泰象館

营业中

休息中

同妹妹去完旺角就過嚟九龍城食晚餐，我哋6:00就到了，當時仲需要排隊等位，但過咗6:30之後就已經full House，所以大家如果食晚飯可能要訂枱啦。芒果沙冰飲得出係新鮮芒果打出嚟嘅沙冰，香甜嘅芒果味，分量大大杯消暑一流。青檸沙冰透心涼的青檸沙冰，帶有少少甜味，感覺好清新。酸辣鳳爪沙律我覺得依個係食泰國菜必點，無骨嘅鳳爪，配上正宗泰式酸酸辣辣的醬汁而且有啲芹菜增添香味。脆肉炒椰菜苗食泰國菜點可以唔食椰菜苗，泰式嘅脆肉有少少鹹香味，有香脆嘅口感，椰菜苗都好爽脆。豬肉青咖喱青咖喱但有少少辣，好香嘅香茅味同檸檬葉味道，咖喱食落好creamy，我哋另外點樣分泰式薄餅用嚟點咖喱。泰皇秘制鰂魚一上枱已經俾佢賣相吸引，面頭有一啲酸酸辣辣嘅青木瓜沙律，下邊脆炸嘅鰂魚已經完條起咗肉，超級方便，魚肉炸到好酥脆，啲骨呀都可以食埋。

兩年前嘅今日，同班朋友開開心心咁樣去泰國旅行，可惜而家疫情冇得去，唯有喺香港搵間正宗嘅泰國菜餐廳黎食下。喺OpenRice見到有間泰象館嘅泰式餐廳幾熱門，所以走左去試。一坐低，就叫左個去泰國必食既Pad Thai, 另外仲叫咗隻雞全翼，一份元貝同埋餐廳推介嘅金不換菠蘿沙冰。Pad Thai好足料，配埋啲花生碎同埋啲青檸汁一齊食，酸酸甜甜好好味。隻元貝啲蒜蓉汁好正，忍唔住連汁都飲埋。正當我猶豫緊點樣食隻雞翼嘅時候，店員非常貼心地拎咗紙巾同埋濕紙巾俾我，抵贊。最後呢杯金不換菠蘿冰沙，飲落真係好清新，最啱依家啲天氣飲👍🏻

今天很久沒有食泰國菜所以和老公去左九龍城，隨便進入一間泰國餐廳，6點多都差不多滿座，好彩都還有個2人位，進店後應該係店的老闆友善地招呼我們，我們都二話不說點了幾款食物，有泰式鳳爪沙律豬頸肉炒芥蘭泰式燒雞串燒雞腎和招牌炒飯食物很快就已經送到枱上。鳳爪是我們吃泰國菜必點的食物，這間店的鳳爪非常爽口，而且味道酸酸辣辣，十分醒神！泰式燒雞的肉質很鮮嫩，很有雞味，外皮的醃料會吸引你一直想繼續吃。他們的招牌炒飯，賣相很美，內裡也十分足料，有魷魚，蝦，蜆，我和老公把一整碟飯都吃光。還有串燒雞腎和豬頸肉炒芥蘭，雞腎燒後不會像橡皮一樣，依然十分彈牙，而且他家的醬汁十分惹味，可惜我們已經十分飽，下次一定要再嘗試他們的其他串燒，而他們的炒菜都好新鮮。我們兩個都吃得飽飽離開，還有一個賣點是，在整個進餐過程店裡員工的招呼都十分周到，今我們都十分滿意這次用餐，最後都只吃了$355，價錢都很相宜，下次當想吃泰國菜就不用再找了，一定會到這間泰象館餐廳

是日母親節,怕好多出街食飯,我地又無訂位,所以4點幾5點就準備食咁當然,我地都識做,拿拿臨食完就比番張台人,唔好阻住人地做生意飲品叫左$30芒果沙冰同埋椰青$36沙冰唔會好甜,夠凍,幾好椰青唔夠凍不過幾甜,唯一係肉唔夠淋,挖唔到出來吃..生蝦 $98唔大隻,唔爽,有D梅,唔太新鮮. 唔夠凍.唔抵.但生蝦汁幾好$75 半隻 海南雞好大份 肉好多 無乜骨 好嫩好滑 勁好食個汁都好正. 下次要叫夠一隻. 蝦醬通菜 $68好食. 醬唔會太咸$75 豬牛雞各2串燒燒得幾好, 由其是豬同埋雞.牛就差D 肉質有些小UN豬就好食 但有些小唔熟. 入面仲紅紅地. 要留意下個汁又係好好正.$142 蒸烏頭魚質好差 好實好硬 唔似新鮮魚但係個湯底真係好正....小小辣..又夠酸...

每次都不會失望，大約兩三個月就會去一次這間泰國菜館。室內環境舒服，清潔整齊，備有安心出行和量體溫設施，服務員禮貌招待地提醒顧客們使用，晚上6時許，餐廳座位已坐滿客人，下次光顧最好預訂座位。1. 柚子沙律 $70一疏疏的酸甜柚子舖滿碟邊，蝦仁肉質鮮甜，脆口花生，還有洋蔥的辛辣，加上泰式酸甜汁，確是一道餐前的醒胃菜，好味。2. 燒豬頸肉 $74份量十足夠大份，肥瘦適中，惹味的燒烤肉質爽口彈牙，配上濃濃的泰式醬汁，更覺可口。3. 焗椰青海鮮炒飯$90擺相吸睛，足料炒飯球佈滿整個椰青，份量豐富，大隻鮮甜蝦肉，厚切爽口墨魚及新鮮青口，還有新鮮椰肉，加上香濃椰汁的炒飯，味道極佳，美味無窮。4. 椰青$36椰青清甜可口，椰肉嫩滑，確是極佳的飯後飲品，無得輸。凍洛神花茶$29是女性最好的養顏飲料，味甘酸甜的消暑飲品，好飲。

平日的九龍城比較冷清，但泰象館永遠都熱熱鬧鬧的，未到7:00都坐滿了人。酸辣鳳爪沙律 酸酸辣辣的，夏天吃很開胃，是泰國特色小吃之一。鳳爪已去骨，吃的時候可大口大口咀嚼，非常滋味，鳳爪爽口，食不停口，這辣度我很喜歡，夠刺激！炸蝦餅炸蝦餅即叫即炸，熱辣辣，八大件，外皮金黃色，濃濃的海蝦鮮味，蝦肉彈牙嫩滑，滿口油香，令人回味。芒果蟹肉炒飯炒飯賣相吸引，而且粒粒幹身又分明，絲絲蟹肉與鮮甜芒果，每一口飯都能吃到不同配料，味道出色，口感也不錯。冬陰功食泰國菜一定要點冬陰功湯，熱辣辣的上枱，湯裏有開邊蝦和一些菇，味道夠地道，辣度適中，喝得過癮。菠蘿沙冰炎炎夏日，最好飲杯沙冰消消暑降降温，又可中和一下各款菜不同的味道，很不錯。店內每個侍應都十分熱情有禮貌，衞生很好，食得安心。

時不時的，就想用泰菜來醒一下胃。冬蔭功（小），其實餐單裡有好幾款冬蔭功，問過之後才明白原來是有大頭蝦和普通海鮮和素菜的分別，照顧不同客人的需求，而我們當然還是選擇最經典的大頭蝦，冬蔭湯底酸爽，大頭蝦肉彈牙，雖然是細份，但已經有4個飯碗的湯量，很足夠了。炸蝦餅拼春卷，新鮮熱辣，蝦餅Q彈，春卷香脆。蛋包鮮蝦金邊粉，雞蛋網薄而疏通又連貫，好好包裹著金邊粉，旁邊一大把花生碎拌勻金邊粉一起吃，酸甜又香口。串燒三拼（豬牛雞），每款各2串，啖啖肉，大滿足，其中豬肉串燒為最愛。芒果糯米飯，每次吃泰菜都要用它來做結束，這裡的特色是提供黑白雙色糯米飯，口感相似又有些許不同。"泰"經典又滿足的一餐。

九龍城出名就係食泰國菜，呢度好多餐廳都係泰國人黎開既，夠曬正宗。今次就去左泰象館食🐘黎到好快就決定左要嗌碟Pad Thai 食🤤不過因為自己一個食，試唔到佢其他小食😔值得一讚既係呢度既店員服務態度真係好好，一嗌完野食就即刻攞左碗熱水比我洗餐具，又即刻斟水比我，見到我啲水飲到咁上下又好快幫我加水，仲要好有禮貌，覺得呢度野食又好食，環境又好，店員又夠熱心，食餐飯都食得開心啲😚1⃣️蛋包鮮蝦金邊粉（$72）一送到黎就覺得，嘩，好靚🤩一層薄薄既蛋網包住炒金邊粉，望落份量都唔少。用筷子撩開層蛋皮，就見到入面既金邊粉，食落甜甜既，係好正宗既味道，而且金邊粉炒得好香，唔會油得黎夠爽夠彈牙，同埋啲芽菜、蝦，同撈埋啲花生碎一齊食好好味😍 

炸蝦餅 Deep fried shrimp cake $72 炸衣好薄 外皮香脆👏🏻內裹蝦膠爽彈 口感層次豐富✅沾埋泰式甜辣醬食 好好味😋 黃咖喱雞 $75 配料有雞肉🍗、薯仔🥔、青紅椒🫑🌶等 均屬正常  咖哩🥘較流質 味道甜辣 以椰香行先🥥整體不過不失  明爐烏頭 Steamed grey mullet $142 烏頭都幾大條🐠無腥味 肉質雖然未至於好新鮮 但唔會太淋 可以接受 湯底酸中帶辣🍋🌶幾過癮🤤 串燒三拼(豬牛雞) Satay skewers $77 係我食過最最最乾身既串燒🍢尤其係牛肉🥩韌到咬唔開🤦🏻‍♀️沙嗲醬正常 味道未算好惹味 唔好試❌ 薄餅 Roti $25 唔會太油但表皮軟淋🫓煎得唔夠乾身同脆口 蒜蓉包Garlic bread $25 香脆🍞蒜頭🧄同牛油🧈都足料 唔錯👍🏻  整體而言， 食物質素屬中偏上🤔炸蝦餅必試‼️餐廳環境都企理 👌🏻不過食客較多 七點幾食完出黎都有好幾枱排緊隊 唔適合朋友傾計聚會❎

在疫情下，我都很少外出用餐。我見近日本地感染個案下落，所以约了朋友去九龍城泰象館試試。位置是在九龍城城南街48號地下，在即將開通的宋皇臺站隔離，交通算是方便。在泰國菜館內，雖然座位不多，但坐得舒適。我六點半左右到，菜館內坐得差不多滿了。一進去，服務員就叫我們要掃瞄安心出行及測體温，做足防疫措施，食得安心。泰式燒大頭蝦三隻大頭蝦看起來十分大，比手指還大粗，炭燒得十分香。蝦頭有許多蝦膏，很邪惡呀！但實在太好味。串燒三拼（豬牛雞）豬牛雞每樣都是二串，加起來就有六串。燒得非常乾而入味，色相好外，當然食落也滋味。馬拉盞炒通菜原本是不吃得辣，想叫蝦醬炒通菜。因為這裡是泰國菜為主，所以都是叫馬拉盞炒通菜比較地道。除色相好外，不太辣，不太咸，炒得非常出色，是我的至愛。薄餅我們不太餓，所以叫咗薄餅當飯食，本來是想夾串燒一起吃的，不過串燒未到，熱熱薄薄的餅，我們已經食哂了，實在太好吃了。椰青每次食泰國菜，我一定點椰青。椰青水又甜，椰青肉又薄又好食。整體而言,這裏佈置很有泰國風格感覺，環境舒適，交通方便,食物味道也不錯，我們約不久的將來再次光臨。

屋企人最近想食泰國嘢所以嚟咗九龍城，小店裝修都好有泰國風情，有掛畫等等。睇下餐牌，有唔少地道泰國小菜，當中有唔少海鮮類🥰我地叫左以下幾款：炸蝦餅🦐蝦餅好彈牙，點埋酸辣醬，更帶出鮮味。原隻菠蘿海鮮炒飯，餐廳真係原個菠蘿上，菠蘿入面有滿滿嘅炒飯，仲有超多海鮮😍有大蝦，鮮魷等等😋加埋粒粒新鮮嘅菠蘿粒🥰好好味👍🏻飛天通菜，通菜加左椒絲一齊炒，味道香香辣辣，都幾野味。😋椰青，味道好鮮甜，仲爆多汁，仲可以食埋椰青肉🤓芒果糯米飯，甜品我地外帶左回家，食落糯米飯香香軟軟，加埋椰汁一齊食，味道好夾，芒果🥭仲好甜😌

九龍城有一條泰國街，今天約了朋友來嚐泰國菜，順道逛逛，選購一些泰國香料食材。經過上次惠顧的經驗，泰象館給我的印象非常好，所以今次再來幫襯。我們看過餐牌，點了兩個實惠的套餐和兩個泰式小菜，再加一個甜品。“甜酸豬扒飯套餐”，豬扒炸得剛好，外脆內軟，加上菠蘿、青紅椒和泰式甜酸芡汁，特別惹味。“青咖哩鴨胸套餐”，青咖哩不辣，有青檸的清香,也有泰式香葉的香味。切成薄片的鴨胸肉，份外入味。“黃咖哩牛肉”，少辣帶甜的黃咖哩，香味濃郁，配上薯仔最適合。牛肉也不老，吃起來非常醒胃。“泰式燒羊架”，羊架燒得很香，肥瘦適中，肉質嫩滑，肉汁豐富，伴上泰式醬汁來吃，十分美味。“椰汁西米糕”，椰香味濃，西米爽口，而且不太甜，最合我胃口。“泰式黑咖啡”,是我最喜愛的餐飲，味濃，有特別的口感。一頓豐富的泰式午餐，味道有特色，有多種香料烹調，而且所費無幾，實在是品嚐泰國菜的好選擇。

九龍城真係有很多美食，而其中一款比較突出的一定係泰國菜，以我估計九龍城有大大小小幾十間泰國餐廳，今晚我們就到了城南道的泰象館吃晚餐。一入餐廳先量體溫，餐廳內有很多泰式擺設及佛像，真的與泰國地道餐廳很像，晚餐時段7:00已有不少食客，服務員先為我們送上熱水來清洗餐具，感覺很體貼。我們點了細冬陰功湯、前菜酸辣鳳爪沙律、泰式乾炒河、馬拉盞炒椰菜苗及泰式奶茶。上菜速度很快，非常有效率。酸辣鳳爪沙律份量多，材料也豐富，酸酸辣辣非常開胃，香料及芹菜也很有咬口。冬陰功湯也可分四碗，有一大隻虎蝦，蝦肉彈牙，材料也豐富有菇、蕃茄等，味道香辣惹味。泰式乾炒河可以選擇豬牛雞肉，我們選了雞肉，十分有鑊氣，粗粗的河粉以泰式乾炒做法香口美味。馬拉盞炒椰菜苗大大碟，調味味道好，椰菜苗軟硬度適中。

同朋友去九龍城想搵間泰菜食下上openrice睇 咁啱見到有個開飯熱店投票呢間都係榜上有名就決定去試下啦食泰菜都係要叫番個椰青先似去左泰國燒豬頸肉冇諗過咁大份豬頸肉食落唔油又爽口加埋特調魚露泰式醬 好咸香胡椒大蜆粉絲煲胡椒味好濃 食第一啖已經feel到辣一煲大概有十隻大蜆 全部都新鮮冇沙粉絲吸晒精華 又鮮甜又辣好惹味飛天通菜每次去泰國都必叫嘅Pad Thai呢個都係去泰國餐廳必叫蛋皮有心思 薄薄一層炒粉夠乾身 味道都似足喺泰國食到嘅最後叫埋個椰汁西米糕完美嘅一餐

We ordered a few dishes to share togetherIt’s not easy to choose a that restaurant among a tons of them in Kowloon city lolIt’s our first time trying out this restoThe skewers are a bit dry that you gotta dip them into the satay sauce heavily The stir fried seafood is ok yet the chiken wings taste blend 😞😞😞