泰象館

营业中

休息中

食泰菜從來都係有小泰國之稱既九龍城莫屬，早兩日喺附近打完波，朋友話要帶我食泰菜，本來我都有食開既餐廳，不過佢推介話呢間又平又抵，點都會跟埋佢去睇下！8 點幾去到都幾乎坐滿人，店鋪面積唔算大，不過服務好，上菜快，翻檯都快，所以人氣都唔錯！菜式選擇多，小食到小炒，甜品都有供應！價錢合理！朋友話最抵食係呢個晚市套餐，298 有4道菜，計落又真係幾經濟實惠！2人餐到4人餐都有供應！頭先提過，呢度上菜速度都幾有效率，轉個頭碟辣味十足既酸辣鳳爪沙律已經送到！爽口夠酸夠辣，非常重口味，配上爽口既鮮洋葱同生菜，又幾開胃！另一重口味菜式咸魚炒芥蘭都好香咁送到檯上，嗰陣咸魚既香味真係令人流晒口水，又夠鑊氣，芥蘭爽脆鮮甜，確係幾好！大大粒晚咸魚粒，咸香味十足！跟住有份量十足既泰東生菜包，熱辣辣唔油膩既豬肉碎，配上爽甜既生菜，實在係一個唔錯既組合！豬肉碎好多，可以整多幾個都得，生菜新鮮甜美最後出場有大大條既明爐烏頭清湯，賣相十足，魚肉都滑，無泥味，清湯令魚肉變得更鮮甜魚肉都幾鮮甜嫩滑，唔錯一齊睇下今餐抵食又豐富既2人餐！

九龍城多泰國菜館眾所周知 今晚和家人繼續發掘好吃的泰菜 由於餐廳頗多食客 原先我們一家四口被安排坐近門口 後來有位置了 店員很好的把我們調進里面更寬敞的座位 還把我們的袋子放好 服務體貼 泰式生蝦生蝦大隻 口感彈牙爽口 無雪味 配以蒜頭及生苦瓜再加泰式醬汁 菠蘿炒飯飯面鋪滿腰果及肉鬆 份量足夠四人食用 飯炒得乾身 咸魚炒通菜咸魚香氣四溢 比馬拉盞更香口炭燒豬頸肉-肥瘦均勻 不會燒得太乾 配上泰式醬汁 少少辣 很惹味燒牛仔骨餐廳細心地把牛仔骨剪成細條 方便食用 芒果糯米飯芒果非常香甜 暖暖的椰汁倒在糯米飯上 口感煙韌

想食正宗又好食嘅泰國菜，不二之選當然要來到九龍城，除左好味外，價錢亦相當合理。我們先到城南道買D泰國雜貨，途經泰象館，見到都幾多人食，就試試。店內牆上貼滿了圖片，方便參考，岩曬小妺最鐘意睇圖。套餐都幾吸引同幾抵食，四個餸，$300 都唔洗！不過由於我地今日想食海南雞，所以就散叫。海南雞 半隻$77呢到嘅海南雞份量都唔細，半隻已經好大份，雞肉已去骨，雞皮亦沒有多餘的脂肪，雞皮爽滑，做到真正的皮薄肉嫩。加埋酸辣汁一齊食，每口都啖啖肉，非常滿足。胡椒粉絲焗大蜆煲$152上枱時發出吱吱咋咋的聲音，岩岩新鮮煮好，個煲仲好熱，發出陣陣胡椒的香味，未食已經覺得好惹味，大蜆新鮮嫩滑，蜆肉肥大味美，火喉控制岩岩好。粉絲加上芹菜絲同時吸盡了蜆和胡椒的味道，辣而不嗆，送飯一流。馬拉盞炒椰菜苗$67食泰國野最鐘意食椰菜苗，呢到的小炒，炒得甚有鑊氣，椰菜苗充滿蒜香馬拉盞味，炒得很乾身，非常香口，而且口感唔會太硬，爽爽地好好食，帶有點微辣，辣辣地好開胃，食到唔停口。冬蔭功(小) $742 個人食一個小的冬蔭功已經夠食，份量有3-4 碗湯左右，酸味夠，辣味亦都夠，用上了不少香茅和其他材料熬成，好夠味。湯內有2-3

突然好想食泰菜，更係要去九龍城啦，我特別鍾意去一些小店食，因為我覺得好地度別別一番風味，所以今次都唔例外選擇左小店，估唔到有驚喜👍🏻👍🏻👍🏻店舖雖然唔算好大，但整齊乾淨已經足夠。餐牌上有超過30多款美食，花多眼亂。我地叫左 甜酸炸烏頭魚，刺身蝦，冬陰公，菠蘿炒飯，馬拉盞炒椰菜苗，生菜包生菜包，豬肉炒juicy ,有小小酸味好開胃，美中不足是我覺得生菜可以再爽口d 就完美。冬陰公，勁足料隻蝦超大隻，味道好濃郁，鍾意食泰國菜一定要點。海鮮菠蘿炒飯，菠蘿味好香甜，酸酸甜甜好好味，配上肉鬆腰果，令口感可以去到另一個層次。馬拉盞炒椰菜苗，是我去到每一間泰菜店必點之一，這次都冇令我失望，炒得啱啱好，椰菜苗好爽口彈牙，鑊氣十足。甜酸炸烏頭魚，酸甜汁甜酸度剛剛好，炸得好香口，肉質鮮嫩，外皮炸得都好脆，連配菜都好好味，一定要趁熱食，鍾意食酸野嘅朋友必點之選。

又來到每天都滿坐嘅泰國菜館，好多人都食過都話好，價錢合理，味道都唔錯。只是坐位迫小小，無辦法啦！好食就多人來，迫D都無所謂。甜酸炸則魚$142，好考廚藝，師傅炸得剛好，魚肉外脆內軟，加上秘製甜酸汁和配菜有波蘿粒、紅黃辣椒粒等，增加魚肉另一番味道。我最喜歡吃蛋包鮮蝦金邊粉$72，外層被一片簿簿蛋綱蓋住；隱約看見內裹的粉條，周邊曬上花生粒，外貌非常吸引。輕輕地撥開蛋綱，金邊粉便湧出來。味道是泰式風味，酸酸甜甜好醒胃。拼盤小食都唔錯，如泰式魚餅特別好食。飲品方面都提供幾款凍飲，我就選了西瓜沙冰，好清涼嘅飲料，西瓜味濃郁。

每次同屋企人出街食飯，都提議到九龍城食泰國菜，泰象館都是我們喜歡食的一間泰國餐廳，這裏菜式選擇應有盡有，價錢亦非常合理。👍👍👍 生蝦刺身有9隻咁多，蝦肉彈牙厚身，亦有冰底保持新鮮。辣椒同生蒜夠晒刺激，點埋辣汁一齊食，食到停唔到口。 馬拉盞炒椰菜苗我每次去食泰菜必定會叫炒椰菜苗，因為本身椰菜苗好少地方有得食，今次仲係用馬拉盞炒，辣辣地好惹味，加上熱辣辣上碟，香噴噴。😋😋😋 冬陰功湯的材料主要以海鮮為主，蝦肉大大隻非常彈牙再加入秀珍菇及其他海鮮配料及香茅，酸酸辣辣，飲完出了一身汗，好刺激。 甜酸炸烏頭魚烏頭魚通常煮法都是燒同明爐烹調，炸的都是第一次食，烏頭炸得脆卜卜再加入甜酸醬食吾停口，醬汁加入了菠蘿青瓜青椒做配料，師傅亦好細心刀工一流，把魚肉切到一嚿嚿完全冇骨入口非常方便。

今晚去左九龍城泰象館食泰國菜，都有一段時間未食泰國菜。今晚食完真想去泰國一轉玩吓！一定唔少得小食拼盤$125，有炸蟹餅、炸魚餅、炸春捲和雞卷，我最喜歡食炸魚餅，因為這裡食先食出泰國風味。另外蟹餅都好吃，外脆內肉質微彈 。另外串燒三拼$77，都不可少，味道有牛肉、豬肉和雞肉，每款都有不同口感，加入串燒汁，味道更加特出美味。泰式攬角肉碎炒四季豆$70，我覺得要在外面先吃到欖角嘅味道，自己反屋企煮不到這種味道。所以我大都數會叫呢個菜。四季豆不太軟身，炒得剛好帶點爽口。天氣炎熱最好飲杯沙冰降溫。青檸沙冰$30/杯，酸酸地好醒胃，飲一啖熱氣全消。

來到九龍城，又是吃泰國菜的時候。這次就選擇了我心目中的一間泰國餐，雖然不是什麼明星餐廳，但口味卻是明星級。餐廳很有泰國特色，雖不是地方大，但卻坐得舒服，適合家人,朋友和情侶前來。生蝦刺身它的生蝦一如以往的新鮮，沒有半點雪藏味，而且口感很爽，配上一片苦瓜，鮮味和口感瞬間提升。鹹魚粒炒通菜通菜很新鮮，配上鹹魚粒，味道更加野味。重點是一點也一咸，有咸魚的香味，但不會像咸魚般重味，老人家不用怕吃。鴨肉生菜包豬肉生菜包吃得多，鴨肉就不常吃，鴨肉配生菜，味道更加出眾。加上生菜大大片又新鮮，值得一試。烤豬頸肉豬頸肉份量非常之多，而且烤得非常香口，外脆內軟，配上特製的醬汁，甜甜辣辣，讓人停不了口。芒果糯米飯最後不能不試的就是它的芒果糯米飯，紅白糯米都非常‘煙銀，而且香口，配上一碟熱辣辣的椰汁，真是讓人垂涎三尺，難怪女友叫了兩碟呢！!最後我常來原因是，店員服務真是一百分，這點讓我很開心。

同朋友黎到九龍城食泰菜，睇完餐牌就揀左呢間，而行經咁多間唔係少客就冇客，你以為客未到啦，食完走都係見個場吉嘅。。。。我相信我冇揀錯呢間所有菜式都好好味，不過呢個咸蟹木瓜沙律就。。。記得叫返正常果種，因為隻咸蟹係生醃，超咸超硬超腥，雖然佢本身可能係咁，但我真係接受唔到囉拼盤好味，大份又炸得出色，人多分享好岩生菜包都好好味，生菜新鮮大塊，肉碎好香口冇出水，比起我自己炒乾身好多紅咖喱豬就可以啦，因為個咖啡汁淡啲，我食慣嘅都係比呢隻橙更加紅，佢似打左芡所以咁稠，但係唔夠濃郁！炒金邊粉就一流，夠鑊氣，好香椰菜苗都係我地主打要食，雖然有少少唔似平時果種，好似大左啲啲，不過都好爽好香甜品芒果糯米飯一份都咁大，真係抵，亦都好好食，一定要落個椰漿環境幾好唔迫，食物有質素，人流多都顯得佢有質素，而且上菜好快，唔等太耐，甚至有套餐，又可以半價換支紅白酒飲，鍾意飲酒吹水岩晒:

食泰國菜地方，首選一定去九龍城。成條街任你揀，之前試過有D味太濃，食完之後會好口渴，偏偏就鐘意試新野，間間都想試下。行到呢間見到整整齊齊，又乾淨，就決定入去試下。好好彩我地早到一步，唔駛等位有得食。餐牌款式都多，價錢唔算貴。最後3個人叫左5樣野。服務很好，上菜又快，坐得舒服，食得開心，份量中等，有機會下次會想試串燒同魚，見到好多人食😋😋南瓜咖喱軟殼蟹，值得推介。薄餅/蒜蓉包一齊食，真係唔錯。蝦餅 大大件 口感唔幾好酸辣鳳爪 --可能我食得辣，所以嫌佢唔夠辣🤭蝦醬炒通菜 呢個就普普通通芒果沙冰 唔夠芒果味🤭椰青 夠凍夠甜😁

食泰菜當然係九龍城，朋友話要食燒魚，所以約了我來到這裡，看看餐牌後，點了燒鰂魚。串燒半打，三拼有豬牛雞，沙嗲醬甜甜的。蒜蓉椰菜苗，有蒜香，椰菜苗好爽口。燒鰂魚，打開魚皮，有陣陣的香茅香料香味。魚肉滑滑的，又有魚的肉汁，配秘製的泰式辣汁，有魚的鮮甜味加辣辣的泰汁，辣得好好味。食泰菜辣辣的，最愛叫泰國特飲，叫了芒果沙冰，濃濃的芒果味，又香又甜。泰式沙冰是特別濃味，食完辣野飲，凍凍的甜甜的，真是特別好飲。看見隔離枱叫了一大碟燒雞亦，好吸引，還有手咁大的燒蝦，下次來真是要叫來食下先得，勁吸引。

前排台灣有朋友來探望我，在煩惱帶他到那兒洗塵，想起之前在九龍城吃過的泰國菜實在令人回味不已。本想即興訂座，可是上次吃的那間菜館剛好東主有喜，於是轉投泰象館嚐嚐鮮。基本上我食泰國菜，通常都是獨沽四味的。生蝦、冬蔭功湯、豬肉生菜包和波羅炒飯。能在九龍城立足的泰菜館功力自然都有番咁上下。我和朋友們都吃得津津有味。四道家常菜吃過了後，我們今日聚會隆重登場—香芒酥炸松鼠魚。這道魚以鱖魚為原料，經去骨、剖花、炸制，呈松鼠狀，再澆上糖醋汁而成。我記得這本是蘇州名菜，然而店家特意選用泰國時令香芒精心調制糖醋汁。可見店家的中菜功底也十分深厚。這道松鼠魚通身切成魚塊，酥炸通透再拼砌回魚的骨體內，澆上大紅大黃的甜酸汁真是全面地衝撃老饕們的視覺、嗅覺、味覺。真真的色香味俱全。除了這道松鼠魚外，還配了道馬拉盞通菜調和口味。惹味香口的鹹魚和爽脆的通菜真是最佳拍擋。也能中和松鼠魚的甜膩感。朋友無飯不歡，為了這個馬拉盞通菜連吃了兩大碗飯。我和朋友們都捵著肚子心滿意足地離去。還相約下次再到泰象館再吃松鼠魚。

這晚相約了朋友晚餐，朋友說想吃泰國菜，即提議到九龍城。在附近逛了一圈，看見這間店內光猛，環境乾淨企理，還有坐了不少食客，便走了進去。先來款開胃沙律，酸辣海鮮粉絲沙律，分量很大碟，有蝦有魷魚有青口，非常足料。燒雞全翼大大隻，只是$15一隻，非常抵吃，燒得香脆惹味。燒大頭蝦三隻，店員一上枱，我和朋友都嘩了一聲，超級超級大隻，三大隻大頭蝦也只是$105，蝦肉很新鮮爽甜，其中兩隻還有蝦膏，價錢非常非常抵吃。馬拉盞炒椰菜苗，味道也不錯，有少許微辣。這裏環境舒適，價錢划算，而且店員態度非常友善和細心，送上雞全翼那道菜後會主動遞上濕紙巾，會推介給喜歡吃泰菜的朋友。

跟屋企一行5人來食母親節飯。地點方便易搵!上菜 很快 好有效率!安排坐位妥當,服務員細心 招呼周到!食物方面 雖然味道一般 但係份量同埋價錢好合理。但烏頭太惺,生蝦唔夠爽口,好似唔新鮮咁。其他都正常,可惜沒有叫店長推介的食物。可以再嚟幫襯!

今晚同朋友去九龍城覓食，見到呢間閒日7點鐘已經人頭湧湧，就嚟咗試吓。好彩餐廳有兩層座位多，等左一陣就入得啦。見到隔離枱唔少食物都好吸引，奈何得兩個人，試唔到太多款。1. 泰東鴨肉生菜包雞牛豬嘅生菜包都食過，真係未試過鴨肉，原來又幾好味。中間仲有啲炸脆咗嘅鴨皮，食落口感好豐富，幾有心思😋😋😋2.泰象館招牌炒飯炒飯用蛋網包住，賣相幾靚。切開仲有好多料😍啲飯炒得好香，又唔會太乾太硬！3. 燒鰂魚即叫即燒嘅鰂魚，一上枱已經聞到好香☺️魚身入面釀咗好多香料，就咁食魚肉有淡淡香味，點埋醬汁，少少辣好惹味。其實條魚都幾大條，但因為好食，我哋好快清晒🤣其實仲好想試咖喱，芒果糯米飯，不過真係食唔落，唯有留待下次。仲要一提係全部職員都好斯文有禮，雖然客人多，但係非常之有禮貌，總括嚟講係非常舒服嘅一餐☺️