泰象館

营业中

休息中

同老公去親九龍城都忍唔住食泰菜今次第一次來到泰象館平日夜晚7點已經差唔多滿座!成本餐單好多款菜式，選擇困難症發作!可惜得兩條友，試唔到太多下次要一大班人來先得!落完單好快就上菜，仲要差唔多一次黎哂，有效率!最後order了以下幾款:黃咖哩雞 $75 + 薄餅 $25 + 蒜蓉包 $25由於本人食唔到太辣，店員推介黃咖哩，偏甜，蔬菜好足料，唔會煮得過淋，當然要配薄餅啦，有8塊，夠脆，食唔停呀！蒜蓉包亦唔普通，包好脆，面頭勁多蒜蓉粒好濃味，淨係食呢碟都飽左8成哈哈串燒三拼 (豬牛雞) $77(6串)串燒惹味又大串，但燒得偏乾身，好彩個沙嗲醬加返唔少分!泰式濕炒河(牛) $57是次放棄最愛的PadThai，試下食濕炒河，有驚喜!用粗河粉去炒，可配豬/牛/雞/海鮮等，再加濃濃芡汁，正!馬拉盞炒通菜 $62炒通菜係每次食泰菜必點，今次揀馬拉盞炒，唔算太辣亦唔算太油。飲品方面，老公就叫左支Singha啤($28)啤一啤佢埋單都係$300零好抵食!

很久未食泰菜了，今晚就專程來到最多泰菜食的九龍城，揀了城南道的泰象館食泰菜晚餐！泰象館是一間充滿泰國特色裝修的泰式餐廳。今晚食泰菜要了個精選晚市二人餐，有 酸辣鳳爪沙律 、明爐烏頭清湯、咸魚炒芥蘭及泰東豬肉生菜包。酸辣鳳爪沙律 點完菜後，上菜非常快，鳳爪沙律很快就上枱，鳳爪非常爽口，酸酸甜甜的味道最吸引我了，連配菜一齊食非常惹味！泰東豬肉生菜包肉碎生菜包，肉碎炒得非常香，生菜包著肉碎，清新爽口又帶豬肉香，這是一道我非常喜愛的泰國特色菜！！鹹魚炒芥蘭芥蘭很幼嫩，非常脆口，炒得非常香 ，鹹魚的味道原來與芥蘭都非常般配，也是一道特色的泰菜。明爐烏頭清湯烏頭魚非常多配菜，肉質淋滑，味道帶著泰式特有的酸酸甜甜，食泰菜我很愛用明火慢慢滾下滾下的食，一邊熱辣辣的一邊食，食得份外滋味，非常享受的特色菜！

九龍城出名食泰國菜，所以對泰國菜都幾有期望，同埋就搵左呢間好出名既「泰象館」。環境方面一般，尚算整潔，當日2點幾去到，店員表示無lunch menu，只有一整本既菜單可選擇。蛋包鮮蝦金邊粉$72賣相幾好，味道不錯，酸酸甜甜，份量都好夠！椰汁咖哩（雞）$75椰汁既味道蓋過咖哩汁，雞肉則吾夠入味，無咩泰國菜既feel！薄餅$25有咖哩點少得薄餅，$25有8大塊，鬆軟又有少少脆，都算抵食！燒豬頸肉$74勁un，完全咬吾到，仲要凍哂，似乎放左好多日！👎🏻👎🏻👎🏻All in all, 吾會再幫襯，都幾失望下，lunch黎講算係貴。

突然來到九龍城本身無諗住食野，但太耐無來過這塊舊地，即刻search一下邊間泰菜唔會中伏，所以揀泰象，食左咖哩炒膏蟹 ,濕炒河(叫左兩次) 好味,冬陰公湯，炒椰菜苗，蒜蓉包同薄餅仔點咖哩，蒜蓉包可以再龍未啲，薄餅五剪到細細塊其實我鍾意大塊咁食，咖喱炒膏蟹唔係話好驚喜但志在夠熱汁非常多，濕炒可係好好味，冬陰功湯非常足料有蝦有菇蝦還有高添，我叫細碗其實可以分到兩人份量，其實餐飯令我最喜歡的是菠蘿沙冰飲料。飲落去有少少椰奶味，

菜式多選擇，而且老闆同店員都友善好客～份量都不少，女仔如果細食嘅可能Share會比較好。 晚餐亦有設set （套餐）由$2xx起一個set.價錢大眾化～ 牆上亦有標示推出咩精選菜式～ 鐵板通菜炒豬頸肉同牛柳粒都夠惹味😋 酸辣鳳爪如果唔係話好食得辣的建議你叫定椰青啦😉

去九龍城通常都係食泰國菜～ 有時選擇多到唔知揀邊間好！ 見到呢間午市既價格都幾經濟實惠！ 冬蔭公炒飯 $40呢個餸係最有驚喜！ 半濕炒飯～ 唔算太辣而且真係用冬陰功料炒！ 好食～青咖喱雞飯 $40青咖喱都好重椰汁味～ 真係可以撈多幾碗飯！ 不過雞就有少少鞋身，但有好多配料！ 泰式炒金邊粉 $40酸酸甜甜但係覺得炒得有少少濕～無咁鑊氣！雖然好足料但豆腐乾口感就麻麻地～ 跟餐 泰式飛天通菜 $35 夠大碟，不過偏油～炸皮蛋球 $75份量係2個皮蛋～ 外面用蝦肉包住 好厚實！又彈牙！ 不過中午以晚市價錢嗌 偏貴～

響香港想食泰菜當然去九龍城，今次食呢間泰象館午市超抵食，真係茶餐廳既價錢（係仲平過茶仔價錢先啱！）泰式既風味！冬陰功炒飯 $40 冬陰功味唔算好濃，我鍾意，少少辣幾開胃，不過有少少油。泰式炒金邊粉 $40 我最愛Phat-Thai，呢個中規中矩，酸酸甜甜又係開胃，只是豆腐乾口感差少少。青咖喱豬肉飯 $40 唔會好辣，偏甜，撈飯一流。配料除左豬肉仲有豆角，小茄子等，無揸流攤。午市跟個泰式飛天通菜 加$35，夠大碟，菜夠嫩口。午市跟餐飲品配龍眼冰 免費，椰汁冰 加$5，青檸沙冰 加$10。小食或晚市炒粉麵飯就係正常泰菜餐廳價，叫左個小食炸皮蛋球 $75，厚身炸蝦餅包住皮蛋炸，外脆內軟，口感正呀！

經開九龍城一定要試試九龍城既泰國餐廳於是揀左呢間午市套餐非常抵食平均$40左右就食到仲要全部大大碟👍🏻泰式菠蘿炒飯 $40飯夠乾身 粒粒分明仲加左臘腸粒👍🏻但無肉鬆都係覺得差少少咁青咖喱雞飯 $40咖喱唔太辣 帶點甜味雞夠滑 唔錯唔錯唯一唔同既係個青咖喱汁稀得濟🙈泰式炒金邊粉 $40酸酸甜甜 唔太辣又加左櫻花蝦 幾特別套餐+$35有 泰式飛天通菜D通菜好幼好嫩好好食 有點兒辣食唔到辣既人可以嗌少辣飲品方面比較細杯😂

Summary: As the title suggest; food and price are quite ok, but at the same time it's not as authentic as other restaurants in Kowloon City. Flavour is more toned for HK preference I feel.The Goods: Price is very reasonable, portion is big. Service is not bad for HK standard. The Bads: Flavour needs a bit of work if they're aiming for authentic (or at least good Thai food for Thais), unless of course if it's more for HK taste. A minor point, decoration feels a bit out of place. Damage: We (2 per

九龍城一向最多泰國餐廳，不過我特別喜歡這一間，雖然空間不算太大，但乾淨企理，味道比較正宗。椰青泰國直送，味道清甜解渴，消暑一流。飛天通菜鑊氣十足，跟我在泰國吃到的味道一樣，而且加了辣椒同炒，多了一點辣味反而令人越吃越想吃，通菜青綠翠嫩，正！炸芝士蝦丸炸蝦餅的變奏版，蝦肉包住芝士餡料再搓成圓形去炸，外皮香脆可口，蝦肉爽口彈牙，加上芝士更添滋味。燒鰂魚每次一定必食，魚肉鮮嫩多汁，沾少少泰式醬汁，更加帶出魚肉鮮甜香味。泰式乾炒海鮮河用上超闊身河粉，食落特別薄而軟身，河粉炒到非常香口，海鮮配料鮮味十足，整體乾身不太油，堅正！

忙碌嘅工作後，真係要搵間好嘢食，才可治療心靈！食泰菜、去九龍城，好似係必然的😂當冇頭緒下就揀咗間企企理理入去試。店舖牆上放滿各特色菜式，所以一坐低就前後、左右咁望。叫咗：胡椒粉絲焗大蜆煲，蜆肉嘅夠肥大，鮮甜，再用胡椒來煮更惹味，加埋粉絲可以索埋D鮮味，真係好正👍🏻食泰菜唔係唔叫個咖喱呀？！咁就叫咗個咖喱豬肉，好香咖喱味，唔辣仲有一點甜，不食飯，要了客薄餅才沾D咖喱汁，好好味😋炸蝦餅係我飛佛，必叫的。好香口，蝦肉鮮、彈牙，點埋泰式酸甜醬，味道更多層次😍飲埋杯鹹檸檬七喜，滿足哂！！

每次想食泰國菜都會想盡量去九龍城食，因為最多選擇，有好多泰國餐廳，試極都未試晒。今日好早去到，約六點左右，周圍行下咁啱見到呢間，個menu又幾啱食就入去試下。唔係太餓，就唔叫飯麵類，所以最後叫左燒豬頸肉($74), 蝦醬炒椰菜苗($67), 泰式燒魷魚 ($122), 同一杯野飲金不換菠蘿冰($30)豬頸肉同燒魷魚都好惹味，份量夠，個汁都好有泰國風味。蝦醬炒椰菜苗，菜苗新鮮又夠熱。最後個菠蘿冰好fresh同特别。因為佢落左金不換，個味更加清新，加添左層次。滿足左個食泰國野嘅慾望，感覺好實在呀。

要數其中一間去得最多喺九龍城嘅泰國菜呢間絕對係其中之一， 原因好簡單因為抵食又好食所以次次食完都心掛掛要再返嚟食， 仲要食完一定要寫個食評畀佢地當鼓勵先得。首先點解呢間泰象館咁吸引我呢？其中一個原因就係因為佢係非常抵食，兩個人食到捧住個肚走加埋都唔洗$300，喺九龍城實在真係好難搵到呢個價錢又好食既泰菜，所以我成日都encore。當然，食物質素絕對係好好，首先一定要強烈推介呢個炸皮蛋球，話說今次係我第一次點呢個食，直至到我食果一刻我先知原來係果一層皮原來係蝦餅！真係好有驚喜而且睇得出即叫即炸非常香口，加埋皮蛋更加充滿特色，必叫!另外泰式乾炒牛河，乾身少油，河粉無黐埋一舊舊咁，牛既份量又多，出色!仲有串燒三拼肉感豐富，調味料調教得好好，都好好味。另外炒椰菜苗清得黎味道唔錯，芒果沙冰勁多芒果勁豐富。所以整體黎講泰象館真係無得輸既

泰國菜我食嚟食去都係嗰兩三間，但係九龍城實在有太多泰式餐廳，所以今日試新餐廳😊 泰象館 ～ sharp醒黃色的招牌 入面的枱已經全部用膠板分隔👍🏻芒果沙冰～用鮮芒果打出嚟，好棉，好濃芒果味，正呀👍🏻👍🏻👍🏻菠蘿沙冰 ～ 比芒果沙冰啖D，但都有菠蘿香味泰東鴨肉生菜包 ～ 生菜包食得多，但真係第一次有鴨肉可以揀，食到鴨的so味😋蛋包鮮蝦金邊粉 ～ 上碟好靚，味道正常，都幾足料炸芝士蝦丸 ～ 上碟好似一個菠蘿😆D芝士真係.....嘩.....好多.....拉絲呀🤤🤤蝦丸彈牙，嫌芝士太膩可以只叫炸蝦餅👍🏻👍🏻👍🏻串燒雞腎 ～ $15 一串，每串有咁大舊咁多真係超抵食，個汁好正，如果唔係叫左咁多野食會再試埋其他款串燒😂😂甜酸炸鯽魚🐟 ～ 好似無見過泰菜有呢道菜🧐加上我鍾意食松子魚，咁係佢d friend，我當然要試吓啦🤭好大條，已經起左肉，基本上無骨，啖啖肉，食哂魚肉之後我連佢d骨都唔放過🤪🤪可想而知係幾咁惹味脆口🤤🤤今晚又係叫多左少少，所以又係捧住個肚走🤭🤭

泰國菜是九龍城的名物之一，這裏素有香港小泰國之稱。今晚來了這間曾榮獲OpenRice開飯熱點的泰菜餐廳——泰象館，這裏主售經典的泰菜，價錢頗為實惠，一碟泰式炒河只售50多元，而且不收加一服務費。柚子沙律柚子很冰凍，在夏日的尾巴上帶來一點清涼。花生的脆感、生菜的清爽、柚子的酸甜、洋蔥的辛辣、蝦仁的爽脆、加上醬汁的配合，結合成這美味的開胃小菜。泰式炸蝦餅一碟有八件，外皮炸得香脆，蝦膠做得彈牙。泰式豬肉濕炒河濕炒河的配料非常多，豬肉大大片，肉很嫩滑。炒河多汁，而醬汁調味適中不會太鹹，口味輕盈，吃完都不會覺得口渴。脆肉炒椰菜苗脆肉的肥肉軟糯，咸咸香香的味道為菜式潤飾。椰菜苗顏色青翠，口感清脆，味道夠鑊氣。吃泰菜，當然要一杯冰凍的飲品配合，清涼又清爽的青檸梳打便是最佳拍檔。