泰象館

营业中

休息中

與友人參觀完九龍寨城公園，就去九龍城搵野食。泰國菜在九龍城有很多，而且友人又愛泰國菜，所以我們邊行邊揀，睇到這間價錢合理，於是便入內。雖然是小店，但有泰國的風味！我們點了「泰東鴨肉生菜包」、「青芒沙律」、「豬頸肉炒椰菜苗」、「蛋包鮮蝦金邊粉」。泰東鴨肉生菜包，鴨肉炒得香口，用生菜包住黎食，清新惹味！青芒沙律，酸酸地，開胃！友人食泰國菜，最愛點椰菜苗，這是泰國菜的特色！豬頸肉炒椰菜苗，豬頸肉軟硬適中，再配椰菜苗，味道很夾，美味 嘩！貌相很美的蛋包鮮蝦金邊粉 金邊粉味道酸甜恰好，其他材料及花生碎令口感更豐富！最後，我都忍不住要點椰青，但發現與我平時食開的不同，較少肉，多水，這樣也好，不致令我太飽

九龍城泰國菜館多的是 每間都覺有特式 當然要跟大家口味唔同去簡選 有的係串燒 有啲係菜式 烤魚 烤雞 好食既地方各有不同 泰象館我食過很多次了眾多選擇中的確是一個不錯的選擇 不過很坦白講 佢夜晚的質素係更好的 在繁忙時間 的確味道下跌 但9點後 人少了 味道就真係一流 價錢方面亦有較優惠套餐選擇的 今次選了A套餐 樣樣都ok 所以先覺得值得推薦 大家不妨一試 另下外加配了 蒜蓉包真係好好味 如果大家唔叫套餐 都另外叫一個咸魚芥蘭。。。 我每次都會

真係好好味❗️好好味❗️好好味‼️今日每叫既一味餸都好好味 蒜蓉炒椰菜苖 好香 啲菜好甜 炒得好入味但個人認為係有啲鹹嘅 不過岀街食野多數都係偏鹹既椰青冬蔭功湯 好有特式❗️用一個椰青載住D 冬蔭功湯 入面有d菇同蝦 足料喔‼️同埋都辣架 (唔食得辣既人 可以少辣）泰東生菜包（豬） 男朋友同屋企人表示好好味 辣度岩岩好 豬肉唔太肥 又係好味蒜蓉包好香牛油味 好脆 熱辣辣 yumyumyum紅咖喱雞 爸爸讚口不絕 說撈飯 撈薄餅一流 甜甜的 又不太辣甜酸鰂魚無得輸 幫你起哂d 肉出泥 再炸埋佢 然後鋪番靚佢 又加埋 d 甜酸醬 菠蘿同甜椒加埋呢d 醬 又係無敵架我自己一個都食咗大半條 總結泥講 所有既餸係無得輸 一定會再番泥食 同埋呢到d 服務態度係一流 ‼️提外話我地擔心被抄牌 佢得閒又會幫我地睇下車 又同我地講 宜加過咗抄牌時間架啦 唔洗驚 有講有笑既一餐 價錢合理 勁勁勁力推介

話說九龍城咁多間泰菜，有時好難揀間真係好味同抵食嘅泰國餐廳。聽朋友講呢一間泰象館裝修唔錯，坐得好舒服，一於去試下裝修唔單只光猛，坐得闊落，牆上際畫布都係泰國傳統神像！講重點，有幾樣真心推介第一：椰汁雞湯，姐係冬陰功加椰奶，好滑好香，雞件都好嫩滑，好少有呢種唔係紅咚咚既冬陰功第二：好有鑊氣既炒椰菜苗，爽甜鑊氣重，加上充滿鹹香既炸肉第三：推介呢個泰式金邊粉，呢個蛋網好勁，脆香，金邊粉留意返有泰國好正宗既配菜，花生，紅蝦米🦐第四：波蘿炒飯，正常，d飯炒到一粒粒分明，惹味既係有炸腰果配第五：好好好好味既青咖哩，唔會似出邊太甜既，或者太膩，仲有泰國茄子🇹🇭，一d都唔馬虎呢樣唔介紹唔得，炸鰂魚，原條分件去骨，再炸，唔會炸得老，啖啖肉，成條魚身都係脆，加上甜酸醬，彩椒好靚！以後大家話去九龍城食泰國菜我有首選啦

九龍城出名多泰國餐廳，在城南道的這間泰象館也很值得去食。內裡擺放著佛像及泰式海報。菜式種類多，還有套餐。泰式濕炒河可配豬肉，牛肉或雞肉，　河粉是正完的泰式又扁又大的那種，醬汁多，河粉吸盡 醬汁雞肉也夠軟，還有大量芥蘭舖在面。原個菠蘿海鮮炒飯果然足秤，堆到山的那樣高，再加上肉鬆，海鮮有蝦，墨魚，青口，還有大量的鮮甜菠蘿。炸蝦餅拼春卷現炸的，蝦餅及春卷好大夠，味道很好。蝦醬炒通菜濃濃的蝦醬味，好想食多幾口，通菜也夠嫩。食后感：真的超級划算，街坊價錢，不用HKD300，食物好味指數超越這個價還有服務員很友善，建議我們點細的那個拼盤以免我們浪費金錢

冬陰公湯辣度適中(本人比較能吃辣)👍🏻不過爐魚味道可以更辣🤣其他小菜例如生菜包炒菜類份量剛好！價錢合理，環境衛生，服務態度良好！🤪試過能放鬆享受美食的泰國菜館😆

九龍城出名泰國菜，今次黎到泰象館，味道同埋賣相都相當唔錯！值得推薦！菜單好多選擇，另外仲有套餐可以揀，每位百幾蚊算抵！因為實在太多選擇，最後我地散叫椰子雞湯，少少辣，用料相當十足，仲有菇同埋雞肉，味道有d似冬陰公青咖哩+薄餅一向對青咖哩情有獨鍾，依間做得相當唔錯炒椰菜苗，炒得好爽口。金邊粉，又係相當足料，內面仲有2隻蝦最驚喜係炸鰂魚！店舖好細心，望落去係成條魚，但原來已經片到一片片，去左骨，方便食用。而且甜甜酸酸，相當開胃。菠蘿炒飯，又係相當足料，旁邊仲有腰果，炒飯夾雜住好多海鮮，份量都多埋單每位百多元，職員好爽手，同埋好友善，一定會返黎再食。

星期五晚上同三五知己happy Friday, 大家決定食泰菜，食泰菜當然九龍城啦！未夠七點已經門口大排長龍，以為咩事，一於試下泰象館！等左半個鐘終於有得入座。第一時間叫杯芒果沙冰爽下先，好香芒果味，即叫即做👍🏻👍🏻之後老闆介紹爆炸蝦，果然好香囗好野味。另外推介南瓜軟殻蟹，一上菜已經比個賣相深深吸引住，南瓜配咖哩汁🎃好靚好香，加蒜蓉包一絕👍🏻😋。另一味點左甜酸鰂魚，本身食魚一般的我，再次令我找回興趣，一片片的魚肉非常細心，甜酸味好適中，我覺得非常好味，回味無窮！食物水準不錯，價錢合理，雖然沒有收加一服務費，但員工服務很好👍🏻很有禮貌！我地成班friends 都認為可以成為一個打咭熱點！門口放左個獎項，可以成為最佳開飯大獎，果然實而名歸。老闆提醒我地下次記得早D訂位，否則有排等！下星期有朋友生日🎂開飯，老闆話有生日優惠送比我地

首先前菜叫咗一碟螄蚶, 非常鮮味，沾上酸甜的醬汁令胃口大開，係必叫。不過如果驚腥味嘅朋友就唔建議叫啦。另外我哋仲叫咗一個春卷蝦餅小食,春卷材料豐富,香口鬆脆。不過最吸引嘅小食係蝦餅，非常厚肉，彈牙鮮甜，令食客一口接一口。另外，今次仲叫咗一個set B嘅套餐非常抵食。首先，第一道菜係脆肉炒通菜，有鑊氣味道正常。第二道餸係辣椒膏炒蜆，味道濃厚，蜆肉大舊，攞嚟送飯就一流。建議叫埋白飯一齊食！第三道餸咖喱炒軟殼蟹，係甜甜嘅黃咖喱，而且加入許多椰汁，軟殼蟹份量甚多。另一道餸泰式燒鯽魚，多肉少骨，沾上甜酸汁，清新開胃。飲品方面，我哋叫咗三個椰青，清甜，夠冰凍，正

十年都係食叧一間泰國菜。今次朋友生日佢想去試呢間。小店一間以為無特別。點知出乎意料好食。4個人食左。馬拉盞炒通菜。夠濃味。帶微辣。爽脆生蝦刺身。蝦味唔重但夠爽脆軟殼蟹咖喱南瓜。跟個薄餅同蒜蓉包。咖喱汁夠椰子香味。個汁結度適中冬陰公。足料。夠酸芝士炸蝦丸。個芝士好濃。蝦丸足料彈牙。炸得脆身。至少有五個人先好叫。有少少㳘木瓜沙律。朋友仔話有啲怪。唔知點解會有啲腥味。係得呢個食唔晒最後叫多個芒果黑白糯米飯。雖然芒果唔夠甜。但個飯好煙銀。正食物質素👍🏻👍🏻👍🏻服務既親切又有禮貌👍🏻👍🏻👍🏻

每個月總會有朋友生日🎂，香港咩都可以食到，五花八門的選擇，令人難以選擇。想食泰國菜，就會想起有小泰國之稱的九龍城，再加上網上的食評，終於在多間泰國菜中選擇了它—泰象館😉只要吃泰國餐，我必定點生菜包(豬)😋平時吃小辣的我覺得沒有什麼辣度，不過平常吃10小辣的朋友覺得太辣了，生菜是脆綠的。生蝦是朋友叫的，超快上枱，吃得出一早放好的，蝦表面🦐都乾了，個醬汁夠味，不過始終覺得唔新鮮😕炸芝士蝦丸👍🏻👍🏻👍🏻👍🏻芝士控一定喜歡💕店家把蝦丸切開上碟，見到芝士流出就想快快吃，不過真的即炸，所以超熱，怕熱的朋友要小心，芝士拉出絲超正！！🤩🤩不點醬也可以平時點烏頭的，但店家介紹我吃泰式燒鰂魚，就嘗試下，但今日應該吾新鮮，好大腥味，香茅味也蓋不了，接受唔到！！💔還有一碟濕炒海鮮河，河粉是這樣少和散的嗎？？菜多過海鮮，可能是我沒吃過濕的。總結:九龍城有太多間泰國菜，可以試不同的，不需要只吃一間😉

黎到九龍城，就等於要食泰國野，咁我就上openrice 睇下有邊間好食，咁岩泰象館就係我附近而且評價好高，於是我就去左試試。去到佢地而鋪頭已經full 曬，但店員帶左我地上二樓，二樓樓頂好矮，高既人會行得好辛苦，而且有d 迫，傾計唔係太方便。睇完個menu 後，我地決定叫以下呢幾樣野食。蛋包鮮蝦金邊粉外相幾好，蛋味好出，金邊粉幾爽口。生菜包呢個5星推介，d 肉碎好好味！！！炸芝士蝦丸其實呢道菜都唔錯，只不過食得多會太膩中途問店員拎左濕紙巾，雖然唔係鋪頭既，但都誠意可嘉

家人想食泰國菜，知道九龍城有超多的泰國菜館，不知怎樣選擇的時候，open rice這平台就發揮到功用。這間(泰象館)的食評不錯，於是選了這間。餐廳不算大，但菜式選擇都幾多蒜蓉炒椰菜苗 - 椰菜苗很嫩，炒菜始終覺得蒜蓉炒是最好吃原個菠蘿海鮮炒飯 - 食泰國菜一定要吃菠蘿炒飯，必定動作，這個炒飯的餸很多，最喜歡是有超多的肉鬆 、果仁和菠蘿蛋包鮮蝦炒金邊粉 - 金邊粉也是食泰國菜必吃的，這個賣相不錯，蛋絲整到一個網咁包住D粉，高難度呢！青咖哩雞 - 吃泰國菜也一定要吃青咖哩，因為在家很難煮到青咖哩，這個青咖哩很香滑，撈白飯就最好吃海南雞 - 肉質嫩滑，最喜歡點海南雞的醬汁原個椰青 - 阿仔連椰青肉都刮埋，唔好嘥

這間鋪不太大, 但樓面各店員很有禮貌，服務也很好, 食物味道不錯, 每ㄧ款都合我一家口味, 椰汁咖哩雞的汁配上薄餅/蒜蓉飽ㄧ流, 下次ㄧ定會光顧, 和家人食了ㄧ餐開心的冬至飯。

嚟到九龍城有咁多泰國嘢食，我哋都唔知邊間好食。所以就經過求其入左一間食啦。入到去店員嘅服務都好好，我哋叫咗呢個金邊粉，原來個粉有啲酸甜嘅味道係咁好食，同埋佢啲份量都好多，我哋另外仲叫咗個菠蘿炒飯但係冇影到相，但係個炒飯都係好有味好正，呢間餐廳真係好有驚喜好想再試再去食！