泰象館

营业中

休息中

喺香港要食泰國菜，一定非九龍城莫屬。有「小泰國」之稱嘅九龍城唔止泰式餐廳多，就連聚居嘅泰人都好多，真係好似去咗泰國咁!每次嚟九龍城開餐，我都會想試下唔同嘅舖頭，希望有一日可以試晒咁多間!今次試咗喺open rice search "九龍城" "泰國菜"，排列第2位，有成130幾個人like嘅泰象館。其實每次食泰菜，我哋都係炒碟菜，叫個小食，叫個熱食或湯。因為兩個人就算幾貪心都唔叫得多，加上夜晚唔想食太多，年紀大身陳代謝慢咗，易肥難減，對為食鬼嚟講，超慘!馬拉盞炒椰苗椰苗超爽口，真係細細棵超嫩嘅椰苗，加上超濃味嘅馬拉盞，係成碟菜嘅靈魂!柚子沙律泰國嘅柚子係特別多汁，做沙律真係好好味!加上新鮮嘅蝦，爽口彈牙，上面再有香脆嘅花生，最醒神係果個酸酸甜甜嘅汁。勁大隻蝦呀!明爐青檸蒸鮮魷明爐烏頭見得多，好少見明爐鮮魷!從來未試過用個爐蒸住成大隻魷魚，仲要蒸咗好耐d魷魚一d都唔韌，冬天一邊蒸一邊食，好鬼䁔!青檸味好清新，加少少蒜，配埋鮮魷，超掂!鐵板蠔仔煎蛋好多蠔仔但比較油膩

第一次試呢間泰國菜，地方企理，食物唔油膩，味道適中，夠熱，但杯珍多冰就差少少只得綠色，應該重有黃同白色既綠豆條，不過椰汁味好濃，都Ok, 下次可試其他特色既菜式，另外老闆重好貼心提點邊到有位泊車潻！😘

除夕夜最怕餐廳要食套餐又加價 所以我決定簡簡單單去啲小型餐廳食飯 好彩一早訂咗位 我發現呢間都幾受歡迎 因為沿途行過其他餐廳冇人排隊芒果沙冰 去到泰國餐館必叫嘅飲品 尼杯夠晒冰冬陰公湯 （小） 湯味好濃郁 同埋我想講都幾足料下 有兩隻大青口同埋蝦不過個湯份量睇落好多咁 但我pup左唔夠一碗個情況係第二張相見到我寧願要多少少湯 少啲渣下次我會叫大碗咖喱蜆 見台台都叫 冇理由執輸一碟大概有12隻蜆 隻隻都好大粒 冇沙 好乾淨值得一讚咖喱嘅味道係比較甜完全唔辣 我用黎撈飯 胃口大開馬拉盞通菜 不過不失 但系菜框好硬 我自己就麻麻哋不過個汁好香這度嘅員工服務唔錯效率幾好 要水要牙籤全部都冇漏到

聽朋友講九龍城有好多美食, 初頭都半信半疑, 抱住一試無妨既心態入黎搵下野食啦亂碰亂撞行到街尾見到有間泰國菜, 地理位置唔算優越, 但都座無虛席既泰象館喺門口見到餐牌, 睇啱食乜先入去食, 感覺上安全d 冇咁易中伏ma價錢都合理, 一於入去試下餐廳內光線充足, 牆上面有圖有真相, 列埋價錢方便參考先來一個生菜包豬肉, 生菜清甜新鮮, 配上香滑豬肉碎, 口感一流然後食個香辣海鮮炒河, 足料海鮮加上一定程度既辣, 既香口又開胃半打串燒(2牛2豬2雞), 沾一沾沙嗲醬, 將肉香昇華燒雞全翼點泰式辣醬燒鰂魚揭外外脆既魚皮, 入面就係啖啖嫩滑既鮮甜魚肉好滿足

九龍城出名泰國菜集中地，有時要諗去邊間先至係最好食，但又唔想去死果一兩間或者係比較出名既餐廳，都真係諗爆頭.....不過小編就覺得呢間真係係九龍城泰菜入面，係一間幾強勁既泰菜競爭對手，因為只可以講佢CP值高，價錢合理，味道食得出有泰國地道既感覺！絕對係用心製作只係呢幾點，都真係夠作為大家要去試試既原因了!清晰易見既門面餐廳唔算大，枱量少，所以建議大家先卜定位喔除Menu外，牆上亦有餐廳既特別推介，比大家容易d選擇落左order後，最快到既係飲品左: 青檸梳打 $25 (酸甜適中，用正宗泰國梳打水製作)右: 泰式紅茶 $25 (完全有泰國正宗地道感覺)冬陰功 (小) $72冬陰功基本上已成為泰菜既頭號必叫菜式之一，而佢好味與否，其實都可以反應餐廳既質素呢度既冬陰功，小編就覺得好正了！酸辣度適中 (非泰北較酸既)，大量配料，份量都唔細，呢個大小，絕對適合3-4人食用添大大隻大蝦成為配料之一，冬陰功應有既野，佢全部都有曬去過泰國食正宗冬陰功既話，你就知了炸蝦餅拼春卷 $72呢個組合真係岩曬鍾意食香口野既朋友，炸蝦餅好味與否，不在話下！春卷方面，佢係屬於越泰式既，所以同中式果d先蝦春卷大有不同

九龍城既泰國菜館多不勝數，就算冇選擇困難症，有時都唔知點揀好。今晚我就隨機走入一間泰國餐廳，佢係係城南道48號，近單車公園個邊，地點方便又易搵。餐廳地方唔大，裝修簡單，牆上面掛左好多有泰國特色既擺設去點綴下。Menu話明係泰國餐廳梗係主打泰國菜啦，呢度雖然鋪頭細細，但係款式種類都好多選擇，小食、沙律、肉類、咖喱、海鮮、菜類，炒粉麵飯等等都齊晒。泰式黑咖啡$30（左）呢杯泰式黑咖啡望落同一般既咖啡冇唔同，但係飲落口感幼滑d，咖啡濃烈，咖啡味比較重，有d中草藥咁苦d但係唔澀芒果沙冰$29（右）呢杯芒果沙冰大大杯，好抵飲，冰涼又fresh又唔會好假既芒果味喎馬拉盞炒通菜$60呢個通菜又綠又嫩，好新鮮，配埋香辣又惹味既馬拉盞炸皮蛋球$72比時食泰國菜小食必點炸蝦餅/魚餅/炸蝦丸，今次我嗌既係炸皮蛋球，呢個皮蛋球外面係炸得香脆既蝦膠，而入面就包住嫩滑既皮蛋，口感一流，配搭新鮮特別咖喱炒大蜆$148呢個咖喱炒大蜆用既係唔辣既黃咖喱，食落仲有少少甜味，質感軟滑有蛋香，蜆肉大隻冇沙又新鮮，配埋大量洋蔥配料黎點包送飯一流薄餅$25（左）呢個薄餅煎得外面酥脆入面軟，食落有嚼勁蒜蓉包$25（右）蒜蓉包同薄餅

都有一段時間冇黎九龍城食泰國野，有啲掛住，所以今晚黎食。太多泰國菜館啦，都係睇緣份，行下行下隨緣搵一間入去。坐底頸渴，飲品分別叫左椰青（唔記得影😅）同芒果沙冰。呢杯芒果沙冰飲落有好濃郁嘅芒果味，唔會好水但又唔會太甜。燒鰂魚，好大條！燒得啱啱好，魚肉底原來塞左啲泰國香料，所以一啲都唔鯹！點埋個汁好惹味！蛋包鮮蝦金邊粉，啲蝦好大隻，粉炒得煙煙韌，個蛋煎得薄脆！鐵板馬拉盞豬頸肉炒通菜，好夠味道，加埋幾塊豬頸肉大大塊 ，用鐵板上夠熱辣辣！碟碟都好有份量同足料，味道又唔錯！好抵食！

衆所週知九龍城是泰菜林立之地，是晚和朋友隨意挑選了一間小店用餐，吃罷有點意外驚喜細小的店舖，座位也挺舒適的，餐牌選擇也算齊備，紅、白酒也有供應，而且免收加一我們點了半隻海南雞雞肉嫩滑，沒有雪氣味道，汁醬惹味帶點甜酸馬拉盞炒椰菜苗色澤翠綠，獲氣十足，通常我都會點通菜或雜菜的，也是第一次吃椰菜苗，卻原來鹹香味鮮的馬拉盞，配上椰菜苗是非常可口的新菜推介 香葉辣椒炒安格斯牛柳粒味道清新微辣，厚切的牛柳粒，難得又做到柔滑帶點嚼勁，而且份量非常足夠，超值之選。配支冰凍啤酒，又過了美味愜意的一個晚上。

九龍城又有另外一個名，叫"小泰國",呢到除咗真係多泰國人係到居住生活外，當然泰國美食都係十分出名啦，好味的泰國菜餐廳多不勝數。今日由朋友推介帶咗我黎食呢間泰象館，7點幾已經入面坐到满座，仲開始有人等位，就知有幾好食啦。餐牌款式超多選擇，樣樣都唔錯，諗咗好耐先決定到食咩天氣已經開始轉涼，但係飲返個雪凍的椰青真係超解渴，好清甜，飽满冬蔭功湯，細，唔算好辣，驚辣的朋友應該都接受到，辣得黎好清甜，有微微奶味，有一隻開咗邊的大蝦，肉質嫩滑蝦醬炒通菜，菜好新鮮，炒得好脆，咬落有口感，蝦醬味唔係好重，夠惹味紅咖哩雞肉點薄餅食，份量好多，雞柳肉同無花果都，仲有菠蘿，奶味重，但唔稠，建議可以送白飯咁食香葉辣椒炒河，豬肉，呢碟係成檯餸最辣的一道菜，河粉炒得乾身，豬肉又入味，辣度都可以接受，夠火喉。

今日同男朋友嚟咗九龍城撐枱腳 我哋唔係食泰國菜咁簡單 我哋係食泰國菜之中嘅海鮮餐泰象館 全部海鮮都好新鮮 值得推薦給大家先嚟個刺身頭盤吧 食泰菜又點少得生蝦刺身呢 隻隻爽口彈牙 晶瑩通透 肉厚鮮甜生蝦刺身配上新鮮蒜頭 辣椒和餐廳秘製嘅醬汁 充分提升蝦肉嘅味道 倍增幾分地道嘅感覺泰式燒大頭蝦 一份有三隻蝦殼燒到有點微焦 散發出海鮮獨有嘅香味 蝦肉依然保持肉汁 隻隻彈牙爽口蝦頭爆膏 不但鮮甜 而且甘香可口隻隻都有成對筷子咁長 體型超誇張燒元貝 元貝洗得好乾淨 完全冇沙 而且肉厚鮮嫩 燒嘅時間拿捏得剛剛好 完全沒有過火牛油的香味 和蒜頭的辛辣 是靈魂的精髓所在冰凍椰汁冰 椰香味濃 甜度適中新鮮椰青 夠曬冰凍 非常解渴餐廳沒有加一服務費 非常抵食 而且款款海鮮 非常新鮮 做法又正宗 非常滿意的一餐

好姊妹生日食飯一於食泰菜。。！大家都鍾愛嘅菜式之一。。原本訂咗位7點半但都要坐喺出面等位。一等就等咗半個鐘了。。8時終於入席了。坐低第一時間梗係要叫支泰啤齊齊啤一啤佢啦生日快樂🎁🎉🎊！然後就上個招牌必食嘅泰式生蝦。蝦🦐都幾彈口幾新鮮唔飲啤酒嘅姊妹就飲咗青檸沙冰~酸得黎帶甜好清涼又開胄同西瓜沙冰~好甜好味！原本order咗蝦餅拼魚餅。但居然係魚餅賣晒要改春卷。。真係冇諗過反映會係魚餅賣晒先過蝦餅喎。。不過。。食落個春叛又唔錯喎⋯⋯因爲即炸起即上枱又即食。。所以好脆好香口！蝦🦐餅都係一樣。好味！真係要推介呢個馬拉盞炒椰菜苗。好好味！泰式煎蠔仔餅都要推介下份量都幾多而且蛋邊煎到好脆蠔仔又鮮！係略嫌多咗少少油。。但都係好食嘅！泰式生菜包。。豬肉！ 都夠味但我比較喜歡濃味啲會更好！燒烏頭魚。。本人覺得香葉香茅嘅香味入唔到魚肉到。。略嫌失色。。

一大班friend約食飯 又想食下泰國菜道就決定黎呢度試下 book 左7點 但入到後發現冇乜客都有啲驚鋪面唔大 5個人坐落都有啲逼 環境只係尚算ok 因為食到中途都有發現有飛蟲但食物可以補分 大部分都好好味鮮蝦刺身好新鮮 沾上辣汁好味不過都幾辣 唔食辣既人就未必接受到一直都想試金邊粉 今次見到有蛋包鮮蝦金邊粉都幾特別 就想試下 但有啲失望 啲金邊粉有啲濕 有啲稔 一般般蒜蓉包正呀就咁食好脆 沾上青咖哩後都勁好食 可惜唔記得影青咖哩我地咁多人去 都特登叫下主食 焗椰青海鮮炒飯 好大份呀 個飯都係勁深架 面頭雖然得小小椰漿 但原來全部飯都好有椰味 入面仲有好多椰子肉添 正最後埋單五百蚊都唔洗 五個人黎講麵幾抵不過環境方面就真係唔太理想

朋友收工打黎叫我食飯，反正男人都OT,一於就陪佢食個飯啦。兩個九龍人，食飯地點就選取九龍城，大家走都方便d,咁既然黎到九龍城，無理由唔食泰國菜既，上次同阿媽食過一間覺得唔錯，呢次就帶佢試下啦就係呢間泰象館閒日流流，餐廳都坐滿哂人，出面仲等位㖭，咁既排場，朋友話一睇人流就知唔差😂先叫左野飲先啦青檸梳打（$25）比平時飲既酸好多，而且小甜，岩哂朋友心水西瓜沙冰（$29）超濃西瓜味，而且勁大杯，我到走既時候都飲唔哂😂炸芝士蝦丸（$78）呢個蝦丸超足料，比平時食既蝦餅仲大舊！蝦肉鮮甜而且肉質彈牙，滿滿既芝士勁香濃，一咬落去拉哂絲，雖然超邪惡，但愈墮落愈快樂😂鐵板馬拉盞豬頸肉炒通菜（$88）上桌時噴哂煙咁，侍應好貼心咁用手幫我地擋哂噴出黎d汁，果然無敵鉄沙掌！馬拉盞超夠味，通菜炒到香噴噴，十分出色串燒半打（雞）（$75）平時食泰國菜，我一定唔食串燒，因為好怕泰式串燒燒到乾真真，仲硬過我條命，但朋友話想食，唯有陪下佢，點知超有驚喜！呢度既串燒比平時厚好多，所以出面燒食乾身之餘內面仍舊juicy,配上超香椰漿味既沙嗲汁，簡直係絕配原隻菠蘿海鮮炒飯（$78）炒飯好足料，有勁多海鮮，蝦，魷魚，青口...

今晚決定要去食泰菜，因大掛住泰式沙律、串燒、燒魚等美食，九龍人當然會揀去九龍城食啦(貪佢店舖夠集中)柚子沙律，柚子很甜、花生夠脆口，份量都幾大碟泰式燒大頭蝦，很大隻，肉質爽口馬拉盞炒芥蘭，唔會炒得過火燒烏頭，今晚大家商量想食咩燒魚，原來大家都想食燒烏頭，貪其少骨及肉質嫩滑，配上泰式醬食串燒三拼(豬、牛、雞)，$75 半打，滿足我的慾望咸檸七喜，食泰菜配咸檸七喜，飲完都想🎤🎤🎤店內有電視，追劇時間時又一選擇地方

今日因工作既關係去在九龍塘，順道去埋九龍城睇下有咩好食....九龍城有好多間泰國菜館、花多眼亂....但最後我地都選擇在泰象館！柚子沙律...味道清甜...柚子唔會好酸同好苦、花生好脆、好香口...！菠蘿海鮮炒飯...味道有濃郁既既菠蘿香味、酸酸甜甜都幾好食燒燒頸肉....配酸辣汁，好惹味...而肉質都好juicy食泰國野當然唔少得串燒三寶啦，配埋沙嗲汁簡直一流...而且肉質唔會好”un “燒大頭蝦....味道同口感係爽脆同鮮甜...配埋個汁...別有一番風味！燒烏頭..揭開魚皮...有豐富魚肉汁..肉質鮮嫩、嫩滑..！最後呢度其實有好多特式菜式，但未及時發現，唯有留待下次光顧時再試下啦！