泰灜

营业中

休息中

今日被召喚到去油麻地shopping，由油麻地shop 到去佐敦🤪🤪，差唔多到咗食飯時間，就去搵嘢食，很多餐廳都無位，本身揀咗一間cafe ，但係原來要book 位先至有😭，最後去咗間都好多人等位嘅泰國餐廳，見到要排隊本身都諗住走，但店員好好話有客人取消咗張枱，問我地可唔可以一個鐘頭交枱，咁我哋都快食，所以我哋決定喺度等一陣佢執好枱就比我哋入啦。不過座位就比較迫，坐得就唔係太舒適😅😅我哋叫咗個菜、咖喱軟殼蟹麵包、雞肉串燒、炒金邊粉同埋幾杯嘢飲，再加埋個芒果糯米飯，啱啱好一個鐘，小店來講都算不錯上菜很快，食飽各自回家🤣🤣🤣。

Thai-In 泰瀛 （佐敦）-想食好耐嘅泰國野！但提吓大家如果想食嘅話記得早啲book定檯！因為今次唔記得book枱，然後最後要等到夜晚9:15先有得食😶 下次要醒目啲先得！-🔍 生蝦拼盤 $98生蝦刺身再配搭個醬汁，配搭一流，食落去少少辣，好惹味，作為開胃菜一流。而且上面嘅蝦頭新鮮即炸，店員仲特別提示我哋要趁熱食添呢～-🔍 街邊燒牛肉 $88極力推介！除咗燒牛肉燒得啱啱好之外，配合嘅醬汁簡直一流😋 想話同朋友食，大家食完一啖之後，好似爭食咁一下子就清晒成碟🤣.-🔍 Thai-In 虎蝦炒金邊粉 $108兩隻新鮮即炸嘅虎蝦作為裝飾，不過個人認為金邊粉差少少味，同埋乾咗少少，不過整體來講都好食！-🔍 馬拉盞通菜 $78正常發揮的馬拉盞通菜～-🔍 泰式斑蘭葉炸雞 $68班蘭葉炸雞好吸引！食落去好juicy, 再配合個泰式酸辣醬，口感一流！-🔍 椰汁芒果糯米飯 $68芒果糯米飯對比起上面介紹嘅主食就冇咩特別了（因為其他嘢食實在太吸引了😋），芒果份量足夠，作為泰式甜品收尾呢餐就滿足了😋！-📍 泰灜 (佐敦)佐敦吳松街141號地舖

推薦椰汁芒果糯米飯💛必食！香甜的芒果配上暖笠笠的糯米飯與香濃的椰漿，再加上脆米作點綴，整道甜品十分完美。*最近與朋友們光顧了兩次，基本上只有芒果糯米飯保持水準，其他食物的質素都下降了。蒜蓉包、青咖喱軟殼蟹、炒椰菜苗、金邊粉、火焰燒雞...味道一般，只能說物非所值。飲品大部分$28/杯，味道普通，這個售價亦不能要求太多。整間店菜式不算多，選擇有限。*本人選擇光顧這間店，其中一個原因是為了支持黃色經濟圈。雖然黃到金，但整體而言有待改善。始終餐飲行業中，食物質素和味道最重要。

第一次來這間 在佐敦的泰國菜， 網上訂位 容易。 菜單方面， 也算ok， 但在同一種類下選擇不多， 例如在串燒 就只有兩款。 沒有牛串燒豬串燒的選擇。 咖哩 方面 選擇也不是很多。我們只二人，所以點的菜色不多。 點了個雞肉串燒， 覺得雞肉 質感 一般般。 但他的沙爹醬 是好味的。 最有驚喜 188蚊 的 麵包咖哩軟殼蟹！ 汁醬很濃味但配了麵包就剛剛好 ，值得推介！ 另外點了一個蟹肉炒飯。 味道也是很好。， 唯一就是 炒飯不像是剛炒完拿出來 不夠熱可能這個因為 樓面人手不足 又或炒完飯之後沒有立刻 拿出來。看到隔離枱， 有燒春雞及其他菜式。 我們人太少， 沒機會試到。下次嚟試一下。

朋友生日想食泰菜，即慶搵到呢間，好在即時打電話預約到（20：30），去到門口都已經有人龍排隊。室內燈光偏暗，氣氛都唔錯。睇左一陣餐牌，推介食品如咖喱軟殼蟹，生蝦刺身竟然都已經售完🥺🥺最後兩個人叫左3碟，蠔仔蛋味道唔錯，蠔仔份量足，亦都唔會太油膩👍；炒金邊粉賣相唔錯，可惜味道有d奇怪，又酸又甜，最後剩左大半碟😭。串燒都算唔錯，唔會太干身。無買到生日蛋糕，見外面貼左張廣告紙，可以order一個芒果糯米飯蛋糕，便試試落order,可惜要一日前預訂的，咁我就私人問侍應可以另作安排，他們叫我order一個芒果糯米飯，另可付上生日快樂裝飾及蠟燭👍👍👍朋友見到都很驚喜及開心

五一黃金週到處消費，係Openrice見到哩間食泰國菜嘅泰灜有得即日book位就決定食，點知去到即日book位係無紀錄係佢地嘅預約紙，所以都係即場紀錄再等位，大概等左半個鐘🥴出面餐牌嘅價錢係唔update，有部份食物已經加左價限聚令下2人可以坐4人枱😃龍眼冰 $28龍眼冰好清甜，有濃濃的龍眼味仲有龍眼肉食，應該真係用龍眼肉炮製而成，十分解渴😋泰式鮮蝦金柚沙律 $88哩個沙律同其他餐廳食過嘅金柚沙律唔同味，唔知係咪特別正宗，醬嘅味道幾特別，未食過唔識形容，同行朋友不太接受😶沙律有幾隻鮮蝦、好多金柚、有啲洋蔥同有啲腰果，主角金柚好甜，蝦都爽口成碟都幾豐盛，2個人食有啲太多椰汁芒果糯米飯 $68芒果唔算好甜但又唔酸，有芒果嘅香味，不錯糯米飯暖暖的，煙煙韌韌，椰汁份量適中，十分香口劈開椰青見海鮮 (紅咖哩) $128哩個名好搞笑所以就叫左佢🤣，係紅咖哩煮海鮮海鮮有蝦、青口、墨魚仔、小帶子等材料，感覺不是太新鮮，蝦唔夠爽口，不過不失剩下嘅紅咖哩係配上香脆嘅蒜蓉包食用，蒜蓉包嘅蒜蓉味十分濃郁，可惜紅咖哩味道偏淡，比蒜蓉包搶晒啲味，不過都好食嘅惹味蒜蓉包 $38符合商品說明條例，推薦👍🏻

行過見到OpenRice好多人like，又去試吓Lunch Set 好抵食，而且選擇好多，叫左豬頸肉+西生菜+冬陰功湯金邊粉($67)+青檸梳打($12)+炸春卷($22)冬陰功湯底都好味，唔算好辣，豬頸肉燒得到邊邊好脆，春卷係蔬菜餡，都好脆美中不足就係樓面人手不足，落錯單，跟住等好耐，其實都明嘅 ，之前一場咁嚴重，好多餐廳都cut咗人手，宜家疫情好轉，多咗人出嚟食飯同叫外賣，一時間人手唔夠，不過店員服務態度都好好，不停同我跟同講唔好意思，值得鼓勵一下🥰

以前喺附近做嘢都會過嚟食午餐，所以都幫襯過好幾次，食物質素唔錯，今次同同事敘舊四個人嚟食可以食多幾款野🤤Book位嗰陣已經order左招牌菜，因為店員話數量有限，所以就梗係叫定先啦。⭐️Thai-IN 火焰燒春雞$188 隻雞都幾大隻，店員上菜嘅時候先會點火，好貼心叫我哋準備拍片，雞肉好Juice，燒得好香，雞皮好薄，唔會好多脂肪。因為淋左少少酒上去用嚟點火所以會有少少酒味。真係睇得又食得👍🏻😋😋惹味青咖喱軟殼蟹$118 呢度起碼有兩隻軟殼蟹，青咖喱唔係好辣，我哋加咗一客蒜蓉包，用嚟點咖喱食，好正！佢個蒜蓉包都唔馬虎㗎，另外我哋嗌左沙嗲雞肉串燒，賣相好靚，原來都有跟幾粒蒜蓉包🤣沙嗲雞肉串燒，大大串，雞肉好滑，食落口啖啖肉，一啲都唔吝嗇！秘製沙嗲醬好鬼惹味🤤Thai-IN虎蝦炒金邊粉$108 隻蝦都好新鮮食落口好彈牙，好鍾意佢個金邊粉入面會加菜譜😋😋椰汁芒果糯米飯$68粒粒芒果好甜，一啲都唔酸，好多椰汁，糯米仲熱熱地，好食👍🏻👍🏻食咗咁多次午餐，終於喺夜晚食一次晚飯，食多咗好多小食，呢餐真係好飽好滿足！如果多人食飯真係建議過嚟佐敦食泰國嘢，咁就可以試多幾樣唔同嘅食物啦😍

五一黃金週梗係要懲罰下呢一間黃店👍🏻💛泰國餐廳入邊有好多唔同嘅泰國菜，但係因為我哋兩個人，所以淨係叫咗一個青咖喱蝦炒飯，同埋六條雞肉串燒🤤個青咖喱蝦炒飯其實幾濃味，不過如果可以有埋肉會更加好。

係佐敦行街，經過見到個餐牌ok, 就入去試下。叫咗個海南雞撈檬，等咗好耐都未有得食，因為餐廳全部人都只係處理緊一張外賣單🙄無人理過堂食既人咁，成間鋪都無人有野食。其實間舖唔大，有3個樓面，都好足夠應付啦......應付唔黎仲要係客面前發脾氣，咁樣係咩玩法。自己混亂，唔熟識枱號，係你既問題，做咩要向客人發脾氣..... 其實幾十蚊一個撈檬連飲品，個價錢係好合理既。個海南雞都幾好食，但係用泰式辣醬做撈檬個汁，有啲奇怪同真係唔夾。

本人對泰國菜係十分熱愛，可惜泰灜既泰國菜就令我略為失望。本來睇到餐廳既門面就俾佢吸引左，滿心期待的，點知幫襯完就後悔了。叫左炸蝦餅，炒牛肉河粉，蟹肉炒飯。蝦餅- 味道正常，都脆既，呢樣算係無咩問題炒牛肉河粉-味道好淡，牛肉好硬，冇味，我食左兩啖已經覺得好麻麻蟹肉炒飯-呢個係3樣入面最差，淡到係完全無味，好似完全冇落調味料咁，同埋都吾係幾覺得有蟹肉。本人都好少會食淨野食，但今次竟然有食淨，本身想大飽口腹，最後失望而回

星期五晚上和朋友小聚，來到佐敦的Thai-In食泰菜，感覺這間餐廳比其他一般泰菜餐廳新潮一點所以決定一試。首先點了一份馬拉盞通菜，泰式通菜的蒜香與馬拉盞的香味十分香濃，正常小菜一碟。之後點了沙爹雞肉串燒和炭燒豬頸肉，來泰菜餐廳必點的食物，都燒得十分香口，配上泰式醬汁吃一流。同時叫了一份其他的泰式小食Thai-In 香茅炸魚餅，造型漂亮，炸魚餅亦十分香脆，咬下去內有一些小菜粒。隨後叫了一些較飽肚的主食，包括泰式蟹肉炒飯和排檔海鮮炒粉絲，份量較大和飽肚但味道則較淡。由於同好友慶生關係，最後叫了一份前兩日已預訂了的芒果糯米飯蛋糕，造型非常漂亮，芒果數量勁多，叫了小的份量仍足夠最少三至四人吃，唯有一點不夠凍，但一定能帶給朋友驚喜。

同老婆難得二人世界，買完野老婆想食泰國菜，就搵搵下見到Thai-In，一於試試佢。睇好menu落單，店員都有親切推介菜式，最後叫左3樣野食：雞沙嗲，面包咖哩軟殼蟹同海鮮炒粉絲。雞沙嗲：咬落juicy，沙嗲汁出色，小驚喜係碟青瓜🙈面包咖喱軟殼蟹：正！重點推介！咖哩汁配埋個包真係不得了👍🏻海鮮炒粉絲：不過不失仲有兩杯飲品：青檸梳打 同 龍眼冰，由於自己平時唔太飲甜，對龍眼冰就一般般，青檸梳打就岩岩好，少少酸，好開胃結論係會返食，多d人可以試多幾款唔同添🤤🤤

推薦指數：🤩🤩🤩雖然限聚令緊都但要出街食下好野令自己開心Ｄ！蒜蓉包超多蒜，岩哂重口味的我！點解嗌蒜蓉包？咁就當然係為左之後的咖哩啦～用蒜蓉包點咖哩真係太正呢個小食拼盤(大) 份量十足! 有蝦餅、春卷、雞亦！蝦餅好好食，夠哂彈牙脆口，推介！呢個紅咖啡椰青焗海鮮，一上木台已經香噴噴～紅咖哩味道較濃較香，海鮮都有好多，有蝦、青口、墨魚、魚等等，頭先嗌的蒜蓉包點埋呢個紅咖哩超惹味香口！仲有嗌左雞肉串燒，不過呢個比較一般！雞肉烤得太乾，無哂肉汁～同埋無得雙拼／三拼串燒有Ｄ可惜～呢個青木瓜沙律超推介～份量夠大，味道調得岩岩好！辣得黎又帶酸，好泰國地道風味！

之前經過見到呢間泰菜都幾多人食，今日機會黎喇！要試一間泰國野掂唔掂不外乎試炒金邊粉、煎蛋肉碎飯個幾味，我個肚呢一日想食飯多d，所以揀左煎蛋肉碎飯！$53包杯野飲，泰國野黎講都算抵喇！碟飯黎到面前，賣相幾好！個蛋煎得幾像樣！肉碎都炒得好香，份量亦都夠！好味，成碟清晒！今日16/4帶埋朋友去食個午餐，我叫既金邊粉都好食！海南雞望落都幾OK，對食都幾有要求既朋友都食晒成碟，咁應該係幾好味😂另外一個朋友叫左豬頸肉冬蔭公湯河，賣相好靚咁，朋友話都幾正！順帶一提，呢度有得訂芒果糯米飯蛋糕！呢間野仲貼住話酒店同業有85折總結 : 平靚正, 一定會繼續支持!