泰灜

营业中

休息中

呢間新開泰菜開業不久，望落裝修環境都唔錯，入去試試。一入去唔算多人，但餐廳就有浸臭水味令人不安！生蝦刺身做緊優惠$98-賣相好靚。蝦好厚肉，但完全無味，要點好多醬汁先有少少味，唔可以話好鮮，非常一般！生蝦黎講都算好失敗！軟殼蟹青咖哩-青咖哩夠辣，軟殼蟹都夠香脆，咖哩料都有好多茄子，唔錯！我地仲叫左蒜蓉包-賣相都係好靚！但可惜烘得過左火，蒜蓉包好硬！敗筆！味道又唔夠蓉蓉香炭燒豬頸肉-呢個好味，燒得好香，醬汁又好味！值得叫！總括而言，食物一般，只係賣相靚，兩個人食左$400左右！有更好既選擇吧！

通常想食泰國嘢 大部份人都會諗起九龍城但今次經過佐敦 見到呢間新開泰國餐廳突然心思思想食下泰國嘢 就入咗去試吓.由於餐廳係新開嘅關係 所以裝修都好新淨餐廳入邊大部份都係泰國人 見佢哋都係用流利泰文溝通 店員同店長嘅服務態度都好好會主動提議佢哋嘅特色菜 主動為客人添水.蒜蓉椰菜苗平時係街市都難以買到的椰菜苗可以揀 泰式/豬肉碎/馬拉盞/蒜蓉我哋最後就揀咗蒜蓉椰菜苗椰菜苗係即叫即炒 所以上枱係新鮮熱辣 出晒煙椰菜苗炒得好夠鑊氣 食落口感好爽脆 而且甜甜地 好惹味 大家都食唔停口真係好好食.豬肉串配糯米飯本身係打算叫沙嗲豬肉串不過親切嘅店長同我地講 呢款豬肉串更有特色 係泰國嘅正宗食法所以我哋就聽咗店長嘅介紹 叫咗呢款豬肉串豬肉串配嘅醬汁好特別 食落甜甜酸酸 帶有一絲絲辣 香茅味好重豬肉串點上醬汁 配糯米飯一齊食 解辣得黎又幾夾.虎蝦炒金邊粉一上枱賣相真係不得了 大大隻虎蝦喺面虎蝦炸過之後 蝦肉都保持鮮嫩 幾多蟹膏店長同我哋講 佢哋嘅金邊粉跟足泰國食法旁邊配有辣粉 糖 花生碎 同埋 崩大碗食嗰時將三樣撈入金邊粉 加埋青檸汁金邊粉食落濕潤 酸酸地 唔會覺得油膩配有蝦乾仔 豆乾 菜莆粒 同花生碎

在泰菜同越菜中間角力，最後泰菜勝利了！與女朋友想在尖沙咀/佐敦揀間泰菜。。呢間thai in幸運的被挑中了知道餐廳新開張，地點很方便，店內環境唔錯，冷氣也很足夠，有上下兩層，如果多人可以預早訂位，上上層！我們7 點到去到，時間都早， 客人未算最多時，店長也親自招呼，都會問我地食唔食辣，推介好幾款招牌菜和飲品，非常唔錯的用餐經驗。點完食品，很快都上到菜，同埋通常一次過上o西所點的菜！幾好。。因為很怕d菜上得太慢！

老婆xx歲生日，去食佢鍾意嘅泰國菜，阿仔負責買蛋糕，呢間嘅廚師係正宗泰國人，正宗泰國味道，店長好細心介紹菜式，員工亦好有禮貌，最重要老婆食得開心☺，食埋個蛋糕，老婆話已經飽到想瞓😂😂真係好多謝泰肥店長推介：- 咖喱炒肉蟹，正宗泰國味道～少辣，仲叫咗兩份蒜蓉包清埋啲咖喱汁👍- 火焰燒春雞(手撕雞)，叫店長留隻最靚嘅，皮香肉嫩，好味到停唔到手，差啲想埋啲骨👍- 炭燒豬頸肉，燒到皮脆再點埋啲汁一齊食，超正👍- 芒果糯米飯，店長話係佢地嘅大廚特別做俾老婆㗎👍

佐敦開咗間新泰國菜餐廳 見到門口個招牌幾型 就入咗去試吓入面細細間 但係都有張大枱可以坐到我哋成10個人 另外都有卡位可以比三五知己坐埋一齊食飯吹水 有個職員見到我哋咁大班人 就好主動咁同我地講 如果我哋下次再嚟可以預先book定包場 原來佢哋有兩層 上層係一個小閣樓 係好奇心嘅驅使下就膽粗粗咁問職員可唔可以上去睇睇 發現係一個小空間 如果喺上面一班人食飯都唔怕騷擾到其他食客椰青 $48一坐低二話不說即刻點一個椰青 打開蓋發現入面有滿滿嘅椰青水 椰青最重要係要食埋椰肉 發現好容易刮晒出嚟 完全無浪費到一絲嘅椰肉泰灜炸魚餅拌甜梅醬 $68用千秋裝住魚餅 好有特別嘅設計 影相呃like一流 魚餅包住香茅一齊煮 入口有淡淡的香茅味 不錯豬肉串配糯米飯 $88醬汁好特別 偏辣但又帶有一絲絲既甜味 令人食吾停口 而糯米飯做到錦上添花既角色 唔食得辣嘅人而又想試的話可以拌入糯米飯一齊食青木瓜沙律 $108我個人唔太好青木瓜沙律 而且有點辣 但個雞髀好出色 香脆嘅外皮包裹著嫩滑嘅雞肉 唔知道用左咩醬汁醃制 有好香嘅燒烤味 泰式生菜包 $88呢間泰國菜餐廳入邊嘅菜式都比較辣 特別係呢個生菜包 因為我唔

不嬲都係泰國菜粉絲，同朋友揼完骨見到對面新開左間泰莱叫Thai in，心諗有幾in呀，酷泰嘅我當然試一試佢，果然有驚喜😱著火嘅燒雞見到未？waiter放左隻原隻燒雞放火燒佢，香到呢😋唔食得都睇得👍加上超入味又嫩又滑，必食推介！之後仲叫左蒸魚，問個waiter點解冇爐嘅，原來佢地個個廚都係泰國人，堅持唔用壚怕條魚老喎，好有heart😅馬拉盞椰菜苗就同出邊差無幾，我地仲叫左生菜包加辣，真係夠辣野味忍唔住只碗白飯送添，其實最後想食埋芒果糯米飯但個肚真係撐唔住喇，總括黎講食咁多間，哩間都入頭三甲，九龍城嗰D退步曬，依間賣相味道都有驚喜，誠意推介，一定再試

The service was great, food was GREAT and amazing, especially the burning chicken! This is definitely a must-go place! First, the drinks were supersized and yummy, must try the Thai Milk TeaAppetisers was just amazing, the main courses surprised me with their taste and colour.....MUST TRY THE FLAMING CHICKENPLEASE also leave with a dessert in your stomach....definitely worth spending a night here!

#thebestthaifoodinhongkong正宗泰國菜！泰人泰廚泰菜泰正啦！六個人食左十五個餸以為已經好癲！？NO! 三個人叫八個餸才瘋狂吧！😂 一星期去足三次，人地吾知以為我係老板！？但真係不得之了的好食！連我甘嘴尖再加又識煮又識食既英倫室友都話好食，就真係吾係講笑！！！以下是 #tunnelavenue #泰菜組 #人頭生蝦分隊 的食評：• 泰式生蝦 (肥大肉厚連個蝦頭都炸埋比你食，煙奀香脆，真材實料，連醬料都改埋綠色，PREFECT!!! 我地一人叫左一碟，叫到隔離台都無得食，吓親店長，以為落錯單XD)• 泰式火焰燒春雞 (睇片就知有幾勁！吾洗講甘多～）• 海鮮冬陰公 (真係我係香港飲過最好飲既冬陰公，吾係得酸辣香甘簡單，味道豐富到我形容吾到，最正係每碗都有一大隻越南大頭蝦）• 泰式海鮮沙律 (有彈牙蝦肉，好"札"既札肉，最新奇係我未見過有沙律係用雪耳，但真係好索味出奇地好食）• 蝦餅（就吾洗講啦～食泰菜一定會嗌！但吾講吾知要做到甘彈牙，只係用蝦係做吾到架！要加少少墨魚滑同肥豬肉先可以做到甘既效果，吾怪得連平時打邊爐既鮮蝦滑都無甘彈）• 泰式傳統咖哩大肉蟹 (原來泰式傳統

行過佐敦，見到有間新開嘅泰菜最初俾佢個招牌吸引左 "eat live like a thai"膽粗粗咁入去試吓⋯⋯結果⋯⋯值得推介生蝦：新鮮爽口，點嗰個汁簡直係一絕翟道翟豬肉串：係店員推介，幾特別，好似我喺曼谷街邊食到嘅，再加埋個糯米飯。有別於香港泰菜舖食到嘅炸魚餅：唔太咸，個甜梅醬中和左炸嗰個油膩，個賣相最特別，嗰碟係一個韆鞦咖喱炒蟹：泰菜必食！隻蟹係用肉蟹，好大隻、好多肉。再叫多個蒜蓉包點去點汁食 ，無得輸泰式酸辣鮮魚：喺香港泰菜舖食嘅通常有爐，店員話佢地故意唔用爐，係要保持條魚嘅嫩滑。我哋食到最尾，條魚都仲係好滑喺香港少見，味道清新，有啲似象啤，但又唔會苦，值得一試總結嚟講，食物質素好“泰國”！美中不足係食唔到芒果糯米飯，下次要早少少去先得⋯⋯

同老公去吳松街揾野食，見到有新泰菜，個招牌仲寫住Eat like a Thai，好似好過癮，咁就入去試下啦....食左幾個餸，有驚喜喎！生虾有特價，梗係試下啦，個汁勁正！老公就覺得豬頸肉最精彩，又脆又香！我就覺得個椰菜苗炒得好食，椰菜苗仲要平時街市買餸好似唔多覺......。呀，仲有我大鄉里出城，未飲過Leo啤酒，叫左支，正！老公就保險，叫左Singha Beer。見到隔離枱一班朋友有開白酒有開甜酒，都好似幾夾......今次兩個人，試得好少野，下次決定揾班豬朋狗友「飯聚」一下.......大飲大食一番！