泰象館

营业中

休息中

好耐冇食過泰國嘢，所以約咗朋友去九龍城食。🤤九龍城有好多泰國餐廳，我哋又冇乜preference，所以我哋都係random入咗一間。見到價錢OK，環境乾淨又光猛就入左去了。😗服務員好好，安排左個電視位俾我哋。態度亦都熱情友善，餐廳提供左好多唔同嘅菜式，令到我眼花撩亂。🙈你知我呢啲有選擇困難症嘅，真係好難揀。好在餐廳有提供set，我哋又冇乜嘢特別想食嘅。見到套餐啲嘢都啱食，最後我哋揀咗個set B。👍🏼⭐️首先脆肉炒通菜，脆肉就係燒肉干，應該係用黎調味。因為燒肉干比較鹹，個通菜好好食，炒得好夠味。👍🏼⭐️辣椒羔炒大蜆，蜆肉好新鮮又大粒，味道亦都好好，夠辣。❤️我最鍾意食嘅係佢呢一個咖喱軟殼蟹，首先佢個咖喱味道幾好，又係少辣。再加埋軟殼蟹，炸得好香口，再點埋個咖哩，不得了！不過有點熱氣 。😂⭐️泰式燒鰂魚，平時食烏頭魚比較多，好少食鰂魚 ，原來鰂魚都好好食，佢啲肉好滑，再加上你可以見到魚皮上邊有一啲鹽，所以條魚得幾夠味。👍🏼🙆🏻三個女人一個墟，一路食一路傾，可能因為係星期二，佢又冇話趕我地走😂。傾傾吓，想食埋個甜品，叫咗個芒果糯米飯。芒果好新鮮又夠甜😍，糯米飯都好好食，撈埋啲椰奶漿，正！👍🏼

坐位寛敞舒適，燈光十分足夠光猛，服務週到有貴賓身分感覺，上菜超快食物品質十分新鮮⋯⋯必食推介：生蝦新鮮大隻肉質彈牙，南瓜咖哩軟殻蟹一定要食，再加極脆法麭🤤🤤🤤🤤香葉肉碎炒飯，少辣但是又香口好味，餐廳位置又近九龍城廣場十分方便。

未食已經走，放曬d櫈響條馬路，想搬開，就即有大漢響餐廳到走走出來，擬似係老闆，一d禮貌都冇，粗聲粗氣叫我泊去第二到，好似唔憂冇生意。咁樣叫人點入去呀😤黑社會咩！我都好喜歡去九龍城找東西吃，但從來未試過有咁嘅經歷，寧願唔做生意，要放到自己門口冇位擺車。後來我找到車位，想進去用饍，但心想這樣的態度我還給錢他們使！何況我進去説不定態度也一樣差。最後雖然訂了位，但也沒有進去。真的是沒有最差，只有更差更差。所以給差評

炸蝦餅拼魚餅係泰國菜中我最喜歡的，炸蝦餅入口咬到鮮蝦肉，內裏好林，外面炸得金黃香脆。而魚餅也打得好鬆軟，外面炸得金黃香口。芒果蟹肉炒飯炒得香而飯粉分明，炒工一流，入囗有芒果粒，帶甜甜味，蟹肉一梳梳，好鮮味。成碟飯清新香口，大人小朋友也十分喜歡冬蔭海鮮湯煮得好濃味，好有傳統的泰式冬蔭公味道，辣味適中，帶著椰香，魷魚、蝦、青口及其他海鮮、菇類，入味十足，令人回味芒果糯米飯，糯米飯暖暖的，林身，紅米配糯米令入味道變得豐富，芒果鮮甜，加埋椰汁令個米飯味道更特出

今日約左朋友食飯，大家都好耐無食泰國菜，所以經朋友介紹下去左九龍城試下泰象館。好好彩，一去到剛好有人食飽離開，唔需要等位。一坐低，店員細心遞上Menu，Menu係用傳統膠File入住一頁頁菜單，好懷舊。我地選了泰國菜必食的生菜包、串燒、咖喱外，亦試左好多美食先講生菜包，選左傳統豬肉，又香又有少計辣味，好惹味芝士蝦丸，本身無留意，因見到隔離檯叫左，賣相好吸引，就叫黎試！芝士超多，配上甜酸醬，超夾串燒半打，好香好脆，配上沙嗲醬一流鐵板馬拉盞豬頸肉炒通菜，一睇就知熱辣辣，菜好新鮮，忍唔住趁熱食晒青咖喱雞，超多料，椰汁味好濃，反而少了一點辣味，對於唔太食得辣既我就剛剛好明爐上湯烏頭，有好多配料，好香，加上有爐熱住食，可以慢慢一直食到最後香芒蟹肉炒飯，好多芒果肉，而且粒粒芒果肉都好大粒，有少少淡，但對我黎講是剛剛好。芒果沙冰，大大杯，好香、好清新的芒果味總括而言，一向泰國菜都較貴，泰象館價錢十分合理，加上店員好有禮貌，服務一流，值得一試！

好耐無食過泰國菜，今晚約左一班友人黎到位於有「小泰國」之稱的九龍城，而我地選擇左位於城南道的泰象館。餐廳光線充足，環境乾淨，牆上掛了些泰國特色擺設，座位唔算太多，但可以先訂位的。Menu 的選擇都好多，而我地都點左食泰菜必食的串燒、明爐烏頭等，仲有泰東生菜包、炸芝士蝦丸、芒果蟹肉炒飯，鐵板馬拉盞豬頸肉炒通菜、青咖哩同薄餅。串燒應該都係即炸，好好食，個皮脆而D肉好滑，沙爹醬香，唔錯!泰東生菜包好香好熱，生菜好新鮮同青綠，包住啲熱辣辣的肉碎，啲肉碎加左青檸汁，同埋用左好多香料去炒，口感好好。 鐵板馬拉盞豬頸肉炒通菜，一上枱就見到個鐵板真係好熱，所以有勁香的馬拉盞味，通菜配上豬頸肉，新鮮又惹味。炸芝士蝦丸，一碟有4粒共8件，新鮮炸起，蝦丸彈牙，芝士味濃，好特別的配搭。飲品我叫左芒果沙冰，好大杯，非常抵飲，有好甜的芒果味，冰涼得黎又夠fresh，同行友人就點左椰汁冰同龍眼冰。最後6人食左$751，都係合理價錢。

九龍城多泰國菜，眾人都知道呀！呢間泰象館給我們一餐好回味既泰國菜串燒半打，有豬、牛、雞可以選擇，各選兩支串燒，牛肉一入口好有牛味，豬肉林而不刃，雞肉滑而鮮，加埋特色醬汁，更加滋味酸辣鳳爪沙律好清新，酸酸地帶好香既香茅味道，辣味十足，鳳爪爽而香囗，加上鮮嫰菜葉、洋蔥，好清新南瓜咖哩軟殼蟹好惹味，軟殼蟹炸得好脆口又好香囗，蟹味十足，加埋又滑又creamy 既咖喱，好配合。點了咖哩既蒜蓉包，味道更香，蒜蓉味加咖喱，十分香口芒果沙冰又滑又香芒果味道，沙冰好甜好解渴

係openrice Book左星期五既晚餐7點半。準時入席，叫左冬陰功，豬頸肉，咖喱軟殼蟹，木瓜絲沙律，泰式蝦餅，蒜蓉包，鮮蝦金邊粉，嘢飲方面就揀咗椰汁冰同埋椰汁珍多冰仲有兩支啤酒。豬頸肉肉汁很juicy, 咬落又唔會覺得好油膩。軟殼蟹好脆，送埋蒜蓉包點汁食一流。冬陰功啲湯好夠味，啲蝦都好大隻，但係對我地來講就辣咗少少。蝦餅炸得都好脆。但係可能因為星期五嘅關係，佢哋八點半就已經俾咗張單我地啦。因為出邊都有好多人等緊枱。

講到泰國菜，就一定想到九龍城，因為這裏的泰國餐館多不勝數，今次就選擇了泰象館吃晚飯。事先預訂了座位，但是晚餐時段比較多人，都要在外等了5分鐘才安排到位置，效率已經算不錯了。門外擺放了餐牌，可以在等候期間看閲。炸蝦餅拼春卷太肚餓了，所以先叫了這個小吃。蝦餅彈牙爽口，有蝦味，落足料；春卷裏有雲耳、紅蘿蔔絲等材料，炸得脆脆的，香口！還可以點泰式辣醬，味道更上一層樓。蛋包鮮蝦金邊粉蝦大隻，煮得爽口，金邊粉亦炒得乾，還可以加上花生碎。鐵板馬拉盞豬頸肉炒通菜鐵板上，有鑊氣，而豬頸肉是偏軟身，馬拉盞再加上小辣，惹味。飲品又怎能少得椰汁珍多冰。椰汁味重，啖啖綠豆粉條，在炎炎夏日，透心涼。

第二次黎泰象館食飯上次冇寫食評今次寫返！青檸冰第一啖飲落去好酸😖酸到吐返出黎😂證明真材實料啦，食完成餐飯再飲落好消滯！西瓜冰係餐廳老細極力推薦架，佢話係新鮮劈出黎架喎！一飲又真係喎！好香西瓜味，飲得出有打碎左嘅西瓜肉同核，加埋碎冰好爽甜芒果冰就要睇好唔好彩，因為佢唔係芒果汁，而係新鮮芒果打成，上次黎飲個芒果冰又香又甜，今次啲芒果冇咁靚，冇咁甜仲有啲生😂飲落就知道一定冇加糖😂不過已經好少餐廳會用新鮮芒果整冰沙拉！上一次黎海南雞賣晒，今次終於有得食依隻雞唔係好肥，同埋睇啲雞皮唔係好黃就知道唔係染色，正啦！去骨海南雞雞胸雞髀雞翼有齊晒啦，雞肉好滑有雞味串燒就冇乜特別啦，如果係即炸嘅話就會好好食，因為啲肉好腍好滑，個皮脆脆地但係有啲乾，個沙爹醬好多花生，都唔錯嘅，但係下次唔會再食依個串燒啦😂上次黎已經見到好多人嗌依個生菜肉碎包，今次我地一於試下！依碟嘢一上黎好香好熱，應該係即炒！用生菜包住啲肉碎，哇要小心有汁流出黎呀！啲肉碎唔係話好嫩，但係食得出加左青檸汁同埋好多洋蔥芹菜等等嘅香料去炒，包住生菜食就唔係咁漏，成個感覺好清新！唔怪得知咁多人嗌啦依個咖哩大蜆亦都係重點之一！個咖哩食得出同一般咖哩唔

很久沒與家人吃泰菜, 又怕出名店舖人多等位, 就試試走入另一街找食店, 來了這間泰象館, 看看門面也不錯大致上也是大同少異的菜式反而這裡會有套餐選擇, 二人同行也可以有多些食物選擇又不會浪費價錢也差不多水位不過相比起來, 這裡的菜式份量較細碟每人一隻的大蜆, 加上吸味的粉絲, 味道算不錯菜上枱時, 大家都有點O咀..... 應該還要再叫才夠飽吧?!串燒則較為失望, 基本上只是微暖, 於是乎也不夠香; 醬汁是靈魂, 也只能說不過不失....還是自己抱太高期望?

🇹🇭泰國菜💃🏻✨呢幾日勁想食泰國菜於是衝左去九龍城😛九龍城周街都係泰國嘢食💛〰〰〰〰〰〰〰〰〰〰👉🏻蛋包鮮蝦金邊粉💲70🤤好甜💛金邊粉唔會炒到好油亦唔會乾到好痴身👏🏻蛋炒得好香👍🏻仲有一層薄薄地嘅蛋花鋪係面😽最中意就係撈埋啲花生粒一齊食🥜底有三隻蝦🦐同豆干(但好似少左啲🤔)仲有啲鹹鹹地嘅蝦乾仔綜和個金邊粉嘅甜😙好好食所以我食晒成碟😆〰〰〰〰〰〰〰〰〰〰👉🏻燒豬頸肉沙律🥗💲70原來係菜包豬頸肉🤔可能有人會厭佢太濕食唔出炭燒嘅味🔥但我幾buy佢個汁🤣唔太酸 仲有少少花生碎嘅甜😙但有少少油膩😛〰〰〰〰〰〰〰〰〰〰👉🏻香葉肉碎撈飯(豬肉)💲58有啲啲辣🌶個人應為香葉唔夠香🤔不過豬肉碎幾好唔會太硬都算嫩👍🏻個飯唔夠乾身 有啲痴埋左一齊🤔

最近都很懶，一直沒有給大家更新食評了😋但昨天的這一頓晚餐，實在給我很大驚喜！推動了懶惰的我🐛寫一下食評來推薦給大家😋當大家一提起九龍城的泰國菜，我第一間想到的會是小x谷，但由於已經光顧了幾次，都沒什麼大驚喜，所以朋友便上openrice找找看，發現了在小x谷下的便是這間在城南道的泰象館🐘🐘六點前，我們便到達了泰象館，一推開門便看到老闆一家人在吃飯😂沒有其他客人在店中，我們都以為正在落場，可能要換地方了， 但他們並沒有因為我們的打擾而顯得不高興，而是笑容滿面的歡迎我們！“歡迎光臨，裏面請坐丫！”一個六七歲貌似小太子爺的弟弟有朝氣說著。我們三個人被安排在靠牆的四人位，雖然店內沒有卡座，但坐位亦算寬敞舒適。看了一會餐牌，都還是拿不定主意，種類算多，而且圖片都很吸引。經過一番討論後，最後三個人點了四道菜和一個冬蔭海鮮湯。分別是炸芝士蝦丸、甜酸炸烏頭魚、南瓜咖哩軟殼蟹、馬拉盞炒通菜、冬蔭海鮮湯，另外還撘配了一碗雞油飯三個人share，而飲品方面點了椰青、椰汁珍多冰和青檸梳打。第一道來的是冬蔭海鮮湯，雖然我們只點了小份，但份量非常足夠三人，每人有一碗半左右的份量， 如果喜歡多飲幾碗或四人以上的朋友

同D朋友都係好鐘意去泰國玩同食野, 所以都成日去九龍城食唔同既泰國菜!早排響網上見到有人介紹依間, 就約埋D朋友黎試下啦一去到都有人響門口等位, 但間餐廳都算貼心, 響門口有部大風扇吹住, 大熱天時都唔太辛苦!唔駛等好耐就入得去嚕! 入面有個牌寫住有限時90分鐘, 我地就拿拿聲叫野喇!首先黎左個馬拉盞炒芥蘭, 一拎到黎我就覺得個份量好少, 唔係幾抵....而味道就正正常常, 未至於形容為好味....之後係青木瓜絲沙律, 一開始食都覺得OK, 都幾辣的, 但食食下同朋友都不約而同覺得有一陣好怪既腥味, 跟住我地頂唔順, 成兜都冇食再黎個黃咖啡雞, 我地叫左薄餅同蒜蓉包黎一齊食。個咖哩比我想像中稀，而個蒜蓉包就一邊脆, 一邊好林, 我就唔係幾識欣賞炸皮蛋比我平時食既算係幾大舊, 味道都OK, 不過就唔係幾夠彈牙。最後黎既燒鰂魚肉質唔錯, 但個醬汁可以做得好D。個椰汁冰同我想像有少少出入, 偏甜~見到人地個芒果沙冰好似吸引好多，不過我應該唔會再黎下一次架喇~ 冇機會試!

呢篇食評，主要寫給自己看的每次去九龍城，基本都去吃泰國菜但每次都隔了段時間才去，對餐廳印象都有點模糊，每次用力回想邊間炒菜炒得太濕，結果都諗唔起，然後又中多次伏，痛定思痛，我還是做個飲食記錄吧...這間泰象館食過好幾次，印象中味道還不錯。首先來的菜式是炒肉碎，被評為本晚最不錯的菜式，很下飯但味道又不至於過激 (太酸或辣）第二道菜是馬拉盞炒椰菜苗，份量很細，而且部分有吃到一點苦味，有點老，味道也偏咸了點第三道是椰青海鮮飯，一上桌我們就覺得好濕！不是說面頭的椰汁，是整個飯都是超濕潤的狀態...我黑人問號的想了一下這是否泰式risotto？！單純以味道來說還算不錯，而且可以吃到實在的椰子肉，但真的就是太濕....就是吃軟飯...隔壁坐的點了個金邊粉，看起來也是濕濕的，也許就是這店的風格吧～