泰聚 (已搬遷) 新店位置

喜歡是泰國菜，尤其喜歡在九龍城以外的地方尋覓不同的泰國餐廳，拓寬泰國菜的覓食版圖。這次到這間位於太子與旺角交接的泰國餐廳，新式裝修，黑金主調，席位之間頗為鬆動，甚為高雅。晚市期間，座無虛席，卻沒有傳統泰餐館嘈鬧的煩擾。值得推介！朋友７人，可以盡情點菜，大蝦柚子沙律，生蝦，原個椰青海鮮紅咖哩，大蝦咖哩，小食拼盤，東陰公，椰汁糕，以及必定不會少的芒果糯米飯為甜點。 西瓜沙冰味道清甜，原個上菜造型可愛。大蝦柚子粒粒分明, 味道酸甜又爆汁, 配埋腰果一齊食, 口感特別，特別開胃。新鮮的生蝦肉質固然爽口鮮甜，伴碟的香口辣醬至係靈魂所在，真係辣到個人都醒一醒椰青紅咖哩的微辣濃香 ，海鮮豐富煙韌好咬口。蝦呀鮮魷帶子呀隻隻爽口彈牙，鮮嫩 、爽彈 ，醬汁濃稠 ，甜中帶椰香，惹味到暈，再來一盤酥脆蒜蓉包便可瓜分整個紅咖哩。惹味冬陰功新鮮芒果打成的沙冰，味道香甜，感覺到啖啖新鮮芒果氣息。 小食拼盤值得一提，7人份量，埋單每人不用300，已經滿足至極，值得推介。

餐廳裝修唔錯，門口係大嘅落地玻璃窗，可以增加透明度，室內亦都有啲木色嘅擺設，充滿泰國風味。泰式魚肚羹，喺泰國餐廳見到餐牌上面有魚肚羹覺得相當特別，魚肚羹用煲仔上，上檯滾熱辣，味道好好，魚肚好大塊好厚身，不過唔酸唔辣以致感覺中式，如果能夠同泰式增加多少掛鉤相信會更加好。大蝦芒果沙律，大蝦開邊之後再拎去炸，炸得金黃香脆， 沙律方面係木瓜沙律，木瓜絲嘅爽脆加埋葱段嘅香口，酸酸甜甜勁開胃。鹹魚炒椰菜苗，椰菜苗炒得爽脆，帶住鹹魚嘅點點鹹香味，又唔會炒得太過油，好味。泰式金邊粉，鍾意廚師炒到金邊粉甜甜地，蝦肉爽口彈牙，同一樣彈牙嘅金邊粉相映成趣。

作為一個泰菜fans,平時都會帶住小胖女(逼小胖女)食泰國野,今次轉戰到太子呢間泰聚,大約7點幾黎到,都有人係度等位,約5-10分鐘就安排入座啦,餐廳環境非常西式,黎到第一個應該似CAFE SHOP,,我地就叫左個SET DINNER,簡直係大包圍乜都有咁濟首先當然係小弟最愛既泰式串燒啦,不論賣相同味道都無得彈,食得泰菜又點小得飲冬陰功呢又係小弟至愛,湯夠辣,配料多,份量夠,唔洗一陣又清哂,之後就黎左兩個咖哩,一紅一黃,一豬一雞兩款都係之後用黎送飯食又得,就咁食佢D配料都正既菜,再黎係兩個炒菜,泰式炒雜菜同蒜蓉炒椰菜苗,味道OK,唔會太油膩,主食係泰式炒金邊粉同泰式蝦醬炒飯,份量好大碟,金邊粉帶甜,飯就炒得夠乾身,配埋咖哩汁食非常絕配,最後當然唔小得兩隻泰式飲品啦,菠蘿沙冰同西瓜沙冰,無錯,佢地係原隻出飲佢D汁之餘記得食埋佢D肉,非常滿足既一餐泰國菜,約埋班朋友黎開餐一流

約左朋友出街食飯, 唔想去旺角咁多人, 所以去左花墟果邊.朋友想食泰菜, 所以揀左呢間, 環境幾舒服, 唔會太迫, 好闊落.先黎個開胃野大頭蝦沙律, 上面D沙律絲都幾辣帶酸, 好刺激. 炸過既大頭蝦響下面, 數一數開邊都有好多隻, 炸過香口唔油, 肉質爽口, 蝦頭仲有D膏, 夠鮮甜, 差D連殼都想食埋.泰國野又點可以少得食咖哩, 個人鍾意黃咖哩多D, 配埋豬肉. 呢個咖哩夠香, 唔辣, 椰味唔重啱我.  豬肉軟滑唔韌, 仲有索左咖哩既洋蔥.  蝦醬炒飯, 炒飯夠乾身一粒粒, 蝦醬味唔算太濃, 祗係咸咸地. 上面仲有肉鬆, 蠟腸, 蛋絲等等, 份量非常多, 兩個人差D食唔晒.

同ling ling食飯係最開心，因為佢會好多嘢都想食，同我一齊眼闊肚窄，今次我地就決定食泰國菜，因為我地都好鍾意食泰式生蝦呢間係位於太子近旺角警署附近，成條街都好多餐廳食肆，中間好多間我同大少都食過，呢間就喺街尾，好似新開無耐金柚子蝦球沙律 - 個柚子非常甜，再襯埋酸酸地嘅泰式沙律汁直頭一流，個蝦球又好爽口黃咖哩雞 - 平時食泰國嘢，好少食咖哩，因為我唔知黃咖哩、青咖哩、紅咖哩好味啲，但係呢個黃咖哩令我改觀，咖哩味好香，椰汁啱啱好，唔會咖哩入面過多椰汁，而且雞件好嫩鮮蝦刺身 - 食泰國嘢點可以無鮮蝦刺身呢，蝦鮮甜爽口，個生蝦汁一絕，同個生蝦真係非常夾泰式乾炒牛河 - 好乾身，而且好夠味，每條河炒都沾滿汁料，非常好味，不過都係個菜有少少生泰式鮮蝦春卷 - 食春卷都係呢個蝦春卷好味，皮脆蝦爽

有朋友介紹一間喺太子既泰國菜，今晚一於泰菜，餐廳環境舒適，樓底好高，空間感足夠，服務員態度還可以。冬陰公我比較喜歡重香料味既冬陰公，呢個冬陰公唔係太重香料，不過酸酸地，好開胃，而且十分足料，大蝦都有好幾隻雞牛豬沙嗲串燒 每一串都燒到剛剛好，唔會太乾身，一咬都仲有好多肉汁，而且個沙爹醬好好味，仲有啲花生粒係入邊，有咬口又好香沙嗲味，串燒一流泰式炒金邊粉呢個金邊粉炒得幾爽身，而且味道好夠，有大蝦幾隻，爽口而且仲辣辣地，且配料有好多，蔥味好香，加少少檸檬汁好醒胃，不過比較偏甜，但整體都唔錯整體餐廳環境不錯，食物味道可以，服務態度還可以，所以不妨再來

兩個人吃飯，找上一間泰國餐館。早幾天由歐洲回港，西餐吃得多非常掛念亞洲菜的滋味。大頭蝦芒果絲沙律。青芒果絲酸甜開胃，大頭蝦鮮甜爽口，肉質彈牙唔會好霉，蝦肉彈彈甜鮮味道伴上青芒果絲，冷冷的開胃，適合夏天食用。咸肉炒椰菜苗。咸肉咸香軟腍，肉質軟腍帶點爽口，有些帶點肥肉口感非常滋味，椰菜苗爽嫩爽脆，伴上香茅口感香口惹味。沙爹串燒。串燒燒得焦香豐富，沙爹醬帶輕輕花生香，醬香味濃。雞肉燒得嫩滑，豬肉帶微微油香，焦香部位更加香口豐富。蝦醬炒飯。每次吃泰國菜都會叫上蝦醬炒飯，臘腸咸香爽口，入口不會太乾身，炒飯粒粒乾身伴上蔬菜粒口感爽口豐富，炒飯伴上肉件和蛋絲蔬菜，喜歡食材夠豐富。

花園街一向食肆多，中西日式都有齊。在商店林立的花園逛街，絲毫不必擔心覓食的問題。花園街賣衣服的商店近年轉型，由近似旺中類別的低價服飾，轉為售賣質素較高的服飾。不少的店售賣自家設計的服裝，路線偏向日韓休閒服的路線。店舖的裝潢亦走向年輕休閒品味的風格，洗去了花園街低檔服裝店的頹風。趁著轉季，我都不忘到這一帶逛逛找尋心頭好。血拼完畢，當然就地取材，吃頓美味的晚餐。泰聚似乎是近月新開的店，餐廳店面頗大，大約有100 個座位。店面的裝潢新潮具格調，以具泰式風情的木和竹為主調。餐廳雖位置街上較僻的位置，可是生意亦很不錯。星期四的晚上八時多，已經高朋滿座。今天趁著胃口好，兩人瘋狂地點了五款食物。海鮮粉絲湯海鮮粉絲湯的配料很豐富，包括紫菜、蝦、青口、玉子豆腐、椰菜、魷魚、紅蘿蔔、娃娃菜、草菇、芹菜和粉絲等。如此足料，不解釋都知道湯底一定鮮甜。柚子大蝦沙律沙律足足包含有半個碌柚之多，柚子又甜又飽水。大蝦夠爽脆，配上腰果一起吃很不錯。沙律以半個碌柚皮作盛器，視覺上更顯清新。沙律的醬汁味道很獨特，帶有點點花香味，個人非常喜愛。黃咖喱雞咖喱汁中加入了椰漿，咖喱味道更香濃更豐富。咖喱味道不算太辣，不嚐辣的人士亦

今次和友人突然想食泰國菜，見到呢間餐廳環境唔錯，有點像西餐廳的風格，就決定係泰聚聚一聚我地叫咗個set，飲品要額外叫。 串燒有雞、豬、牛三樣選擇，我地揀咗雞同豬，兩樣都唔錯味道剛好又唔會燒到好乾冬陰公湯都幾足料，酸辣兩者啱啱好，唔會太辣，而且好開胃紅咖哩就稍為遜色，咖哩味道不過不失，但雞肉實在少了一點，而且肉質有點老金邊粉味道有點偏甜，整體上都還好，份量亦不少兩杯飲品都好好飲，尤其以上菜式都比較濃味，飲番淡就啱啱好中和番，特別係杯蜜糖檸檬冰，唔太甜又幾fresh之後就可以繼續食！

哈囉喂之夜 每年都鐘意和朋友去太子酒吧玩下 避開蘭桂芳的人潮。先去附近食個飯先。行下行下 見到間泰菜館 環境不錯。泰式魚肚羮。幾好飲。有點像碗仔翅 冬菇雞絲魚肚好足料 魚肚爽口彈牙。串燒豬牛雞。大大串。厚燒 肉質唔會太老 都Ok juicy. 兩個醬汁 沙嗲醬花生味香 酸醋夠開胃。自己最鐘意燒豬肉。泰式炒金邊粉。惹味。金邊粉炒起來濕度適中 醬汁微酸帶甜 蝦球爽口 配料十足。紅咖哩雞*紅咖哩微辣中帶甜 配上青豆 泰國茄子 香葉等的材料 配白飯一流。食飽飽 向著哈囉喂之夜出發。P.S.午市有套餐 都幾優惠喎。

太子的一間泰國菜 同朋友食飯吹水唔錯 係地鐵站附近 方便去 坐得又幾舒服 價錢唔算最平 但計埋個環境 叫抵食泰式蒜蓉炒通菜 $68幾大份 食落唔油又夠味 佢有用豆豉炒 有啲似中菜 但有泰菜酸酸地既味 唔錯 平時食泰式炒菜好怕好多油 太濃味 但呢個岩岩好 推薦👍自制炸蝦餅 4件 $98炸蝦餅好厚身❤️ 食落彈牙 新鮮炸起 唔會好油 佢彈牙程度比我以前食過既蝦餅底 但係都好好味 食得出有蝦味有兩隻醬提供 其實都係泰式酸甜醬 只不過有辣同唔辣泰式海鮮炒河 $88一食泰國旅行回憶返曬來 放入口第一種味係豉油味 蒜蓉味香料味逐一逐一出來 配料多 豆角 菇洋蔥... 海鮮就可以多啲 炒得夠鑊氣

每次想吃泰國菜的時候，不少人第一時間會想起九龍城。不過，其實在鬧市中亦有具水準的泰菜餐館。好味到令人想一去再去。位於太子的「泰聚」便是其中一間。「泰聚」位於花園街，便利但卻寧靜。環境和空間感都不錯。飲品方面，首推賣相吸引的「原個西瓜沙冰」。沙冰打得幼細，鮮甜的西瓜味均勻分佈其中。我每次來都一定要吃這個。每次吃泰國菜，我都會點「鮮蝦刺身」(HK$148)。蝦肉新鮮有彈性，而且膠質非常豐富。那個酸酸辣辣的泰式醬汁，十分醒胃。以此作為開場小吃，非常適合。「醃肉碎生菜包」(HK$98) 有牛、豬、雞三款內容選擇。酸中帶辣，伴隨著洋蔥的鮮味，夠刺激惹味！而生菜亦夠新鮮爽脆。十分喜愛這裡的「炭燒豬頸肉」(HK$88) 。肉香不俗，炭烤香氣吸引。但最吸引我之處是它嫩滑爽口的肉質，以及出色的醬汁。「泰式乾炒牛河」(HK$88) 除了牛肉，也可以選雞肉和豬肉。材料豐富，牛肉嫩口。更難得是麵條炒得分明，嚼感富彈性，值得一讚。如果鑊氣再強一點的話應該會更佳吧。「泰式甜品拼盤」($88/10件) 款式多多，每一款的質素也不俗。而且很喜歡他們把菓子做成玫瑰的形狀，十分美麗。這個豐富的拼盤最適合三五知己分享。光顧

工作過後正在回家途中，忽然收到朋友電話，有酒吧聚會，拒絕酒後駕駛的我這時真的世上只有姐姐好，有姐的孩子像個寶，打給姐姐代替駛回車返家，找個就近地方吃點東西等她，分享這間巧遇的泰國餐廳，位於太子的泰聚。•泰式豬肉炒河配上芥蘭絲,紅蘿蔔絲,蛋絲伴炒，豐富了口感，豬肉剛剛好熟透，肉質滑而不韌，但河粉份量小！•店員蠻貼心，只是詢問辣椒粉卻拿了整個調味盤給我，並說三種調味混溝味道更獨特，確是沒錯，我特別喜歡酸汁，酸酸微微，配炒粉蠻夾！•茅根菜蜜，第一次飲，印象良好，飲到尾還可咬茅根條，甚有咬口。最後還是想真誠地忠告大家：“酒後切勿駕駛，害己害人！

小胖男友係泰菜既Diehard份子 所以小妹間中都會上openrice search下有咩多好評又未試過既泰國餐廳今次就俾原隻菠蘿冰吸引左 約埋幾位朋友試一間位於太子既泰聚食泰菜又點可以無串燒一碟6串有晒豬牛雞肉 燒得香又唔會太乾身有小胖男友在場就必定會點冬陰公湯估唔到呢度個冬陰公湯又幾好味酸同辣味夾得剛剛好 入面仲有兩件開邊既大頭蝦同好多草菇紅咖哩雞味道都ok 雞肉嫩滑 不過嗜辣既小妹認為再辣d會更美味怕唔夠食叫左兩個炒菜個人比較鐘意泰式炒什菜 而小胖男友就比較鐘意重口味d既蒜蓉炒椰菜苗泰式炒金邊粉又大碟又多海鮮 隻隻蝦都大大隻 味道帶甜 幾有趣第一次食泰式蝦醬炒飯 炒飯上放滿蛋絲 另外有臘肉配襯 臘肉味道不錯終於到成餐飯既重頭戲~~原隻菠蘿沙冰同西瓜沙冰 菠蘿沙冰超級美味 每啖沙冰都充滿濃厚既菠蘿味 加埋新鮮菠蘿肉 超醒神正!!!

泰菜必食金邊粉！個賣相已經好靚，用料都好豐富，味道好好！金邊粉亦炒得條條都彈牙！紅咖哩都好正！咖哩香濃易入口，入面仲有大量配料，如豬肉，青豆同茄子咁！最驚喜係有荔枝係入面！香香甜甜既荔枝配上咖哩竟然係好夾，好好食！裝修好新潮，唔同一般泰菜！