泰象館

营业中

休息中

是日廿四孝去接放工點知因為紅雨塞車遲左好彩冇被咋形🤗搭個小巴落九龍城跟blogger搵泰菜食同寶講開今日呀媽先煲完個南瓜腰果素湯我飲，所以今晚特別想食多轉南瓜入饌既餸😋結果係兩個都好熱氣既情況下都忍唔住叫左呢味真係好正，雖然軟殼蟹似係翻炸兩個人食份量岩岩好咖哩唔辣，岩哂唔食得辣既我南瓜肉夠粉，個汁夠creamy忍唔住食左兩碗飯🤦🏻‍♀️食到一半先記得影相🤦🏻‍♀️ 寶未食過椰菜苗所以冇揀通菜比佢試新菜就咁食就偏咸，但送飯ok但食完係暴雨下都比人趕走😭😭😭

星期五放工緊係黎同朋友好好食餐飯relax 一下, 唔洗趕頭趕命所以可以老遠黎到九龍城食泰國菜！七點黎到已經人頭湧湧... 等等等等咗個幾鐘終於入得啦⋯⋯入到去拿拿聲揀野食，首先揀咗食泰國菜必食既生蝦，老老實實佢都算係鮮甜！然後又揀咗食泰國菜必飲既椰青水，大大個👍🏻炒蜆睇落唔算大碟，但蜆肉都幾多又入味👍🏻好過大碟無乜肉跟住到我最期待既咖喱蟹啦，個個都話個咖喱好正，真係好滑好香呀😍，我食汁多過食蟹，實在太好味😍跟住食埋蟹，已經完全比咖喱汁覆蓋晒！正！好開胃叫埋個芒果糯米飯，好多椰汁，芒果又甜唔會太酸食埋就啱啱好！最後咖喱汁太好味，我打包咗返屋企撈飯食👍🏻👍🏻下次一定要book 定位

尋晚同老朋友一行4人去九龍城食泰國菜,已經預早book左呢間泰象館,之前睇D評價都唔錯,所以試下.天氣炎熱,book左7点我早到左5分鐘,坐低嗌左支啤酒解下暑,唉.....唔對路,見到細細字寫住*繁忙時間,用餐90分鐘*知道瀨嘢中伏,你估食放題呀！同老朋友敘舊吹水梗係會坐得耐D架啦,,90鐘睇場戲都唔得啦,我大概7点坐低,我D朋友7点半先到,坐低無幾耐,有條麻甩佬唔知老細定係伙計成日眼望望,條友8点半巳經問仲有冇嘢要叫,無就埋單,大佬呀,邊有食得咁快呀,你估競食鬥快咩！嗌咗D嘢又出得慢,都去左半粒鐘啦,你哋慢又關D客事？食飯梗係坐下傾下再嗌D嘢食啦,好過你開過枱新客啦,賺多嗰幾舊水,咁就趕客,邊有番轉頭架？点解book枱果陣你唔同我講限時？？你講左我心甘情願,其實會唔會幫襯不外乎4樣嘢,*食物味道*環境*服務*價錢*講真D食品味道普通,比較咸同重味道, D服務唔駛講已經唔合格,好想你食完快D走,價錢又唔係好抵好平,環境一般冷氣唔夠,呢間嘢無下次,真係太監讀神學無得救,繼續咁做生意一定聽摺埋,我講嘢唔會呃人,信者得救！

黎到九龍城梗係食泰國菜.. 係門口俾南瓜軟殼蟹吸引住 我同男朋友都係愛軟殼蟹之人 所以就黎左呢間食喇！ 座位都幾寬闊..唔會話坐到逼住逼住咁酸辣鳳爪沙津 夠辣！好入味！ 最驚食到酸味勁重而又唔夠辣 但呢個岩岩好！ 炸蝦餅 估唔到有8件咁多！ 平時食開都係得4至6件... 蝦餅即叫即整，一上枱熱辣辣，外脆內彈牙！ 唔錯唔錯南瓜軟殼蟹 一上枱已經好吸睛.. 咖喱裝滿哂成個南瓜.. 咖喱唔辣..甜甜地既. 軟殼蟹好大份 炸到脆卜卜.. 點住咖喱 配埋薄餅食 正 薄餅食得咖喱 梗係要配薄餅或者蒜蓉飽 今次叫左份薄餅 有成8塊咁多.. 唔油 最驚係食到滿咀油 香葉肉碎飯 一黎男友唔夠飽，又唔想淨叫白飯； 二黎可以將咖哩點下飯食都得 肉碎炒到好香 可能因為啲香葉關係 男朋友呢餐食到好飽 好滿足 啲食物好新鮮 食物上枱都係熱辣辣既 咖喱軟殼蟹真係好好味 下次要再黎試下蛋包金邊粉

太太今天想食泰國菜,我做老公既當然要找間又抵食又好味既泰國菜館同老婆嘆吓啦, 我雖然知道食泰國菜梗係去九龍城, 但咁多間去边間好呢? 想起有個朋友常食泰菜, 梗係詢問他的意見, 他介紹我這間 - 泰象館, 我拿拿聲去訂位, 好彩訂到。我同太太晚上六時準時到, ㄧ進內看到牆上掛滿泰國佛像畫布及飾物, 好有泰國feel 。食物種類繁多, 仲有套餐㖭, 真係花多眼亂, 不過由於得我同太太兩個人, 所以決定散叫。天氣咁熱, 先來兩杯芒果沙冰(每杯$29), 急不及待飲咗先, 好香芒果味, 甜度適中, 非常解渴。生蝦刺身($98)(有六隻) - 蝦肉大大隻, 好新鮮,食落非常爽弹，口感豐足， 配上泰國常見既酸辣酱汁, 好醒胃。馬拉盞炒通菜($60) -D菜新鮮幼嫩, 配合馬拉盞炒, 好濃郁的惹味，係會食唔停口, 正 !芒果蟹肉炒飯($70) - 唔會多油, 粒粒分明, 多蟹肉, 加上酸甜芒果肉, 食兩碗都厭唔夠。蝦餅併春卷($72) - 有双併真好, 可以同時試到兩款。蝦餅好彈牙, 春卷入面有好多料, 兩款都炸得好脆, 配上甜酸酱, ㄧ流。最後埋單盛惠 $358, 這裡寫明不收加ㄧ, 今時

九龍城，素有小曼谷之稱與媽咪拍拖食飯，既然說到要食泰國菜，又點能唔去九龍城搵食？7點多行經呢間餐廳，已經見到人頭湧湧，咁多人食似乎一定無死，就決定同媽咪入內試一試佢店面裝修十分泰國化，滿滿嘅泰國掛畫，雖然店面不大，但幸好餐桌不算細，坐得還挺舒服有晚市餐似乎好抵食，但同媽咪得兩個人驚食唔哂，所以冇叫餐，都係散叫😂一坐低咩都未叫即刻叫左杯鹹檸七飲先， 夠鹹夠酸，行到熱辣辣超解渴豬肉生菜包豬肉唔乾，好juicy!!!而且夠酸夠辣，仲有好香既泰式香料味，夾埋生菜食，唔油唔膩，夏天食一流鹹魚炒芥蘭呢度用嘅鹹魚唔係平時泰式餐廳用開梅香嗰隻，而係硬身脆脆地既咸魚，咸香味不減，但呢隻咸魚似乎入口更多層次更有口感，唔似平時果隻得個死鹹，而且芥蘭全部擇過揀過，炒出黎都係菜比較嫩既部份，唔會食到一口都係渣泰王秘制鰂魚魚上面全部都係酸酸甜甜既青芒果沙律，配上腰果同香菜一齊食，口感十分豐富 最驚喜係佢嘅鰂魚已經全部處理好晒，切好哂一塊塊唔使自己揀骨，外面裹既粉唔會太厚但又夠脆身，魚肉嫩滑唔會炸到乾哂，d魚骨炸到脆卜卜一咬就可以吞，點埋佢呢個沙律醬，酸酸甜甜一啖一塊，好過癮呀九龍城既泰菜多如繁星，但能夠脫穎而出既

黎得九龍城就梗係食泰國菜啦，所以今日就同埋三五知己嚟到九龍城，試下呢間-泰象館餐廳人唔算多， 勝在夠企理! 以最緊要嘅係食辣嘢一定要冷氣凍， 呢度嘅冷氣夠曬凍!餐廳仲提供咗幾個套餐可供選擇，如果唔想食套餐就可以散叫，價錢都幾相宜!先黎幾個飲品開開胃， 我揀咗椰青而朋友揀咗芒果沙冰， 椰青雪過所以好冰凍， 飲落清甜，芒果沙冰就大大杯頭盤係酸辣鳳爪沙律，都算幾辣! 辣辣嘅鳳爪配埋酸酸甜甜嘅沙律菜，無得輸!泰式生菜包嘅賣相都唔錯， 佢用嘅豬肉半肥瘦，所以用生菜包住食嘅時候口感更有層次泰式生蝦夠新鮮翠綠嘅椰菜苗食落爽口， 油唔會太多，所以無肥膩感泰式蝦餅大大件， 食落口全部熱辣辣， 點啲泰式辣醬更好味!南瓜海鮮炒飯好大個好香， 炒飯全部粒粒分明 ，海鮮配料好多 ，四個人先勉強食得曬， 鍾意食南瓜嘅人一定鍾意!最後黎埋明爐烏頭清湯， 條烏頭魚好大條， 並用清湯放在窩內煮，而粉絲索曬清湯同魚香，無得頂!總結呢間餐廳嘅泰式食物，除左泰式風味外仲結合咗香港人口味嘅元素， 所以好適合香港人口味!而且價錢相宜，值得再黎

九龍城出名係泰菜嘅集中地，但往往花多眼亂唔知揀邊間好!今日同太太及兩個好朋友， 誤打誤撞揀咗一間叫泰象館嘅泰國菜。淨係睇門面同普通泰國菜冇咩分別， 但係望入去入面算好乾淨，而且價錢都唔貴，所以就一於揀呢間。餐廳內擺放咗好多泰國既擺設， 感覺有啲似置身喺泰國嘅泰式小館。 入面餐廳畀我嘅感覺係好乾淨企理。睇佢哋牆身亦有幾個套餐可供唔同人數供選擇。 並有圖展示一啲特色泰國小菜可以選擇。 我哋四個人 選擇咗佢嘅Set A另加小菜。豬肉生菜包基本上係我去泰國餐廳必食嘅選擇! 佢哋嘅生菜包有少少辣， 用生菜嚟包住辣辣嘅半肥瘦豬肉， 食落特別惹味。椰菜苗係泰式小菜特有，同樣係每次都會點! 我發現唔係間間都炒得食同有鑊氣， 但呢間真係炒得好好味，唔會太鹹英唔會太淡而咸魚炒芥蘭， 芥蘭非常新鮮， 配埋鹹魚一齊炒特別有鮮味。泰式鳳爪沙律 無骨鳳爪比較辣， 太太話太難食唔到 ，但我本人就覺得辣味恰到好處， 作為頭盤嘅開胃菜啱唔啱好。泰式生蝦份量唔算太多，但係隻隻都好新鮮!佩埋佢哋嘅秘制泰式醬汁真係冇得輸。鱸魚夠曬大條 酸酸地配埋面層嘅粉絲一齊食口感更加好! 鱸魚嘅魚肉有質感， 食鱸魚就係要配泰式酸汁先好食!

食泰國野第一時間一定諗起去九龍城, 搵左一間之前未去過既泰國餐廳---泰象館。 周日六點多, 門口已經開始有人等位, 直覺上覺得唔會係伏, 於是就決定今晚去呢間試試。餐廳內面積唔大, 牆上貼上多款呢度野食既圖片, 讓我地點菜時更加清晰。 呢度既泰國茶款式幾多, 我地揀左幾款試試。【串燒三拼】HK$75食泰國野必點既一定係串燒, 三併有豬、牛、雞。表面燒得好香口, 驚喜地內裡還保持肉汁, 而且肉質嫩口, 點上較濃既沙爹醬, 味道更加提升。 【泰東生菜包】HK$72第一次見生菜包份量會係咁大碟, 可以揀豬/牛/雞, 肉碎炒後都好多汁, 新鮮生菜包住, 辣辣地….幾惹味【炸魚餅拼春卷】HK$70兩款都炸得好脆, 表面冇咩油, 個人覺得炸蝦餅必食, 咬開入面超級鮮甜, 不過春卷就不過不失, 入面有蘿蔔絲、粉絲等等…味道沒有炸蝦餅咁吸引【原個菠蘿海鮮炒飯】HK$78炒飯粒粒分明, 個飯雖然黃色, 菠蘿味唔太突出, 但配料算係幾豐富, 有蝦、提子乾、臘腸粒、少少菠蘿肉等等…豐富了口感呢間餐廳既價錢亦唔算貴, 唔怪得有咁多食客棒場!! 值得Encorn!!

今天星期日，天氣太熱吾想出街，在家休息兼涼冷氣，日間食埋雪柜d食物，晚上老公説想去九龍城食泰國菜，因為他有朋友食過一間平靚正又好味的，介紹老公去，見不是好遠，我們就出門去食。餐廳位於城南道的泰象館，去到見到多人在等位，我們也不例外，餐廳門口寫住全日不用加一，現在好少餐廳做得到了！椰汁冰：天氣實在太熱，急不及待杯叫杯椰汁冰解解喝!椰奶奶甚濃，甜甜的喝一口，真是透心涼！炸蝦餅拼春卷：蝦餅炸得外脆內彈牙，泰國春卷是我喜愛的，脆脆的春卷皮包住木耳絲、紅羅白絲、粉絲和芋頭碎等，多種口感又好味！串燒三拼（豬、牛、雞）：因為老公吾食牛，所以我們要的是豬和雞，味道入味又燒得剛剛好，點上特製的沙嗲汁，十分惹味！海南雞飯：雞嫩滑飯香，點上特製醬料，味道酸酸的，更加好味！蛋包鮮蝦金邊粉：金邊粉炒得好香，味道甜甜的，鮮蝦彈牙，十分可口！

南瓜咖哩軟殼蟹🦀 $198好特別揾南瓜裝住啲咖哩🥘南瓜蓉同咖哩一齊煮 但係南瓜味唔特出🙈🙈咖哩就好香濃好好味😋🤤撈飯一流😍軟殼蟹就脆脆嘅 將軟殼蟹沾滿咖喱汁 好惹味😍😎佢將軟殼蟹分開擺 可以保留到佢脆嘅外皮😇唔錯唔錯 而且份量都幾大🤗另外串燒都幾有水凖 好大串😍唔會話燒到燶哂 啲肉又少😇一大碟有哂雞豬牛肉 滿足哂三個願望😂😂😂

去親九龍城食飯，當然必選泰國菜啦！不過選擇十分多，唔知入邊間好，所以就係落車附近選左1間天氣太熱啦，唔想行太遠冬蔭公（小）$72呢個冬蔭公好岩我口味呀因爲香茅味一d都唔重，而且酸辣味好適中，超級開胃仲好有料添，隻蝦好大隻呀馬拉盞芥蘭 $60炒得好有火喉，又唔會太咸，味道岩岩好三味炸烏頭 $138呢條魚超吸睛，三味既意思係甜、酸、辣，不過食落既時候只食到甜味，酸&辣味一d都食唔到，所以味道方面不太出眾，有d似港式菜五柳魚，建議佐飯食會好d椰青 $30Fresh到爆登呀好鐘意飲椰青呀

近日週末經常外出，很久沒有在家附近的食肆用膳，其實九龍城已經是個美食天堂。是夜隨意吃個泰菜，這間菜館人氣旺盛，即是要稍等都決定一試。生蝦刺身，蝦肉大隻飽滿，頗為清甜，沾上酸辣醬和生蒜辣椒入口，惹味又開胃。馬拉盞炒椰菜苗，醬汁微辣充滿蝦醬香，不會太鹹。椰菜苗爽口不會炒得過老，有水準。半打沙嗲串燒，雞牛豬各二。沙嗲汁略嫌太稀和不夠辣，但充滿椰香。肉類火候剛好，表面微焦，肉質不會太韌，已經比不少平民串燒店出色。飽肚之選的Pad Thai，一層網紋蛋為外觀加分，但不是虛有其表。金邊粉夠乾身，配料新鮮，微甜易入口。這間泰菜食物質素不錯，價錢大眾化，環境雖逼但光猛清潔，難怪其門如市。

每次去九龍城都會去同心食泰國菜 ，今次轉下口味，慕很多smile之名試一下。環境本身一般，係九龍城來説都算坐得👌，有一張大圓台（8至10人），仲有張BB藤椅。可能早訂位，所以有圓台坐👍第一碟菜蛋包金邊粉上得最快，味道很不錯，酸甜滋味適中，唔辣，大少都愛吃，一開始吃就剛剛好屬招牌級。第二串燒，水準之作，雖然有少少燶，但本身肉質好，牛肉本身很嫩，细路係咁默默吃，特別係沙嗲醬，好似花生醬咁，連嫩肉吃幾野味係菠蘿焗飯同南瓜焗飯之間，選擇了南瓜，牆壁照片寫上老少咸宜。味道真係老少咸宜，比較清淡一點，可能係個南瓜唔夠甜，或者上兩碟太入味。主要魚鮮材料各一，上面果啲醬肉要好有技巧來伴入下面啲飯。到我食的時候，已是下面果層，回看相片，才知道曾經上面有一層醬肉(誰將它消化了？）⋯⋯可能這才是我覺得淡嘅原因跟著一碟豬頸肉炒通菜，嘩，原來辣。餐牌上寫唔辣，辣果啲可能好勁😝最後叫多碟柚子沙律，仲辣，小朋友提早食飽，不過啲柚子好甜整體都好食，價格OK，4個大人兩小童，四百之下

九龍城出名泰國菜但太多選擇，所以今次做晒research，平靚正就係我嘅標準。我係九龍塘站出發搭25M, 尾2站落車直行2個街口轉左就到柚子沙律，柚子算多而且幾大粒，有蝦，花生配料，感覺幾豐富。但醬汁可以再酸酸甜甜多啲，會開胃啲咁馬拉盞炒通菜$60，小小辣多多趣，通菜超嫩好好好好味，好有水準，都幾大碟下！宜家我已經好掛住碟菜菜子啦蝦餅併春卷$72, 彈牙蝦餅唔會粉，脆卜卜炸得岩岩好，同甜酸醬一齊食係絕配泰式春卷好大舊好多送，擺左陣先食春卷皮都仲係脆芒果蟹肉炒飯$70，第一次食依款口味嘅炒飯，都幾特別，有啲似芒果糯米飯feel，好大碟有5-6滿嘅細碗堅有芒果，仲幾多下，加埋蟹肉一齊食仲叫左個椰青，媽呀~只係30蚊，我之前飲點解咁收貴滿瀉啦！第一次見椰青有咁多椰青水，忍唔住要影相芒果沙冰$29，唔夠甜似減甜嘅沙冰，唔通唔記得落糖水?