泰象館

营业中

休息中

九龍城泰菜多過便利店，要突圍而出的確唔易泰象館唔係唔好食，但就係樣樣都穩穩陣陣，反而無乜點可以留下印象冬蔭功唔夠嗆辣，生蝦唔特別鮮，個醬也算不上特色，串燒甚至有點燒過了頭而變得韌最簡單如豬頸肉通菜，居然豬頸肉可以煮成豬油渣咁……（可能真係豬油渣吧）椰青也是細size的……是晚最不理想是安排左樓上雅座，得2米高，兩個大男人，要玩閃避訓練樓底矮最大問題係好嘈，得三四枱客已經好應聲，當晚隔離枱咁岩又係12人……好趕客樓上又無人手放係度，要自己用手提電話call人落單或埋單，結果又要自己走落樓自助埋單自問不算奧客，但如果看倌想環境好少少，say同朋友吹水聚舊，even氹女仔，咁呢間就唔建議了但價錢同食物質量就無問題的

Book左4位。都係要等。比左位叫緊野食。要求我地轉。諗住可能人多要轉。唔緊要。轉左我地去出菜邊。超危險。d姐姐拎住d湯出出入入。望返原本坐個位同樣4個人。咩意思？4個人食左900幾蚊。都抵掛。 最唔抵食。就食左個298既肉蟹 好咸。同埋佢係最後先上。今次再黎 原因第一次黎好食。點知。唔同左。D菜小到hihi 肉好肥。D拼盆好粉。蝦餅唔彈牙。薄餅放麵包底。吸晒d油同唔鬆軟最好味都係個金邊粉同芒果糯米飯。仲有個菜包。不過唔會再黎了

聽聞好出名~閒日7:30到都等左差唔多四個字位~門口等位都仲有個勁大風扇同幾張凳~~應該真係日日都好多人等首先想推介下個椰汁冰($25)其實本身我唔太中意飲冰又唔中意椰子友人叫完我試左啖之後竟然意外覺得好飲!好香的奶味~入口好正~唔會太冰泰國菜必點一 - 馬拉盞炒通菜($60)馬拉盞味超香~~好惹味!通菜炒得好爽口~~唔會太硬~泰國菜必點二 - 泰式乾炒河~好大碟! 蛋絲炒得特別惹味!河粉都炒得好均勻~好夠穫氣~!另外都想特別推介下呢到既串燒半打 (豬+牛+雞) $75十幾蚊串真係幾抵!烤得好香口~而且一D都唔韌~絕對唔會有渣! 推介大家一試!雖然全場full哂~大家都好忙但態度依然好親切~!

九龍城除左多泰國菜可以食之外，仲有好多泰國食物、用品、水果可以買，一次過可以又行又買又食。 我就好鍾意去食泰式菜，特別喜歡泰式香料的香氣，今次叫左「串燒三拼 （雞/牛/豬）半打 $75」，沙嗲充滿椰香同花生香，而三拼比較少有，通常都雙拼多，三拼當然更好，串燒足料，大大串，肉本身醃得好入味 好香，食串燒個醬汁係靈魂所在，加埋肉質燒得唔會乾，值得一讚！ 去到邊間食泰國菜都必定會點「泰東生菜包 $72 」（有豬、牛、雞選），酸同辣比例岩岩好，生菜包住炒豬肉真係好夾，味道相當醒胃，生菜入口爽脆 ，好食。 「海南雞飯 $58」係泰國代表之一，呢到個雞肉嫩滑，最岩食係個油飯粒粒分明，唔會太濕，一啖飯配一口雞，簡直係正。（我本身鍾意海南雞飯） 食完主菜仲想食埋甜品，叫左個「芒果糯米飯 $60」，芒果非常甜，無諗過椰汁另上，可以自己加或者點黎食，糯米飯暖笠笠，軟綿綿，飯後不能錯過的甜品。 充滿泰國風味，抵食又好食，鍾意泰國菜的朋友唔可以錯過！

食泰菜總會到九龍城搵食，當中南城道係我最鍾意的街巷，每次一轉入街巷，就好似韓劇經常出現的橋段，瞬間轉移把你帶到泰國街頭，充斥著泰式香料的氣味，街角盡是擺放著各式各樣的泰式醬料，生果！感覺真係好得意。呢條街最受歡迎莫過於呢間泰菜館，平日八點黎到已經full house,要等5-10分鐘左右，可以接受啦。受歡迎的食店，感覺有保障嘛！甫入食店，乾淨企理，坐得舒服。呢期天氣熱到出煙，叫左個柚子沙律、炸蝦餅、濕炒海鮮河、泰式炒雜菜，我要了椰青、老公要青檸梳打。本來想叫蠔仔煎蛋，老闆同我地講，蠔仔每日新鮮買貨，所以有限量！證明店舖選料，製作認真，我反而覺得係好事柚子沙律超大份超多靚柚肉，夠甜夠爽口，配上紫洋蔥、炸蒜、大粒蝦球，最最重點係個沙律汁，酸酸甜甜超開胃呢個柚子沙律真係好得！炸蝦餅用料十足，外邊炸得香脆，入面質地彈牙juicy，啖啖都係蝦肉蓉，好誇張味道調得很出色！宜家寫食寫食評都回味繄！濕炒海鮮河粉，份量超大！用粗河粉，餸比例多得誇張，抵食！炒雜菜夠火喉，好味。食飯期間見老闆侍應同客人有講有笑，似乎係唔少街坊的飯堂，店內充滿人情味，我鍾意👍🏻

來到九龍城第一樣諗到一定係食泰國野，之前都食過幾間泰國野，今次4個老友坐埋一齊，等齊人就開始食囉😍😍我地叫左幾樣野食，首先試左蝦餅，炸到脆卜卜蝦肉熱辣辣再點埋甜酸醬，好食😋 建議要趁熱食之後係柚子沙律，有大蝦、柚子、生菜、花生，加上個汁酸酸甜甜咁幾開胃，全部野加埋估唔到有幾夾喎，感覺幾驚喜😃叫跟住到生蝦刺身，好新鮮好彈牙再點酸辣汁，食到Lam Lam 脷😜不過個汁有啲辣唔識得辣嘅朋友就唔好點咁多^_^冬陰公個賣相好吸引，我覺得冬陰公唔係咁易煮得好食，太辣又唔得太甜又唔得，我覺得呢個冬陰公辣到同甜度都配合得幾好唔錯唔錯😆泰東生菜包，平時都係包豬肉碎或者煮頸肉好少配雞肉，所以今次想試吓生菜包雞肉又會點，覺得個雞肉加埋洋蔥同配料炒得幾香口，再加埋生菜食又唔會太過濟馬拉盞炒通菜，咁多菜都有肉冇理由唔叫返一個菜嚟食均衡返，我就鍾意馬拉盞炒通菜因為夠惹味，呢個菜都冇令我失望😝

最近迷上食泰國菜，下班時問一問同事要不要一起去吃晚飯，我們都一起說好，於是就一行四人一起去九龍城食泰國菜經過門外看到餐廳裏面環境不算擠迫，而且每個食物都有相片，方便客人選擇。 餐廳用心佈置，令我想入去品嚐一下這間泰國餐廳的食物一開門，老闆就熱情招呼我們幾位進來入座，坐下來不久後，老闆看到我們桌上的紙巾已經用完， 主動為我們遞上紙巾，很貼心平時喜歡食豬肉碎生菜包，這次就是一下新口味，這份山菜包吃起來很juicy，而且味道不會太濃，亦不會太辣，很適合夏天擺放優雅的生蝦令我們都不捨得破壞，但是太肚餓了， 看到這肥美的生蝦都忍不住放進口內，特別是旁邊橙色的醬汁一定要店來吃，可口～～這份柚子沙律份量非常足夠3-4人，而且有子很甜，配上酸酸的醬汁，作為前菜很開胃香酥的蝦餅外層， 配搭彈牙的蝦肉，very的層次感！熱辣辣的，吃的時候要注意哦！單單是肉類刺身沙律已經有四款，小食亦有10多款，實在太多選擇平常不太喜歡吃冬陰公的我，聽到朋友說味道很好都要試一試。 平常飲到的冬陰公湯都會飲得到很濃的辛辣味道，但這個不會， 它的味道比較迎合香港人，較為易入口食泰國菜必定要食香葉玉碎飯，炒肉碎的時候都會有點汁，

今日天氣好熱，好想飲椰青，食泰國嘢，所以去左九龍城。因為我個frd之前食過話唔錯，所以入左來試下。我地6點半walk in，唔使等位，但之後來左幾張已book嘅大枱，7點鐘已經full 唒。好彩早少少入去姐。點完嘢食，即刻上左2個椰青，滿滿的椰青水，十分滿足。鳳爪沙律色彩鮮豔，酸酸辣辣，好開胃。不過menu 有2個🌶🌶，唔食得辣就要避免叫呢個。平時食開辣嘅冬蔭公湯，見到有冬蔭海鮮清湯，所以叫左個細嘅試下。海鮮湯有蝦，青口，魷魚等，仲有陣陣香茅味，所以成碗湯飲哂。本來想叫串燒，點知見到有半隻燒雞叫，所以叫左燒雞，點左醬仲好味D。後來見到隔離枱叫左串燒，勁吸引。下次先試下。因為中意食薄餅，所以無食咖哩都照叫。薄薄地，煙煙un un，好好味。如果配埋咖哩仲正。

收工約左friend 係九龍城食晚餐， 目標係最愛既泰國菜。 九龍城入面九成既泰國餐廳都試過，決定同朋友試埋淨低既餐廳。 於是就去左城南道位置比較靜既泰象館。 餐廳菜式價錢合理， 食物水準亦良好， 有係泰國食飯既味道係一間高性價比既泰菜館。食物方面，生蝦刺身味道鮮美, 配埋酸辣汁非常開胃跟住到我最愛既炸蝦餅，十分香脆， 炸得剛剛好亦啖啖蝦肉，推薦冬蔭功叫左細size, 都幾足料， 亦夠辣，似當地飲既味通菜就不過不失啦； 而干炒豬肉河就炒得夠乾身， 味道亦夠濃

收工相約了朋友到九龍城食飯 選擇了這間泰菜餐廳 食物價錢不算太貴 但質素與味道充滿誠意 有水準 是一間十分不錯的thai food restaurant 👍🏼👍🏼生蝦刺身雖然不算很大隻 但勝在與配菜十分之搭配 係一道不錯的前菜👍🏼冬陰功湯用料十足🍤🍤味道亦濃郁🤤飛天通菜略為salty 但不過不失乾炒豬河不太油膩 但稍嫌太過"乾"身 中規中矩另外餐廳間局亦算寬敞 不會太過侷促👍🏼整體而言感覺這裡物超所值 會考慮再次到訪幫襯

今天特意約了好朋友到泰國菜集中地，九龍城去品嚐美味泰國菜。但是真的有很多間，真的有種眼花撩亂的感覺呢！走着走着，看見城南道的這間<泰象館>，門口的感覺很乾淨，而且價錢合理，重點是7點鬆點就已經差不多滿座，應該是好吃才會多客人吧！所以便進來一試！店裏有很多泰國的佛像，應該是比較正宗的泰國菜吧！而且Menu都非常之乾淨，最怕就是那些沒有清潔的Menu，每一頁都立痴痴的。幸好這間泰象館的衛生做得很足我們先點了豬頸肉炒芥蘭，微鹹的豬頸肉配上新鮮爽脆的芥蘭，鹹鹹香香的，感覺清新得來味道不寡，正好配合我這種愛好咸食的蔬菜主義者另外我們也點了串燒拼盤，有牛肉，雞肉和豬肉。個人來說比較喜歡當中的牛肉和豬肉。先說說牛肉，牛肉串燒的表面烤得非常乾爽。脆脆的表面內是有咬口的牛肉，但卻一點都不韌。配合沙嗲醬汁來一起吃真的是一級棒而另外豬肉串燒亦絕不失色，同樣是表面烤得脆脆的，內裏的肉肉卻比較juicy，豬肉味濃，同樣是非常出色的串燒呢接着便是我最期待的主角登場了！生菜包的餡料一點也不小而且非常惹味！餡料是由多種泰式香料，紫洋蔥和鮮鴨肉粒炒成。配合着爽脆的生菜一起吃，香辣惹味的鴨肉碎十分惹味，微

當日星期日book遲到6:30但就遲到左成半個鐘7點幾先到，老闆好好人，仲幫我地留往張枱。一坐落就一定係叫左咖哩蝦先，馬拉盞炒通菜，薄餅同椰青。馬拉盞炒通菜只係一般般，正常香港既泰國餐廳口味。咖哩蝦炸到好香脆，直頭可以連殼一齊食落肚。咖哩汁都係一絕。最意外係個薄餅，因為係一齊落單通菜同薄餅係一差不多時間到，有薄餅但無咖哩。就諗死la實凍左吳脆，點知等多15分鐘到先上咖哩，不過原來食落口仲好脆無淋到就係係無甘熱。

係九龍城 泰菜太多啦 見呢間有得book 就試下啦見好多人排隊 好在有book到 係留下坐（好似仲有上一層） 入到去仲見到tvb藝人 心諗應該不錯吧叫左鹹魚炒芥蘭，椰青兩個，芒果炒飯，青檸燒爐魚（辣既）鹹魚炒芥蘭 唔錯 鹹魚粒幾多 芥蘭好柔嫩 炒得幾香 但細碟左dd 椰青幾清甜 但係唔夠凍芒果炒飯我覺得一般 芒果果粒唔夠多 蟹肉反而都幾多 媽咪覺得好好食 最後係青檸燒爐魚 因為係辣嘅 媽咪食唔到條魚幾大 但係個汁麻麻哋 冬陰公會好啲Overall 埋單價都幾抵 野食唔算貴 係一個不錯既選擇

今天是我的生日，我們還未找到心儀的餐廳，於是我們嘗試Walk-in。走到泰象館門口，鮮明的招牌和食物展板吸引了我們，因此我們便選擇了在泰象館進食。我們五人行叫了八道菜式，有蝦醬撈飯、三味炸烏頭魚、鐵板馬拉盞豬頸肉炒通菜、蛋包鮮蝦金邊粉、沙爹串燒三拼、鰂魚沙律、大冬蔭海鮮湯和胡椒粉絲大蜆煲。特別推介：新菜式（三味炸烏頭魚、鐵板馬拉盞豬頸肉炒通菜）三味炸烏頭魚：不會有泥味，醬汁含有甜酸辣，炸出來不會過老，佳！鐵板馬拉盞豬頸肉炒通菜：這道菜式香氣四溢，看見也令人垂涎三尺，食慾大增！豬頸肉不會很煙韌，加上惹味的馬拉盞，很吸引整體來說，所有菜色也美味可口，下次一定會再來呢！

是日廿四孝去接放工點知因為紅雨塞車遲左好彩冇被咋形🤗搭個小巴落九龍城跟blogger搵泰菜食同寶講開今日呀媽先煲完個南瓜腰果素湯我飲，所以今晚特別想食多轉南瓜入饌既餸😋結果係兩個都好熱氣既情況下都忍唔住叫左呢味真係好正，雖然軟殼蟹似係翻炸兩個人食份量岩岩好咖哩唔辣，岩哂唔食得辣既我南瓜肉夠粉，個汁夠creamy忍唔住食左兩碗飯🤦🏻‍♀️食到一半先記得影相🤦🏻‍♀️ 寶未食過椰菜苗所以冇揀通菜比佢試新菜就咁食就偏咸，但送飯ok但食完係暴雨下都比人趕走😭😭😭