泰象館

营业中

休息中

最近宋皇臺開左地鐵站，去九龍城食飯就方便左好多！一諗起九龍城就一定係食泰國菜！Lunch時間設有午市套餐，價錢大約$50左右，包埋飲品！我和朋友分別叫了2份套餐和一些小菜share。青木瓜沙律，酸酸甜甜還有少許辣，非常惹味，每次食泰國菜必點！串燒三拼(豬牛雞)，即叫即整，一送到熱辣辣，沾上醬汁食好好味！泰式炒金邊粉，配料有豆腐、雞蛋、雞肉、芽菜等，師傅炒得好有鑊氣，超正！海南雞飯，雞肉份量非常多！總結：食飯上菜速度快，而且質素高，$50左右包括飲品

我哋6点半到，食到不到7点半，不停吹速店外有客等，請你們有時限交枱請一早揚聲，難以接受。食物係岀色，豬頸肉香口好味😋，海南雞滑，飲品非常有特色，好好飲，服務先重要‼️

星期六見這間得一張枱便來吃午餐之前都有吃過，食物是好吃的點餐後見他們出餐都是外賣陸續多人進來用餐，接近爆滿之後等足30分鐘才零碎出其他人的單跟店中的男服務員查詢，只有一句*係咁架喇*態度惡劣，完全沒有幫跟進食物怎好吃，這種服務態度也要不得最後跟老闆查詢，說還在弄，就出的了因我們還有事情要做結果是等不到要取消單他們上了飲品，但沒有收我們錢我們叫的午餐，怎樣等也不應該要30分鐘如果多2單外賣，不知道時間要等多長

難得嚟九龍城，一定要食泰國菜啦朋友推介嚟呢度買外賣，因為買滿$400送乳鴿🤩為食嘅我哋樣樣都嗌d生蝦刺身：蝦爽口，下面有大量冰粒鎮住，食完餐飯冰都未溶曬海南雞飯：雞油飯香，雞肉頗嫩，配嘅醬同平時唔同喎小食拼盤：蝦餅魚餅爽口彈牙豬肉生菜包：朋友都話辣，但原來餐牌寫得1隻辣椒🌶️，但覺得好惹味，重點推介濕炒雞肉河：係為咗河粉而叫，果然夠鑊氣，朋友無介紹錯芒果糯米飯：正常吧，評論唔到，因為大家都撐住分少少今日最唔受歡迎嘅竟然係甜品，因為大家都食餸飽了。仲要每樣剩少少，聽日可以帶飯了

今日屯馬線開通咗，即刻就同朋友約嚟九龍城食泰國菜！真係幾方便，宋皇臺站B3出口，過幾條街就到城南道泰國街，今次揀咗呢間黃色大招牌的泰象館。串燒三拼呢個真心推介！牛雞豬各二大串，啖啖肉質夠新鮮。食泰色串燒又點少得沙嘜醬，呢個醬又幾好味！泰式乾炒牛河平時我都好鍾意食港式炒牛河，但係泰式嘅牛河獨特之處，就係啲粉係闊身，同埋sticky d, 襯埋啲蘿蔔片同芥蘭，口感幾好，牛肉夠薄身，食多幾塊都唔膩。紅咖哩雞因為朋友唔食得好辣，今次就揀咗冇咁辣嘅紅咖哩。我覺得味道唔錯，辛香得嚟帶少少南薑味，唔食得辣嘅都可以試到咁香濃嘅咖哩！入邊啲泰式茄子煮得啱啱好，唔會過淋！食咖哩當然要配番蒜蓉包，蒜蓉包夠哂脆口，可以一試！炸蝦餅拼春卷🦐呢個都要畀個大贊！好耐冇食過正宗嘅泰式春卷，一咬落去，就即刻同我朋友講呢個春卷好得喎！脆得嚟入面夠足料！蝦餅都好新鮮，夠彈牙！青檸沙冰大熱天時，飲呢個青檸沙冰好解渴！埋單每人先百幾蚊，性價比超高！下次多人嚟，想試下今期流行推介的炸皮蛋球同埋胡椒粉絲焗大蜆煲！睇落好似好吸引！

過多幾日，九龍城便有地鐵，日後可以更方便前來尋找美食，十分期待。今晚來了吃泰國菜，餐廳不是很大，但餐牌選擇卻很多，甚至有素菜選擇，而且價錢合理。先選擇了素食柚子沙律，清新多汁，配有脆口花生。泰式乾炒豬肉河大大碟，河粉大磈而且煙韌，豬肉夠腍，芥蘭夠爽。海南雞飯亦份量十足，雞肉滑而不肥，飯粒粒分明，配上特製醬汁，味道剛剛好。芒果糯米飯用了紫米和白米，鴛鴦色，配金黃香甜糯米，很吸睛，而且不會很甜，挺不錯。

今日同一班朋友丟完飛鏢，經過呢間泰國野，朋友話好似幾出名，就決定入去試下先～～首先嚟一碟菜，發覺出到嚟份量有啲少😂😂食落咸咗啲，不過冇乜期望，都係普通菜姐。雞牛豬串燒，味道唔錯，配上醬汁好好味。呢道菜好似係叫泰皇秘製側魚，魚肉已經幫你切好一塊塊，心機滿分。加埋啲醬汁酸酸甜甜，口感滑嫩，燒羊架，我本人冇食，聽朋友講唔錯，不過我睇落脂肪太多，好貴肥😂呢味好似係芝士蝦球，老實講冇乜特別😂😂同酒樓食個啲差唔多。咖喱南瓜軟殼蟹，軟殼蟹幾脆下，味道唔錯。個咖哩南瓜就咁撈蟹食都用唔晒，就咁食又好濃味，都係叫返個飯好啲。海鮮椰漿飯，第一次食熱嘅椰子肉😂成個飯好濃椰香味，超正😋😋裡面海鮮好普通，俾椰香覆蓋晒個味道。仲有嗌咗個印度薄餅配咖喱南瓜的，但超！細！塊！只有2塊直徑10cm左右。口感又淋晒可能係呢間鋪特色掛。店舖場地衛生尚可，位置算闊落。

突然想食泰國菜，即刻相約朋友到九龍城泰象館食個午餐，店舖環境雖然不大但坐得很舒服，牆上還貼着多張店舖推介的食物相給客人容易選擇。蛋包蝦金邊粉金邊粉是食泰菜必點的菜式，這個好特別，面頭有用蛋漿淋上去，整了一個網，食金邊粉之前，要將個網整開，把碟旁邊的花生碎混合一齊食，口感不錯。金邊粉好幼細又不會很油膩，加了青檸汁感覺好清新，蝦肉又新鮮彈牙，酸酸地很開胃。馬拉盞炒椰菜苗椰菜苗微辣，但好惹味好開胃，味道比較重非常有鑊氣。食落爽口。泰式鳳爪配菜色彩繽紛，鳳爪又是無骨，醃得好入味酸酸辣辣好開胃。泰式椰汁冰/泰式紅茶椰汁味香濃，不會太甜，泰式紅茶亦都不會太甜，口感順滑，味道幾特別。

朋友講開話九龍城就來有地鐵，話下次去九龍城食飯就方便啦！但其實平時搭巴士都很方便，那麼不如即興約食飯唔好等啦！炸蝦餅拼春卷，蝦餅夠鬆脆厚實啖啖蝦肉非常足料，春卷卜卜脆餡料好豐富。黃咖哩配豬肉加薄餅 ，香濃黃咖哩香噴噴熱辣辣加點椰奶更加幼滑，豬肉薄切夾薄餅一起吃蠻配合。最後仲有咖哩剩所以點了蒜蓉包來伴吃。馬拉盞炒通菜，一上枱馬拉盞味道除即湧現頓時芬香撲鼻，通菜新鮮爽脆又炒得夠乾身好惹味。金不換菠蘿沙冰，很特別的味道好清新又醒胃，第一次飲金不換菠蘿沙冰很吸引我。

為慶祝朋友生日，決定跟另外兩位朋友相約在泰國菜館吃晚飯。在云云眾多選擇之下，點指點兵就點了這個。獲安排坐在閣樓，儘管不知是否合法，但點了309 海南雞飯 $60709 薄餅 $25206 飛天通菜 $60505 南瓜咖喱軟殼蟹 $208點了南瓜咖喱軟殼蟹，一個淘空左的大個南瓜入面盛裝了咖喱汁，足以掩蓋了軟殼蟹，整個味道也好，另外也點了薄餅，讀者可以將它們配合一起來吃，咖喱軟殼蟹放上薄餅，然後把它們吞下去✨整個感覺一定好好的。另外也點了海南雞飯，客觀來說一般，雞件算很不錯，但米飯卻不夠，一般般。飛天通菜，辣辣地，正正常常。綜觀來說，三人晚飯算是大滿足💪🏻

九龍城有好多泰國菜餐廳，簡直係香港嘅小泰國。呢一頭我都食過好多間泰國餐廳，今次就試吓呢間泰象館～柚子沙律$70，金柚清清爽爽，配上又甜又辣嘅涼拌汁，再撈埋啲蝦球同埋花生，味道非常配合！份量亦都唔細，值得一試。小食拼盤$125，總共有四款泰式小食：炸蝦餅、炸春卷、炸魚餅及炸雞卷，一次過滿足晒四個願望！即炸即上，香脆美味，每一款都各具特色～主食方面叫左香葉豬肉碎炒飯$57，大大碟，炒飯入邊有肉碎同埋豆角，有少少辣。

感覺喺九龍城食泰國菜，真係特別有氣氛🥳 今次試咗呢間～正喎🥳 成間餐館放咗好多泰式擺設同埋掛畫，好有Feel 👏🏻 一打開餐牌，見到啲價錢幾抵食，仲要就連晚市都唔收加一🥳◾️明爐青檸蒸烏頭 $142🥳條烏頭Size都幾大，配以香茅酸辣魚湯，食落去好入味，烏頭夠新鮮丶肉多又嫩滑～湯底又香濃惹味～而且呢個價錢真心抵👏🏻◾️冬陰海鮮清湯$70 （小）點了細size可以足夠兩個人享用👍🏼海鮮料有蝦丶鮮魷丶青口～青口勁大一隻入口好鮮嫩😚湯頭酸酸辣辣加上海鮮嘅鮮甜，好喝～◾️燒豬頸肉沙律＄72豬頸肉嘅分量超多🤩豬頸肉烤到好甘香，但係咬落去好嫩唔會乾晒柴，味道微酸微辣又有鹹香，好有層次👍🏼加埋爽脆嘅生葉包住嚟食～緩解烤肉嘅油膩感👍🏼餐館入面唔係好大，座位唔算多，但係都坐得好舒服，夜晚去食唔想等嘅話最好訂定位🥳

今日約左朋友一齊食泰菜，可能book位太早喇，去到無咩人。同朋友睇完餐牌樣樣野都想食，思量左好耐，都無俾人催。最後，我同朋友叫左燒大蝦頭、串燒三拼、馬拉盞炒椰菜苗、原個菠蘿海鮮炒飯、炸蝦餅拼春卷。夏天唔少得叫個凍飲龍眼冰🍹、原個椰青🧉。餸菜算上得快。🥢炸蝦餅拼春卷即炸熱辣辣，春卷皮脆，餡料有少少微辣似係胡椒量多，蝦餅彈牙好味😋。🥢串燒三拼（豬牛雞各2串）串燒來講雞肉燒得嫰而唔硬😋。🥢馬拉盞炒椰菜苗味道較濃，配龍眼冰互補。🥢原個菠蘿海鮮炒飯半個菠蘿放炒飯，外貌吸眼球，而且份量多😋。🥢燒大蝦頭令我期待嘅燒大蝦頭，眼見蝦身長大，蝦頭多膏連蝦肉都嫰，配埋醬料突出個味道😋。

泰國🇹🇭我對呢個地方情有獨鍾❤️❤️再加上在4年內每一個月都要飛去泰國做野，成本Passport 都係蓋住同一個蓋章..(回味中），所以我當左自己係半個泰國人，再加上我擁有陽光既膚色，連在泰國都有泰國人問我路，就知道，我有幾似泰國人🤣🤣今年疫情，邊度都無得飛，連深圳蛇口都無得去，唯有去吓九龍城，食吓泰菜，聽吓人地講泰文，當自己去左🤣🤣🤣(自欺欺人mode😆）燒魚 $198外脆，內鮮，點埋泰國特式醬汁好味指數⭐️⭐️⭐️⭐️⭐️泰式炒鮑魚😋😋😋😋😋主角....燒龍蝦🦞💯💯💯💯💯點少得泰國出名嘅芒果糯米飯🍚，仲食左兩碟😅😅😅😅

來到九龍城就緊係要食泰國野啦😌係openrice 搵到呢間泰象館，見到幾多好評，於是就同同事來試下我地2個7點幾來到，入面都已經有幾枱食客😲唔知係咪因為紅雨既關係，好好彩唔洗等位一坐低，店員已經放低碗熱水俾我地洗下d碗筷👍🏻仲好有禮貌我地2個女仔叫左一個飯，一個菜，一碟串燒，仲有2個椰青🤣真係高估左自己嘅食量，最後都係食淨左少少🥄 海鮮菠蘿肉鬆炒飯（$80）有蝦、魷魚、蠔仔😍 菠蘿好甜又冇渣，蛋炒飯唔錯，d飯粒粒分明，炒得幾爽身，加埋提子乾、粟米同青豆，青豆冇臭青味，加埋個腰果，令個飯既口感幾好👍🏻🍢 串燒3拼（雞牛豬各2串，$77）串燒用左黑椒同香茅調味，燒得好香，個豬/雞燒完都可以保持到淋同唔難🤗而且好惹味🍻最岩用來送啤酒🥬 馬拉盞炒通菜（$62）第一次食馬拉盞，原來係辣辣地，又好似有少少蝦醬味既，個味好岩送飯😯而且炒得好有鑊氣🥥 椰青（$36）🤣食泰國野必點既💕💫 野食大份又唔貴，仲唔洗加一