泰灜

营业中

休息中

星期六，夜晚7點幾walk-in去到，等到8點幾先有位，建議大家打去訂定位先，未食之前幾期待呢間野，就點左5樣野（生蝦、豬頸肉、紅咖哩燒鴨、鹽焗魚同埋通菜）最好食係生蝦同鹽焗魚，下次去都應該會想食多次；通菜同豬頸肉都還好...不過紅咖哩燒鴨就麻麻地，咖喱太稀味道有啲淡撈飯食都麻麻地，但又未至難食，可能因為咁搞到同燒鴨好似唔係太夾，如果咖喱味重番啲應該好食啲。不過總體黎講唔差，上菜時間都唔算太耐，有機會再去食多次

今年生日同朋友試左呢間泰菜小店有良心而又高質！😍💛小食拼盤：一次過滿足晒我嘅願望！有蝦餅、班蘭雞、生菜包、春卷、雞翼。個蝦餅好脆好彈牙😍生菜包嘅肉碎辣辣地好過癮！💛沙嗲燒雞串：好juicy！💛蒜蓉包：同平時泰菜食嘅唔同，唔係脆嘅口感，但味道都好好，個人認為可以再多啲蒜（蒜蓉fans）💛青咖哩軟殼蟹：甜甜地咖殼蟹，唔好浸太耐因為會淋晒🤣叫左杯龍眼冰，甜度岩岩好！抵讚！總之好味！服務態度好！會支持同再去！

泰灜 (佐敦)-人氣黃店泰菜💛 過嚟之前建議book定枱～😉 串燒啖啖肉，唔會好似出面咁有時食串燒夾咗啲肥😌 蟹肉炒飯好入味，而且蟹肉滿滿呢😍 街邊燒牛肉覺得今次失準了🥺 不過其實都唔差嘅😌 份量亦都足夠😋 -🔍 沙嗲雞肉串燒（12串） $168🔍 街邊燒牛肉 $88🔍 蟹肉炒飯 $98🔍 芒果糯米飯 $68-📍泰灜 (佐敦)佐敦吳松街141號地舖

二人往吃午餐，13：55入座，點了兩個飯，一客春卷，其實食物是不錯的，價錢與食物相乎，而且春卷剛剛炸好，熱上，幾好吃的。因肚餓，也算吃得快，20-25分鐘食完飯，職員收拾枱面，其實一切也很合理，突然有個阿姨職員話出面多人等，問食完未，我仲有杯熱飲未飲完，直接話飲埋就走，結果阿姨話俾兩三分鐘我。其實我都唔想阻你做生意，我都知有客等緊，有必要催到這樣嗎？建議下次簡單提提客人外面多客等便可，其實大家都明。

🌟疫情嚴重，大家都外賣保障自己同他人🌟之前疫情未爆第三波時食落～係佐敦吳松街附近都好多嘢食！仲要大部分都小店～而今次泰式小店就係牛屋隔離～舖頭細細～其實都5係坐得好耐啊～所以d上菜速度都好快～我地今次去食午餐！入面已經都幾多客啦～佢午餐其實都幾多選擇！仲要價錢好抵！包埋嘢飲！🌟香菜肉碎配煎蛋飯（$56）其實lee個菜我媽都成日自己煮🤣🤣炒肉碎時落d青檸乾辣椒已經好好味！！而餐廳都做到！所以用黎撈飯一流！至於隻蛋如果可以做到流心～有埋蛋汁撈就更perfectt啦❤️🌟海南雞飯配雞湯（$60）先講份量非常足夠！雞就不過不失～都有少許雪味！但5算非常難食！值得叫！！🍬🍬🍬🍬🍬🍬🍬🍬🍬🍬🍬🍬🍬🍬🍬🍬食物質素對得住佢個價錢！！服務態度亦好好！姐姐好有禮貌！！速度又快！適合附近打工趕時間上班族～～款式多每日5同都okkk！

提起食泰國菜自然就會諗起九龍城原來係佐敦都有特色ge泰國菜佢既菜式驚喜多多又唔限時可以慢慢食同朋友傾下計想食特色野記得一定要打去訂位時訂埋必點食物~~~! 咖哩麵包軟殼蟹🦀講到麵包磚就會諗起甜品拼咖哩同炸野都真係幾好味麵包同軟殼蟹又可以點下惹味咖哩汁火焰燒春雞🐔職員上左隻雞就會加酒點火，有得睇又好味手撕雞d肉又多汁又滑 惹味蒜蓉包🍞用厚麵包制成蒜蓉包，烘到外脆內軟麵包中間有滿滿蒜蓉，就咁食又得點咖哩又得 生日蛋糕(椰汁芒果糯米飯) **需要預先訂**有分大同細size朋友生日想俾d surprise佢生日蛋糕係椰汁芒果糯米飯香濃椰汁，芒果又多又甜，暖暖糯米飯會叫芒果糯米飯就記得要留肚食又幾飽

成日都想幫襯，晚飯時間成日爆，於是搵次早啲去食個晏。蝦炒金邊粉好味，大碟！侍應一放上枱，友人話點解有砂糖嘅，個賣相好泰國風味呀！佢唔止有個樣，味道唔錯㗎。有時啲炒粉，好甜或冇乜味，呢個我撈咗少少砂糖，食落都唔會好甜。大大份，好味嘅，係抵食。凍咸檸七加錢要特飲。夠咸檸檬，夏天飲，一流。

好想好想去旅行，但疫情一直不退，只好食左當去左😭今次嘅目的地係泰國～✈️未坐低已經諗好咗要食泰式生蝦（其實係必食😂)蝦肉爽口，不過鮮味欠奉，要靠酸辣香草汁調味，醬汁唔太辣可接受，算係過咗口癮👐🏻泰式炒椰菜苗嘅”泰式”即係蒜蓉辣椒麵豉，冇馬拉盞咁重口味，依然惹味，椰菜苗偏硬但分量不錯👌🏻海鮮炒粉絲同圖片非常不符，勁失望，海鮮少而且細粒，似雜菜炒粉絲，亦唔夠香味👎🏻二人份小食拼盤有返多少少誠意，整體都炸得香脆：蝦餅口感紮實夠大舊；雞翼不過不失；春卷入面包左芋頭，口感幾特別💭回頭就不了，但食完都冇好難受的😂😂

叫左四款食物，分別係惹味蒜蓉包、thai-in木瓜沙律、街邊燒牛肉同埋青咖喱軟殼蟹。呢見餐廳既職員都好禮貌，服務態度好好。另外值得一提既就係呢間餐廳係唔限時，所以可以慢慢食。惹味蒜蓉包本身無諗住叫呢個包，不過職員見到我地叫左青咖哩就建議我地叫埋蒜蓉包配咖哩食，於是我地就抱住試下既心態叫左一份。呢款蒜蓉包係軟身個種，而唔係好似法包硬身個種。食落蒜蓉味就真係唔算好濃，麵包都唔太鬆軟。不過用黎配咖哩食真係不得了，蒜蓉既味道加上咖哩既香辣好好惹味。thai-in木瓜沙律呢個沙律就麻麻。如果係鍾意食西餐個種沙律既話，食呢款沙律就會覺得味道太濃。不過我地就覺得吾係調味既唔好食，而係沙律既草腥味。食落好大陣豆個種腥味。好唔好食就真係好見仁見智。街邊燒牛肉牛肉肉質嫩滑，不過呢種滑係有種好似有d梅咁。另外就係味道好濃，就係個種你一食就知道你翻到屋企要係飲水，飲水都解唔到渴個種。調味咁濃有機會就係牛肉本身唔係好新鮮所以就要用咁多味精去遮蓋唔新鮮既肉味。不過食落都算係有汁唔算好乾。青咖喱軟殼蟹呢個咖哩真係好好食，唔係個種咖哩調味包既味道。咖哩味偏甜，係甜辣甜辣既味道食落好開胃。咖哩入面都有好多配菜，分別有瓜

💛泰灜·呢間我地想食好耐架啦 但係次次walkin都full曬 而我地份人又太隨心 難得個日有明確目標我地終於book到檯啦😍😍😍·麵包咖哩軟殼蟹 $188我一路睇中左既咖哩軟殼蟹阿🦀佢真係超級好食 個咖哩唔算辣 帶少少甜味同埋椰奶味 我自己超中意 點麵包真係超級開心🤤D麵包粒烘到好脆 個麵包碗呢就唔知係咪因為入面裝住咖哩 所以無咁脆 係鬆軟既感覺多D 都唔錯😈😈佢個軟殼蟹超大隻 唔會得炸皮 而且唔算好油膩 如果佢個咖哩入面再多D菜就好啦 佢D洋蔥超好味😋😋·馬拉盞炒通菜 $78因為咖哩麵包太大啦 所以我地就咁嗌多左一個菜😎呢個個味都惹味既 而且熱辣辣 但係佢係炒得比較爽身少少既 而我自己中意淋身D既通菜🙊🙊·#rbyeat#rby東南亞菜#rby💛#rby佐敦·📍佐敦吳松街141號地舖

壽星女想食泰菜，一行七人去了佐敦的泰灜食慶生飯！我們點了多碟菜式，印象中有泰式生蝦、馬拉盞炒通菜、菠蘿炒飯、鐵板蠔餅、泰式鮮蝦金柚沙律、泰式生菜包等，每碟份量不算多，味道不過不失吧🤷🏻‍♀️但最有印象的是火焰燒春雞，因為當天我姍姍來遲，同事們決定等齊人才要求店員為燒雞點火，點火後大家都忙著拍照，老實說賣相是吸引的，但味道真的很普通，沒有甚麼特別🤷🏻‍♀️同事訂檯時亦同時預訂了椰汁芒果糯米飯，甜品被拼湊成生日蛋糕模樣，而且更有玫瑰花造型在蛋糕面，真的有心思，壽星女很開心😆糯米飯是溫熱，配同香甜的芒果肉及椰汁，味道真的不錯👍🏻

好耐冇食泰國嘢，就同朋友試下呢間餐廳，雖然佢好多人排隊要等好耐，但味道好好，值得等。我地2個人叫咗青咖哩雞，炸蝦餅 ，馬拉盞炒通菜 同椰汁芒果糯米飯。青咖哩雞嘅咖喱好香好濃，而且雞好滑。炸蝦餅上菜嗰陣係脆卜卜，似係啱啱炸起，不過味道方面就冇咩特別。馬拉盞炒通菜似係平時街邊食到嘅味。最鍾意就係芒果糯米飯，芒果唔酸，配上糯米同椰汁，最佳嘅飯後甜品😋如果唔想排隊等咁耐，就最好避開繁忙時間。 整體來講，表現算係幾好👍🏻👍🏻

🌸#girlsfoodies佐敦#girlsfoodies泰國菜 🌸​【黃店💛 #GF_List 】​🉑：外賣自取 ​⭐評分: 8.5/10 ​———————————————​今次呢間泰菜好有驚喜！黃得嚟又高質，一定會再encore😍​——————————————————
​▪️ 炭燒豬頸肉 ($88)| 沙嗲雞肉串燒 ($88/6)​▪️ 馬拉盞炒通菜 ($78) | 生蝦刺身($98/6)​▪️ 虎蝦炒金邊粉 ($108) |麵包咖哩軟殼蟹 ($188)​​麵包軟殼蟹，超大份勁靚，軟殼蟹好似朵花咁塞滿個包。​主角當然係出面烘至微焦，入面索滿咖哩汁嘅麵包！已經好少搵到餐廳咁有心機烘靚啲麵包，黃咖哩汁甜甜哋，濃稠程度啱啱好，無得輸！​​生蝦大大隻好新鮮，食落好爽口彈牙，醬汁酸酸甜甜、配埋粒蒜，重口味人士必叫！炒金邊粉幾有鑊氣，唔會痴埋一舊舊，虎蝦新鮮彈牙；金邊粉加入咗菜甫，仲好正宗咁提供埋砂糖同辣椒粉 🤤​​雞肉串燒肉質比較硬，蒜蓉包都腍腍地🧐；馬拉盞通菜較油膩，味道不太突出。呢兩樣可以唔叫🙈​​見到隔離枱叫嘅火焰燒泰雞同芒果糯米飯蛋糕都好吸引！老闆見我地係慶祝生日，仲送咗份小禮物俾我地。黃

特登落油麻地行街，行outlet買衫買鞋出唔到國，過下海都好😅一路行一路搵返相應經濟圈的餐廳行咗幾間都話full咗 終於行到呢到，似乎有人甩底店員打咗好多個電話終於話我哋知可以入座😪已經攰到傻咗，有得食就好了先嚟係雞串，沙嗲汁好香旁邊有麵包粒配，但係好硬🙊🙈仲有少少酸菜開下胃👍🏻軟殼蟹炸得好透，有d舖頭個蟹殼食唔到麵包外脆內軟，沾咖哩汁無得頂，個麵包俾我地食得七七八八😋😋馬拉盞炒椰菜苗，以為係細細粒、成粒魚蛋果d點知係細棵椰菜，不過都好味，馬拉盞落得好夠好欣賞芒果糯米飯，平時食果d好鹹，食完正餐食就唔太啱feel呢個鹹度適中😝😝好啱我口味

今日被召喚到去油麻地shopping，由油麻地shop 到去佐敦🤪🤪，差唔多到咗食飯時間，就去搵嘢食，很多餐廳都無位，本身揀咗一間cafe ，但係原來要book 位先至有😭，最後去咗間都好多人等位嘅泰國餐廳，見到要排隊本身都諗住走，但店員好好話有客人取消咗張枱，問我地可唔可以一個鐘頭交枱，咁我哋都快食，所以我哋決定喺度等一陣佢執好枱就比我哋入啦。不過座位就比較迫，坐得就唔係太舒適😅😅我哋叫咗個菜、咖喱軟殼蟹麵包、雞肉串燒、炒金邊粉同埋幾杯嘢飲，再加埋個芒果糯米飯，啱啱好一個鐘，小店來講都算不錯上菜很快，食飽各自回家🤣🤣🤣。