泰聚 (已搬遷) 新店位置

與一班朋友慶祝友人生日，一早訂了檯，位置比較偏僻，如果我自己行應該有排都搵唔到。呢間餐廳都算多人幫襯，我地叫左冬蔭公湯、魚肚羮、沙嗲牛豬雞串、馬拉盞炒通菜、炸蝦餅、炸魚餅、泰式炒粉絲、泰式生蝦、咖哩軟殼蟹、燒原隻墨魚筒、椰汁黑珍珠、原隻菠蘿沙冰、西瓜沙冰、草莓沙冰、芒果冰和香蕉沙冰。食物大致算滿意，但飲品得個樣，唔值得叫野飲，可能沙冰就是咁，偏假嘅藥水味，草莓淡又唔夠新鮮，椰汁黑珍珠落錯左變成椰汁冰，最後忍唔住問啲黑珍珠係邊先確定落錯了，侍應後尾拎左啲黑珍珠比友人上菜時間都算快，服務態度都幾好，正唔正宗就唔知啦

有段時間沒有吃泰國菜，心癢癢的想吃咖哩呢！經過太子的街頭巷尾總是被陣陣泰式風味所吸引，最近與朋友在花園街街尾品嚐了一頓久違的泰菜。先來一個湯品醒醒味蕾吧：泰式魚肚羮  $98/2位很多店子的酸辣湯或者冬陰公都是招牌，但我偏愛試點特別的，特意揀了個泰式魚肚羮。雖然只是兩位用，但想不到會落咁足料，似是4人用！用匙更一挖，有 海量x10 魚肚，仲要啖啖都好厚肉！另添加了芫茜和雞絲，使湯品簡單得黎，又香味十足，平日吃湯羮總要加點陳醋，但菜館的調味剛好！大頭蝦芒果絲沙律 $168除了泰式生蝦，個人都幾鐘意吃深海炸蝦，好香口！9隻開邊大頭蝦炸到半邊朝天，酥炸的賣相好誘人、想不到最好吃的是蝦頭，會不自覺地吃到有濃郁蝦膏。開邊蝦的其中一個好處是不用徒手拆蝦殼，蝦身早已炸到「入心入肺」，外殼都鋪了層濃醬。埋藏在大蝦底下的還有沙律盛、蔥條和芭樂絲等，混伴酸酸甜甜的醬汁，往往都好惹味又豐富。黃咖哩雞 $98細 吃泰菜咖哩雞是必點吧，也有牛和豬的選擇。咖哩裡頭少不了紅椒青椒和洋蔥的配搭，而薯仔與咖哩總是最佳組合，混拌咖哩汁送飯一流！雞肉好滑嫩，尤其鐘意吃最厚身的雞胸肉！泰式炒雜菜  $68 自由配搭的「菜式」

今晚約左媽咪妹妹係太子開飯。之前同朋友係警署後面食過飯，行過附近街道原來美食林立~~身為偽泰妹既我就睇中左呢間泰菜，決定下次要黎試試店內環境寬敞 坐得自在舒服。呢個裝飾好靚，點亮左成間餐廳有四款套裝供選擇；我地揀左Set C.張餐紙好靚* 海鮮粉絲湯 * 味道ok, 較清淡，但作為頭算熱湯開開胃就適合不過了。* 柚子大蝦沙律 * 超讚 超級讚除左用真柚皮黎做碟，賣相一流外；柚子沙律既醬汁同我係泰國食既有9成似！！柚子肉仲好多 又甜又多汁配上腰果同大蝦，口感同味道都100分！好好好好味呀~~~~* 咸魚炒芥蘭 * 呢隻菜據我所知應該係椰菜苗，泰國都成日食到的。我好中意食呢隻菜，爽口又香，配上咸魚簡直無得頂呀。* 干炒河(豬) * 炒得夠乾身，河粉滑，好吃。* 黃咖哩(雞) *媽咪同我都唔係好中意食咖哩，平時都係一啖起兩啖止，不過妹妹中意食至就佢點呢個。點知呢個咖哩有驚喜，咖哩汁香滑帶甜，雞肉好滑，仲要冇骨。我地3個都食唔停口，仲用黎撈落個干炒河度食添 哈哈最後呢杯 *香茅香蜜 * 係全晚之最。香茅香味濃，好似平時做完按摩飲果杯茶既味道。未飲先聞已經係享受原來香茅同蜜糖係咁襯~呢杯飲品真係

今日放工後決定食左泰國野。一入去就令人印象深刻。印象深刻既係，負責門口招待個貌似資深d啡色頭髮既侍應叔叔好熱情，講野大聲之餘，仲有有少少gut人既感覺，有種澳牛既親切感。一入去就feel到佢比我既親切感，開心！叫左個冬蔭功黎食。等左冇幾耐，冬蔭功就黎左啦。一隻大大隻既蝦係中間。冬蔭功味道唔會太辣，啱我口味。而且見到d香料都幾齊全，同我係泰國食既一樣。好味！之後叫左個串燒。串燒葉得好夠味，而且足料！一入口就食到一陣香茅味，味道冇得輸。而且隔離既沙爹醬都好正宗！醬有花生粒係入邊，好香，好似馬拉沙爹！但如果醬汁可以再多d就好啦！叫左個鹹魚炒椰菜苗。一上菜，鹹魚既香味就飄曬過黎，正呀！炒出黎仲係熱辣辣，鹹魚加椰菜苗，成個口感好爽口，味道好fresh.好滿足的一餐！下次再黎試下其他野食！

打工仔望打風，人之常情，今次海馬吹到正，人人預期唔使返工，所以一定要慶祝慶祝。大同約左聚會，地點選係太子附近的泰聚，貪佢方便又就腳，又唔使好似旺區咁多人。一行8人7:45到達，因為預早book好枱，所以唔使等。想不到泰菜裝修都咁高雅。平時食泰菜，裝修都無乜驚喜，但呢度以黑色為主，黑木枱凳，高身入墻櫃入面有蝴蝶裝飾。墻邊的雕花裝飾以及金色掛墻擺設，是走fusion grand的泰式路線，令人impress。 因為有8個人，所以可以盡情點，先黎就係原隻菠蘿及西瓜沙冰，真材實料，而且造型可愛，好飲又好食，最重要係呢度啲飲品大大杯，好抵飲，食泰菜必備之選。先黎2份生蝦刺身，每份都有8隻，排得靚靚上枱。蝦身好肥美，好新鮮，而且比平時食開的都要大，點個泰式芥辣汁，yummy~大家爭住食。接住係冬蔭公，橙黃色的湯，配上大大隻蝦，真係大蝦，好足料，一啲都唔欺場，酸酸辣辣，好開胃，絕對的泰式風味。然後是小食拼盤及法律都一齊上。青木瓜沙律好辣，所以我鍾意大蝦柚子沙律。粒粒蝦球，粒粒腰果，加上粒粒柚肉及其他材料，口感好豐富，好開胃醒神。拼盤有5款小食，春卷魚餅雞翼雞肉卷及蝦餅，件件都好飽滿，春卷炸得好脆口，

Bumped into this newly opened Thai restaurant. Very spacious and comfortable. Got some grand opening discount so we ordered the yellow curry crab, Thai style lettuce wrap and chicken and pork satay. Food was decent, huge crab and the curry sauce was not too bad but I still prefer the one in Mango Tree more personally (but more $$$ of course). Very attentive service very well trained waiters and waitresses. Overall we spent a very pleasant evening there.

因為有同學生日所以約左出黎泰聚一齊食飯慶生。本身都係好中意食泰國野，同埋都幾中意食下辣野，雖則道行唔係好高成日敗陣。不過今次係呢度試左幾樣野我都覺得好值得一試。同埋Overall呢度既員工係態度好好既，同埋環境又好乾淨，所以寫啲野推介呢間餐廳。首先係個冬蔭公湯，如果唔係太食得辣都會有少少chur，不過係真係好香椰汁味同埋食材ｄ鮮味（個蝦係正既），酸酸辣辣咁係好開胃。仲有呢個湯係好足料既（睇圖都應該知知地），係個可能食得你飽既一個湯黎。真係值得試，辣咪最多飲多幾淡水。蝦餅就岩中意炸野既人，脆卜卜，裡面就彈哂牙咁，同埋係好香口既，再點個醬之後會有啲酸辣味，成件事都係一個好好佐餐既小食。咖喱係正既，有幾種肉可以揀：牛，雞同豬肉，咖喱都有幾種，我呢隻係黃咖喱。辣度唔係話真係好高，食落去係香辣得黎有啲帶甜，同埋肉係索哂啲咖喱汁，食落去味道係好夠濃郁。

同事話鍾意食泰菜，收工同佢過左黎食呢間比較方便既餐廳。先食碟咖哩軟殻蟹，黃咖哩味唔會辣岩晒我呀，軟殻蟹就炸到幾脆，蟹味夠濃，成碟都好岩用黎撈飯呀。跟住食個明爐魚，條魚係一路用明火熱住一路食，所以唔會腥呀。個汁用上酸辣汁就特別醒胃，魚肉身就蒸得剛好，啖啖肉之餘就夠滑。最後果碟就係椒絲炒通菜，夠青綠之外就用椒絲除去菜青味，仲有都幾嫩，唔錯。

太子警局嘅呢一邊，聚滿美食，真係好難揀，見openrice嘅食評都幾好，就揀它啦成間鋪都好泰式設計，枱同枱之間唔會太迫，傾計大聲dd都唔怕影響隔離，good泰式炒雜菜新鮮嘅蔬菜同雜菇，配上惹味醬汁炒，唔多油，仲爽爽地，好味。大頭蝦青木瓜絲沙律泰式沙律汁，好辣！青木瓜，好酸！大頭蝦，好大隻，好多粒！成就咗呢個沙律，酸酸辣辣，超醒胃，食完好想其他餸快d上😝黃咖哩豬咖哩偏香甜，丁點都不辣，配豬肉，撈飯必備！咖哩裏面有大量彩椒、洋蔥，提高食菜機會，抵讚泰式魚肚羹開初仲好疑惑，泰式魚肚，即係咩呢？🙄🙄原來係高檔貴版碗仔翅，但用料足首先，好多魚肚，每一啖都食到其次，入面嘅雞絲，嚴格上係雞肉條，有尾指般長同粗，好正！第三，呢個羹唔會越食越變水，食到尾只淨番d魚肚同雞條，因太足料😍😍泰式蝦醬炒飯呢個炒飯好yummy，蝦醬本身已經夠惹味，加上炒得好粒粒分明、香口美味。我鍾意它有幾片臘腸、蛋絲，豐富咗成個炒飯，加分👏🏻👏🏻原個🍍🍍🍍沙冰這裡的菠蘿沙冰絕對是誠意之作。很少店舖會用原個菠蘿製作沙冰，因花錢花時間，但這裡售價數十元的菠蘿沙冰，用上原個菠蘿已是成本不菲，加上製作卻絕不馬虎。菠蘿上高聳的沙冰用菠蘿汁

尋晚同屋企一齊共聚晚餐屋企個個都食得辣緊係去拆餐泰國菜先叫左個酸辣椰汁湯無想像咁酸同辣好重的椰汁味但一d都唔流熱度岩岩好，勁多菇菇雖則佢話2個人份量但其實3個人都夠食！之後叫左個泰式炒通菜最愛通菜的我真係好開心但過左做，所以無之前咁好味不過呢度師傅炒得係有一手調味好夠，超級香！完全可以補返無咁靚ge菜梗係要叫個青咖喱雞～個人覺得唔夠辣但都係好香椰汁味撈飯一流d雞好滑，無雪味，抵讚啦～香辣海鮮炒河叫多個炒河～好香辣味河粉口感好好，幾彈牙唔會好粉海鮮好新鮮，亦都好好味我地都勁滿意呢個炒河總體，佢d份量好大味道都唔錯，性價比極高會再黎架！

上星期同老婆經過太子，見有間泰菜幾骨致，裝修幾靚，又想食泰國野， 一於入去試下。首先點左個冬陰公湯， 食泰國野必試， 香料十足，可惜辣味不夠，整體尚算合格。再點左個串燒三拼，燒得夠香，醬汁ok, 不錯再點左個咸魚炒雜菜，夠晒野味。食泰菜梗係要試下個咖哩， 要左個黃咖哩牛肉，果然個咖哩不錯，夠濃夠香，牛肉亦不老，好味。最後叫埋個炒金邊粉同杯波羅特飲，滿足晒 杯野飲都幾大杯，即做夠新鮮，值得推介

很喜歡到太子區尋找美食,除了咖啡店,雞煲及酒店外,最近經過見到新開既泰國餐廳,隔離係一間中日火鍋店。下次試下先。店内佈置簡單,十分舒服, 冬陰公湯(小) 每次吃泰國菜必定會點冬陰公湯,這店的冬陰公不太辣而滿滿香茅味,材料豐富,作為飯前開胃湯,一流串燒沙嗲選擇了雞牛豬各2串,燒得十分香,肉嫩口不會過乾,配上沙嗲汁,十分美味。鹹魚炒椰菜苗紅咖喱(牛)-意外地美味,不會辣,很喜歡牛肉的嚼口,配上茄子及菠蘿,十分滿足泰式炒金邊粉-唔好睇相以為好辣,其實一點也不辣,大人小朋友也合口味,加上花生粒,更惹味香蕉沙冰甜甜的香蕉味,一黎到比想像中大杯,食飯傾完計都未飲完呀值得一讚,這店的服務態度十分好

入到黎已經覺得同平時泰國餐廳好唔同，無見到金佛像，好多裝飾，反而似中式餐廳多d。因為6點幾入席，人未算好多。門口見到原來佢有做午市，價錢都係幾合理既，所以相信晚市都應該差不多。平時成日飲冬蔭公湯，見到呢到有個椰汁湯覺得幾特别，所以就試下。其實都有少少冬蔭公既風味，因為入面有好多香草同菇。其實我無諗過個湯咁大碗架！兩個人飲基本都每人飲到2-3碗。好香椰奶味！香草同蔬菜既配搭剛剛好，雞肉都幾滑。個湯酸酸辣辣咁幾開胃，整體來說個感覺都幾新鮮！個蝦餅係我最愛既餸！超好食！好足料！成個餅好似donuts切開一半咁。好彈牙，又好有蝦既鮮味！點埋個甜酸醬就更perfect啦！個甜酸醬同平時食既有d唔同，唔係好‘潔’既，反面因爲佢夠‘希’，所以更能滲入蝦餅中！好喜歡！仲有要讚既係！上個陣仲係好熱辣辣既！平時都食開青咖喱，所以今日都係叫左個青咖喱牛肉。其實食左咁耐我都仲未完全分得清個三色咖喱既分别。好似係紅咖喱甜d? anyway, 青咖喱對我黎講多d咖喱味。個牛肉都幾滑。用呢個黎撈飯就真係一流！但朋友話唔想食飯，叫左個河，個人覺得無飯總係差d野。下次一定要叫飯！呢個就係朋友叫既海鮮炒河！好夠鑊氣！海

很久之前光顧過天水圍分店，覺得水準不錯。最近餐廳在太子開新分店，交通變得更方便了。柚子大蝦沙律這個柚子沙律的確令人難忘。柚子肉多汁，清甜中帶點微酸，加上秘製醬汁及些少魚露，好清新。而大蝦頗鮮，彈牙爽口！鹹魚炒芥蘭由於加入不少薑絲及辣椒絲，所以芥蘭味道微辣。另外，加入鹹魚一齊炒，咸香咸香，佐飯一流。肉碎粉絲湯雜菜肉碎粉絲湯簡單而清淡，為偏濃味的泰菜中和一下。黃咖哩配雞如果不嗜辣的，這個黃咖哩絕對適合。咖哩帶濃濃的椰香味，只是微微辣，雞肉吃落算嫩滑，又是一道佐飯的好拍檔！干炒牛河所採用的河粉與平常吃的有點不同，似薯粉的質感，偏彈牙，個人十分喜愛其口感。河粉炒得很乾身，而牛肉亦算軟腍不嚡口，不過整體味道略嫌帶點"炒燶"味，未知是之前炒燶鑊的味道影響這道菜，還是炒的過程燶底而影響。＿＿＿＿＿＿＿＿＿＿＿＿＿＿＿＿＿＿＿＿＿＿菜式選擇頗豐

其實好想同朋友去泰國聚一聚，無得去，唯有去住泰國餐廳先，哈哈星期日晚七點零黎到，幾旺場下，員工都多，所以落野上菜都好快！原只菠蘿沙冰見到隔離枱嗌，幾吸引，就試下！Wowowo! 個樣好正甘！飲落好香菠蘿味，俾人好fresh 既感覺！幾襟飲，飲到食完都仲有！椰汁黑珍珠好多眼仔係面頭有口感，椰奶汁清甜。冬蔭功湯（二人份）好足料，剩香料都有幾種，仲有草菇，蕃茄同大大只蝦！味道酸酸地，唔會好辣，愈飲愈開胃既感覺！紅咖喱一樣好多料，有豆角、菠蘿（好似係？）豬肉（可以揀牛、豬、雞）、紅椒同瓜。個汁好濃味，相比起平時食既黃咖喱或白咖喱較濃同香，撈埋啲食送係一流！可惜無嗌飯，點唔晒啲汁食晒左雞、豬、牛串燒！正正正！（一路寫不路流口水，哈哈）好香口，上面有啲芥茉醬，啖啖肉！有兩種醬點，沙爹同酸汁（我對佢既稱呼）。前者味道較濃，咸咸地，後者酸酸地，較清新。兩樣都幾岩我口味，所以我梅花間竹甘點黎食，哈哈。肉方面我比較喜歡豬肉，林啲同juicy！泰式炒金邊粉甜酸甜酸！炒得好好味，一條條，唔會爛曬，面頭有幾只大蝦，爽口彈牙！一個人可以食大半碟！咸魚炒椰菜苗椰菜苗爽口，嫩，唔會太林，雖然俾咸魚炒，但菜唔咸，味道剛