮮彈牙，蝦肉鮮甜，沾上醬汁更能帶出鮮蝦的甜味。酸辣鳳爪沙律酸酸甜甜的醬汁非常醒胃，鳳爪爽脆有咬口泰式煲仔翅（小）煲仔翅材料十足，有芽菜，冬菇，還有一大片魚翅，湯底鮮甜，魚翅爽口串燒三拼（雞牛豬）串燒肉質嫰滑，完全不嚡口，而且仲有肉汁，十分香口加上沙爹醬非常惹味焗椰青海鮮炒飯份量十足，有好濃郁的椰子香味，內裏有大蝦，青口，鮮魷等等嘅海鮮，再加上椰子肉，令人不由得一口接一口地吃。椰青 - 椰青水清甜美味餐廳所有食物我們都非常滿意，店員亦相當有禮貌，今餐真是大滿足。

Kowloon City, aka thai town in Hong Kong, never disappoint me in thai food. Today my friend and I tried this place. We arrived at 7pm and it is already full. It has a good decor with lots of Thai style handicrafts. For the food, we ordered: - pork collar - stir fried baby cabbage with garlic ($58)- pad thai with egg - tom yum gong (serving of 2)The pork collar is EPIC. My friend said it is the best pork neck in town. It is little burnt outside, yet tender and juicy inside. Nothing to criticize a

九龍城必定是我食泰國菜的首選地區, 每一間泰國菜館總有一位泰國廚師, 今晚我遇到了大師級廚師當晚八時到達, 門外已經有幾檯客人等候入座, 黃色招牌十分清晰鮮明店內燈光光猛, 環境乾淨整齊坐得舒服, 還有一張大圓檯, 適合一家人用餐牆上餐牌圖文並茂更設置電視機, 不過要注意繁忙時間用餐是90分鐘打開餐牌食物種類選擇多, 先黎兩款小食炸皮蛋球一客8件, 但係件件都大件足料, 炸蝦餅平時食得多, 炸皮蛋球就是蝦膠黏著皮蛋炸熟, 外層好脆, 唔會油膩, 亦唔會一咬就散開, 比起炸蝦餅, 此款食起上來更多一份層次燒雞全翼 - 單點$15/隻, 燒得絕不馬虎, 外層有少許燶帶點脆口, 用竹簽叉住令雞全翼拉直, 易進食, 一點雞手鴨腳的感覺都沒有冬陰公海鮮湯(細), 餐牌上單是冬蔭公湯已經有四款選擇, 冬蔭公湯(小)$72的就是配大頭蝦, 而我們點的是另一款冬蔭公湯, 裡面有蝦/青口/鮮魷/菇類,足料！酸辣既程度恰到好處, 淡淡椰香味加上冬蔭公既香料, 小份都可以分到3-4碗泰式濕炒河(牛肉), 可選豬/牛/雞配料, 河粉用上闊身河粉, 夠晒獲氣, 加入麵豉醬煮既獻汁, 甜甜地食不停口, 想醒胃

見到呢間泰國餐廳入左圍優秀開飯熱店， 所以趁着同朋友聚會嘅時候就揀佢一齊試吓。九龍城嘅泰國鋪開到成行成市，確實有好唔同嘅選擇，接近夜晚七點鐘呢間餐廳就開等位，但係隔離嘅泰國餐廳都唔使等位架！餐牌菜式大同小異都係泰國餐廳應有嘅款式，唯獨係覺得呢到有好多唔同創意既菜式，同埋呢度全日免加一，上菜速度都頗快👏🏻👏🏻蛋包金邊粉：黎到都見到買相已經覺得好靚，平時嘅金邊粉好少會用蛋包包住金邊粉，加上呢度嘅蛋包係好薄嘅蛋包絲包實金邊粉，不得不讚師傅嘅功力！金邊粉炒得夠乾身，正常發揮👍🏻炸芝士蝦餅：全晚嘅焦點所在，平時我已經十分之鍾意食炸蝦餅，加上芝士迷既我係餐牌度見到咁特別就即刻舉手order !! 本人覺得佢幾抵食，總共有八粒切開咗一半嘅蝦餅，但係粒粒都好大粒，Size大約係小朋友嘅拳頭！蝦餅爽脆彈牙，中間開咗個窿裝住芝士，濃郁嘅芝士扣住蝦肉，果然冇失望！唯獨係要盡快食晒，因為中間嘅芝士會好快凍椰汁咖喱雞配蒜蓉包：雖然我哋揀咗唔辣嘅咖喱食，但係仍然有濃郁嘅咖喱汁味，加埋椰漿撈埋一齊，配埋蒜蓉包，正！芒果沙冰：芒果味濃，而且又唔會好甜，解辣解熱氣一流。

今晚試咗一間泰國餐廳，裏面環境光鮮，清潔衛生，而室內佈置主要以泰式為主，掛滿泰國風情神像畫，滿有泰國風俗氣氛。推介大家試一試"原隻菠蘿海鮮炒飯"價錢尚可，唔算貴，食材豐富，有魷魚，鮮蝦，鮮蠔等海鮮，另配上肉鬆，提子乾同菠蘿味道鮮香酸甜，愈食愈開胃。另外，可以試一試"豬頸肉炒芥蘭"味道酸辣，大大塊豬頸肉香口唔肥膩，而且份量十足，一碟可以兩個人食添！食完主菜，當然要食甜品啦！推介大家試"芒果糯米飯"熱辣辣軟綿綿嘅糯米飯再配上酸甜嘅芒果同淋上椰醬，湧出清鮮甜美嘅椰香，喺食甜品嘅首選。