泰灜

营业中

休息中

雞肉乾炒河💲48 HKD材料好豐富 河粉炒得幾乾身唔會油淋淋👍🏻 雞肉厚肉不過略嫌無咩味.雞肉濕炒河💲48 HKD都係一樣大大碟好豐盛 仲有好多菜😂 （減少食炒河嘅罪惡感？）可惜佢加咗麵豉令到成碟野都麻麻地🤢 （朋友超討厭麵豉豆豉之類的😂).總結：lunch價位$40-$60嘅平民泰國野 包野飲 食物份量足料 兩碟炒河都大大碟～係學生哥同上班一族唔錯又抵食嘅lunch之選🤣 不過係唔係正宗就唔可以評價住 要下次試其他野食先知

好朋友生日即刻上網睇下有咩好餐廳同佢慶祝😆我地四個女仔特別中意泰國菜🇹🇭係網上見到泰式餐廳有芒果糯米飯蛋糕又係泰國野又有與別不同嘅蛋糕即刻係openrice訂座！同時又送25里Asia miles~提提大家芒果糯米飯蛋糕記得要提前1-2日預訂否則到當日未必會有存貨！餐廳亦會打黎confirm訂座時問埋要唔要留定一啲比較熱門推介嘅菜式例如:生蝦、燒爐魚、火焰燒春雞等等太夜黎賣晒就冇所以pre-order就一定有得食！我地每人叫左杯飲品木橘水比較新鮮嘅一個選擇味道似herb tea唔想成日飲Thai tea/青檸梳打可以試下龍眼冰味道都係大同小異龍眼肉偏多食完辣野飲返啖一流~椰青水好清甜唔會過甜或者有加水嘅感覺夏天解暑推介！泰式奶茶香港好難搵正宗泰茶初時飲都似期望嘅味道飲到一半已經比融冰溝淡左Pre-order嘅生蝦尚算新鮮最特別係中間嘅炸蝦頭炸完口感好脆+小小鹹好似啲零食咁冬陰公我地一致都覺得好鹹🤭湯裡面都有一隻已開邊蝦可惜冇蕃茄、菇亦偏小下次有機會寧願叫多個招牌菜未必會再叫冬陰公馬拉盞炒椰菜苗所有菜都可以選擇唔同調味去炒最多人揀馬拉盞同蒜蓉中意小小辣嘅馬拉盞都係一個唔錯嘅選擇有時好怕啲

本身想試隔兩個鋪位嘅餐廳，點知要等位。。。唯有試住呢間泰菜先啦，睇餐牌都唔算貴嘅，正常$4x-5x左右，入到去得一兩枱，睇黎好食有個譜！選擇都多嘅，接近20款，我揀左最鍾意食嘅紅咖喱，得豬同雞揀，如果浸汁當然🐷比🐔好啦，一定冇咁鞋口先。飲品揀左熱奶茶。等左15分鐘先有菜上，唔算長，但係快餐黎講係慢。。。材料好足好豐富，豬肉片厚薄一致，又剛剛好有啲咬口，少肥令肉質幾淋，部位可能係梅頭位，另外有法邊豆，茄子同九層塔。紅咖喱個汁就。。水汪汪，聞落係好香九層塔味，但係我想要紅咖喱嘅味多，佢只係帶好淡嘅紅咖喱味，相信溝淡左感覺似放晒啲煮熟材料落去滾起上碟，豬肉片都一樣冇吸收紅咖喱味道。奶茶居然只係港式奶茶而唔係泰式，呢點有啲失望，因為食過一間集團都係泰式奶茶，好好飲，而佢港式得黎又唔及茶記香

燒春雞、正！,普遍份量吾多、但人多可以叫多幾款吾同款式小菜！豬頸肉吾會太老而又多汁！環境只因舖位太窄、所以感覺無咁舒適、但食物有水準。相對搶回吾少分數！侍應態度都好nice,上菜時間亦都吾洗等太耐！

重點一提 服務態度非常好 香港飲食業難得一見👍🏻食物質素也不錯，推介泰式炒河粉妹妹生日，都預訂了芒果糯米飯蛋糕，比想像中多料，芒果好甜，好味又靚，讚👍🏻唯獨是餐廳附近外很難找位泊車😂但是整體推介值得一試😋👍🏻

係附近返工 lunch想食泰國野 🥰🥰 係openrice就搵到呢間 就同同事一齊過黎第一次黎 lunch都算坐得幾滿但又唔會太逼😌😌好耐冇食青咖喱就叫左個青咖哩雞飯 😋😋😋味道唔錯 雞又唔肥🍵🍵同行同事叫左黃咖哩牛腩 味道就似港式咖哩多啲～～價錢都係$40-$60左右包野飲 服務態度都唔錯 以後lunch又多個好選擇😍😍 不過聽隔離枱講（似係常客）某啲餐要等耐啲 大家趕時間order之前就問清楚喇～

去佐敦食飯, 泰灜係一間好多人讚好嘅餐廳, 見佢有啲食物唔係其他地方都有得食, 就去試一試。泰媽媽蟹肉煎蛋 - 似芙蓉蛋, 蛋香, 加啲蟹肉碎, 煎得脆身, 入口蛋香較強, 但都食得出蟹肉味, 加蔥花加添少少清新及辣度, 好食。炭燒豬頸肉 - 依個好食, 豬頸肉燒得脆身, 內軟, 食落有燋香, 辣汁有少少甜, 食落係幾夾。青咖哩雞 - 一般般, 啲雞有啲雪味, 但啲茄子入味好甜, 但買成HKD108就略貴, 如果雞都係好食就合理, 但係得茄子好食, 我覺得唔合格。蒜蓉包 - 厚切蒜蓉方包, 脆口蒜香, 好食。芒果糯米飯 - 芒果好甜, 糯米綿身, 椰汁教得好好, 少少杰身好上糯飯, 係好食嘅。Narin - 個味就係Mojitarita, 但加咗香矛, 好香。整體佢嘅食物係好食嘅, 同啲服務員好有禮貌年青同有活力, 值得一試。

今日朋友生日，本身想去嗰間餐廳full晒，誤打誤撞之下就去咗呢間泰國菜館。我地兩個人叫咗個鳳爪，朋友好食得辣就覺得好惹味，我自己就覺得好辣，鍾意食辣嘅朋友一定要點呢個！啲鳳爪唔太硬，好容易食。跟住我哋再嗌左個金邊粉，鍾意食酸酸甜甜嘅你就啱晒啦。佢有兩隻蝦，再有啲蛋絲韭菜芽菜同埋花生粒，如果嫌唔夠酸或者唔夠甜的話，側邊仲有青檸汁同埋砂糖，不過我自己就試咗將啲金邊粉點落啲砂糖度，覺得好奇怪。而青檸汁加多少少都冇壞嘅。

Went to this restaurant with my friends at night. We have ordered few dishes. It was quite nice.😋 The chicken feet is yummy. But for those who can’t eat spicy food, this might be a challenge. It’s worth a try tho. The veggie is cooked in Thai style, very nice. This Pad Thai is sweeter than those I tried in Thailand and served with sugar next to the noodles too, quite fun. But the taste is good.Overall, it’s a nice Thai restaurant. Recommended.

佐敦有超多好西食，今日就黎到吳松街既一間泰國餐廳試下。呢間餐廳有兩層，所以都算多位坐既。因為我地好肚餓，所以好快就叫左幾樣野食。酸辣鳳爪沙律：鳳爪分量算多，而且好夠味，我就好鍾意食啦，不過唔食得辣既朋友應該會覺得好辣馬拉盞炒通菜：呢個菜應該都冇得難食到去邊，但呢間餐廳真係炒得好香，而且係勁爽口，唔係炒到淋哂，大推！炒金邊粉：個金邊粉有少少濕，如果可以再炒乾身dd應該會再好味d。味道係酸酸地，仲有兩隻大蝦，幾正。但佢個碟邊除左有花生碎之外仲有糖，唔係好明。撈花生碎就幾好食，不過撈埋糖就覺得有d怪怪地

經朋友介紹又剛巧在附近出沒，決定帶埋屋企人一行四人黎試試呢間泰國餐廳。首先不得不提餐廳個招牌好型，黑色既底色再加Thai in 突出字體，好摩登尤其入黑後開燈後更型格👍🏻 好玩味既感覺。食物方面，我開心share幾個我喜歡又記得相機食先（😂太餓關係，忍唔住）既菜式啦：生蝦刺身：呢個係我喺泰餐必點既菜式，呢度會炸埋個蝦頭上碟，侍應仲好細心溫馨提示我地趁熱食，個蝦頭仲熱辣辣用黎做佐酒小食唔錯🤘🏻（個人喜好：因為對芫茜敏感，呢度位泰肥老闆非常貼心幫我所有order 備註左仲有佢地有既酸辣醬汁都冇芫茜，好好味又開胃👍🏻👍🏻）泰式燒魚：呢間既燒魚都係我覺得值得推薦，佢地燒得好好，唔會太乾身同冇燶味，仲會幾滑身帶juicy ⋯配上佢地既醬汁，成條食清光剩番條魚骨泰式燒羊架： 好juicy 又唔痴牙，size 都正常唔會好細塊（某d餐廳會一塊羊架開二計算的🤭）馬拉盞炒椰菜苗：必點之一，呢度個馬拉盞醬好香但唔算好鹹再加左香口炸蒜，份量都幾足。泰式生蠔：自己係海鮮狂熱份子，生蠔係其中一個至愛。但生蠔就食得多，好少食熟蠔⋯今次係侍應誠意介紹聲稱當晚生蠔唔錯，的確d蠔好肥美配上酸辣醬汁⋯酸酸甜甜非常開胃👍🏻

今日特別想食生蝦，所以就來咗佐敦，其實佐敦都好多泰國菜館，今次等我又來試新野，就係位於吳松街的泰贏，雖然係平日，但都坐滿客人。我今日來既目標很明確，就是要食生蝦，所以第一樣點既就係生蝦。1）泰 · 生蝦(6隻) ($98)生蝦買相相當討好，因為除生蝦外，買有炸蝦頭，蝦肉新鮮肥美, 可以配以辣椒、蒜片一齊食，也可以點附上既醬汁來吃。2）劈開椰青見海鮮（紅哩）（$128)椰青裡，放滿了海鮮，有青口、大蝦、墨魚和、帶子和魚塊，配以紅咖喱，紅咖哩汁不算太辣，還帶有一點點甜味，紅咖哩汁的份量也相當多，為了唔浪費這美味既咖喱汁，於是決定叫一個蒜蓉包，要把咖喱汁食完。另外，跟著這劈開椰青見海鮮而來的，是一杯椰青水，原來這是劈開椰青見海鮮內的椰青水，清爽又鮮甜。3）惹味蒜蓉包($38)4 大條超厚的蒜蓉包，烘到外脆內軟，本以為會有濃濃的蒜香味，但發現只有勁牛油，而没有太多蒜香，這可能有代改善。4）泰式炸蝦餅（$78）手打的泰式炸蝦餅，爽口彈牙，上菜時熱辣辣，配甜酸醬一齊食，非常好味。食泰國菜，當然要配泰國啤酒

老公生日，諗左諗右揀咗佢最鍾意食嘅泰國菜。依家餐廳仲有佢最鍾意食嘅芒果糯米飯，將糯米飯變成生日蛋糕"二合為一"，甜到入心啦💕同場仲有泰式生蝦，而且將蝦頭炸到熱辣辣又香脆，正👍各位最好訂位時預定呀！鹽焗魚既肉，好滑而且仲keep住魚味串燒不是最出色的地方，配旁邊小藤籃𥚃既糯米飯先至最特別。不過非常飽肚😅各位諗清楚個肚有幾多位先至好點😂咖哩蟹同燒牛肉就普普通通啦。另外，推介大家試下飲龍眼冰，不是太甜，爽！服務員位位都態度極佳，總算是愉快既晚餐😚

前幾日約咗朋友去佐敦食晚飯 見好耐都冇食泰國嘢 所以就決定去試吓呢間小店 平日夜晚去都會見到爆場 而且都要等位 多人黎食嘅話就最好book定枱啦🌚除咗必飲嘢冬陰公湯之外 小妹平時食泰國菜都一定會叫炸蝦餅 呢度嘅炸蝦餅係幾好食 熱辣辣之餘又唔會好似得粉頭咁 夾埋甜酸醬一齊食就真係一流😆另外亦都試咗佢哋嘅海鮮炒粉絲😆炒粉絲裏面有好多料 鍾意食辣嘅朋友仔可以問店員加啲辣椒醬 食落去層次感都會多咗🤣 另外這裏嘅蒜蓉包都唔錯 值得一試

中午時分打算外賣自取，因為時間不多所以先問了店員需要等多久。店員告知大概10至15分鐘，所以我亦沒有問題下了單，便到附近行街。正常時間回到餐廳，一直在等，外賣也沒有準備好，結果足足等了30分鐘，而我的午飯時間只剩下了15分鐘.....回去打開食物，點了濕炒雞河和肉碎煎蛋飯，濕炒雞河是淡而無味的，肉碎煎蛋就被半兜油浸住豬肉碎，非常肥膩，在剩餘極短的午飯時間要吞下油膩的肉說實在不容易。經過今次經驗，這間餐廳應該不會再去了。