泰記 (已結業)

剛調派此區工作，午飯時段-餐廳選擇比較少，價錢普遍比其他區贵，所以，惟有上去熟食中心。跑馬地熟食中心，享負盛名，午膳時段，人頭湧湧，十分熱鬧...點選了鮮蕃茄辣豆螺絲粉，賣相幾靚，每條粉都沾滿鮮茄汁，螺絲粉煑得軟硬適中，辣豆辣味有層次，畧嫌餸少 - 辣豆份量少，添加的芝士粉太少 - 唔夠喉呀！加凍檸茶，合共$57 ，不過不失！

今日得半個鐘食晏，所以不加思索咁揀左街市上面嘅熟食中心，因為貪佢快同抵死。去到無耐搵到位，雖然要搭位，都無諗咁多就叫飯，選擇唔多，揀左個穩陣之選，就係鮮茄豬扒粒炒飯，係鮮茄，唔係茄汁，大約3分鐘就上菜，正！飯真係有炒底，好熱，應該即炒，份量夠大，好肚餓都可以。食飯期間，阿姐大叫抄牌，問有沒有人泊左車，結果有2個客，單都唔使埋住，直奔落樓，夠晒人情味，抵讚極力推薦大家，雖然環境有少許污穢，但食物及人情搭救

周末早上我會間中到跑馬地做運動，所以會在跑馬地吃早餐，街市有不少地道港式早餐，這間餐廳便是其中一家。今次點了早餐C - 魚柳炒蛋、厚多士(奶油多)、熱奶茶(轉厚多士不用加錢)整體來說，早餐的份量很充足，味道不算是十分美味，但到街市吃一頓充滿本土風味穿的港式早餐，也感到十分滿足。厚多士是整個早餐的重點，十分新鮮，賣相不俗，烘過的多士十分可口。魚柳煎得香口，魚肉嫩口，可配上沙律醬，但炒蛋則比較老。熱奶茶的奶味香，茶味亦濃，不錯，而且熱奶奶的杯碟很有香港風味。

今日下晝兩點半到上咗去跑馬地街市熟食中心2樓，上邊大概有四至六間舖，行咗兩行，見泰記個Menu最四正，好！試食！☺️價錢茶記位，都算合理✊🏾員工可謂友善👍🏽，很熟悉餐牌，知道晒邊樣有邊樣冇，有攞個心出嚟做嘢，加讚！最後叫咗黑椒雞扒飯同埋凍檸樂。 可能係因為過咗繁忙時間，凍檸樂好快就嚟👍🏽凍檸樂係用左大枝玻璃樽裝，好有feel。之後個黑椒雞扒飯等左6分鐘到，唔算快唔算慢，但好嘢再等多陣有乜所謂！飯到了！黑椒汁另上，有心思。雞扒算大塊，連皮炸爽脆，啲飯都煮得軟熟，啱啱好！如果有一兩棵菜就一定perfect啦，會再尼！

上次我光顧了，位於跑馬地裡面的日本拉麵餐廳「座X」，之後我就未有再重臨跑馬地附近一帶。原因其實只是純粹因為，來往跑馬地的交通實在太不方便，叫我摸路看地圖又浪費腳力，叫我坐小巴又浪費金錢。但是選擇坐一次車費兩元（兩元是我「殘疾八達通」每次的收費）已經是最便宜，最化算的車費。所以我最後還是選擇了，從銅鑼灣坐專綫小巴再次來到跑馬地。今次我在跑馬地的食店目標，本來是位於「黃泥涌市政大樓」樓上的熟食中心，熟食中心裡面的一間茶餐廳。因為那間茶餐廳裡面。有一款食法頗為與別不同多士食品，吸引我前來試食。但是「黃泥涌熟食中心」裡面很多食店，食店裡面的店員嬸嬸實在太有禮貌了，她們的殷勤服務態度，好得幾乎叫我無辦法去拒絕她們，於是我先試食了另一間茶餐廳，茶餐廳名稱叫做「泰記」。由於我知道與「泰記」有關，可以參考選擇試食的「泰記」菜式選擇實在不多，所以我最後為穩陣起見，只是選擇一款尋常茶餐廳小食「法蘭西多士」就算數夠了。由於「泰記」沒有專門為茶餐廳小食食品而設的下午茶茶餐，所以我另外再請「泰記」為我造的「茶走」飲品，飲品也沒有任何的跟餐價錢優惠。而且「泰記」水吧製作的「茶走」飲品，「茶走」的賣相跟味道都有點不

本身是昌記常客，但朋友是泰記常客，所以少不免都要去一次半次。1.茶底唔夠茶味，凍檸茶D冰未溶已好淡。2.多士烤得唔湯唔水，醬料只在中間，要自己再塗勻。3.食昌記坐偏過D泰記會比阿姐話。4.人流多大家都有加枱，理解的，但加枱加到lift 口附近，block 咗條路仲要理直氣壯叫我兜路行，非常冇品。唔會再去。

今朝去到冇菠蘿包，餐包已好興，誰不知我叫了一份早餐A要奶醬薄多士，價錢本來是$35， 他們卻送來奶油厚多士，我也算數了，然後就偷偷換掉枱面的比錢紙，又唔出聲，要我比$41，如果係佢要你比乜食乜就唔好比餐牌啦😤其實泰記的食物水平不錯，環境亦可以，只是做戲生意唔老實，香港大把茶記，為區區六蚊做衰自己值得嗎？順便投訴埋OpenRice, 寫投訴食評就撹來撹去都唔比你post上去，而家乜時代，仲咁樣做生意！

唔係第一次光顧嘅市政排檔,先前幾次去養和覆診都試過下面近大街嘅茶記。有間XX花嘅茶餐廳樓上伙記態度非常唔掂,稍為慢啲點餐就行開唔再理你另一間近街角嘅(出名明星蛇窟),食過又唔覺有乜野特別,終於摸咗上嚟市政大樓試吓搵新野一出升降機即刻俾果間"泰記"嘅女伙記劫持過去幫襯,所以從未有機會試第二間,因為佢哋嘅招呼實在太熱情喇今次特登帶埋小朋友去試果度嘅(超大菠蘿包),差太多有塊面咁大㗎。叫咗個魚柳餐,炸得啱啱好(香口軟滑),唔似快餐店一早炸定比較香口熱氣。杯奶茶香濃啱咀形

跑馬地，就是名牌醫院，吃貴價一點的地方。現在不是了。哈。有個好友在這裡工作，坐下叮叮上來，聽聽音樂，看看风景，令我也可以放鬆一下，這個好友像是吃了防腐制，配合例牌開朗笑容。問侯小禮物甜在心！謝謝您！哈哈哈！第一次上這街市的。原來入面有幾間小店的！粉面。飯店。點心店。我愛這懷舊的感覺。正捨取選擇吃哪一間。這小店的老闊十分熱情！不斷邀請及介紹。不吃也不好意思了！亦看到很多熟客。食物價錢也不會貴！剛好叫一份下午茶。到特別。二人份量也雙份的。剛好分量！十分適合！下次再來呀！老闊！還堤供紙巾，小有了！

中伏了，希望寫了這篇食評，讓各位食家注意！話說原本想和老公入跑馬地街市食個tea，N年前去過昌記，知道佢一直都出名，今次就再去點知我地朝著昌記方向行之際，被侍應截等兼帶位，坐底左先發現餐牌是泰記，枱角仲貼著"指定食店"使用！中伏了！個心已經好失望不過已經坐底左，就唯有照order叫左個雪菜肉絲通粉，超難食！完全冇味道！熱檸水用平時凍飲的膠杯裝半杯比我，超求奇，好似人地飲剩d水咁！人地隔離d食客杯熱飲明明用瓷杯，點解我果杯咁肉酸！依餐非常失望！搶人生意都算，仲要比d垃圾食物人地，希望各位想去昌記的，一定要留意我相信已經好多人中招過！

小弟今日有空經過跑馬地，打開open rice，見到各弟兄姊妹去勁贊昌記既碎牛蛋公仔面同油砂多有幾好食，所以專登走上去黃泥涌市政大廈，想去一見佢真身。當我見到昌記個牌走去準備坐低嘅時候，有個好熱心嘅待應過嚟話我唔可以坐個度，要去隔離張枱坐，我就懵盛盛咁聽佢講坐低左響隔離張枱度。我老婆坐低先，個侍應已經好快同佢落單，我老婆落完單之後，我開始睇下個餐牌有咩好食，發覺餐牌上面個名唔係昌記而係泰記已經心知不妙吖，再睇睇隔離張枱，點解個餐係唔同嘅？今次出事啦！咁好啦，既然老婆坐低咗單都落埋，我就硬着頭皮都睇下有咩食啦。唔睇由自可，睇完把幾火，一望已經知道係垃圾茶餐廳級數。我哋兩個人叫左個三絲炒烏冬同黑椒汁頹飯，個三絲炒烏冬難食到嘔茄，烏冬不單止無味，啲香腸仲要臭既！嗰碟頹飯，好彩午餐肉香腸冇乜特別，不過啲飯同果汁係唔熱嘅。我本來懷著非常之期待嘅心情去黃泥涌市政大廈想食下好嘢，最後我懷着非常之憤怒嘅心情離開。琴晚先睇完無線洪永成講三八線點樣分開咗南北韓，我今日完全感受到呢條三八線點樣分開咗天堂與地獄，亦都激發左我今次第一次響open rice留言。最後奉勸大家一句，坐低之前睇下個餐牌係邊間餐廳先好

I was staying in Happy Valley during my trip to Hong Kong and it is always a pleasure going to the upstairs cooked food stall in the wet market (Wong Nai Chung) for a morning bite.My intention was to dine at Cheong Kee for their thick toast, but somehow being a total stranger to the seating arrangement, I fell for the "come over here" beckoning of an employee who I thought worked for Cheong Kee....and ended up actually sitting down in front of a Tai Kee menu instead :-). Not a big deal, I actual

奇怪這店對上一篇的食評已是2008年了。我們在附近品嚐過馳名的「貓屎咖啡」後，想吃點飽肚的東西，走上這大樓看看，經一輪茶記大嬸的你搶我奪後，我們不知就裏坐在這店範圍，本想吃碗麵，但沙爹牛肉已沽清，服務大姐介紹豬扒包，太座要了一杯檸檬茶。等了又等，差不多等了二十五分鐘，豬扒包才送來，心想慢工出細貨，誰知看一眼，已知龍與鳳。從外貌是分辨不出是豬扒包，與一個牛油餐包無異，因為差點兒看不見豬扒，首先，包是微暖，沒有烤過的香味，豬扒的厚度比人情還薄，約有兩片火腿的厚度吧！沒有甚麼香味，而麵包充斥過多臺灣人稱的「美奶滋」，即 mayonnaise，食到一口都係，薄豬扒淪為小配角，然而，這個套餐並不便宜，賣 $23。也許這店下一篇食評要待至 2014 年了！

我係一名走盡大江南北的食家今日見有點兒肚餓,就無意走上這卧虎藏龍的熟食中心那兒有昌記,泰記,銖記,嫦記同清香園,想了又想,見泰記有位,伙計又這麼努力拉客,就不自覺走到泰記坐下熟食中心總是有點嘈吵,但身為食家習慣必成自然.那兒餐牌上有很多飯麵給我選擇,我就用一作風叫伙計拿最好的菜出來,並叫了一杯招牌奶茶同厚多士.過了一會兒,我還以為什麼撚手菜式竟然是一碟咖哩飯,起初我開始後悔上來吃午飯,便無何奈何地將第一份咖哩飯放入口,當以為這份咖喱是普通咖哩之際,我估也估不到在一間不起眼的茶餐廳會有這麼與別不同的咖哩,那種香濃的咖哩味真是一試難忘,另外那份厚多士入口外脆內軟,妙絕!再加上那杯充滿奶味的奶茶就更加天衣無篷!那些伙計都幾傾得埋,價錢在跑馬地老實講已經算係大眾化同合理.下次我一定會再去!!!推介:咖哩飯,厚多士同奶茶(奶味重,著重茶味的朋友也不妨轉口味)

索性趁星期日昌記短週，就去隔離泰記，好懷念佢D巨型菠蘿包同餐包。今次食大大個的餐包，雖然是來貨，但鬆軟好食。多士雖然係厚厚的，烘得不夠脆，是腍腍的，始終不及昌記的好食，雙蛋紅腸一丁，一丁似普通的大光麵，而湯底較油，味道亦不及昌記。大杯奶茶，只有四份三杯，竟然唔夠滿，感覺有少少搵笨，而茶味唔特出。哎呀!昌記始終在我心目中是第一位的茶檔。