泰灜

营业中

休息中

見到有新餐廳，便走去試試。一行五人，叫了好多個餸，而最深刻印象就有火焰雞(火燒後都好juicy)，串燒豬+糯米飯(豬好冧，糯米好香，再加上汁後無得頂），生蝦(好新鮮，好彈牙)，芒果糯米蛋糕（超靚，芒果超甜）......每樣野都好好食，下次叫多D去再食過!

夏天就想食泰國野 酸酸甜甜好開胃🤤今次就去試下這間小店 記住book左位先去🤔因為見人地walk in未必有位 好多都俾人book左前菜 食左個金柚沙律 但我覺得有少少怪 因為好似整係食緊金抽無沙律既感覺 同埋有陣椰子味 炸魚餅$68 好重香茅香料味 比較重口味份量好多 食一條就夠晒 青咖喱雞$98 我覺得這個有d貴 因為唔系好大碗加埋一就百幾蚊 唔太抵 當然要配蒜蓉包 蒜蓉包份量唔多 但好食如果有薄餅就好啦😌最後食個芒果糯米飯 全餐最好食係lee個❤️芒果好甜糯米飯熱熱地 好好食椰汁唔會好甜 好吃

佐敦鬧市的泰瀛😍係近期最愛的泰菜👍🏻餐廳不大 但坐位不逼夾 裝修具有泰味😍係呢到會食到其他泰國餐廳食吾到既味道😋員工有禮貌絕對係我對餐廳既要求😏 一試會愛上的泰國菜🤣

My bosses called a night out as long time no see. We finally chose a Thai restaurant in Jordan. The restaurant's concept is Eat and Live like a Thai. We were wondering what it is. 肥店長 (Fat restaurant in-charge) explained that it's hard to describe what is traditional Thai food as there are too many types. But they want to share with Hong Kong customers how exactly Thai people eat Thai food. Now we understand more what Thai food is.

朋友介紹新泰國菜，我哋一班朋友一吹雞就一呼百應去試新嘢。泰灜位於吳松街(澳牛後面)，交通方便，地鐵裕華出口過對面馬路行幾分鐘就到，寶靈街出口又得。我一向冇習慣睇門面，但係佢個招牌真係好型格好靚，好鍾意佢隻大辣椒。飲品我要泰菜鐵膽Lime Soda，足夠嘅lime juice直接mix咗入soda度，夠味。朋友叫龍眼冰就有少少徧甜。推介一杯特飲--“Narin”，係店長自創以自己命名嘅秘制雞尾酒，內有泰國威士忌，香茅......等香草，唔飲得都可以試吓，清爽帶點麥香。香港食泰國菜必叫泰式生蝦，蝦大隻新鮮，連蒜片加紅辣椒點上特制醬汁，食得辣嘅你要試啊! 少有上埋炸蝦頭，不過蝦頭凍嘅，唔係即炸即上，有點可惜。泰式金柚沙律，有大蝦，金柚，蕃茄，腰果，香蔥等等材料，酸酸甜甜，開胃無辣之選，如果沙律菜多幾塊更好。阿女唔太喜泰菜，但係都話個炸蝦餅好正，夠彈牙有蝦味。本人誠意推介大家一定要食炒通菜，平時我唔太喜歡食通菜，呢度嘅炒通菜食到我唔停得口，正呀! (溫馨提示: 唔食辣記得要開聲走辣喎)傳統泰式咖喱炒蟹，味道徧甜，泰國人店長話係佢哋正宗家鄉泰國口味，我絕對接受到覺得好食。醬汁較為濃綢，阿女話太少

朋友上網見到呢間泰菜頗有特色，所以一於試下！生蝦刺身爽口，醬汁微辣，配起上嚟好正！唯一美中不足，炸蝦頭比較失望，可能為咗配合個刺身，所以蝦頭並不是熱辣辣的，可能當係伴碟的一種吧，反正刺身才是主角火焰燒春雞係你面前放火燒雞，可以選擇自己手撕，亦可以叫佢哋幫你斬件上，雞肉非常好味香口，伴醬亦很贊，雞胸肉唔會鞋，可能係春雞的關係吧綠咖喱軟殼蟹 + 蒜蓉包蟹細細隻，覺得比較唔正宗係因為用的茄子係普通茄子而唔係泰國茄子，不過俾嘅料好足，反而覺得咖喱汁唔夠多，唔夠汁用嚟伴蒜蓉包食，蒜蓉包焗得好香脆，蒜蓉味足！炸蝦餅總覺得炸蝦餅係唔會失敗的一道菜，熱辣辣又彈口，正！鹹肉炒椰菜苗可能用上鹹肉所以比較油，椰菜苗冇炒得過火，鹹肉比硬左少少泰式青芒炸魚第一次食炸烏頭，應該係烏頭，除非唔係，魚本身有小小泥味，但伴上炸汁可除咗啲泥味，而且魚已起肉，炸得亦脆口！芒果糯米飯用上好多芒果，正！似個芒果蛋糕，又一相機先食的作品！小小一家店，店員都是年輕人，健談，效率快，贊！

鋪口就唔算好大，不過有兩層，洗手間都好整潔👍🏻難得！服務態度都好好，上菜快。所以唔book定都未必食到。好彩係出面咪表泊到車更讚！我同老公、囝囝、工人姐姐一行四人食，為預祝工人姐姐生日。

早前睇到宣傳廣告, 係佐敦新開左間泰國菜餐廳, 其中一款火焰雞吸引左我必要前去一試!今晚收工相約妹妹到達餐廳, 結果係冇BOOK位下, 餐廳內已經坐滿食客, 認真旺場! 好彩唔係等左好耐都好快有二人檯安排入座, 店內面積唔大, 設有卡位, 裝修以簡樸為主。Menu上對比其他泰國餐廳款式唔多, 但傳統既款式都有, 例如冬陰功、串燒、生菜包等等…平日晚9點左右, menu上有少部分菜式、飲品都已經賣哂。幸運地, 最後一隻火焰雞都給我order到! (如果一心想去食既話就要記住打電話預留喇!)【龍眼冰】HK$28先來一杯龍眼冰解解暑, 冇想像中咁甜, 清清地既龍眼, 幾清新【虎蝦炒金邊粉】HK$98隻蝦真係好大隻, 金邊粉炒得幾有穫氣, 侍應建議我地將旁邊既三色味粉同青檸汁跟金邊粉撈起食, 因為我將所有味粉撈埋, 當中既辣粉令整碟金邊粉生色不少, 味道辣辣地, 很惹味。【火焰燒春雞】HK$188最期待既火焰雞出場了, 吸引唔少鄰坐遠望。燒雞上檯後, 侍應將帶有火焰既酒精從燒雞頂部淋上, 火焰完全包住隻雞, 維持大約十秒左右, 就會自動熄滅。店方會送上膠手套比我地撕出雞肉食, 別具泰國傳統風味

今次就同朋友黎食新開既泰北菜，細細間竟然坐無虛席等我地一行四人探個究竟！.先保守點了傳統的冬陰公湯和豬頸肉，天氣熱想吃點酸甜的涼菜就點了柚子沙律，然後被相片吸引再重貨一隻火焰燒雞雞再來個紅咖哩燒鴨！先上桌是這個金柚鮮蝦沙律，酸酸甜甜超開胃，以金柚的酸甜襯托果仁，鮮蝦和蔬菜連平時不太吃沙律也比較容易接受再來是我的泰菜最愛豬頸肉bb!!肉質軟嫩而堅實，帶嚼勁，本身已經挺好吃配合正宗泰式醬汁一流火焰燒春雞以視覺效果為主，在微脆的春雞皮上澆上烈酒有火焰效果，雞肉還是蠻嫩的，但調味略單調，需依賴醬汁的味道。冬陰公湯足料好喝！大大煲重椰香味帶甜紅咖哩烤鴨算是蠻有驚喜的，港派的燒味遇上紅咖哩濃郁的椰香，不算太辣，沾上又香又脆的蒜蓉包味道再昇華！鴨肉好好吃！

昨晚，同幾個朋友去尖沙咀行街，不知為何突然想食泰國菜，就search下附近有無泰國菜館，就黎左呢間餐廳！一入去，見有不少人已經食緊，感覺已經幾好，因為應該好食先會多人👍🏿餐廳有兩層，內裏有點泰國風味🇹🇭地方亦寬敞，坐得都舒服🌾我地就叫咗個沙律食🥗呢個沙律酸酸甜甜，幾開胃👍🏿蝦同金柚嘅味道亦好夾，吾會覺得有違和感，加上蝦咬落去亦新鮮，再有埋腰果配搭，完全令到我食慾大增😋呢道炭燒豬頸肉，係我全晚至愛👍🏿首先豬頸肉少脂肪，食落去唔會覺得好油，完全無罪惡感，加上性價比高，有好多塊豬頸肉，好似食極都食唔完😻呢碟紅咖喱燒鴨，我覺得比較普通，但呢道菜可以配蒜茸包食，包都幾好味！注意: 這道菜有點辣🌶冬蔭公湯又幾正，本人覺得好啱我地香港人口味👍🏿辣得好香口👍🏿加上蝦肉好足，完全抵食！燒春雞係成晚飯既高潮！侍應會係我地面前表演"燒着隻雞"，倒上酒加火，成隻雞就立即燒着，影相一流📸無咗火之後，你可以叫侍應幫你手撕雞，或者自己黎。肉質幼嫩！點上佢嘅辣醬，更惹味！我亦點咗杯飲品--龍眼冰，味道較甜，夏天黎講，飲一飲透心涼💦總括而言，如果想食泰國野，呢間餐廳不比九龍城嘅泰國菜遜色！值得一試！

平時一諗食泰國野 就即刻諗到九龍城個頭但食完都係好味 但無咩驚喜又無咩深刻印象今晚試左呢間係佐敦嘅新開泰國菜 真心必回頭🤤一試難忘左😍😍😍 .個老闆原來係純正泰國人 同佢傾d野食個陣 佢話呢度同出面泰國菜唔同好多香港泰國菜都會營合左香港人口味但佢呢度好多款都係正宗泰國做法🇱🇷可能會辣d 岩哂我呢d嚐辣如命之人.泰式鮮蝦金柚沙律 ($68)超開胃嘅沙律 滿滿嘅金柚籽 一咬就有酸酸甜甜嘅柚汁爆出黎 蝦煮得好爽口 咬落新鮮彈牙😋沙律個sauce有少少微辣 完全令我食慾大增 準備好迎接呢餐辣味泰菜.炭燒豬頸肉 ($78)滿滿的豬頸肉呀係 超級多片而且厚切好厚肉皮燒得有陣陣炭香個sauce係辣到有少麻刺激味蕾個種😆勁正.冬蔭公 ($138)冬蔭公辣勁十足🤤🤤而且好足料 有幾隻原隻大蝦😳肉質仲要係爽口彈牙 吸哂d湯嘅精華🤤.紅咖哩燒鴨 ($98)燒鴨老闆話出面真係好少見 但本身泰國人都好鍾意咖哩燒鴨燒鴨係平時燒味舖個種 肉質嫩滑咖哩好香濃 紅咖哩會有少辣 用蒜蓉包沾黎食一流🤤💓.惹味蒜蓉包 ($48)呢個蒜蓉包外型太討喜 預先切成條狀方便人沾咖哩食😙超香蒜蓉味 烘得脆脆又唔會硬到𠝹口個種👍🏿.火焰

今次第二次黎喇，上次dinner今次試下lunch，一心想食燒雞，點知原來Sunday只做Tea set，心諗仲好有set食便D，叫左個紅咖哩雞個set，上菜呆左😯泰菜都做層架tea set😱貢high咩，$98 for two包嘢飲（仲要特色嗰D）超抵👍如果想坐得舒服便便地依到都唔錯，雖然知道個嗰時段唔做a la carte但因對柚沙律念念不忘，即管問下肥老闆可唔可以破例做一次🙏果然顧客至上冇托手踭，些些😍同肥老闆吹下水佢介紹咗一隻新產品叫泰式cocktail包我未飲過喎，因用泰國Wiskey，好就即管試吓喇，感覺酒味唔算濃，落咗啲香茅同埋有青檸好Fresh真係未飲過,夏天飲都唔錯嘅選擇黎架😎☀️🍸

久違的泰國菜，佐敦方便就腳有間新開的泰菜，一於試試佢！樓高兩層，位置都算幾闊落。食物選擇唔會好多，想食湯粉都無😶不過其他都應有盡有既！必飲椰青，熟得剛好，椰肉好軟身，清甜。首先食個大蝦金柚沙律，份量幾大足料！食泰菜必叫生蝦，夠大隻厚肉，點埋秘製醬汁酸酸辣辣好開胃！冬陰公湯就有少少失望，蕃茄味搶晒focus，辣味酸味都唔夠青咖哩就幾不錯！好香好滑！配埋蒜蓉包食一流！蒜蓉包香脆，勁crunchy!!蒜香大蝦金邊粉就幾有水準啦！炒得乾身，撈埋青檸汁，糖同花生碎食好夾好好味！之後梗係招牌火炙燒春雞！勁吸睛呃like一流！不過都唔係虛有其表架！肉質鮮美多汁，雖然細細隻，但都好多肉！皮脆肉嫩！最後甜品係千層糕同芒果糯米飯！份量十足勁飽肚！

好正呀！！朋友介紹去試下佐敦新開既泰國菜主理人係泰國人，我睇menu已經覺得好吸引！😍呢隻火燄燒春雞，好Juicy!! 好嫩滑配埋個醬汁好正！兩個人食岩岩好，另有好多正野食，一次過真係食唔哂！我地order左泰式鮮蝦金柚沙律老闆每朝特登早起去挑選至靚金柚，好少餐廳比咁多金柚去整沙律，$68好抵食另外叫左一紅咖喱鴨，鴨肉唔太靱，紅咖喱不太辣，濃度剛好唔會膩。再叫左個咸豬肉少椰菜，豬肉炸過再炒好香口，椰菜唔會苦，好食！最後老闆問我地食唔食芒果糯米飯，我已經O左咀，但我對面果位仁兄好快就講食！加上老闆話大廚識雕芒果花，睇黎真係要欣賞下，點知真係勁靚囉！！雕左玫瑰花仲要加埋樹葉！太有心機啦！！總括黎講，環境舒服，味道岩岩好，好入味，份量好足，價錢合理鐘意食泰菜，必試！味道：4／5環境：5／5服務：5／5價錢：4／5

The small authentic restaurant has a wonderful surprise for anyone who loves their Thai cuisine. The atmosphere is great, with some Thai speaking waiters serving for the night just gives the whole experience just a little more Thai feel. First up, I had the raw prawns served with some garlic and chilli. The firm texture of the fresh prawns combined with a nice delicate presentation really was a great starter to the night. The prawns also came with cooked prawn heads, to satisfy customers like my